موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى الترفيهي > الطبخ و الاكلات الشهية

إضافة رد
 
أدوات الموضوع تقييم الموضوع انواع عرض الموضوع
  #1  
قديم 13th November 2006, 12:03 PM
الصورة الرمزية Desert rose
Desert rose Desert rose غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,925
الجنس: انثى
Desert rose will become famous soon enough
طبخ العرق

موضوع كان بيستحق ينضاف بمنتدى الجاسوسية كون جاسوسيتي سمحتلي أعرف بأنو في عضو من الأعضاء الفاعلين كان بحفلة دبك ورقص لطبخ العرق


ولكن فضلت يكون الموضوع بمنتدى الطبخ ويكون بمثابة تمنى على أحد الأعضاء الزيادلة واللي عندهم معلومات أو خبرة منيحة يخبرنا عن تقليد وتراث طبخ العرق من عناقيد كروم زيدل الخضراء
ولو ياشباب
هيك عالفاضي زيدل بلدنا والعرق مشروبنا
يلالالالالا
ناطرين مع الإستشهاد بالصور طريقة
طبخ العرق
لازم وضروري
العالم كلوا يعرف مين زيدلنا وشو يعني عرقنا مشروبنا



ماتنسوا صورة الكركة

م: إذا خلصت ياصديقنا طبخ عرق صار فيك تضيف كم مشاركة
وبسامحك بالمشاركات إذا خصصتلي قنينة



زهرة الصحراء
__________________
كل مجدي أني حاولت....sanaa jalhoum
رد مع اقتباس

Sponsored Links
  #2  
قديم 13th November 2006, 12:20 PM
tomassen tomassen غير متواجد حالياً
عضو بارز
 
تاريخ التسجيل: Apr 2006
المشاركات: 140
الجنس: انثى
tomassen is on a distinguished road
والله طبق اليوم طيب كتير بس بدو شوية مشاوي وتبولة واذا في كبة ما بتقول شي
بعدين سناء ما جيتي تنزلي الموضوع غير قريب الغدا
على كل حال صحتين ، وتعيشوا وتطبخوا
رد مع اقتباس
  #3  
قديم 14th November 2006, 03:18 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,163
الجنس: ذكر
hosam abdulaziz is on a distinguished road
مرحبا جميعا
بغض النظر عن التجسس و اخباره انا حبيت احكيلكم شوي عن طبخ العرق عهوى معرفتي الحدودة فيها
بتبلش القصة بقطاف العنب و اللي نوعيته الها دور كبير في انتاج نوعية العرق و كميته و من افضلها (السلموني)
بنعصر هالعنب بواسطة اواني كبيرة و العصر بيتم بطريقة بدائية (بالرجلين)

بس انتهى العصر بنوضع العصير بدون ازالة اي شيء منه في براميل و بنغطيها و بنتركها عهالحالة لمدة 20 يوم و خلالها بنحرك العصير كل يومين تقريبا.

بعد 20 يوم بنجيب الكركة(اداة طبخ العرق) مثل ما مبينة بالصورة



و بنفرغ العصير المخمر بالجزء رقم 1
و بنسكر الكركة بالقسم العلوي الموصول عبر انبوب (رقم 2) الى قسم ثاني هو قسم التبريد و رقمه 3 بالصورة
هلق قسم التبريد عبارة عن برميل معبأ بالماء و بقلبه في اسطوانة موصولة بالأنبوب رقم 2 الآتي من كان العصير

هذا البرميل الصغير موضوع في اسفله حنية لجمع العرق

الطبخ بيتم عبر تشغيل النار تحت الكركة
و مع الوقت بيبلش هالعصير يغلي و يتبخر
البخار بينتقل عبر الأنبوب الى الأسطوانة المحاطة بالماء البارد
و نتيجة للبرودة بيتكاثف البخار و بيتجول لسائل هو العرق و بيسمى (سوما)
طبعا العملية لتنتهي بدها عدة ساعات
و لازم نخفف النار قدر الأمكان بس بلشت عملية استخراج العرق
المرحلة الأولى بتكون انتهت

المرحلة الثانية بنجمع السوما اللي خصلنا عليه
و بنرد نفضيه بالكركة بعد ما نكون نظفناها منيح
بنضيف اليانسون على السوما (اليانسون هو اللي بيخلي العرق ياخذ اللون الأبيض)

العملية بتكرر عبر التبخر و تقطر البخار مجددا
و السائل اللي بيخرج هالمرة هو العرق و يعرف بالعرق المثلث

طبعا جرت العادة ان يصاحب عملية الطبخ حفلة شواء اللحم و غالبا بيكون لحم الخنزير

ملاحظة الكركة الموجودة بالصورة هي نوع حديث و يختلف عن الكركة التقليدية.

ما بعرف اذا الشرح كان واضح بس المهم صار عندكم فكرة عامة عن عملية طبخ العرق.
__________________
Life Without Love is no life at all
رد مع اقتباس
  #4  
قديم 14th November 2006, 07:28 PM
issa george issa george غير متواجد حالياً
عضو بارز
 
تاريخ التسجيل: Sep 2005
المشاركات: 137
الجنس: ذكر
issa george is on a distinguished road
مرحبا ..شميت ريحة طيبة حملتني لعندكم ..

أما كركة العرق الأحدث ...فهي تصنع من مادة الكروم (الستانلس ستيل) ويتم تسخين عصير العنب بواسطة البخار للتحكم بدرجة الحرارة ..حيث يقوم جهاز آخر بهرس العنب وأستخراج عصيره ... ..ويضاف زيت اليانسون لعصير العنب ..حيث يوجد كركة خاصة لإستخلاص هذا الزيت ..وأحيانا تصمم كركة العرق مزدوجة لإستخلاص زيت اليانسون ..وللتقطير في جهاز واحد ....وتتم عملية التبريد بواسطة الماء بجهاز آخر لتقليل الهدر ..وعند الحصول على العرق يقوم جهاز آخر بالتعبئة ..

وقد بدأت بعض القرى في حمص بالتخلي عن الطريقة القديمة ..وأتباع هذه الطريقة لأسباب صحية ..ولجودة أعلى ..وتوفيراً للوقت ..

وكن تبقى لعملية هرس العنب بالقدمين ..وأشعال النار ..نكهة خاصة ..وأجواء جميلة ..لاتغيب عن مخيلتي ...

هذه فكرة سريعة لبعض الأحهزة التي تصنع في زيدل .....لتصنيع العرق ..والنبيذ ..حيث أن الأشخاص الذين يعملون بتصنيع هذه المعدات يعدون على أصابع اليد الواحدة في سورية ...


الخمر والهوى ولدا يوم مولدي.. وسيحملان معي على ألواحي ..
__________________
أحياناً في التأني...الندامة ... !!
رد مع اقتباس
  #5  
قديم 17th November 2006, 07:20 PM
الصورة الرمزية Desert rose
Desert rose Desert rose غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,925
الجنس: انثى
Desert rose will become famous soon enough
Thumbs up بالرجلين بالإيدين المهم نشرب عرق

اقتباس:
عن حسام :
بنعصر هالعنب بواسطة اواني كبيرة و العصر بيتم بطريقة بدائية (بالرجلين)
عم تمزح حسام شو بالرجليين
والشاطر بزيدل بيهديني قنينةعرق وبيلقي هيدي شغل بيت وماعم يتهدا " لا حول ولاقوة إلا بالله "



اقتباس:
ملاحظة الكركة الموجودة بالصورة هي نوع حديث و يختلف عن الكركة التقليدية.
وقت شفت الصورة ماتوقعت تكون هالكركة من النوع الحديث واللي ذكروا عيسى برر إستغرابي يعني بوجود معدن الستانلس كان ضروري يلاقوا بديل للكركات القديمة .
بكل الأحوال لازم نعترف بحقيقة ذكاء جدودنا بطبخ العرق قبل وصول التقنيات الحديثة للمعامل والبيوت .
حسام شكرا .....عالرد ومسامح بالقنينة (( كنت أسمع عن الكركة ولكن الصراحة ماشفتها ولا مرة ))
عيسى إنشالله نفرح منك قريباً ونشرب عرق بلدي زيدلي مطبوخ بأعتق كركة
tomassen قبل الغدا بعد
الغدا المهم شميتي الريحة وشهيتينا المشاوي الزيدلية والتبولة الصيفية روحي الله يسامحك

م: للأمانة دعس العرق بالرجليين برأي أنظف بكتير من المعس بالإيدين مع مراعاة النظافة طبعاً والأفضل يكونوا الماعسين من حزب الحلاوة والدلع

زهرة الصحراء
__________________
كل مجدي أني حاولت....sanaa jalhoum
رد مع اقتباس
  #6  
قديم 18th November 2006, 01:11 AM
الصورة الرمزية mariam
mariam mariam غير متواجد حالياً
 
تاريخ التسجيل: Mar 2003
الدولة: zaidal
المشاركات: 889
الجنس: انثى
mariam is on a distinguished road
معزومين عا طبخ العرق كلكن...........

الاســـم:	2.jpg
المشاهدات: 15643
الحجـــم:	90.7 كيلوبايت

الاســـم:	1.jpg
المشاهدات: 22500
الحجـــم:	104.7 كيلوبايتطبخ العرق تراث اتمنى ان لا يندثر.........
هي عملية تقطير لكبيس العنب "عنب ممعوس بالرجلين عاقولة حسام "بعد تخميره مدة اسبوع الى عشرين يوم حسب الطقس و طريقة التخمير
اما الكركة التقليدية فهي وعاء كبير له غطاءيغلقه ويوصل بوعاء فوقه بشكل محكم الوعاء السفلي يحوي الكبيس والعلوي يحوي ماء التبريد من اجل التقطير للبخار المنطلق من الوعاء السفلي عبر فوهة تصل بين الوعاءين ومنها يمد نربيج ليتجمع به قطرات السائل بعد تحوله من بخار الى سائل هو السوما..............
المرحل الثانية تقطير آخر ولكن بدل الكبيس يوضع السائل السابق مع اليانسون ويتم تبخيره ثم تقطيره مجددا لينتج عرقا صافيا لذيذ الطعم...........
تفضلوا عا طبخ العرق.......بكرة سوما ويوم الثلاثاء تسليس...........وبالمناسبة طبخ العرق يحتاج خبرة شديد وليس بوسع الجميع القيام بذلك والحصول على عرق نظيف ولذيذ وغير مغشوش......فاليانسون له انواع عديدة من المهم اختيار النوع الجيد...........
الصور المرفقة
نوع الملف: jpg 3.jpg‏ (97.0 كيلوبايت, المشاهدات 1017)
نوع الملف: jpg 4.jpg‏ (103.9 كيلوبايت, المشاهدات 743)
رد مع اقتباس
  #7  
قديم 19th November 2006, 05:54 PM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,163
الجنس: ذكر
hosam abdulaziz is on a distinguished road
مرحبا عن جديد
شكرا عيسى و الدكتورة عالمعلومات الأضافية و الصور
موضوع التعفيس او التمعيس بالرجلين هو واقع لا مفر منه بالطبخ التقليدي (بس بمعمل الميماس اكيد القصة غير شكل لهيك شربي و قوي قلبك)
بس لحطك بالجو رجعت للارشيف و لقيتيك صورة من الذكريات و ما بعرف اذا رح تقدري تعرفي الموجودين



هلق كوبا مشهورة بصنع السيكار و بيقوله انه اغلاها اللي بيصنع عصدور العذارى.
فأذا رجعنا لمقالة الأثارة في قدمي الأنثى و نظريات السيدات الخطيرة باثارة هالمنطقة من جسم الأنثى و اللي ما بتفق معهم فيها
رح يكون يا سناء العرق الممعوس باقدام العذارى هو افخم انواع العرق الممكن تصنيعها بالسوق .
__________________
Life Without Love is no life at all
رد مع اقتباس
  #8  
قديم 20th November 2006, 01:36 PM
الصورة الرمزية Desert rose
Desert rose Desert rose غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,925
الجنس: انثى
Desert rose will become famous soon enough
عرق مابشرب عرق

شكراً دكتورة للعرض الثالث عن طبخ العرق بعد حسام وعيسى كان حلوا وواضح

اقتباس:
بس لحطك بالجو رجعت للارشيف و لقيتيك صورة من الذكريات و ما بعرف اذا رح تقدري تعرفي الموجودين

وهل يخفى القمر

3 صبيان بالصورة
واحد منهم كامل والباقي الظاهر منهم نصفهم الأسفل
الصورة من الأرشيف
وأنا لازم أحزرهم
على هالحسابات أنا مابعرف حدا بزيدل عندوا 3 صبيان
عدا بيت أبو وسام
يعني صاحب بنطلون الجينز والرجلين الطوال الواقف بالجاط الأزرق أكيد وسام (( مدير موقعنا ))
والثاني اللي رجليه أقصر شوي وواقف ببرميل الغلي حضرة الصديق العزيز حسام عبد العزيز الشقيق الأوسط للريس وسام .
أما الفصعون الأخير يعني اللي مبين كلوا (( منيح الصورة مش واضحة كتير ))واللي واقف بالجاط الأحمر ليمعس العنبات والله يستر شو عامل قبل مايباشر بعملية المعس بيكون محسوبكن كنان الأخ الصغير لوسام .

أنا آخر مرة بشرب عرق بلدي من زيدل بعد ماشفت صورة كنان بالذات
واذا شي مرة عزموتنا عالتبولة والمشاوي تعملوا معروف نحنا مامنشرب غير عرق الميماس.

ويلاسوا ندق الكاس

وسوا نقول يعيش طبخ العرق بزيدل حتى لو بالرجلين بينداس ....ومن بعده يعيش أكثر أطيب كاس عرق من عرق الميماس

حزرت مش هيك
يخرب ذوقك على هالصورة


على سيرة العنب كملوا معروفكن بالموضوع وخبرونا كيف بينعمل الزبيب بزيدل (( غشيمة مش هيك!!! )) مش بس أنا كتار متلي ....صح ؟

عن جديد 1000 شكر لكل اللي كمل هالموضوع بإضافة لمسة واقعية وخفة دم سحرية

زهرة الصحراء
__________________
كل مجدي أني حاولت....sanaa jalhoum
رد مع اقتباس
  #9  
قديم 24th November 2006, 08:20 PM
الصورة الرمزية mariam
mariam mariam غير متواجد حالياً
 
تاريخ التسجيل: Mar 2003
الدولة: zaidal
المشاركات: 889
الجنس: انثى
mariam is on a distinguished road
كيفية صنع الزبيب.........

لاول وهلة بيتصور الواحد انو الشغلة بسيطة كثير بس بالحقيقة بياخذ وقت وجهد وبدو طقس مناسب مشمس منشان ينشف بسرعة ومايخريب ........
سيدتي احضري حبات العنب ويفضل تكون مستوية "ناضجة تماما" من اي نوع ويفضل العنب السلموني او القرواني بس للحقيقة زبيب الفيتاموني اكبر وشكلوا احلى واطيب.........

سخني الماء جيدا.....امزجي كمية من الزيت مع القلو "مادة قلوية اعتقد انها بيكربونات الصوديوم " واضيفيها للماء الساخن ثم ضعي حبات العنب فيه واغسليها وارفعيها ومديها على اي نسيج قماشي بساط عتيق مدات نايلون ..........وضعيها في مكان مهوى ومشمس وقلبيها بعد يومين تكون قد بدا عليها الذبول الكامل ....ثم قلبيها كل يوم بالتحريك يكفي حتى تجف تماما .........تبقى طرية ولاتقسو ابدا.......بعد ذلك اجمعيها واغسليها بالماء البارد لازالة اي اثر للمادة القلوية لان بقاءها يترك طعما مرا بعض الشيء ... ثم عرضيها للهواء والشمس لتجف وقدميها للضيوف اما مع لوز محمص او مع طحل قهوة حسب مذاق كل شخص لانها لذيذة مع اي شيء تقدم.........والف صحتين بس ديرو بالكن فيها حريرات كثير يعني ما بتناسب الريجيم ابدا..........لا ادري ان كان هناك طرق اخرى...........
لكن الزبيب الذي يصنع منه الدبس ......تغسل عناقيد العنب بالماء المضاف له القلو والزيت وبالمناسبة يوضع زيت زيتون وتوضع كما هي في كل اجزاءها الذهبان والعفن واليابس ووووووووووو ثم يوضع على شكل مشاطيح على التراب حتى يجف وهنا العنب دباسي او سلموني.........بعدها يؤخذ على المعصرة لصنع الدبس.......ولكن يمكن انتقاء الحبات الشهية ووضعها على جنب للتسلية........
رد مع اقتباس
  #10  
قديم 11th March 2007, 12:11 AM
fayz_s fayz_s غير متواجد حالياً
عضو
 
تاريخ التسجيل: Mar 2007
المشاركات: 3
الجنس: ذكر
fayz_s is on a distinguished road
مــــــــــــــــــــــــاء الخـــــــــــــــــــير
عندي سؤل ممكن استخدم زبيب العنب لصنع العرق
الزبيب +الماء+السكر=الخلاط الكهربائي
ومن ثم البرميل واضافت خميرة الخبز
هل هذي الطريقه ممكنه ام كلا ارجو الافاده وتوضحلي
وحبيت اسأل عن الماء المضاف لدبيسي هل نصف كمية الديسي او الربع ؟ كذلك لسوما.
ما الفرق بين العرق السوري والعرق التركي ؟
طبعن العرق السوري مضاف عليه اليانسون
التركي؟

آخر تعديل بواسطة fayz_s ، 11th March 2007 الساعة 12:52 AM سبب آخر: تعديل
رد مع اقتباس
  #11  
قديم 13th March 2007, 02:44 PM
fayz_s fayz_s غير متواجد حالياً
عضو
 
تاريخ التسجيل: Mar 2007
المشاركات: 3
الجنس: ذكر
fayz_s is on a distinguished road
لمـــــــــــــا الخمول ياموقعنــــــــــــــــــــا الجميل
نعتب عليكم عن عدم التجاوب معا محبينكم أزوار
رد مع اقتباس
  #12  
قديم 13th March 2007, 05:54 PM
الصورة الرمزية mariam
mariam mariam غير متواجد حالياً
 
تاريخ التسجيل: Mar 2003
الدولة: zaidal
المشاركات: 889
الجنس: انثى
mariam is on a distinguished road
اهلا سيد فيز نحن نعلم القليل عن صنع العرق ولسنا نملك الخبرة الكافية وتاكد في حين نملكها سنخبر بها بدون تردد ...لكن حسب علمي ان العرق او بالاحرى المشروبات الكحولية كلها يمكن تحضيرها من الفواكه السكرية ومشتقاتها فمثلا هناك عرق الزبيب وهناك علرق التين وووو.......لكن عذرا معلواتنا الدقيقة تحتاج بعض البحث
رد مع اقتباس
  #13  
قديم 13th March 2007, 08:54 PM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,163
الجنس: ذكر
hosam abdulaziz is on a distinguished road
مرحبا
كما قالت الدكتورة مريم نحن نعرف القليل عن طبخ العرق
لكن اللذي متأكد من ان العرق يمكن صنعه من كافة انواع الفواكه كالتين و التمر و التفاح

لكن بتصوري لا يوجد فرق في صناعة العرق بين دولة و اخرى من حيث المبدأ و قد تختلف طريقة التنفيذ فقط.

ما اسلفت و شرحت عن الزبيب و السكر و الخلاط و من ثم التخمير هو اشبه ما يكون الى صناعة النبيذ
حيث يقطف العنب و يعصر ثم يترك مدة من الزمن في خوابي مغلقة باحكام حيث يتخمر و يتحول الى النبيذ Wine
__________________
Life Without Love is no life at all
رد مع اقتباس
  #14  
قديم 24th March 2007, 03:00 AM
fayz_s fayz_s غير متواجد حالياً
عضو
 
تاريخ التسجيل: Mar 2007
المشاركات: 3
الجنس: ذكر
fayz_s is on a distinguished road
ما الفرق بين العرق اللبناني والعرق التركي ؟
طبعن العرق اللبناني مضاف عليه اليانسون
التركي؟
رد مع اقتباس
  #15  
قديم 28th April 2007, 04:49 PM
سمسم لولو
Guest
 
المشاركات: n/a
اوووووووووووو
هذا العرق يسد الشهية وووووووووووووووووووووووووووووويمنع من الطعام
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 02:57 AM.


Powered by vBulletin V3.6.2. Copyright ©2000 - 2014
تصميم الموقع وسام عبد العزيز جميع الحقوق محفوظة, Copyright ©2001 - 2014
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص