موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى التقني

 
 
أدوات الموضوع تقييم الموضوع انواع عرض الموضوع
  #1  
قديم 31st January 2006, 02:16 PM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,163
الجنس: ذكر
hosam abdulaziz is on a distinguished road
الى مدمني الياهو: كيفية تسجيل الدخول في حسابين بوقت واحد

هل انت من المدمنين على استخدام برنامج الياهو
هل انت من اصحاب اكثر من حساب على الياهو
هل ليدك حساب خاص بال VIP او الـ honey او العائلة
هل تحب ان تسجل دخول في نفس الوقت لأكثر من حساب على الياهو
الحل موجود مع حسام و برنامج Magic login
قد يكون البرنامج معروفا للكثيرين لكنني على يقين بجهل الكثيرين له
لذلك اقدمه بين يديكم و اتمنى ان ينال اعجابكم.
اولا قم بتحميل الملف المرفق و بعد فك الضغط افتح البرنامج Magic-Login-Full.exe
اذا كان برنامج الياهو مثل بقية البرامج على القرص C
لا تعدل شيئا بل اضغط crack it كما هو موضح بالصورة
بعد ذلك سيقول لك البرنامج ان العميلة تمت بنجاح .



بعد ذلك قم بتسجيل الدخول الى الياهو بالحساب الأول
بعد ذلك قم بفتح الياهو مجددا من الأيقونة الخاصة به
ستفتح شاشة اخرى للياهو ( قد تكون الشاشة الجديدة تمام فوق القديمة لذلك انتبه لهذه النقطة و لا تعتقد انك لم تنجح بفتح الشاة الجديدة) و سيقوم البرنامج بتسجيل الدخلو للحساب الذي سجلت فيه اولا
هنا سيجبر البرنامج الشاشة الأولى على الأغلاق و سيفتح البرنامج من الشاشة الثانية
هنا في الشاشة الأولى للياهو ستظهر رسالة مفادها انك قمت بالتسجيل ببرنامج الياهو من حساب آخر لذلك سيغلق هذا الحساب كما في الصورة



اضغط الآن على موافق
و بعدها من الأعلى عند خيار messenger اضغط على sign in



و هنا ستفتح صفحة التسجيل المعروفة , اكتب اسم حسابك الثاني (الغير مفتوح ) و ستلاحظ نجاحك بالتسجيل من حسابين
و للحماصنة جربوا عملوا تشات مع حالكم اذا كنتوا ضايفيين حساباتكم عبعض
بتمنى ينجح المهتمين بهالقصة و خبروني اذا مشي حالكم و اذا واجهتكم اي مشاكل.
الملفات المرفقة
نوع الملف: zip Magic-Login-Full.zip‏ (4.2 كيلوبايت, المشاهدات 2533)
__________________
Life Without Love is no life at all

Sponsored Links
  #2  
قديم 31st January 2006, 03:27 PM
الصورة الرمزية Desert rose
Desert rose Desert rose غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,912
الجنس: انثى
Desert rose will become famous soon enough
حلو كتير حلوا حسام

طبعا مش كل العالم عندها رغبة يكون عندها أكتر من حساب عالياهو .
إنما وجود أكتر من حساب لشخص والحسابين مفتوحين شغلة كتير مهمة.
فعند وجود حساب واحد بيفتح قدامك بتفضل تضيف كل أصدقائك وأقاربك علي.... ولكن عند مايكتر عدد هالأصدقاء ممكن تحصل مشكلة في حال كنت أون لاين وهوي رد التحية على أكتر من صديق بنفس الوقت وبدل ماتكتب لحسام بتكتب لعبدلله أوقات أو لسهير مثلاً .
هلق هيدا مابيعني أنو نفتح حساب لكل شخص لوحده ولكن ممكن نفتح حساب للأقارب والأخوة وبعض الأصدقاء الأنتيم لتنبيهم أننا موجودين بالبيت والحالة اللي نحنا موجودين فيها وهيك مش كل المضافين على حسابك الأساسي بيشوفو ك أون لاين على الحساب الأول ....وهالشي بيخلصك من كتير مواقف محرجة .مع ناس بتحبهم وبيحبوك من كل أطراف العالم .

حسام ألف شكر على هالبرنامج الناجح الرائع الحقيقة أبدعت بنقله وخصوصاً أنه متعلق بماسنجر الياهو .

كلمة أخيرة البرنامج حلوا كتير برجع بنصح الكل يحملوا ..وأكيد مارح حط هون حسابي التاني

شكرا حسام بتستاهل


بهدي هالبرنامج لصديق بتصور بيهموا أمره كتير

زهرة الصحراء
__________________
كل مجدي أني حاولت....sanaa jalhoum
  #3  
قديم 31st January 2006, 05:05 PM
الصورة الرمزية Nada1981
Nada1981 Nada1981 غير متواجد حالياً
مشرفة المنتدى الترفيهي
 
تاريخ التسجيل: Mar 2005
الدولة: The Netherlands
المشاركات: 1,286
الجنس: انثى
Nada1981 is on a distinguished road
الياهو المزعج

مرحبا جميعا

انا بلنسبة الي مابحب الياهو ابدا و ماحبيت التعامل معه, بفضل المسنجر ( MSN ) عليه. خاصة صوته ( العصفور ) الي بينقز الواحد كلشوي اذا حدا بعتله كلام, كتير بنزعج انا من الصوت هدا.

الياهو كان عندي ( نزلته منشان سهير عنجد ) بس شلته من شي اسبوع, شفت انه ماله لزوم عندي و حاطته على الفاضي, لانه الي عاملتهم ادد عندي عليه مابشوفهم اونلاين ابدا ( 4 اسماء بس ههههههه ), دائما حاطين نفسهم اوفلاين و فاتحينه. ليش مابعرف و حتى لمى بيحكو معي بيكونو invisible يعني هي الشغلة كتير بتزعجني. و بعدين ليه لحتى الواحد يخبي حاله من عالم؟ اذا مابدكم العالم هي على الليست عملولهم ريموف و خلص.

انا بقول احسن شي الواحد يعمل اسمين, واحد للعائلة و واحد للاصدقاء حتى ماحدا يزعل من حدا

شكرا حسام على الموضوع, بس ياريت تبقى تشفلنا شغلات للمسنجر كمان لانه في كتير عالم ماعندها الياهو مثلي

تحياتي

ندى
__________________
๑۩۞۩๑ Dream as if you'll live forever, live as if you'll die today๑۩۞۩๑
  #4  
قديم 31st January 2006, 05:42 PM
الصورة الرمزية Desert rose
Desert rose Desert rose غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,912
الجنس: انثى
Desert rose will become famous soon enough
الدنية أذواق

أما أنا ياندى فماقدرت حب الـــ م س ن ...مع أنو الأتنين بيودوا على نفس الطاحون ....بدليل أنو أول حساب دخلت فيه واللي كل أصدقائي بيعرفوا لغتوا الشركة وأنا ما أتأثرت كتير .
والسبب هي الميزات اللي تفوق فيها ماسنجرالياهو من بداية إطلاقه على ماسنجر الــ م س ن ومافينا ننكرها وآخرها الميساج الصوتي .
طبعاً كل شيء جديد للشخص ...اللي بيتعامل مع هالشيء بيكون حلو وغريب ومفيد .
وهالميزة اللي نقلها اليوم حسام يمكن صارت قديمة بالنسبة للـــ م س ن ....ولكن وين ممكن ترتاح بيكون هوي المكان الأفضل .

رح إرجع ضيف حسنة تانية عالبرنامج وهي :

للناس اللي بالبيت عندهم كومبيوتر واحد وفي أكتر من شخص حابين يفتحوا ماسنجر الياهو بنفس الوقت .
ولكن من سلبيات هالحسنة أنو ممكن الولاد أو الكبار يقتتتتلووووا بعض ولكن بالإتفاق كل شي بيصير يعني .....ساعة ألك ساعة لأبنك .

حسام بطمنك بأنو كتير أصدقاء ظبط معهم التحميل بدليل أني لاحظت أنو كانو على أكتر من حساب وبنفس الوقت ورح أشكرك عن صديقي اللي هديتوا البرنامج ...دوخني اليوم بعد الظهر



زهرة الصحراء
__________________
كل مجدي أني حاولت....sanaa jalhoum
  #5  
قديم 1st February 2006, 06:09 AM
sosy3005 sosy3005 غير متواجد حالياً
عضو
 
تاريخ التسجيل: Dec 2005
المشاركات: 5
الجنس: ذكر
sosy3005 is on a distinguished road
احلى ندى

[شو هالشطارة يا ندى ................. كل البشر صاروا عدى
بياهو ومية محادثة ................... و أم أس أن ومنتدى
بيبقو البشر هني البشر ................. ما غير رحلة بلا مدى
من غير شمعة بالعتم...................... يمشو طريق بلا هدى
هيدي الحقيقة يا ندى .................... لا تندهي ما في حدا
  #6  
قديم 1st February 2006, 12:50 PM
الصورة الرمزية Nada1981
Nada1981 Nada1981 غير متواجد حالياً
مشرفة المنتدى الترفيهي
 
تاريخ التسجيل: Mar 2005
الدولة: The Netherlands
المشاركات: 1,286
الجنس: انثى
Nada1981 is on a distinguished road
وينك عم سليمان تقرا القصيدة


تحفة يا سوزي عنجد ضحكتيني من الصبح

شكرا على القصيدة الحلوة, تسلمي كلك زوق

ابقي خلينا نشوف مشاركات اكتر منك

تحياتي

ندى
__________________
๑۩۞۩๑ Dream as if you'll live forever, live as if you'll die today๑۩۞۩๑
  #7  
قديم 10th March 2006, 06:31 PM
صفاء سامح
Guest
 
المشاركات: n/a
برنامج مدمنى الياهو بجد رائع بس عايزه اسأل اذا نزلت النسخه الجديدة من الياهو هل البرنامج حيشتغل برضه و لا لاء بيشتغل مع النسخة ديه بس
  #8  
قديم 12th March 2006, 02:47 PM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,163
الجنس: ذكر
hosam abdulaziz is on a distinguished road
النسخة التي استعملها الآن هي 7.0 و لم يطلب مني البرنامج اي تحديث بعد ؟؟؟

الياهو طرح نسخة جديدة للتجريب Yahoo! Messenger 7.5 Beta و لم استعملها بعد لذلك حقيقة لا اعرف مدى فعالية هذا البرنامج معها
و تبقى التجربة خير برهان
__________________
Life Without Love is no life at all
 

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 09:21 PM.


Powered by vBulletin V3.6.2. Copyright ©2000 - 2014
تصميم الموقع وسام عبد العزيز جميع الحقوق محفوظة, Copyright ©2001 - 2014
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص