السجن 6 أشهر لجورج وسوف

[Nada1981]

الوكالة الوطنية للاعلام GMT 13:45:00 2007 الأربعاء 31 أكتوبر
بيروت: أصدر القاضي المنفرد الجزائي في بيروت هاني حلمي الحجار حكمه في ادعاء الحق العام على جورج بديع وسوف بجرم اطلاق النار من بندقية حربية في محلة عين المريسة، فقضى بإدانة وسوف وحبسه مدة ستة أشهر بعد ادغام العقوبات بحقه، والزامه بتسليم السلاح الحربي المستعمل ضمن مهلة اسبوع من تاريخ ابرام هذا الحكم، تحت طائلة اداء مبلغ مليوني ليرة لبنانية تمثل ضعفي قيمته المقدرة بمليون ليرة لبنانية وتدريكه الرسوم والنفقات. وصدر الحكم غيابيا بحق وسوف، يقبل منه الاعتراض والاستئناف.
وكان جورج وسوف وفق معلومات توافرت لمديرية قوى الامن الداخلي، واثناء مروره في 6/9/2005 مع موكبه قرب مطعم "الطازج" في محلة عين المريسة، اقدم على اطلاق نحو عشرين طلق ناري من بندقية حربية لأسباب مجهولة.

الخبر قريته هلا على الانترنت, حدا بيعرف اذا كان الخبر صح ام مجرد اشاعة؟

[danyal]

بعتقد ها الخبر مو صحيح واشاعه متل العاده
يعني من 2005 هلق تاتذكروه يعني!!
ممكن كل شي بيصير

[Desert rose]

أنا وأعوذ بالله من كلمة أنا قريت الخبر مسا مبارح على شريط تمرير واحد من التلفزيونات .
هلق الخبر صحيح أو مش صحيح
خبر بيفرّح كتير
يعني جورج كان لازم ينحبس مش من اليوم من زمان .

هنيئاً لكل عشاق جورج بإطلاق هيك حكم عليه !!!لأ ووين بـــــ لبنان
بنصحكم تصلوا للوسوف شوي..... أقلها لتعبروا عن وفائكم وإخلاصكم لفنه وأغانية !!!
.
.
مالقيت غنية تتلائم مع هالمناسبة أكتر من هالغنية هدية إلكم وللوسوف !!!


.
.

زهرة الصحراء

[danyal]

واذا كان الحكي صحيح انه بدو ينسجن فالسجن للرجال
بس يا اخت Desert rose ما قلتينا ليش لازم ينحبس من زمان
ممممممم ممكن يكون اغتال الحريري او

[Nada1981]

انه معقول سناء؟



منتدى سوري حمصي بينكتب فيه مثل ردك و عن مين عن الوسووووووووووووووووووووووووووووووووووووووف؟

سناء حتى لو مابتحبي الوسوف اكيد مابتتمني الشر لحدا و اكيد كمان مابتحبي تزعلي 99,9% من الأعضاء منك

تحياتي

ندى

[syria & joleat]

يعني ما بدي كون من الشمتانين بس الناس ازواق وانا من زمان ما بحبو لجورج من كل النواحي فنا وصوتا واخلاقا ... بس هادا مو يعني اني اتمنالو الشر اذا كان جد بيستاهل الحبس فلازم ياخود عقابو واذا ماكان بيستاهلو وظلم فالله يكون معو يطلعو منها بسرعة ....

شايفة يا ندووش تخالفنا بالراي هالمرة بس متل ما قلت هي شغلة زوووق ...

سلام للجميع _ ياسمين _

[Desert rose]

بس يا اخت Desert rose ما قلتينا ليش لازم ينحبس من زمان

خليها بالقلب تجرج ولا تطلع لبرااااا وتقضح .....(( إنشالله ماتكون زعلت danyalحلوة منك قصة الحبس للرجال ..ياسيدي الله يفرحنا فيك بشي شهر وقتها منشوف اذا الحبس للرجال او مش للرجال ))

انه معقول سناء؟

ليه مش معقول ندوش ..ولو نحنا الشعب الحمصي عنا حرية التعبير ةمن ثم مابدك أبو جريج يعترف أنو سوري حمصي

بس هادا مو يعني اني اتمنالو الشر

أعوذ بالله ماحدا بيتمنى لحدا الشر عامةً فكيف اذا كان الوسوف بحد ذاتو !!! ...هلق الحبس ياصبايا شر ..ياعمي الحبس بيربّي أكبر رجال

خلي ينحبس كم شهر حرام

كمان غنية

زهرة الصحراء

[hosam abdulaziz]

انا سمعت الخبر من يومين على العربية و حطوا اتصال عاملينوا مع جورج وسوف
اللي نفى اي دو اله باطلاق النار على احد

بل انه كان مارق بالمكان اللي صار فيه اطلاق النار و ما اله علاقة فيه

انا بسمع انه جورج وسوف خرج من مدة طويلة من لبنان و لم يعد و اقامته دائمة بسورية يعني تقريبا من وقت خروج الجيش السوري و توتر العلاقة بين البلدين

[danyal]

عجبك ندى سناء بتتمنى فوت عا الحبس مقبوله منها
يلله على قولة عادل امام هم حيروحو فين من ربنا.

[Madmax]

ثم مابدك أبو جريج يعترف أنو سوري حمصي

ولو أكيد بيعترف .....و بيعتز أنو سوري حمصي .....و كفروني كمان
أصلاً هاد يللي غايظ اللبنانيين ( أو المقيمين بلبنان )
و يللي صاروا رجال هلأ ....و صارو يعرفوا يطلعوا أحكام غيابية

[hosam danial]

أنا ربيت على صوت ابو وديع وصراحة خليهن يقولوا عني حمصي
أنا اذا بيطلع كاسيت أو سي دي لجورج وسوف( فاضي) انا بشتري
بتمنى ما حدا يحكي عليه بالعاطل لانو الو مواقف كبيرة
وبيحترم الشعب السوري كثير واخر موقف الو مع المذيعة البنانية
أكيد سمعتوا عنو ........
وبتفاجئ لهلق انو في ناس ما بتحب جورج وسوف!!
الله يكون معك يا ابو وديع
والله يسامح كل واحد بيحكي عليي بالعاطل
لانو ما بيستاهل ينحكى عليي هيك

يعني مين بتحبوا بالله هالفنانين الطراطير الي طالعين جديد.....

[Nada1981]

مرحبا جيمعا

حسام الحمدلله على السلامة اخير قدرنا نسمع صوتك من جديد, لو بنعرف هيك كنا كتبنا عن جورج وسوف من زماااااااااان.

ياسمين عزيزتي انا لمى كنت بعمرك ( من شي 10 سنة تقريبا ) ماكنت حب الوسوف ولا طيق الي بيحبوه. الفكرة هي تغيرت من سنة ال 1995 لمى حضرتله حفلة بلشام و سمعت صوته و اغانيه و من وقتها و انا بحبه وبحب كلشي بيغنيه, ومتل ماقال حسام انا كمان مستعدة اشتريله كاسيت فاضي بس المهم انه اسمه كاسيت للوسوف.
انا متأكدة انك بس تسمعيله اغانيه وتقري كلمات الاغاني الي غناهم رح تحبيه و تتذكري كلامي.

سناء عزيزتي الوسوف بكل مقابلاته بيفتخر انه سوري و حمصي ومن كفرون, و لاتنسي انه أجازات الوسوف كلها بيقضيها بضيعته. و اكتر من هيك انه صور فيديو كليب بشارع وادي السايح بلحمدية بحمص عن حياته و عن ذكرياته بلمنطقة هنيك ايام الطفولة لمى كان عايش هنيك.

هلا كل شخص عنده زوقه بلأغاني و بلمطربين ومافينها نفرض حدا على حدا بس لاننسى انه الي عم نحكي عنه هو سلطان الطرب, بحبس او مندون حبس رح يضل حبيب الجماهير رقم 1

تحياتي للجميع

ندى