سريان ارثوذوكس & سريان كاثوليك

[salemdani]

سريان ارثوذوكس &&&& سريان كاثوليك
في البداية مرحبا بجميع من يقرأ هذه المسائلة
نسمع كثيرا عن سريان وعن كاثوليك ولانعرف الفرق بينهما
ولماذا هذه الفرقة البعض يقول انه يعرف والبعض الاخر لايعرف
وانا من الاخر بالنسبة لي لايوجد فرق . هما ديانة واحدة توحد
الله وتؤمن بصلب المسيح وقيامته باليوم الثالث
والسؤال لماذا لا تتوحد هذه المذاهب اذا اعتبرناها مذاهب
الى متى سنبقى نعيد العيد عيدين والصلب صلبين وكل
الطقوس طقسين &&&&&& الى متى
لا اريد ان اطيل ولكن لي طلب من ادارة المنتدى
ارجوا ان تطرح استفتاء عن توحيد العيد وارجوا ان يكون
الستفتاء بالاسم و العمر و المذهب
وشكرا للجميع

[ziad sattah]

ابونا بطرس ربوز قام بالمشاركة في المنتدى الروحي في منتديات زيدل تحت عنوان سريان ارثوذوكس & سريان كاثوليك.
الأب المحترم بطرس :
كان لكم مشاركة جميلة في هذا الموضوع و لكنها فُقدت في أثناء المشكلة التي تعرّض لها المنتدى . الرجاء إعادة ردّكم الأخير و شكراً لتجاوبكم سلفاً .
- أخوكم زياد .
----------------------------------------------------------------------------------------------------------------------------------

[ابونا بطرس ربوز]

لمحة سريعة وعامة على الموضوع :
في الحقيقة لا يجوز ان نستعمل كلمة خلافات بين الكنائس لان الرب يسوع قال لنا كونوا واحد كما ان اباكم في السموات واحد <
لو قرأنا في اعمال الرسل الصحاح الاول في بداية المسيحية >حل الروح القدس شبه السنة نارية على التلاميذ وجعلهم ينطقون بجميع اللغات وكان يدعوهم الى الخدمة <اذهبوا وتلمذوا جميع الامم وعمدوهم باسم الاب والابن والروح القدس <مت 28
وانطلقوا الرسل الى العالم ليبشروا الدين المسيحي ويرسموا الكهنة والشمامسة في جميع الكنائس والمدن والقرى -----------------
ولدت الكنيسة المسيحية في القدس --فهي اذا مهد الديانة المسيحية رغم الاضطهادات --في بداية المسيحية ----------------
اما انطاكية فقد كانت عاصمة الشرق وغدت عبر التاريخ احد معاقل الحضارة الوثنية ومركزا هاما للثقافة الاغريقية وارسل اليها القديس برنابا ليبشر هناك --
وذهب اليها القديس بولس فعد اهتدائه فصاموا وصلوا ووضعوا الايدي >الرسامة<
وتاسس هناك كرسي في القدس وكرسي اخر في انطاكية واضيف الهما كرسي القسطنطينية
هذه المراكز او الكراسي الثلاث التي اسسها الرسل يجتمعون في كل سنة او عند نشوب خلاف لحل الخلافات ولوضع الدستور المسيحي القويم -- ويحرمون كل من يمس في جوهر الدين-
واضف اليهم مركز اخر هو كرسي روما --هناك بشر الرسول بولس وبطرس
هذه فكرة عامة على بداية المسيحية --
ولكن فيما بعد اصبحت خلافات بين هذه الكراسي لا في جوهر المسيح انما طقسية
واصبحت الكنيسة الشرقية والغربية
تفرع عن الكنيسة الشرقية السريان ارثوذكس والقباط والارمن
الكنيسة الغربية تضم روما والقسطنطينية
ثم اشتق>اقصد انطلق من السريان> من السريان_سريان ارثوذكس--تتبع الشرق اي انطاكية - --سريان كاثوليك --يتبع الغرب اي كرسي روما >الفاتيكان<,وظهر منهم ايضا الموارنة --
ومن الروم روم كاثوليك وروم ارثوذكس وهم ماسميوا بالخلقودنين او الملكيين
ولكن لكل منهم يتبع البلد الذي هو فيه --وخلال هذه الفترة هناك المجامع -مجمع قسطنطينية ومجمع نيقيا والمجمع الخلقيدوني لهذه الكنائس ونصوا على قانون الايمان >نؤمن باله واحد --الاب الخالق الكل وبابنه الوحيد ------
ولا يوجد خلاف في الجوهر كما ذكرت>يعني لا خلاف حول المسيح انه ابن الله وجاء لخلاص العالم اجمع <
ولكن كل هذا هو فقط للامور الادارية للكنيسة اي الكاثوليك على الحساب الغربي>الشمس<والارثوذكس الحساب الشرقي >القمر< ولكل منها يتبع لكرسي عام وهو ما يدعى راس الكنيسة-- مثلا --يراس كنيستنا اليوم هو قداسة البطريرك مار اغناطيوس زكا الاول وهو الرئيس الاعلى للكنيسة الانطاكية ---
وللاقباط البطريرك شنودا الثالث في مصر وللكنيسة الغربية اي - وللكاثوليك البابا ---وغيرهم من اباء الكنيسة الذين كل منهم يخدم الكنيسة وشعبها للادارة الكنسية والترتيب العام وعدم الفوضى بين الكنائس ليس الا-----------
ومع فائق احترامي وتقديري لصديقي الاب جورج مصيص المرشد الروحي للموقع----

[fr george massis]

أولا أبونا الغالي بطرس اشتقنا لهالطلة الحلوى ويا هلا
اسمحلي قلك يسلم هالثم ويخلينا اياك الحقيقة تعبنا من هيك مواضيع ومن اعلان الحقيقية ويلي أقرب ما تكون لحديث الست فيروز ويمكن من مسرحية ميس الريم على ما أعتقد ( إذا هني مختلفين يعني مش متفقين وإذا هني مش مختلفين يعني متفقين..............)
يعني بهالمعنى فياريت شوية وعي من شبيبتنا الحبيبة لكل هالنقط يلي هي اعتقال التاريخ وعلى أرض الواقع بلا هوية وعلى القل ببيئتنا الصددية ما مسموح بقا هيك حديث لأنو انتهينا منو من زمان
اسمحولي احكي شو صار معي السنة بفيروزة مع حضرة الأب مسعود كاهن رعية مار الياس المحترم : دعيت إلى حفلة عمادة ابن عمي (عائلتي الأكثرية سريان أورثودكس) طبعاً لبينا الدعوة وكنت بصحبة أخواتي ودخلنا متأخرين إلى الكنيسة بعد أن بدأت مراسيم العمادة والحقيقة أنا كنت لابس سيفيل مدني لأني كنت حابب شارك ابن عمي فرحتو وخصوصا بعد غياب 12 سنة في أميركا يعني كنت مجهز حالي لأسهر وأشرب وأرقص أي ليش لاء؟؟؟؟؟؟؟؟؟؟؟؟؟؟؟؟
بنفوت على الكنيسة وبنقعد بأخر صف وفجأة ما بسمع غير صوت أبونا مسعود بيصيح على الميك (الله يسامحك يا ابونا أنت مكانك على الهيكل) والحقيقة شعرت بخجل كبير وماهي المرة الأولى يلي أكرم فيها بفيروزة الحقيقة المهم صعدت على الهيكل وسلمت على الكهنة وأبى إلا أن أهز الإكليل على رأس المعاميد وأنا غير جاهز بمعنى لابس طقم ومو لباس المراسيم فدخل إلى غرفته وألبسني عباءته الخاصة وهو خوري وكم كان لهذا الأمر من أثر عميق في نفسي يواري ويوفوق كل المجامع الكنسية وبدون مبالغة
الشي يلي بدي قولوا وبعلن موافقة أبونا بطرس سلفاً: يلي بيجمع أكثر من يلي بيفرق وغبار الزمن نفظناها من زمان وعلى ما اعتقد الباقي من أجاديث هو على سبيل المزاح والنكثة لا غير
والله معك.................

[George daboul]

تحية للجميع
نادرا ماتكون مثل تلك التساؤلات موضع نقاش في مدينتنا ولكن البعض يقولون بأن السبب في ذلك هو لكون أبناء مدينتنا من طائفة واحدة الروم الأرثوزكس
بينما أعتقد أن الحقيقة غير ذلك وهذا ما تؤكده حالات الزواج من طوائف أخرى سواء كانوا ذكورا أم إناثا
وأذكر أنه في إحدى حالات الزواج وكانت زواج صديقي من فتاة من طائفة أخرى فقد شارك في مراسم الإكليل ثلاثة رجال دين من طوائف مختلفة وكان الأمر طبيعيا وعاديا بالنسبة لنا بينما سمعنا بعض التساؤلات وبعض الثناء تعبيرا عن رضا أبناء طائفة العروس
ولدى قراءة نتائج التصويت وقراءة رد أبونا جورج نجد أن لا خلاف ولا مشكلة عند العامة
لربما المشكلة تكون في عنوان مشاركتي هذه
وعذرا إن أخطأت
‏الاثنين‏، 05‏ كانون الاول‏، 2005

[ziad sattah]

يا هلا بالآباء الأجلاء :
إقتباس:
{يعني بهالمعنى فياريت شوية وعي من شبيبتنا الحبيبة لكل هالنقط يلي هي اعتقال التاريخ وعلى أرض الواقع بلا هوية وعلى القل ببيئتنا الصددية ما مسموح بقا هيك حديث لأنو انتهينا منو من زمان}

أبو نا الغالي جورج : ما هو الموضوع الذي إنتهينا منه منذ زمن ؟؟؟ و ما هي النتيجة التي توصّلنا إليها ؟؟؟ و هل حقاً لم يعد موجوداً في بيئتنا الصددية سوى طائفة واحدة موحّدة , و ليس هنالك سوى ذكرى صلب واحدة و قيامة واحدة و فصح واحد ؟؟؟ و أي اعتقال للتاريخ مادمنا لا نزال نعيش هذا التاريخ , لا بل تقوم بتوريثه لأبنائنا بقصد أو دون قصد ؟؟؟ و لتعذرني أيها العزيز فأنا من حرقة قلبي لا أستطيع أن أقول لشبيبتنا الحبيبة :\ يا ريت شوية وعي و تطنيش على وضعنا الحالي\بل أشعر أنه من صميم واجبي و واجب كل مؤمن حريص على الوحدة المنشو دة أن نقول للشبيبة المسيحية : فيقوا .. بقا .. و لتخرجوا رؤوسكم من الرمل الذي يمنعكم من رؤية نور العالم . كي تتمكنوا من سماع صوت الراعي الصالح عندما ينادي خرافه و هي تعرف صوته ..
-و تصحيحاً لمسار الموضوع أرجو العودة لبداية الصفحة في الأعلى لنرى أن صاحب التساؤل كان معه كل الحق في تساؤله , كما و أن نتائج الإستفتاء أعلاه ستكون الخطوة الأولى و لكن ما هي باقي الخطوات ؟ أو على الأقل من سيقوم بالخطوة الثانية و متى ؟؟؟
سأترك لكم الجواب شاكراً لكم رحابة صدركم .

[fr george massis]

أنا يلي بقصدو من حديثي أنو القصة من وجهة نظري انتهت لأنو لا وجود للخلاف داخل كنيستنا السريانية ليتورجياً وكنسياً حتى أنو هناك لجنة مشتركة للبحث في هذا الموضوع وهي منبثقة عن البطركين ففي ليتورجية القداس واحدة بين الكنيستين على مر العصور وحتى يومنا هذا.
أما عن الدعوة للوحدة فبرأي الخاص الشي يلي عم نسويه على مستوى مجتمعنا الصددي هو الصح والأعمق لأنو في شي بيجمع أورثودكسياً وكاتوليكياً وهو التاريخ والروابط والطقوس .............
أما فيا شباب مانو تشاؤوم ولا شي مع مين بدنا نحكي ‘لى المستوى البيزنطي مع أي بطرك بتعرفوا أنهم سبعة وما في أي صلة بينهم وولا رابط بيجمعهم على مستوى القرار عم نحكي لما حدا يوعظنا على المسيح ونبلش بالروحانيات والميتافيزيق؟؟؟؟؟؟؟؟؟؟؟؟؟
وبكل الأحوال وأنا على اطلاع بالحوار المسكوني في سوريا فالحوار مستمر ونرجو من الله البركة في خطوة عملية ولو اني لا أنسى جواب أحد رؤساء الكنائس في زيارة البابا يوحنا بولس الثاني لسوريا "تأخرت كثير" فرجعت لما قبل خلقدونيا بكثير .................
أول شي بالوحدة هو فبول الآخر بتجرد لأقدر عيش معو (مو بغرفة وحدة أو كنيسة وحدة عيش ككل المجالات الفكرية والروحية والإنسانية..............)
الموضوع كبير والنقط العالقة أكبر ولكن يلي بتمناه ومن شبيبتنا المسيحية نتخلى بقا عن عقدة أوديب يعني حل نعيش الوحدة على مستوى الصلاة والروح على القليلية وما كثير تنغص حياتنا الروحية هالعقدة وهذا التعبير الصح ما لازم نوقف بمكانا لازم نتحرك لقدام بظل الكنيسة واستلهام الروح القدس ومو بالتنظير
دورنا اليوم الوعي لحقيقة الموضوع ومو كل مادق الكوز بالجرة صلب المسيح مرتين وقام مرتين ....مثل سيرة اللي مالو سيرة والخجل أمام الأديان الأخرى شي بيوطي الراس؟؟؟؟؟؟؟
مو هيك ابداً ليش ما بنشوف بالتنوع غنى حقيقي هو يلي دفع الكنيسة عبر العصور لليوم وهو يلي خلق النظريات اللاهوتية الحديثة وعصرنة الكنيسة.
وللحديث تتمة والله معك

[hosam abdulaziz]

يعني مع احترامي للأباء الفاضل مروركم ,بس ما وضحتولنا السبب في عدم توحيد الأعياد اللي هي فعلا مهزلة و انما جاءت الردود على انه الموضع بسيط و ما بيحتاج حتى اثارته او فتح

النقاش فيه.
انا بتمنى منكم تجاوبنوني عهالنقاط:
هل المشكلة هي فقط في الشرق الأوسط في قصة الأعياد , ام يعانون فيها في اوروبة و امريكا الجنوبية ؟؟؟
هل هناك حوار على مستوى عالمي في هذه القضية ام هي حكرا على كنائس الشرق الأوسط السريانية كما ذكرتم؟؟؟

ذكر الأباء الأفاضل ان الخلاف هو اداري و ليس ديني او جوهري حول الأيمان!!!
هالكلام سليم 100% و بدون الدعوة للوعي , فالوعي الموجود بين المسيحيين في الشرق الأوسط و تحديدا سورية و لا مثيل له في كل العالم , فآخر سؤال يخطر ببال اي مسيحي هو سؤال

المسيحي الآخر ما هي طائفتك و على سبيل المثال الأخ جورج دعبول الغالي من السقيلبية , صار زايرنا اكثر من مرة و حلينا ضيوف عليه في بيته و صرله معنا 4 سنين بالمنتدى و لو ما يذكر

شو هي الطائفة في مدينته ما كنت عرفت هالشي لأنه امر لا يعنيني و لن يغير نظرتي لهذا الصديق.

طيب طالما الخلاف اداري , طيب ليه مكبرين قصة توحيد الأعياد و دمجها بيوم واحد , طالما انه كل الهدف منها هي تكريم ذكرى موت المسيح و قيامته ؟؟؟ فهل رح نكون اخطأنا بحق المسيح

فيما لو اعتمدنا يوم موحد افتراضي لهذه المناسبة ؟؟؟
ما اصلا هي حساب يوم القيامة كله افتراضي و ليس اكيد بنسبة 100% , وبما انه محل جدل و خلاف , خلص اعتمدوا تاريخ موحد كما هو حال عيد الميلاد و انتهت القصة.
اما عن طلب ابونا جورج بتناسي هذا الأمر و عدم الخجل منه ,
انا بقول بصراحة انه امر معيب و مخجل ليس امام الديانات الأخرى و انما بين بعضنا البعض في القرية.
فأنا كاثوليكي دائما بنسبة 90% يأتي عيدنا قبل الأرتوذكس , فبنعيد و بنحتفل و بننبسط و بننسى القصة كلها .
و بعد اسبوع ثنين و احيانا شهر و اذ ياتينا عيد الكبير عن جديد . و بنرد نعيد نفس المراسيم و بنروح نعايد الطرف الثاني من القرية ,
بس بجد انا اشعر كأني اقوم بواجب رسمي ليس اكثر و لا احس ان العيد يعنيني كمسيحي و السبب اني احتفلت مع اهلي و اقاربي بالعيد منذ ايام . و لا اتقبل ان اعيد الكرّة ثانية.
حتى نشعر بوجود سخرية بين الأصدقاء و استهزاء للوضع , على اليوم شعنينتنا و اليوم عازركم و بكرة خمس الغسل عندكم و بكرة مرفعنا و خلصنا صيامنا و و و و ,
لهيك الوضع براي مخزي و معيب و السبب انتم قلتوه بألسنتكم انه لا خلاف جوهرييييييييييييييي و انما اداري. و بالتالي سبب الخلاف هو كما اسلف الصديق جورج كراسي ومناصب وتكبير

روس.
بس بيجوز تعودنا نجي نحنا بالأكراه على كل الأمور و لازم قيادتنا السياسية تفرض هالشي عليننا فرض و تلزمنا بعطلة واحدة لمدة يومين في السنة , كما سمعت انه حاصل في الأردن.
حيث عطلة المسيحين في الفصح واحدة لمدة يومين.
حتى انا عندي اقتراح ما بعرف شو صلاحيات ابائنا فيه في القرية.
انه ليه مثلا ما بيقوموا هني شخصية بتوحيد الأعياد بيوم معين بغض النظر موعده حسب المراجع العليا.
بتمنى من الآباء تفهم الفكرة و اعذروني اذا خبصت شوي.

[Abe32]

اخوتي الافاضل :
الخلاف الموجود في الاعياد يعود الى خلاف في التقويم الذي تتبعه كل كنيسة فهناك التقويم الغربي (اليوناني )والتقويم الشرقي (الغريغوري)والفرق بين الاثنين 13يوم ونحن نعيد عيد الفصح بعد الفصح عند اليهود ومن هذا الفرق بين التقويمين اتى الفرق بين الاعياد وفي تاريخ الكنيسة يذكر انه في احد المجامع تم الاتفاق على توحيد الاعياد وتم بالفعل ان عيد السريان الارثوذكس عيد الميلاد مع الطوائف الغربية ولا نزال حتى اليوم نعيد ب 25/12 من كل عام في حين وحسب تقويم الكنيسة يجب ان نعيد ب 06/1 وكان ذلك الاتفاق على ان تعيد الطوائف الغربية الفصح على اساس التقويم الشرقي وعندما لم يلتزم الاقباط والارمن بالاتفاق لم تلتزم الكنيسة الغربية بان تعيد الفصح معنا فنحن(السريان الارثوذكس) نعيد الميلاد مع الطوائف الغربية ونعيد الفصح مع الطوائف الشرقية منذ ذلك المجمع على امل ان تحدد مواعيد ثابتة للاعياد لكل الطوائف.
هذا من جهة الاعياد اما عن خلافات الكنيسة فهي لا تمس جوهر الايمان او الدين وانما في التفسير لبعض ايات الكتاب المقدس واعطي مثال على ذلك المطهر بعد القيامة فهذا موجود عند الطوائف الغربية وغير موجود عند الطوائف الشرقية (المطهر هو مكان يذهب اليه المؤمن بعد الموت ليتخلص من الاخطاء البسيطة غير القاتلة ليتأهل بذلك للملكوت)
لن اتعمق اكثر بهذا الموضوع لانه ليس الا حجة للحفاض على الكراسي ؟
هذا هو واقعنا اليوم ففي التاريخ وجود الكنائس كان تبعآ للمناطق ام اليوم ففلان سرين وفلان كتلك
ان قرأت كتاب تاريخ زيدل سوف تعرف من اين اتت الكنيسة الكاثوليكية الى زيدل .
مع حبي واحترامي للجميع وهذه كلها اخطاء بشرية والمسيحية بريئة منها .
عذرآ ان اخطأت
ابراهيم الدرة

[salemdani]

ابونا بطرس المحترم تحية :
على راسي هالكراسي بس راسي صار يوجعني منهن
انا بعرف انو ما في فرقبين الكنائس الشرقية والكنائس الغربية
من حيث الجوهر الفرق من حيث المناصب
ولكن طرحي لهذا الموضوع هو من اجل توحيد العيدفقط ليفهم الكبار
ان هذا الموضوع يزعج الكثير من الشباب و القليل من الكبار (موضوع العيد عيدين) الكبار منهم رؤساء الكنائس ومنهم كبار السن من بعض العائلات الزيدلية وشكرا
الاب جورج مصيص المحترم تحية :
هالموضوع الي عمنقول عنو منحكي فيروز ( تحية لفيروز )
انما هو حقيقة واقعية على هذه الارض اما بالنسبة للوعي فانا اعتقد ان هناك امران اما وعي حقيقي او قلة اهتمام ((بالنسبة لارثوذوكس او كاثوليك ))وانا اعتقد الاخير
اللي صار معك عم بيصير مع اغلب الاباء وانا حاضر اكثر من مناسبة يكون فبها الطرفان الامر المطلوب هو &&الية لتوحيد العيد وشكرا
الاخ جورج دعبول تحية:
انا معك الكرسي ولكن قل لي كيف نقنع هذا الكرسي انه من خشب
علينا ان نعمل من وراء هذا الكرسي وشكرا الامر المطلوب هو &&الية لتوحيد العيد
الاخ الاستاذ زياد سطاح المحترم تحية :
انا مع قلبا وقالبا وانا منذ زمن بعيد افكر بهذا المشكل واسلوب مداواته
انت قلت ان الاستفتاء سيكون الخطوة الاولى وانا اقول انه انا وانت والاخر يجب ان يكون التالي ونبدا بتوحيد العيدفي قريتنا قرية زيدل
شاءوا ام ابوا ابائنا الاكارم ولما قريتنا بيصير فيها هيك اكيد راح
يتبعها الكثير فدعنا نكون اللبنة الاولى وشكرا
اخ حسام تحية :
انا معك 100% بكل الطرح نحن شعب لانمشي الا بال الخ .
اخ ابراهييييييييييييم تحية :::
اريد ان اعرف كيف عرفوا عن ( المطهر )
أي كيف عرفوا ان المؤمن يذهب اليه بعد موته ليتخلص من الاخطاء الصغيرة تنويه انا كاثوليك
انا لاابحث عن فروقات وخلافات ابحث عن طريقة لتوحيد العيد
بشتى السبل بالكراسي بدون كراسي لا اعرف كيف المهم اريد توحيد العيد وشكرا .
الى الجميع اريد ان اعرف ماهي المعادلة ماهي العملية الحسابية لمعرفة متى العيد لماذ سنة اسبوع الفرق وسنة واحد وسنة اسبوعان وسنة 35 يوم
هل هية عملية معقدة ام ماذا وشكرا للجميع

[fr george massis]

يعني يا خال نطقق جواهر وما في تخبيص أما ما فهمت فرض السلطات الزمنية عيد واحد فهذا ما حبيتوا بنوب ولا بحبوا أبداً.................
تعوا لنحكي شوي على مشاكل الوحدة في سوريا وبلا ما نعمم القصة كثير وقد سبق وشرحت مرارا عن الفروقات بالتقويم وتاريخية المشاكل..................
يا سيدي الكريم بسوريا في كنائس عديدة من سران وأرمن وروم وبروتسنات وانجيلية وكل ما يتفرع عنهم من كاثوليك وأرثودوكس في محاولات فردية للوحدة فمثلاً الروم الكاثوليك والأورثودكس قرروا مشروع وحدة على حماس الألفية الجديدة وبعد نقاش أقرب منه إلى البهذلة من الروح المسكونية والكل سمع على التلفزيون السوري ما حصل في الكنيسة المريمية فلو افترضنا الوحدة قامت وعيد الروم الكاثوليك مع الروم الأورثودكس كما فهم الموضوع تكون الكنيسة خلقت مشكلة كبيرة غير الوحدة المجزأة هو مثلا في النبك ويبرود ما في غير روم كاثوليك وسريان كاثوليك يعني قسم العيد عيدين بينما هو اصلا موحد!!!!!!!!!!!!!!!!!!!
الكنيسة الأرمنية ومن خلال قوميتها القوية والوحدة الصلبة وخصوصاً بعد المذابح سبق واتفق على العيد الموحد بالنسبة للتقويم الغربي يعني كاثوليك وأورذوكس بيعيدوا على التقويم الغربي وجوابهم واضح " لقد سبق وغيرنا في تقويمنا ولسنا على استعداد للتغير إلا في حالة الشمولية الكاملة للكنيسة ككل"............. ومعهم حق بيخرجوا من وحدة قومية دينية ثابتة لتفرقة تقويمية مجزئة................
بيبقى السريان بشقيهم الكاثوليكي والأورثوذكسي وهالموضوع قيد البحث على مستوى الأساقفة في الكنيستين مع الحفاظ على الرابطة للعائلة الأورذكسية وخصوصا مع الأقباط الأورثوذكي بمصر والبابا شنودة الثالث وهون في عدة مواضيع يجري البحث فيها للوصول لنتيجة.................
يلي بدي قولوا بتفكروا أنو العصفور عم يتقلى والصياد عم يتسلى؟؟؟؟؟؟؟؟؟؟؟؟؟؟
الكنيسة عم تعيش هم الوحدة وبتسعى لقلو من رمان كثير وحاج بقى نحكي عن كراسي بنظرة سطحية ونخبص شمال ويمين فياريت مانخل بثقتنا بكنيستنا يلي أسسها المسيح على الصخر وأبواب الجحيم لن تقوى عليها ...........
يا ريت شبابنا بيتحمسوا على حضور القداس والتثقف الديني مثل ما بيتحمسوا على نشر ملكوت الرئاسات الروحية والوحدة بدها صلاة وبدها قلوب تتضرع وتنادي مو لسان تلعلع على الفاضي
وسامحونا والله معكم..............

[hosam abdulaziz]

ولك اهلين ابونا , بس بتمنى كون استفزيتك شي شوي , بس الهيئة من ردك انك نايم بالعسل.
هلق يا جماعة المشكلة صرلها فوق 500 سنة و بعد ما انحلت ,
اي نحنا ان طول الله عمرنا بنعيش 30 -40 سنة , و بدنا نشوف هالشي عدورنا مع عدور احفاد احفاد احفاد احفادنا.
انا خلاصة حكيي , انه مناسبة القيامة غير معروفة بدقة تاريخيا , بقا لشو قلة هالعقل و تكبير الروس , عيب و الله عيب
خلص قسموا البيدر بالنص و تما حدا يتنازل للثاني من حضرات البطاركة و البابوات و عملوا العيد بنص الوقت بين كل تقويم.
و هلق اذا بدك بعملك فتوى صدقلي عليها ابونا, بجعل عيد الكبير كل سنة يأتي في ثاني احد من شهر نيسان.
شو هل رح تخرب الدنيا و نقلل من قيمة الحدث بهيك خطوة ؟؟؟؟؟

[ابونا بطرس ربوز]

"]لانسمع كثيرا عن سريان وعن كاثوليك ولانعرف الفرق بينهما
ولماذا هذه الفرقة البعض يقول انه يعرف والبعض الاخر يعرف <T

اخي الغالي سليمان مع احترامي الك انت تناقض نفسك بنفسك في بداية سؤالك قلت لا نعرف الفرق بينهما
والان تقول هذا الكلام منعرفوا انو مافي فرق وقلت على راسك الكراسي وصار يوجعك راسك من الكراسي<علما انا متاكد انو راسك كبير وتستوعب هذه الامور جيدا----------
ولكن من كلامك مع الشباب فهمت منك انك تريد ان تضع اصبعك على الجرح الغامض بين الكنائس
او لا _موضوع الكراسي او المناصب هذا هو الوضع وسيبقى هكذا ما دامت الكنيسة مؤسسة على صخرة الرب ولا تزعزعها ابواب الهاوية <
وذكرتم ايها الشباب ان الوضع مؤلم نعم مؤلم واقول لكم بصراحة كل واحد من الشعب بعيد هذا اليوم وفي اليوم الثاني يذهب الى عملوا ولكن نحن الكهنة نبكي كل يوم على هذا الوضع
اليهود صلبوا المسيح مرة ولكن نحن اتباعوا عم نصلبوا كل يوم ---يهوذا انكر المسيح مرة ولكن نحن عم نصلبو كل يوم في اعمالنا -----
الى متى هذا الوضع ؟
ذكر الاب الفاضل ان الحوار موجود ولكن ماهي النتائج ؟؟؟البعض يلوم الكهنة ورساؤها ولكن ايضا في حق على الشعب ايضا --
الحل واضم صوتي الى صوت احد الشباب الذي ذكر بان تكون هناك ثورة عارمة وحاسمة من الشعب وان تشكل لجان من العلمانيين ممثلين عن الشعب وباتفاق كامل لكي نتفق و لا لكي نختلف ومسير شعبية مشكلة من جميع الطائف كما حدث عام 1999 وحققوا النجاح الباهر في مدينة حمص وكادوا ان يتطبق ولكن الشيطان الذي يصوي كاالاسد الزائر خرب هذا الحدث --
وعندما جاء البابا الى سوريا واعلن قائلا انتم عيدوا مع الشرق وتركونا نحن الغرب
قالها من قلب ابوي مفعم بالمحبة ومن الوضع المئسوي الذ تعيشه كنيستنا
وعندما قال بطريرك زكا للروم اتفقوا انتم على يوم . ونحن سنأتي معكم ولكنهم لم يتفقوا

هذه مشكلة ليست فقط في الشرق ولكن عندنا نحن في اميركا نفس المشكلة
الغرب يعيدون واولادنا منصهرين في هذا المجتمع لانهم جزء منه ---وعندما ينتهي عيد الغربي نقول لاولادنا اليوم عيد ester القيامة فيقولون_ بهالسرعة _ ونشرح لهم المعاني لهذا الوضع ---
على كل حال اشكر الجميع وكل من احب ان يعلم عن هذا الموضوع
وان نصلي الى الرب لتنتهي هذه الاشياء على خير ونتحرر اولا من التعصب الذي هو ضد الدين وضد المسيحية ----
_________________________________
ان كان الرب معنا فمن علينا

[Abe32]

اقرأ هذا الموضوع ولو اني بأنصحك بقرأة كتاب المطهر للبابا شنودة الثالث
http://marmina.org/khdma.htm
اقرأ فقط تحت العذراء سيدة المطهر وسوف احاول الحصول على الايات بشكل اكثر وضوح عن قريب
http://www.servant13.net/cd3.htm
اسمع هذه المحاضرة للبابا شنودة


بكل الاحوال الكنيسة المسيحية اليوم تختلف كثيرآ عن السابق و الأخطاء التي وجدت في الماضي
هي اخطاء فردية لا تمس للدين بصلة والتعصب لا يفيد بشيء بل على العكس يزيد البلاء.
فلنصلي جميعآ الى الرب ليهدي رؤساء الكنائس الى حل هذه القضايا وكل عام والجميع بألف خير,

[fr george massis]

أبونا يسعدلي أوقاتك ياربحسام حلمك عليّ شوي يا زلمي طبعاً معذور لأنو مانك بجو الميلاد بنوب وما بتعرف شو التحضيرات لهيك الله يسامحك............
سلامات لداني وابراهيم الدرة ...............والجميع انشالله ما كون نسيت حدا
يا سيدي الكريم القصة مو استفزاز ولا شي بس صدقوني يا جماعة ما بحب هالحديث ولا هالسيرة من اصلو يعني لطالما تأملت بالتاريخ وشفت نص الكباية المعبى بهالموضوع وبعني الغني والطقوس يلي مهووس فيها أما كراسي وضمي ياوردة وفتحي يا وردة نسيانوا كلياً أريح ومثل ما قلتلكم الكنيسة مانها حجر حاسي بالموضوع وقيد الدرس فنرجع شوي لتعليم المسيح ونصلي الله يهدي ولهذاك الوقت خلينا نغرف من الكنوز الكنسية والطقوس والتاريخ ونشوف جمال اللي عنا ؟؟؟؟؟؟؟؟؟؟؟؟؟؟؟؟؟ ما بعرف اذا بتعرفوا شو عنا؟؟؟؟؟؟؟؟؟؟؟؟؟
وجع الأب بطرس بخصوص العيد ما بيتخبى معروف وإذا هيك بجاليتنا بأميركا بنت مبارحة فتخيل بالجيل الرابع من عرب أميركا الجنوبية!!!!!!!!!!!!
تكاد كلمة أورثودكس مطموسة المعالم وغير واردة وحتى في دور التنشئة اللاهوتية(معذرة مو تجريح اسمعوني للأخير بتمنى تفهموني وبظن أبونا واعي للحقيقة) في أكبر بلد كاثوليكي بالعالم البرازيل ويلي يزخر بطاقة إكليروس كبيرة فمثلاً مطران مدينتي بيجتمع بس بالكهنة تبع أبرشيتوا لحالهم 1850 كاهن بدون الجماعات الرهبانية والمؤسسات المكرسة ولجان العلمانية المكرسة .............الخ(جماع كهنة السريان الأورثودكس والكاثوليك بالعالم كلو ما بنوصل ل 500 مع الرهبان والراهبات......)
أبرشية بيلوروزنتي مكان اقامتي بالبرازيل بتعد لحالها بما يقارب ال5مليون مؤمن (جماع السريان بالعالم مابنوصل لل............ألف لحتى ما تنصدموا بالرقم مو هيك أبونا)
بشكر ربنا أنو في جماعات انتشرت بالعالم من كنيستنا لنعرف 0و000001 من هالمجتمع على شي من تراثنا وحضارتنا ولغتنا واللي هي محط اهتمام من قبلهم انطلاقاً من الحشرية وحب الإطلاع.................. ويا ريت ولادنا بيهمهم الموضوع ولأول مرة حابب احكي وفش خلقي شوي لأنو هلكتوني تنظير ........
بقداس البرازيليين وبكنستنا التي تتسع ل300 شخص تغص بالمؤمنين ويتجاوز العدد ال600 واقفين وبيطير عقلهم بقصص الشرق طبعا مو ألف ليلة وليلة لأنو عرفوها من زمان وترجمت إلهم يمكن قبل ما يحصلنا الشرف ونقدر نشتري الكتاب ونقراه حول الجغرافيا التاريخية مثلا قصة اهتداء بولس على طريق الشام ولك بيخوتوا وبس روح على سوريا بيطلبوا منو صللينا دخيلك بمطار دمشق............لأنو بركة نيال عيونك اللي بدها تشوف وين تعمد وين اهتدا والله الهادي وين ما كان ......يلي عم يطالبوا الكنيسة بالوحدة وسباب الثورة والنقد يشرفونا بشي زيارة على الكنيسة يوم الأحد ليصلي لوحدة الكنيسة وما نضحك على حالناشباب ما في الدومري بالكنيسة الوحدة بدها صلاة والتزام
بالرجعة على حديثنا بالقداس العربي السرياني يوم الأحد 15 عربي والبالقي 60 برازيلي بيجو ليسمعوا الكلام الجوهري بلغة المسيح وسواقة ساعات وولادنا وينهم بالملاعب والمطاعم وال...............بلا حكي!!!!!!!!!!!!!!
بنعزي نفسنا وبنقول بيصلي بالكنيسة القريبة من البيت وهاي ضريبة التوسع لعمراني وما بعرف شقد مدى مصداقية هالحكي يا أبونا ربز وبلا ما تحكي عم نشوف بالأنترنيت
ومن هون بدي وجه سؤال وخصوصا للشباب المنتشر ببلاد الله الواسعة شو مستقبل الكنائس الشرقية بالغرب والمهجر ؟؟؟؟؟ وشقد رح نضاين؟
على فكرة كان الي الشرف احتفل مبارحة برتبة الإكليل المقدس لشب أمو بنانية وعرسوا بنت درزية معمدة ومثبتة من أبويين دروز ممارسيين لدينهم ومحررين بنتهم وولادهم وكم بكى الجميع عندما قمت بهز الإكليل على رؤوس العروسين بالسرياني ......
يلي بدي قولوا ويا ريت تفهوني مليح اذا الكاثوليك والدروز والاسلام هيك مستقبل اولادهم شو مستقبل الاورثوذكسية ؟ شقد بدو يصمد أبونا بطرس وغيروا رغم تأسييس الأبرشيات العديدة ؟ وياريت بطلب من ندى من هولندا تشاركنا الحديث وتعطينا خبرتها القوية بهالموضوع وبعرف أنو رح تقراه بس بدي منها المشاركة
والله معك