الخادمات......... مشاكل مع العائلة

[الياس جرتتيان]

أحبتي أحب اليوم طرح موضوع مهم وحساس أتمنى من الجميع إدلاء دلوه فيه
الموضوع يتحدث عن الخدم ومشاكل الخدم وبالأخص الأجانب منهم ( اندونيسيا, الفلبين, سيرلنكا )
بمااني أقيم في الإمارات العربية المتحدة وفيها هذا الكم الهائل من الخدم فقد سمعت الكثير
عن مشاكل الخدم المخفية وبما إني وبالآونة الأخيرة لاحظت وجود عدد كبير من الخدم في سوريا
أحب أن القي الضوء وأتمنى أن انجح
أولاً
في بلد مثل الإمارات وفيه هذا التنوع الكبير المخيف من الجنسيات العربية والأجنبية ولعدم قدرة البعض على التنسيق بين العمل والبيت قد يضطرون للجوء الى الخادمة وهنا تكمن الخطورة وقد سمعت بعض القصص من متابعتي للجريدة اليومية وفيها أشياء مخيفة وأحب أن أوضح بعض الصور.
· خادمة انتحرت من كثر الضغوط عليها في المنزل ومن سوء معاملة سيدة المنزل.
· خادمة حاولت الانتحار لنفس الأسباب.
· خادمة حامل من زوج السيدة التي تعمل عندهم.
· خادمة تدس البول في صحون الطعام وذلك لسوء معاملة العائلة التي تعمل عندها واكتشاف هذا الموضوع بعد إصابة أفراد العائلة بتسمم.
· خادمة أفقدت عذرية ثلاث بنات صغار كانت تعمل في بيتهم وذلك لسوء المعاملة وقد صعقت أم البنات في اتصال هاتفي من الفلبين لتزف لها هذه الكارثة تشفيا بها.
وهناك العديد من هذه القصص ولن أطيل عليكم بها وقلتها بإيجاز وأتمنى من لديه شيء يغني هذا الموضوع فليتفضل مشكور لنوصل بالنهاية الى قناعة..................................
يتبع..................

[tomassen]

مرحبا
شكراً على طرح هيك موضوع مهم ، وخاصة انو هالظاهرة البغيضة عم تتزايد بسوريا عند الطبقات المخملية يلي بيفكروا انو قيمة الانسان واكابريتو بس متوقفة على حجم ثروتو يعني يلي آكلين مقلب بحالهن ، طبعاً النسوان يلي بيطالبو انو يكون عندن خادمات مقيمات هن نسوان اصلاً مو فاضيين غير لطق الحنك والظهور بين العالم على انهن هن كتير هاي ، يعني يا اخي اذا الوحدة منهن بدها تنام للساعة 2 مين بدو يحضر الاكل للولاد ومين بدو يلبسهن ليروحوا عالمدرسة ، وبعدين بعد ما تفيق بدها تحضر حالها للظهور بأفضل شكل منشان ما حدا يجيب معدلها وتتطلع مبهدلة نسبة لبقية النسوان يلي على شكلها ،
الصراحة المرأة يلي دايرة على حالها ونسيانة انو عندها واجبات لبيتها هي ما بتصلح لا لتكون زوجة ولا لتكون أم
بعدين الصراحة انا بشوف بهيك ظاهرة انها استعباد للخادمة ، يعني هالمخلوقة لولا انها معترة وفقيرة مانها مضطرة تتحمل هيك نفسيات وسخة
انا شخصياً ما بقدر اتحمل حدا غريب وكلو بكل صغيرة وكبيرة ببيتي ، ما بتخيل بيوم انو وحدة غريبة تطبخ لعيلتي أو تحمم الولاد أو حتى اني ابعتهن معها لاي مكان

[Nada1981]

مرحبا جميعا

كمان مرة شكرا الياس على الموضوع هدا و حبيت شارك برأيي.

اخت Tomassen المرة هي رح يكون رأيي غير رأي حضرتك تمام. للصدفة انه اليوم سافرة من عندي رفيقتي من سوريا كانت هون اجازة هي و اولادها ( بنت عمرها 3.5 و صبي عمره 6 سنيين ) و هي اول مرة بتقضي رفيقتي معهم 10 ايام لحالها من دون ( مربية الاطفال/خادمة او اي اسم ثاني بتحبو تسموه) لانه وين ما بتروح بتكون المربية معهم و بتشيل كتف عنها بتلبية طلبات الاولاد.

هي عندها فيليبينية بلبيت ما لانها بتنام للساعة 2 او لانها بدها تفيق تجهز حالها على اخر طرز بس لانها بتفيق الصبح قبلهم بتروح على شغلها و بترجع الساعة 4 على البيت و ولادها بيخلصو مدرسة اوقات من الساعة 2 و زوجها كل اليوم برات البيت بلشغل. لهيك كانت مضطرة انها تجيب حدا على البيت ليساعدها بشغل البيت و يدير باله على الاولاد. كمان بما انه الاولاد بمدرسة انكليزية هي فضلت انه الخدامة تكون بتعرف انكليزي لحتى تحكي معهم انكليزي و هيك بتكون ضربت 3 عصافير بحجر واحد ( اكيد كلشي بحقه )

اكيد ماكل الشغالات مثل بعض, في منهم الي قلبه لله و في منهم بينكرو و بيعضو اليد الي اتمدتلهم. الحمدلله رفيقتي كان حظها حلو بلفيليبينية الي الله بعتلها ياها من السماء. هي نفسها عندها 3 اولاد بلفيلبين لهيك بتعامل ولاد رفيقتي مثل ولادها و بتخاف عليهم مثلهم تمام. و الاولاد متعلقين فيها بشكل ما طبيعي, مابس لانه هي الي بتلبيلهم كل احتياجاتهم بس لانه كمان معاملتها الهم كتير كويسة. و لانه رفيقتي معاملتها كويسة معها عم ينعكس هلشي بشكل ايجابي على البيت و الاولاد و كلشي. هي صار يمكن اكتر من سنتين الخادمة معهم و مرتاحين معها كتير و رفيقتي عم تحاول بقدر امكانها انه تضل محافظة عليها و ماتغيرها بكل الطرق, حتى انها جابتلها شغل لقرايبينها بلفيلبين و جابتهم على سوريا لحتى يشتغلو, هيك بتحس الخدامة انها مانها لحالها و بتتسلى معهم

تصوري انه قعدت رفيقتي 10 ايام كل يوم يا هي بتتصل فيها بتتطمن عليها يا الشغالة نفسها بتتصل لحتى تتطمن عليهم. بصراحة رفيقتي كبرت بعيني و الفيليبينية كمان.

المعاملة السيئة الي عم تكون ضد الخادمات هو الي عم يخلي الخادمات هدول يعكسو المعاملة السيئة هي على الاولاد او البيت و عم تخليهم ( ياخدو بثأرهم) عن طريق الاولاد. اكيد انا ضد هلشي بس كمان في مثل بيقول مثل ما تدينو تدانون. لو الخادمة الها قلب تعمل هلشي بلأولاد الي هي ربتهم او حتى طعمتهم بأيدها بيوم من الايام وقتها مافي قول غير في الله هو الي بيحاسب الكل يوم القيامة على كلشي صار.

بلنسبة الي انا ماعندي مانع انه يكون في مساعدة بلبيت, بس الاولاد و تربيتهم و كلشي بيختص فيهم هدا لازم يكون شغل الاهل وحدهم.

بتمنى تكون وصلة فكرتي

نسيت قلكم: اذا حدا لازمه شي فيليبينية بلبيت انا مستعدة بس بتدبرولي شغل لعيلتي معي

[angel]

شكراَ أخ الياس على طرح هالموضوع اللي فعلاَ جديد سواء كفكرة أو كتطبيق ببيئتنا ( تحديداَ زيدل أو فيروزة ) .... يمكن ما عايشنا بعد مشاكل الخادمات على أرض الواقع .. بس عنا فكرة عنها أكيد إن كان من القصص المنشورة بالصحف والجرائد .. أو المشاهدة بالأفلام والمسلسلات والمستقاة من أحداث واقعية ...
أنا كمان رح خالفك بالرأي ندى وأيد رأي tomassen ... أنا ما بتخيل شخص غريب شو ما كانت صفته إنو يعيش معنا بالبيت ...أبداَ مارح حس براحة أو خصوصية .... ولو جينا نتباحث لشو بتلزم الخادمة .... ؟؟
_ للطبخ ؟؟ ... لاتصدقي ندى مدى الفرحة اللي بتحسيها وقت ابنك بيشكرك لإنو عمتيله أكلة بحبها ... أو زوجك وقت بيتباهى إنو طبخك لذيذ .. ومدى الغيرة أو الشعور بالنقص لما رح يمتدحوا طبخ الخادمة على مسامعك...
_ للمساعدة بالأطفال ؟؟ ندى كل الموظفات بسوريا وضعهن مثل وضع صديقتك ... بس كم وحدة عندها خادمة بالبيت ؟؟؟ رح تقوليلي الراحة المادية إلها دور ... خلي الناحية المادية على جنب ... في عشرات الحلول قبل الوصول للخادمة ... أنا مثلاَ كان ابني يظل عند حماتي لحتى ارجع عالبيت .. اعتبري ربع الموظفات مثلي ....بفرض التغى هالظرف .. بلاقى امرأة بعرفها ممكن يظل ابني عندها مقابل مبلغ معين .. كمان ربع الموظفات عندهن هالحل ... الربع الثالث عنده حضانة بمكان العمل ... وهي مشاكله محلولة .. الربع الرابع بلاقي حضانات خاصة وهون بكندا أغلب العاملات بتتبع هالحل ..وبالنهاية كلها أمور مرحلية بتنتهي مع بلوغ الولد عمر بأهله يعتمد على نفسه أو يظل وحده بالبيت ...
_ لأشغال المنزل ؟؟؟ وهي ما بتصور تحتاج لخادمة .. خاصة بعد كل وسائل الراحة والمساعدة اللي توفرت لجيلنا مقارنة مع جيل جداتنا اللي على دورهن ما كانت المي توصل عالبيوت ...وبفرض في وضع خاص عند ربة المنزل.. في كثير عاملات أسبوعيات أو شهريات ممكن التعاقد معهن لتنظيف البيت كل فترة معينة ...
أنا شخصياَ ضد وجود خادمة بالبيت ... اللهم وجود شخص عاجز وحيد بالبيت وبحاجة إلى إنسان يخدمه ويرعاه ...
في عائلات معينة أو طبقات معينة وجود الخادمة فيها أمر متوارث أو من تقاليد العائلة وبرجع بقول مو ببيئتنا ... بس للأسف عم تصير مثل ما اتفضلت tomassen وسيلة للتباهي أو للتقليد من مبدأ ما حدا أحسن من حدا ...
هي ثلاث اّراء أنثوية بالموضوع ... منتمنى نسمع اّراء ذكورية : هل تتقبل وجود خادمة ببيتك ومع أطفالك ؟؟؟؟

[سيلفانا خوري]

شكرا لطرحك هذا الموضوع اخ الياس
واؤيد ك الرأي tomasseانه لايجب ان يكون هناك بديل عن حنان الام ورعايتها لاطفالها ولكن في بعض الاحيان للضرورة احكام كأن تكون الام مريضة وليس لها معين اخر او ان تكون مضطرة للعمل خارج المنزل بسبب ضيق مادي يحتم هذا الامر فتأتي الخادمة لتساعد الام وليس لتحتل دور الام لانه ليس للام بديل لامن ناحية الرعاية ولامن ناحية التريبة ...
وان سمحت الظروف المادية بوجود الخادمة....
فالخادمة ليست للتباهي وليست من مقتنيات التفاخر الا عند اصحاب العقول المريضة ويجب مراعاتها كانسان وليس ككائن مفتقد للاحاسيس ولا يمكن له ان يشعر بالتعب والارهاق فتتعرض الكثيرات لسوء المعاملة والاهانات المتكررة الامر الذي يؤدي الى تلك النتائج السلبية كردود فعل لتلك المعاملة ..
كما هناك حالات تُراعى فيها الخادمة وتحاط بحسن المعاملة من قبل اصحاب المنزل ومع ذلك تصدر عنها تصرفات سيئة كان تسرق او تسيء معاملة الاولاد او غيرها من الامور الشاذة التي قد تكون نتيجة ظروف
قاسية مرت بها في حياتها اومرض نفسي عانت منه مسبقا في البيئة التي انحدرت منها؟؟
لذلك في جميع الحالات وجب اتخاذ الحذر و عدم اعطاء الثقة الكاملة لاشخاص لانعلم عن حياتهم الا القليل .

شكرا انجيل لمداخلتك وعذرا كنت قد كتبت الرد قبل ان أقرأ ماورد فيها.

[الياس جرتتيان]

تحية طيبة للجميع
بداية احب ان اشكركم على مروركم الجميل .
احب ان استكمل الموضوع واستشهد براي ندى وشهد شاهد من قومه .........
لاحظي معي خطورة هالكلمة اخت ندى ........................................

و الاولاد متعلقين فيها بشكل ما طبيعي(ندى )

للموضوع تكملة وهي تعلّق افراد العائلة بالخادمة والاكثر خطورة عند الاطفال سمعت ان بعض الاطفال اتاهم كآبة بعد سفر الخادمة وذلك لاسبابها الخاصة, مع العلم كانت الخادمة كما تكلمت عن خادمة صديقتك اكثر من رائعة .
سمعت بعض القصص عن بعض الاطفال ينادون للخادمة ماما !!!!!!!!!!!!!!!!!
والشيء الذي دهشت عندما سمعته هو ان عائلة اماراتية مسلمة كانت تحوي خادمة فلبينية مسيحية اكتشفوا بعد فترة طويلة ان الاولاد يصلون ابانا الذي في السموات والسلام عليك يا مريم ( بالانجليزي طبعا ) هذا على سبيل التربية .
تخيلي معي كم من هذه العادات سوف يتعلم الطفل البعيدة عن جو عائلته واسرته وهنا اتحدث عن خادمة مثالية ,لكنها تعمل اشياء متعلمة عليها بالفطرة نتيجة البيئة التي كانت تعيشها حتى بلغت سن السفر والعمل كخادمة .
اشكركم
لنا عودة للموضوع
لكم مني كل الحب

[merellaa]

مرحبا للوس كيفك يا زلمة وين هالغيبة هههههههههههه مع اني ما بعرفك
بصراحة رح اعطيك رايي بس بامثلة
اول مثال على بنت عمتي يخزالعين وما شالله الله يرحم ابوها لما بس خلقت حط بتمها معلقة دهب ههههههههههههه لانها بدون 3 بنات معها بالبيت سرلنكيات ما بتقدر تعيش وحدة للصغير ووحدة للولدين الباقيين ووحدة حويصة ههههههههههه
لا واللي بيلطك هو انها بتضل تعبانة ما شالله بس مو لانها موظفة لانها بتكون نايمة بتتعب من النوم
هلق لادخل بالجد فعلا في خطورة على وجود شخص غريب بالبيت وخاصة بتعلق الولاد فيها

اي الواحد اذا عايش هو ومرتو وولادو وامو بالبيت يعني ست الولاد المرى بتخاف من تدليل الست ... لانو كل انسان بيربي ولادو بطريقة الناس من الصعب تفهمها

هلق القصة التانية هي وقت اللي طلعوا الفليبينيات من لبنان ليرجعوا عبلادون كان في قسم بدير مار توما بصيدنايا وكان عنا دورة تاهيل هونيك ... الشي يلي ماا بيتصدق لما تشوف وحدة لونها لا ابيض ولا اسمر لونها ازرق مخضر وفيه احمر عنجد ما حدا رح يصدق لاني انا يلي شفت بعيني ما صدقت كلهااااااااااااااااااااااااااااااااااااااااااااااا ا بلا مبالغة كلها وهي الالوان من الجلد والضرب بالايدين والرجلين من اهل البيت الام والاب والاولاد وكلو لانها قررت ترجع مع رفقاتها على بلدها
اي شو الخادمة ما هي انسان وتعامل بطريقة الانسان ولا بيعتبروها الناس ان كانوا ذوي الدخل المتوسط او الاغنياء انها حيوان بيشتغل بخدمتون .........

انا مو مع هالشي اوك اذا المرى تعبانة متل ماميتي ما فيها شي صاغ الحمد الله بنجيب بنت مو دائمة يعني بس للمساعدة

وندوووووووووووووووووووووووش انا بدي وحدة متلك بس بشرط مو لتكون فليبينية ....لتضحكني وتضحك عيلتي وعيلة عيلتي ههههههههههههههههههههههههههههههههههههههههه
لك قبشيني يا قمر شو حبيكي
وربي يحميكون
ميمو

[الألماسي]

بدأ تواجد الخادمات والسائقين في المجتمعات العربيه من باب الضرورة الملحه بسبب إنشغال الأبوين بالعمل خارج المنزل أو لعجز أحد منهما لأي سبب عن أداء دوره ف المنزل..

وتحول الأمر شيئاً فشيئاً حتى أصبحت الخادمه والسائق من أوجه المباهاة والتفاخر والتنافس بين الأفراد حتى غدى الجميع تقريباً يستقدمون الخدم والسائقين من ذوي الإستطاعه والعاجزين عن تأمين مصاريف الإستقدام وبينهم صاحب الحاجه للخادمه والسائق وفيهم من لاحاجة له في هذا الأمر سوى أن يسمع أن لديهم خادمه وسائق..

وإمتداداً لهذا الموضوع وإنعكاساً لتفشي هذه الظاهره بدأت تتبين السلبيات والإشكالات المتأتيه من الخدم في المنزل والتي يصور بعضها سوء المعامله للخدم والنظرة الدونيه لهم ومايجر ذلك من مصائب متمثله في إنتقام الخدم من مخدوميهم بطرق عده تصل أحياناً الى القتل.

ومن أسوأ سلبيات الخدم تلك التي يظهر أثرها في سلوكيات الأطفال والتي تبين ضياع المبادئ التربويه للأبوين وتأثر الأطفال بالفكر الذي يحمله الخدم من جميع النواحي.

والمشكله منيه في الأساس على وجود شخص غريب عن العائله في المنزل بصورة إقامه شبه دائمه مما يعني الإحتكاك المباشر مع أفراد العائله جميعهم ، فالخادمه على سبيل المثال تستطيع الإنفراد برب الأسره وقد تتهيأ الظروف لنشوء علاقة بينهما تؤدي في النهايه الى هدم الأسره.

فكم من سيدة إكتشفت وجود علاقة بين زوجها والخادمه أو مع أحد أبناءها وماتلى ذلك من مصاب.

وفي المقابل هناك السائق الذي تتهيأ له الأمور بأن يكون على مقربة من الأم أو الفتيات بحكم عمله الذي يبيح له الإحتكاك المباشر بهم مما قد يؤدي الى مصائب لاتحمد عقباها.

وهذا لايعني الشموليه والعموم لكنه إشارة الى وجود مثل هذه الأشياء وحدوثها في الواقع.

وفي كثير من الأحيان تعتمد ربَّات المنازل الأسلوب القاسي والمهين للتعامل مع الخادمات مما يولد الرغبه لدى الخادمه في الإنتقام بأي من الطرق والتي قد تستهدف بها ربَّة المنزل أو الزوج أو الأطفال أو حتى بهم جميعاً وقد سمعنا من القصص الكثير المأساويه والتي راح ضحيتها أسر أو أفراد من الأسره.

أحد الخادمات إنتظرت خروج الأب في الصباح وإستغلت تأخر الأم والأطفال بالنوم وقامت بقتل الأم وثلاثاً من بناتها التي كانت أكبرهم في سن الخامسه مستخدمة الساطور ثم هربت من المنزل.

خادمه أخرى وضعت أحد المنظفات الحمضيه بدلاً من الحليب للرضيع وخادمه أخرى ألقت بطفل الثلاثة أعوام من الطابق الثاني وأخرى كانت تترك الطعام حتى يفسد ويتعفن وتأخذ منه الدود لتضعه في أذن طفلة الأربع أعوام وأخرى قامت ببتر أطراف طفله لم يتجاوز عمرها السنه.

ويلجأ بعض الخدم الى السحر في طريقة مُثلى بالنسبة لهم من الناحية الأمنيه والتي يقومون بها بعد عودتهم الى بلادهم عن طريق خصلات الشعر في أكثر الأحيان.

ومن القصص المؤكدة بالنسبة لي والتي تتعلق بإسلوب السحر أن أحد المعارف تفاجأ بزوجته بعد مايقارب الشهر من مغادرة الخادمه بأنها تقوم بالدوران حول نفسها في فترات من الليل بصورة تدعو الى التعجب مما اضطره الى البحث عن الأسباب في هذه الحاله والتي أوصلته الى السفر الى بلد خادمته ولقاءها في منزلها وعرض مبلغ من المال عليها لإنقاذ زوجته من تلك الحاله والتي إتضح له في بعد أنها قد وضعت السحر في مروحة السقف وعندما تعمل المروحه تقوم المرأه بالدوران.

كما أن إثبات شفاء العديد من الحالات النفسيه بعد تسونامي يأتي كدليل قوي على لجوء معظم الخدم لهذا الإسلوب.

كثيرة هي المصائب التي جرها إستخدام الخادمات والتي من أبسطها لجوءهن الى ضرب ومعاقبة الأطفال وإجبارهم على أعمال تصل الى حد القذارة في بعض الأحيان في ظل غياب الأم والأب عن المنزل.

ويلجأ بعض الخدم الى الهروب من معاناة قسوة المعامله الى أسلوب آخر يتخلصون فيه من ذلك العذاب دون الإساءة سوى لأنفسهم وذلك بالإنتحار.

ولقد وعى البعض الى ذلك الخطر المبني على أمر الخادمات ومايجنيه على الأسر بحكم تجارب سابقه أو معايشة تجربه لأحد الأقرباء.

و لمن يجد الضروره في وجود الخادمه في منزله لأي سبب يدفعه الى ذلك يجب عليه عدم إغفال أي أمر يتعلق بالتعامل مابين أفراد الأسره والخادمه وأن لاتتعدى حدود تواجدها ماجاءت لأجله وأن تحسن ربة المنزل معاملتها وأن لاتترك لها الفرصة الكامله في التعامل الأطفال والذي قد يلغي دور الأم في نفس الطفل.

تفاعلاً مع الموضوع ومع ماطُرح فيه من آراء أوردت هذه المشاركه التي أتمنى أن أكون قد ساهمت فيها بشئ من متعلقات الموضوع..

مع الشكر والتقدير للأخ إلياس على هذا الطرح الذي الي يستحق النقاش.

تحياتي وإحتراماتي للجميع.

[Nada1981]

مرحبا جميعا

انجيل عزيزتي انتي حظك كان حلو انه كان عندك حماتك لحتى تخلي ابنك عندها لبين ما ترجعي من الشغل, بس مثلا ( رفيقتي ) ماعندها حدا, بيت حماها ساكنين بغير مدينة و بيت اهلها بغير بلد, بقطر. و كانت تخلي الاولاد بعد الساعة 2 بلمدرسة ساعة اضافية لل 3 لانه بعد ال 3 خلص بيسكرو على الاخير. وقتها وين بدها تخلي الاولاد؟ اكيد مارح تخليهم بلشارع!!!!
بعدين يا انجيل اكيد كل الموظفات هيك بس الي الله عاطيه و معه يدفع 9000 ليرة بلشهر للخدامة بس, ليش لاء؟
لاتنسي انه بلطريقة هي الوحدة عم تشتري راحتها اولا و اخيرا. اما بلنسبة انه زوجك يحب اكلك و هلشغلات هي انا ما بتقطع بعقلي. مارح قلك ليه لانه ماهدا موضوعنا هلا
اما بلنسبة للخصوصية و انها شغلة ماحلوة يكون في حدا ثاني بلبيت هي مانها حجة يا انجيل, لانه في كتير شباب ماعندها بيت تتزوج فيه و عم تسكن مع اهلها رغم انه مثلا الكنة مابتحبهم و مجبورة تعيش معهم و بدهم وقت لحتى الطرفين يقدرو ينسجمو مع بعض, وضع الخدامة نفس الشي, بلاول رح يكون احساس بلغربة منها و احساس من اهل البيت انه في شخص غريب معهم بس لمى بياخدو على بعض و بيتعرفو على بعض اكتر بتكون الامور انحلت.

اخ الياس انا كان قصدي لمى قلت انهم متعلقين فيها كتير كنت حابة اشرحلكم اديه الخدامة هي معاملتها كويس للاطفال لحتى بيحبوها كتير. انا ضلو معي 10 ايام و تعلقو فيني كمان و ماقبلو يسافرو من دوني و بلغصب لحتى اقنعتهم اني رح روح بس ماهلا لانه عندي جامعة. لاتنسى انه الطفل الصغير بيكون برئ و ماعنده وجهين. لمى بيحب حدا بيحبه من كل قلبه و خاصة اذا شاف المعاملة الحلوة.

اكيد في قصص كتيرة عم نسمعها عن الخادمات و مشاكلهم و الشي الي عم يعملوه كطريقة للرد فيها على معاملة اهل البيت السيئة الهم, بس لاننسى انه في خدامات كتيرين بيضلو مخلصين طول العمر بس للاسف الفئة هي ماحدا بيحكي عنها.

يمكن الحل للمشاكل هي انه الخدامة تكون للمساعدة بشغل البيت بس, اما تربية الاطفال و العناية فيهم لازم تكون على الاهل.

اما بلنسبة للقصص المذكورة ف انا بحط كل الحق على ست البيت الي بتخلي بيتها يصير فيه هلشغلات هي مع الخدامة ان كان من زوجها او ابنها ... الخ

ميمو شو قصدك تحديدا بشغلة الضحك؟

[Desert rose]

الموضوع لايتحمل الكثير من الآراء .
فهو واضح من حيث الفكرة غامض كثيراً في المضمون .
كلنا يحب الراحة لو توفرت لدينا الإمكانيات التي تسمح لنا بذلك.
ولكن بشرط ألا تكون راحتنا على حساب أخلاقياتنا وبسبب أخلاقياتنا
أنا أيضاً أرفض رفض تام أن تشاركني إمرأة غريبة فيليبية أم سيرلانكية أو حتى لبنانية أو عربية مساكنتي المنزلية .لالأنني غير قادرة على التعامل معها بإنسانية .لابل لإن إنسانيتي هي التي تمنعني من إستقبالها بين أفراد عائلتي ووضعها في غرفة مستقلة كطائر حبيس لاترى من قفصها إلا جدارنه الأربعة وشاشة تلفاز تتحدث معها ..فمن لباقات الحياة الزوجية ألا يشاركك كل يوم شخص غريب كل أحاديثك العائلية ويبقى رقيب لكل حركاتك وتصرفاتك ..(( أسر حتى لربة المنزل )) .
كما قالت أنجيل تبدل حال النساء في هذا الوقت ولم تعد السيدة بحاجة إلى مساعدة دائمة في المنزل .
ولكن للأمانة مالذي يحصل :
إن أجر المساعدات الأجانب الدائمات النائمات هو أقل بكثير من أجور المساعدات من نفس البلد لذلك يلجأ الكثير من الناس لهذه الوسيلة للمساعدة ...(( عن تجربة شخصية ))

شكراً الياس

زهرة الصحراء

[angel]

ندوش أنا أعطيت احتمال ربع الموظفات يكون وضعهن مثلي وعطيت ثلاث احتمالات أخرى من خلال احتكاكي مع عدد كبير من العاملات خارج البيت ومنهن بيتأخروا أكثر من رفيقتك بس كلهن مأمنات على أطفالهن بوسيلة أو أخرى وبرجع بقلك بسوريا أماكن العمل مليانة بالنساء العاملات والموظفات بس كم وحدة فيهن عندها خادمة ... معناها في حلول كثيرة قبل الوصول للخادمة .... وبالنسبة لوجود أشخاص اّخرين بالبيت مثل ما اتفضلتي حماة أوغيرها فوقت بكون في جبر بالموضوع شي ثاني وحتى هيك وضع مابيستمر لإنه مو سليم ...ندى إنتي لسه حكمك نظري بس بكرة لما بصير عندك زوج وأطفال ( انشالله عن قريب) رح تحسي بالأشياء اللي قلتها ..حتى لو فكرتي هلأ إنها مو ذات أهمية ... مثلاَ أنا ما بتحمل شوف أطفالي متعلقين بإمرأة ثانية أكثر مني أو عم ينادولها ماما .... عندي صديقة حماتها ساكنة معها بالبيت وكانت متولية مسؤولية الطبخ كونو صديقتي موظفة ... وبيوم إجت ابنتها الصغيرة من عند رفيقتها وقالتلها :ماما ليش إنتي ما بتعرفي تعمليلي أكل مثل أم رفيقتي ما بتعملها...؟ ويومها ما قدرت صديقتي توصفلي شعورها ... يمكن هالحكي هلأ ما بيقطع بعقلك بس بعدين رح يقطع ... وسناء لإنها عم تحكي عن تجربة وافقتني الرأي ... وبرجع بقلك الشغلة مو بس بتتبع الراحة المادية ... في كثير اعتبارات غيرها ......
مع محبتي