موقع زيدل الصفحة الرئيسية  

العودة   منتديات زيدل > المنتدى الزيدلي > منتدى موقع زيدل > الأعضاء الجدد و التعارف

إضافة رد
 
أدوات الموضوع تقييم الموضوع انواع عرض الموضوع
  #16  
قديم 17th November 2005, 08:05 PM
الصورة الرمزية victorwardeh
victorwardeh victorwardeh غير متواجد حالياً
عضو مؤسس
 
تاريخ التسجيل: May 2003
الدولة: syria.homs.zaidal
المشاركات: 764
victorwardeh can only hope to improve
اقتباس:
انا ما بنكر انه انا و انت كنا نلتقي بكثير اشيا بافكارنا بالمنتدى
هالشي اللي حكيتو يا حسام بيوضح كتير أمور ويمكن بعيدها لنصابها الصح بالإضافة للشي اللي ذكرو وسام بعيد الموقع الرابع واللي بقول فيه بشكل واضح إنو المنتدى هوي الركن الأهم بموقع زيدل وهاذا بالنسبة إلي كافي وطبعا ً هالشي ما صار بيوم وليله ولا بجهود فرد بل فريق عمل اشتغل لحتى وصلنا لهون مع انو ما ضل منهن حدا ؟
* من فترة سألني صديقي ليش ما بترك المنتدى على الآخر بعد الشي اللي صار مؤخرا ً فكان جوابي بسيط وقلتلو : أنا وضعي بيختلف يمكن شوي عنك . يعني إذا الولد كبر وصار شب وطلع من بيت أهله أو تزوج وخرج عن سيطرتهن مو معناتو الأهل ما عاد يكترثوا لأمرو ويهتمو فيه و أكيد إذا عمل شي غلط رح ينبهوه ويوصلولو رأيهن بأكتر من طريقة وبعمرهن ما رح يضمرولو شر أو أذى بيضل ابنهم وحامل اسم العيلة .

* على كل بتصور النقد مطلوب والمعارضة فيه فائدة وصلاح ولازم الواحد يحس حالو دوم مراقب وفي حدا ممكن ينتقدو على عملوا لحتى يكون شغلو صح وبأقل خطأ ممكن و إذا نحنا عم نطلب هالشي لبلدنا فالأولى نبلش بحالنا و أنت بتعرف يا حسام إنو بكل مراسلاتي معك سابقا ً كنت قلك قول اللي بدك ياه ما بزعل بس دوم مع الإحتفاظ بحق الرد .

* على كل ما رح طول كالعادة وفوت بتوضيحك وحلل واستدل واستنتج رح اكتفي بهالقدر حتى ما يوجعك راسك زيادة و إذا عبدالله بيحب يقول شي ما في مانع بس بتصور ما رح يدخل بهيك متاهات لا هوي ولا غيرو .
_______________________________
د. فكتور -17-11-2205م
__________________
ماذا يهمني إذا ربحت العالم وخسرت نفسي؟
______________________________
رد مع اقتباس

Sponsored Links
  #17  
قديم 17th November 2005, 10:33 PM
a_aroush a_aroush غير متواجد حالياً
مشرف سابق  
تاريخ التسجيل: Aug 2003
الدولة: united states of America
المشاركات: 886
الجنس: ذكر
a_aroush is on a distinguished road
مرحبا من جديد و بدي أشكر الشباب الطيبين المديرين عالمنتدى لرحابة صدرهن , و خصوصاً لما واحد مثلي بيجي و بيدج كلامو دج .... بس مو بكل مناسبة , ممكن يكون كلامكن صحيح ببعض الحالات ... و لولا انتقاداتكن هي حقيقة اللي استفدت منها و خصوصاً بالليونة بالردود بدل الانفعال و أنا باعترف بهالشيء .

و العزيز فيكتور خصوصاً علمني كثير شغلات و ما بزعل من انتقاداتو أبداً , و باحترم مواقفو لما حدا بينتقدو كمان , و أنا متأكد أنه بيحب هالموقع مثله مثل أي واحد منا إذا مو أكثر .

شرحت لحسام سبب استيائي من الموضوع و ممكن كان لازم استشيرو بالرد قبل ما نزلو , و لكن في سبب ثاني دفعني لاتجاوز حدودي و حدود النقاش و المرونة اللي بيتمتع فيها المنتدى و أعضاؤه .

السبب هو من خلال معرفتي لكثير من الأصدقاء هنا في الولايات المتحدة و في اكثر من موقع بدون تسمية , علمت بقصص كثيرة و منها ما كانت نتائجها سيّئة جداً , تسببت فيها صبيّة من اسرائيل كانت تدّعي أنها عربيّة دكتورة تدرس الطب البشري في أستراليا , و شاعرة أيضاً !!!!؟؟؟؟ .

كانت تستدرج الشباب و تتلعّب عليهم و تقع في حبّهم بين يوم و ليلة , و أخطر قصّة كانت أنها اتفقت مع أحد الشباب على الزواج و كان قد هيّأ كل الأمور لهذه المناسبة , و كان على موعد مجيئها إليه لعقد الزواج و لكنها لم تظهر .
قصص كثيرة أخرى سمعتها من أصدقاء آخرين كيف كانت أيضاً تتلعّب عليهم و كانوا يتسلّون معها حتى عرفوا أنها تنتحل شخصيّة أحد آخر و ليست ما هي تتدعي عليه , حتى قال لي بعضهم أنها لم تكن أنثى أصلاً و لا أعرف مدى صحة ذلك و لا أعرف كيف هو استنتج ذلك .

تشابه ما تدّعي به الآنسة ديما هنا , و انتحالها لشخصيّة أو هوية مشابهة لفت انتباهي إلى تقاربها من تلك الشخصيّة التي تكلّمت عنها , و هذا ما دفعني لأن أنبّه الجميع قبل وقوعهم في شراكها و مشاكلها .

إذا كنت مخطىء بحقّ الآنسة ديما فأرجو أن تتفهّم الأمر , ربما تكون اسرائيليّة و لا تريد كشف هويّتها خوفاً من اتخاذ موقف تجاهها و تكون بريئة من اتهاماتي هذه , و إذا كان ذلك فأنا أعتذر سلفاً أيضاً .

ليس عندي مانع إطلاقاً بأن يكون بيننا شخص اسرائيليّ و يتحاور معنا , لأنها الوسيلة الوحيدة للتقارب بين الشعبين و تفهم أحدهم الآخر , و نحن لا نتخذ مواقف حكومة هنا و نتخذ مواقفنا الشخصية تجاه الأفراد بمعزل عما تتصرفه حكومتهم و لا يهم إن كانت صديقة أم معادية لبلدنا , و قد تعرّفت على أشخاص اسرائليين و كانوا جيدين جداً , و البعض الآخر كان ينظر لنا باحتقار و لا يهم , و لا يعني ذلك أن أتخذ موقف تجاه الجميع بسبب تصرفات بعضهم الآخر , فحتى الآن ما زلت أتعامل مع أشخاص يهود في العمل و هم جيدين جداً , و حتى المحامي الشخصي لي هو أيضاً يهوديّ , فأن يقول لي أحدهم أن أكون شفاف في التعامل فلا داعي لأن يطرح لي هذه التعليمات .

و رأيي بطريقة التعامل مع أعضاء مثل هؤلاء لا أتراجع عنها و هذا رأيي و كل له رأيه و لا أفرض رأيي على أحد , و أنا بانتظار رد الآنسة ديما , و للموضوع تتمة .

و شكراً
__________________
there is no place like home
رد مع اقتباس
  #18  
قديم 18th November 2005, 02:25 PM
الصورة الرمزية victorwardeh
victorwardeh victorwardeh غير متواجد حالياً
عضو مؤسس
 
تاريخ التسجيل: May 2003
الدولة: syria.homs.zaidal
المشاركات: 764
victorwardeh can only hope to improve
شكرا ً لك عبدالله ولتوضيحك الجميل ولكني واثق بأنك تستطيع أن تنتقي كلمات بديلة في بعض الأحيان مع الأحتفاظ بجرأتك المعهودة فقاموسك اللغوي زاخر وقوي وبلاغتك واضحة وهذا بطبعه أفادني جدا ً و أفكارك الصريحة الجريئة ساعدتني كثيرا ً على قبول الآخر المختلف وترويض نفسي على مصافحته كل يوم بعيداً عن اختلاف الرؤى والأسلوب كما أنها علمتني الهدوء و الإتزان والحوار بنفس طويل لنصل إلى الملتقى وأنا أعرف كم تحمل من حب لهذا الوطن وتريد أن تراه في خير حال شأنك شأني وكل حسب طريقته ومنهجيته وكلنا في النهاية تحت سقف الوطن ..أشكرك عبدالله و أنت مكسب للمنتدى فليس من السهل أن يوجد عبدالله مثلك في كل منتدى . السوري يا صديقي لا يطرب إلا للمديح ولا يعرف إلا لونا ً واحدا ً بعد أن أنسوه كل ألوان الطيف . على كل أنا أتفق معك في كل ما تقدمت به وهذا حدث ويحدث كثيرا ً ولو لا صراحتك لأبقتنا الإدارة على ما نحن عليه رغم علمها بالموضوع منذ البدء ...عبدالله صرنا زمان مااااااا ولك محبتي
_______________________
د. فكتور
__________________
ماذا يهمني إذا ربحت العالم وخسرت نفسي؟
______________________________
رد مع اقتباس
  #19  
قديم 19th November 2005, 06:07 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
مرحبا بالنقد ان كان بنّاء

عزيزي فكتور
نحن في الأدارة لسنا ضد النقد البنّاء لكن عندما يتحول النقد لمجرد نقد بدون سبب او اي ادلة فهذا ليس بمقبول لا بدين حق و لا دين باطل , و بعودة سريعة لردودك هنا نستطيع اثبات صحة كلامي :
1 بدات ردودك بالثناء علي و على ما قمت به و على الأسلوب الذي اتبعته لتبيان حقيقة احتمال تزوير ندى للحقائق و تمني لو ترك الأمر لي دون تدخل احد.
اقتباس:
أنا بأيدك 100/100 بموضوع الشفافية المطلقة ويمكن لو ترك الموضوع إلك كنت وضحت هالشي من الأول للجميع

على كل الله يعطيك العافية يا حسام بدك تتعب كتير وخليك على شفافيتك بس مو على طريقة عبدالله دج يعني لأنو مو كلشي بينحكا هيك خبط لزق يمكن يكون الأسلوب ألين و أمرن شوي
2 و بنفس المشاركة لمت اسلوب عبد الله الصريح زيداة عن اللزوم
اقتباس:
وخليك على شفافيتك بس مو على طريقة عبدالله دج يعني لأنو مو كلشي بينحكا هيك خبط لزق يمكن يكون الأسلوب ألين و أمرن شوي
3 في مشاركتك الثانية قمت بكيل عبد الله بسيل من المديح و الثناء على توضيحه و جراته في كشف الحقيقة التي تسترت عنها الأدارة و كانه هو العين الساهرة على المنتدى و الأداريين نيام.
اقتباس:
شكرا ً لك عبدالله ولتوضيحك الجميل ولكني واثق بأنك تستطيع أن تنتقي كلمات بديلة في بعض الأحيان مع الأحتفاظ بجرأتك المعهودة فقاموسك اللغوي زاخر وقوي وبلاغتك واضحة وهذا بطبعه أفادني جدا ً و أفكارك الصريحة الجريئة ساعدتني كثيرا ً على قبول الآخر المختلف وترويض نفسي على مصافحته كل يوم بعيداً عن اختلاف الرؤى والأسلوب كما أنها علمتني الهدوء و الإتزان والحوار بنفس طويل لنصل إلى الملتقى
يعني مرة اسلوبه فض و مرة اسلوبه جميل علمك كثير اشيا
و مرة بتمدح اسلوبي بالتعاطي مع الموضوع و عدم كشفه بطريقة صريحة , و بعدين بتلوم الأدارة على عدم كشفها للحقيقة و تسترها عليها رغم العلم فيها.
طيب حيرتنا معك يعني شوي ثانية بدي شبهك بوليد جمبلاط عدوك اللدود.

يجب ان لا تحكم على الأمور قبل معرفتها بشكل كامل و انا رح وضحلك شو عملت الأدارة بالخفاء تما تقول مقصرين و كان فيك تتسائل يا ترى منين عبد الله وصلته هالمعلومات و تجرا يكتب بهالطريقة ؟؟
في البداية عندما عرفت بقصة ال Ip و احتمال تظليل ديما لنا و للجميع و بعيدا عن الخطوات المستعجلة قررت التروي و السبب ان ال Ip ليس بدليل قاطع لتكذيب ديما
لماذا الأي بي ليس بالدليل القاطع ؟؟؟؟
1 انا من الذين استخدموا احدى البرامج سابقا للدخول الى المواقع المحجوبة في المملكة و تحديدا (البوابة) و نجحت في ذلك و عند دخولي المنتدى او مواقع كشف Ip بواسطة ذلك البرنامج كان يظهر الي بي الخاص بي على انه (بوسطن الولايات المتحدة)
2 صديقتنا سناء في المنتدى عندما تستخدم الكيبل يظهر الي بي الخاص بها من قبرص احيانا و من الجزائر احيانا اخرى (حسب المخدم) و بس تتصل من الشركات اللبنانية (اتصال مودم) بيطلع الأي بي من لبنان.
3 في السعودية شركة ارامكو العملاقة (تنقيب و استخراج النفط) تقدم خدمة مجانية للأنترنت في المجمعات التابعة لعمالها و هذه الخدمة تقدم من اي بي تابع للولايات المتحدة , يعني مقيمين بالمملكة بس الip امريكي,

يعني انا عندي علم بعدم مصداقية Ip لهيك ما بغدر اجزم بصحته دائما.
و بالتالي لجأت الى الحل الأوسط بالتلميح للأعضاء , بدل من وضع نفس في موقف محرج لو تجنيت على العضو ديما و كان لديها قصة غامضة او غريبة حقيقية تبطل احتمال كذبها.

الخطوة التالية التي قمت بها و بعد اضافة مقالتي مباشرة هي ارسال رسالة خاصة للعم سليمان و هو بيشهد عهالشي , بطلب منه فيها اضافة رد على مقالتنا هذه و بيسأل فيها ديمة اسألة عن جامعتها في استراليا , بحيث لا يستطيع غير المقيم و الدارس في استراليا الأجابة عليها , و وضحتله شو السبب و ليه عم بطلب هيك.
بس العم سليمان لاسباب اجهلها لم يتجاوب مع الطلب و اكتفى بالرد على رسالتي الخاصة دون التطرق للطلب.

و من بعدها اجا رد عبد الله في اليوم التالي اللي اجبرني على اختصار اي خطوات لاحقة و ثم كشف كامل لكل الأوراق.

بقا ما بعرف هل بعدك مصر انه في تقصير من الأداريين ؟؟؟؟ و محاولة لأخفاءها عن الأعضاء ؟؟؟ و هل كان لازم نستبق عبد الله بخطوته اللي لمتها و من ثم مدحتها !!!

قبل ما انهي كلامي رع عود على كلام الك بمشركة اخرى :
اقتباس:
كل ما تقرا اسمي بموضوع ما تفتحوا بنووب..عم بحكي جد مو مزح
يعني انا بستأسف يصدر هيك كلام منك و كأنه العداء مستفحل بيناتنا و مني طايق شوف اي كلام منك ؟؟؟ لو هالشي صحيح كان فيني اتجنب رد عليك باي كلمة و لا خوض غمار اي نقاش معك.
و لو فعلا هيك امر بيريحني كان في شي اسمه قائمة التجاهل بسهولة بتجنب اقرأ اي كلام منك.
و للي ما بيعرف شو هي قائمة التجاهل يفوت علوحة تحكمه الشخصية و بيلاقي ضمن الخيارات الأخرى شي اسمه ( قائمة الأصدقاء / التجاهل) و اي اسم عضو يضاف الى قائمة التجاهل يؤدي الى ظهور المواضيع و الردود لذلك العضو و كأنها محذوفة بدون كتابة.

اخيرا بقلك بصدق انا مني مزعوج من هالنقد بس مثل ما ذكرت يكون بنّاء و بمحله , و انا جاهز للاستماع و النقاش في اي نقد بناء في المستقبل .
__________________
Life Without Love is no life at all
رد مع اقتباس
  #20  
قديم 19th November 2005, 01:49 PM
الصورة الرمزية victorwardeh
victorwardeh victorwardeh غير متواجد حالياً
عضو مؤسس
 
تاريخ التسجيل: May 2003
الدولة: syria.homs.zaidal
المشاركات: 764
victorwardeh can only hope to improve
خذها بمحبة حسام

عزيزي حسام : بداية لا زم عرفك شوي بالفرق بين الأسلوب والرأي . الأسلوب هو الشكل اللي منعبر فيه عن افكارنا والقالب اللي منصيغها فيه يعني مو ممكن تقول عنو جريء بس ممكن يكون فض أو قاسي بدون ما يحمل بداخلوا أي رأي جريء يعني متل البدوي اللي وصف حب حببيتو وقال ( حبك بقلبي مثل دبيك البغال ) ..هذا اسلوب فظ للتعبير عن الحب بس هوي قصدو يعبر عن الحب بس ممكن يكون شاعري على طريقة نزار مثلا .أما الرأي يا صديقي فهوي اللي ممكن نقول عنو صريح وجريء وشجاع وهيك ممكن تخلط اسلوب معتدل مع رأي جريء ليطلع معنا بالنهاية مقال متميز ويبقى الكاتب متميز وعلى مستوى الكلمة .
هلق شو صار مع إني ما كنت حابب ارجع للموضوع لأنو مبارح وعدت صديقة قديمة وعزيزة علي وهي من المؤسسين القدامى خفف النقد شوي :
* ترحيب من شخص على اطلاع بالموضوع ومن ثم ترحيب من إدارة المنتدى ( سناء طبعا ) وعلى الأغلب بدون أخذ رأيك فلو كان عندك علم ومطلع على محتوى الترحيب كانت الأفضل تحطها باسمها الشخصي و إذا بدنا نقول هون منقول إدارة المنتدى مطنشة وعم ترحب متل بقية الأعضاء وكأن شيء لم يكن والغريب إنو الإدارة مرات بترحب بصيغة إدارة ومرات بترحب باسم اعضاءها منفردة وهالشي قتل روح المبادرة عن الأعضاء للترحيب بالجدد ومنقول طالما الإدارة رحبت خلص وهون برجع لإعتراضي القديم إنو ما لازم ينحط مشاركة باسم الإدارة إلا ما يكون مطلع عليها أغلب اعضاء الإدارة .
* بعدين رد من ديمة وترحيب من عضو أخر ورد من ديمة ومن ثم ترحيب مني ومن عضو أساسي ومن ثم من ماهر وبعدين إجا ترحيبك اللي اعتبرتو إنت يا حسام عم تكشف فيه الحقيقة وكذب ديمة وصدقني لا أنا ولا غيري فهم منو هالشي لأنو بدو ضارب مندل ليعرف إنو حسام عم يكشف الحقيقة لأنو ممكن يكون الترحيب بهالصيغة ومافيها شي ؟
* بعدك إجا رد عبدالله ورأيو الصريح واسلوبو القاسي شوي وهون أنا قصدت إنو ممكن عبدالله يبدل بعض الكلمات بالأسلوب بس ما يغير شي بجرأتو وتوضيح الحقائق يعني نقد للأسلوب فقد يعني يمكن تجميله وبعرف عبدالله بيتقبل مني ولو ما عبدالله كتب هيك كان رح يستمر اسلوب الترحب وخاصة لو دخلت ديما وشكرت الأعضاء لستمر مسلسل الترحيب وما بعتقد رح تدخل وتكتب الشي اللي كتبتو إنت لولا عبدالله و إلا شو بيمنعك من هالشي من الأول يعني عبدالله هوي اللي دفعكن لهشي فمين بيكون فتح الباب .؟
* إجا بعدها توضيحك يا حسام واللي وقتها كشفت الأوراق كلها وبتقول عبدالله دج دج وسناء لامتك على المشاركة وكيف هي ما فهمتها ؟ شو إنت باعتلها قبل ما تحطها أو كنتو مقررين تحطوها باسم الإدارة ما ضبطت ؟ومشان هيك كل واحد كتب شي ؟ بعدين إجا رد سناء وما فهمنا هوي دعم أو تهكم وبترجع بتأيد عبدالله وحسام وهون منقول ليش ما كتبت هي هالشي من الأول وليش رجعت حطت مشاركة باسمها بعد ما كانت تكتب باسم الإدارة وضعنا بين رأي الإدارة والرأي الشخصي للإداري .
* بعدين إجا ردي الواضح اللي عم بدعمك فيه وواضح قصدي لا ترد على حدا يعني وخليك شفاف بالمرات الجاي وعم بنتقد أسلوب عبدالله وليس رأيه وكنت واضح بالقول أنو الأسلوب ممكن يكون ألين و أمرن وبرجع بأكد على الأسلوب وليس ما تضمن من معلومات يعني الصياغة ممكن تتغير فقط . وطبعا ً شفافيتك إجت بعد عبدالله ما كشف كلشي وهون ما عدا في مهرب إلك غير إنو تحكي كلشي وأنا أكدت لو ترك الأمر إلك لكنت قلت كلشي من أول مشاركة بس معارضة سناء وكعادتها بتعارض كلشي لمجرد المعارضة منعك من هالشي ولو أنو النية عندك موجودة يعني كلامي واضح يا حسام بس لولا عبدالله بظن ما ظهرت شفافيتك فمين بيكون كشف المستور ؟
* بالنسبة إلي كان واضح إنو عبدالله عرف القصة منكن و إلا من وين جاب هالمعلومات وما حبيت إسألو على الهوى منعا للإحراج . وطبعا ً إجا ردك الي عم ببرر لسناء وعم بيقول كمان أنك رحبت بشكل منفصل عن الإدارة لحتى تتحمل مسؤولية وما بعرف شو حمل ترحيبك من معلومات بدها تحمل مسؤولية ؟ يعني هيك موقف لازم يكون رد الإدارة موحد .
* إجا بعدين رد عبدالله وهوي عم يحكي عني بشكل عام بالمنتدى ويقول رأيو فيي وما تدخل بمشاكل الإدارة وعقب على محتوى المضوع الرئيسي وكان هالشي متوقع منو ويشكر على عدم تدخلو .
* طبعا أنا وقت رجعت عطيت رأيي بعبدالله كمان بشكل عام خلال معرفتي فيه بالمنتدى ككل ورجعت نوهت إنو ممكن يستبدل بعض الكلمات لتكون ألطف وكلامي عن حب الوطن واضح إني قصدت مشاركاتو السياسية اللي منختلف معو فيها دوم وقلت إنو رأيو جريء وبحترمو ورجعت أكدت على الخلاف بالأسلوب و بأخر سطر بس قلت أني معو بطرحو الأخير وكان واضح لولاه ما تكرمت الإدارة بهالمعلومات وهالشي أنت أكدت عليه وقلت جبرك ردو على هالشي .
* برجع بأكد فكرتي الاسلوب ممكن يكون واضح أو غائم أو قاسي مثلا بس مو ممكن نقول عنو جريء أو شجاع إلا إذا تضمن رأي من هالشكل والرأي هوي اللي بينوصف بالشجاعة والجرأة و أنا ما انتقدت رأيو ودوم بأكد على احترامو . و أنا لم أقل أسلوبه جميل بل توضيحه هو الجميل وراجع ما قلت . أما أسلوبك فلم أنتقده بل انتقدت طريقة الإدارة بالتعاطي مع المشكلة وتشتتها ومحاولة التكتم ومن ثم تفردك عنها وكشف المستور . ثم اننا لا نعرف متى تكونو متحدين ومتى تكونو مشتتين فعندما أقرأ اسم (إدارة المنتدى ) أحتار هل هو رأي حسام أم رأي سناء أو رأي مشترك .
* منيح اللي شرحت شو قائمة التجاهل مشان يرتاح البعض بس بتصور ما فيك تتجاهل و أنت إداري المفروض تقرا أي شي بس صارلي 3 شهور عم بكتب و إنت مطنش كالعادة وكتير شغلات كان لازمها رد وما رديت ويمكن هي أول مرة بترد بشكل واضح وما بعرف دخلك اللي بيقرا ردودنا شو ممكن يكون فكرة عن طبيعة العلاقة بيناتنا و أنا بقدر أفصل المنتدى بشكل كبير عن حياتي الشخصية ووقت يكتب أي انسان كلام مقنع رح ادعمو و أكد عليه واشكره بس يكون قابل للمعاملة بالمثل . وبالآخر عم تقول جاهز للإستماع والنقاش بعد فوات الآوان أما يوم كنت ادعيكن للحوار والنقاش والمكاشفة ومعالجة الأخطاء تحت الهوا ما كنتو ترضو و إنت بتعرف رايي قلتو أكثر من 100 مرة يمكن بمنتدى المشرفين ومن أول لقاء ولحتى آخر لقاء إنو التعاون سيء صح يا حسام ؟ هلق تعا لنختم ونسألك ليش تم استبدال صيغة الإدارة (adminstration ) واللي بتحمل تحتها توقيع إدارة المنتدى واللي أوجدتها أنا ب ( إدارة المنتدى ) ..؟ ليش ما تم حذف منتدى ( خبر وتعليق ) اللي كنتو معترضين عليه من وقت وجد بعد ما طلعت من الإدارة ومشانو عملتو قصة ؟ ليش غاب اسمك عن الأسماء الإداريين اللي استلمو إدارة المنتدى بالتعريف عن الأعضاء اللي استلمو أعضاء إداريين بالمنتدى أو ساهمو فيه ؟ ليش رفضتو كل دعواتي للقاء حواري جماعي للإدارة مع إنو قلت مستعد وبأي مكان؟ ليش وقت إجيت بالصيف لزيدل وكنت حابب تمر لعندي لنتحاور ما ضليت على رأيك ( على فكرة هذا كلو نقد لعمل الإدارة وطريقة إدارة الأزمة )؟ هل من المعقول أن يكون منتدى لزيدل وليس هناك عضو إداري مقيم فيها ؟ ..ناطر ردك يا حسام الصريح .. .. بالنهاية أنا بعرف قلبك طيب وأبيض أما وليد جنبلاط اللي بلف وبدور واليوم بيحكي شي وبكرا ضدو وبفوض وبيلغي تفويض معروف مين هوي وفهمك كاف ..؟ ولك محبتي .
________________________
د. فكتور -زيدل-19-11-2005
__________________
ماذا يهمني إذا ربحت العالم وخسرت نفسي؟
______________________________
رد مع اقتباس
  #21  
قديم 20th November 2005, 01:39 AM
الصورة الرمزية suher issa
suher issa suher issa غير متواجد حالياً
عضو مؤسس
 
تاريخ التسجيل: Oct 2003
الدولة: zaidal_ spain
المشاركات: 597
الجنس: انثى
suher issa
للاسف ما وصلنا له

يعني ضيقتولي خلاقي على كل هل العتاب الما بهم حدا ابعتو رسائل خاصة لبعض وناقشو مع بعض لان اعتقد ان هدا لا يهم من يدخل المنتدى و يقرأ وبعتقد اننا واعيين كفاية
وشكرا
للاسف وففففففففففففف
بتمنا تخلصو لان عن جد كرهنا نفوت نقرا عتاب
__________________
الحياة سفينة وأنتم فيها الربان فمهما افترقنا نلتقي في نفس المكان
رد مع اقتباس
  #22  
قديم 20th November 2005, 09:26 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
رد اخير من قبلي في هذا القسم

معليش بدي استأذن من سهير بوضع الرد الأخير الي بهالمشاركة و من بعدها رح ننقل الساحة الى مكان آخر , بس ما تزعلي منا , ولو كم سهير عنا.

عزيزي فكتور
انا طول عمري ما بحب الفلسفة و ما كثير اقنعتني بقصة الأسلوب و الرأي
هل لازم انه افهم انك معجب باسلوبي و لكن رأي كأداري لم يعجبك ؟؟؟
طيب انا رأي التقى مع راي عبد الله حول ضرورة كشف الحقيقة ؟؟؟
و اسلوبي اعجبك في ادارة الموضوع باعترافك و بالتالي طالما الأسلوب و الرأي مثل ما بدك لشو النقد ؟؟؟

اما وقت بدك تقول ردي غامض و مش مفهوم فيا ريت كل واحد يحكي عن حاله و بدون صيغة الجمع
لأنه انا بعرف اعضاء فهمت عليي بهالطريقة و ما رح اذكرها تما طول المشاركة بس ممكن نحكي فيها لاحقا اذا بتحب.
بس بيجوز خانك ذكائك هالمرة و ما غدرت تفهم القصة مع انه هالحكي بيتناقض مع اعجابك بالأسلوب , فاذا الأسلوب ما فهمك القصة عشو ابديت اعجابك فيه ؟؟؟؟؟
يعني لو عضو منه من زيدل انتقد الأسلوب كنت بجي معك , بس برد كرر ردي كان مجرد بداية و جس نبض.

ذكرت انه نصحتك صديقة بالتخفيف من نقدك ..؟؟؟
يمكن يا فكتور المراقب للحدث بتكون نظرته اشمل من اللي بقلب الحدث لأنه بيركز عكل نقطة , و صديقتك لو ما لاحظت انك عم تزودها شوي لدرجة انه نتائج هالنقد رح تنعكس سلبا عليك و رح تضرك اكثر ما بتنفعك , ما كانت نصحتك بهالشي ,
انا بضم صوتي الها و بنصحك تحصر النقد بالمفيد منه , لأنه بصراحة عمتغرد لوحدك خارج السرب و صرت اتمنى اسمع من غيرك شي نقد من احد الأعضاء للأدارة عل صفحات المنتدى , فهل كلهم تنقصهم الجرأة ...؟؟؟

بالنسبة لقصة اضافة الترحيب الأداري بالأعضاء الجدد عم يقطع الباب على بقية الأعضاء ,
اذا هالشي فعلا عميصير فبقلك انه حققنا غايتنا من هالرد. شوالداعي كل ما دخل عضو ينكتبله 15 رد ؟؟؟
خلينا برد واحد بيحط العضو بجو المنتدى و بنفس الوقت بنحفظ ماء وجه الأ عضاء من اي فصل مثل اللي صار مع ديما . يعني فيك توصفلي شعورك وقت اضفت رد و طلعت ديمة عمتضحك علينا جميعا ؟؟؟
مثال آخر عهالشي :
من مدة طويلة سجلت عضوة باسم ام ايمن و طلبت من الجميع الترحيب بها
و فعلا الأعضاء ما قصرت و احلى ردود لأم ايمن , بس بعد هالشي وينها ام ايمن ,؟؟ فص ملح و ذاب
حتى ما عنت نفسها ترد و تشكر الأعضاء عالترحيب و معد شفنا وجهها بنوب.الا تسمى هذين الحدثين بالمهزلة.
بقا بترحيب اداري وحيد يمثل الجميع بنكون حققنا الغاية من وجود منتدى الترحيب بالأعضاء.دون وضع الأعضاء بمواقف محرجة.

بيقول المثل يا داخل بين البصلة و قشرتها ما بيطالك غير ريحتها.
بقا يا ريت تخبرني يا فكتور شو دخلك انت اذا كانت سناء بتستشيرني قبل اضافة رد باسم الأدارة , او ان ابشاورها قبل ما ضيف رد باسم الدارة و هل بنتباحث بهالشي او لا نتباحث ,
الأمر الوحيد الذي يحق لك التعليق عليه , هو على صيغة هذا الرد و ليس اكثر. اما ما يخص من كتب هذا الرد و التخمين بهويته فهذا ليس من اختصاصك , و ابقى وجه نقدك للأداريين ككل و لا داعي لتفريد الحملة تجاه احدهم فقط,
و لطمنك اكثر بهالخصوص , انا و سناء كل واحد عاطي الثاني كارت بلانش باللي بده يعمله , مراسلات تعقيب حذف نقل دمج .......لأنه كل واحد ثقته بالثاني كبيرة و يمكن هذا الشي كان ينقصك بتعاملك معها تحديدا لهيك ما كنتوا على وفاق.و هالشي ادى بمرحلة الى فصل المهام معك بينما استمرينا انا و سناء بالتعاون
لأنه انا وقت بقبل اتعامل مع سناء بعرف شو امكانياتها و طريقة تفكيرها و لو مني عارف كفائتها بهالخصوص ما بستمر معها , صحيح لكل واحد منا هفواته و انا لدي الكثير من الهفوات , لكن هذا لا يعني ان اقيم الدنيا و اقعدها لهكذا سبب.
و كونك عمترد تذكر لوم سناء و كأنه نوع من الخلاف بوجهات النظر الأدارية رح اسمح لنفسي و انقلك رسالتها الخاصة بهالخصوص و انت حكوم قديش في تباعد و خلاف:
اقتباس:
يعني انت ماخليت حدا ماقلتلوا هي عم تكتب من ؟؟؟؟
سليمان قال لمايكل
ومايكل قلي
وعبدلله انت قلتلوا
تسلملي شو خرجك يسلموك سرية مصرفية
منيح اللي مابتعرف شو حسابي بالبنك

باي حسام
بنرجع لردي باسمي الشخصي و ليس الأدارة
برد كرر انه عدم دقة المعلومات المتوفرة للجزم بالموضوع حبيت آخذ الأمر عمسؤوليتي و تتسجل بحقي ان كان هالأفتراض خاطئ .
و من جهة ثانية هل كلامك بيعني لا يحق لي الرد باسم الإدارة الا من خلال (ادارة المنتدى)
بتصور انا من حقي هالرد و الا ليه ميزنا القابنا ب (عضو اداري) و ليه ليظهر اسمنا بقائمة الأداريين.

تغيير اسم administration الى ادارة المنتدى
الجواب عملية تعريب لا اكثر , فما الداعي في منتدى اعضاؤه كلهم عرب ان نستخدم تعبير انكليزي ؟؟؟ و قد يكون هناك 1% من الأعضاء لا يفهم معنى administration لذلك التعريب افضل و لن يضر بشيء.

منتدى خبر و تعليق:
المنتدى قام و انزلت فيه مشاركات و بالتالي حذفه سيضر بدل ان ينفع.
و لو كنت دقيقا بسرد الوقائع ستعرف وقتها ان اعتراضنا لم يكن على صيغة المنتدى او اسمه , بل على الطريقة التي تمت اضافته فيها.

ليه ما ذكر اسمي بالأداريين الذين توالوا عالمنتدى:
اللي تم ذكره هو اسماء اشخاص خدموا الموقع ككل و ليس المنتدى فقط
و وسام بيمثل كل عيلتنا اللي ما قصر حدا منها بخدمة الموقع كل حسب امكاناته.


اما بالنسبة لأسئلتك الأخيرة حول رفض الحوار معك و عدم وجود اداري من زيدل و عدم تفاوضنا في زيارتي الأخيرة لزيدل فهذه امور خاصة لا اقبل النقاش بها امام زوار الموقع
و ساضع بين يديك خيارين اثنين للمتابعة:
1نقوم بفتح منتدى جديد (حوارات خاصة او نقد اداري او اي اسم آخر ) و هالمنتدى بيكون مخفي عن الزوار و لا تظهر مواضيعه بالصفحة الرئيسية , ولا يستطيع مشاهدته و المشاركة فيه الا الأداريين و المشرفيين و الأعضاء المؤسسين. لأنه هؤلاء من يحق لهم براي الأطلاع على هكذا امور
حتى يمكننا اضافة تصويت فيه اذا اردت على صلاحية الأدارة الحالية مجتمعة او احد اعضائها.
2 اما عن طريق المراسلة العادية .
فاذا احببت المتابعة اختر احدى الطريقتين لننشر غسيلاتنا فيهم ان كان ابيض او اسود بدل من نشره امام الزوار و شوفة عينك بلشت الأعضاء تتململ من هالسجال .

بالنهاية شكرا لرحابة صدرك و محبتك.
__________________
Life Without Love is no life at all
رد مع اقتباس
  #23  
قديم 22nd November 2005, 08:30 PM
الصورة الرمزية victorwardeh
victorwardeh victorwardeh غير متواجد حالياً
عضو مؤسس
 
تاريخ التسجيل: May 2003
الدولة: syria.homs.zaidal
المشاركات: 764
victorwardeh can only hope to improve
كنت حابب وقف

* بداية أحب أن أوضح أمر أوضحته سأبقا ً لأكثر من مرة . على الصفحة الرئيسية يظهر للمنتدى 20 لينك فإذا إحتوى لينك أو إثنين منهم على مواضيع حامية و حوارات نقدية لاذعة فهذا لا يعني أن المنتدى كله تحول إلى هذا الشكل و الأمر الأخر أنه لدينا 21 منتدى متنوع فإذا إحتوى منتدى منهم أو إثنين على حوارات حارة قد تصل للسجال بعض الأحيان فلا يعني أن كل المنتدى قد صار على هذه الشاكلة ولمن يتذمر من هذا الأمر نقول لا أحد يجبرك على قراءة ما لا تحب وتستطيع أن تكتب في أي مجال تحب ودعنا نرا عصارة أفكارك و إبداعاتك و أفدنا بمخزون ثقافك بدل أن تبقيها حبيسة أدراجك وحاول أن تقدم شيء للمنتدى غير نقد نا كل مرة و أكيد لن أ نجر إلى ردود جانبية لا تخدم الغاية التي أريدها . والآن ساتوقف عند بعض ما ذكرت يا حسام لأنها تستحق التوضيح :
- يا حسام يبدو ظنك ما طلع بمحلو وصديقتي ما قالتلي متل ما تخيلت والحقيقة لو بدي خبرك شو قالتلي ما رح تكون مبسوط بنوب . الأمر التاني هوي إنو اللي بيخافو على المنتدى بجد وبهمن أمرو وبيقلقو مشانو قلال كتير و أغلبهن صارو برا ويمكن رأيهن صرنا منعرفوا بس مو ضروري يكتبوه على الهوا أو ممكن بينقصهن الجراة والشي اللي بعرفو أنا يمكن ما بيعرفو بقية الأعضاء والشي اللي بيهمني يمكن ما يهمهم بس لا تظن ما عندهن ملاحظات ويمكن يجي وقت يقولوها .
- اللي بيدخل جديد على منتدى وبشارك فيه وما برحب فيه حدا بيعرف شو قيمة يرحب فيه 15 عضو . الحقيقة أهم نقطة في تشجيع العضو على الكتابة والمشاركة هي الترحيب الإحتضان من الجميع وغالبا ما يكون صداقات وحوارات مع المرحبين به في البداية فالترحيب هو بمثاية اليد الممدودة للمصافحة وكلما كثرت الأيادي الممدودة ارتاح العضو الجديد وخاصة إذا كانت لديه قدرات ومواهب كتابية جيدة وهذا كان محور أساسي في بناء المنتدى سابقا ً ومن الطبيعي أن يحدث لنا ما حدث مع أم أيمن وديما وغيرهم ولاحقا ً قد يحدث أكثر. ففي فضاء مفتوح علينا توقع أي شيء وهذا لا يضرنا بشيء فموضوع الترحيب لا يحتاج منا أكثر من 5د في أحسن أحواله . تصور شعورك و أنت جديد في منتدى ولا يرحب بك أحد أو شخص غير معروف من هو اسمه إدارة المنتدى ؟ !
- ما أوردته عن فصل المهام بيني وبين سناء لا يمت للواقع بصلة وقد تم الفصل بين جميع الإداريين وسأوضح لاحقا ً سبب الدمج بينك وبين سناء . و استغرب منك هذه الصحوة المتأخرة للدفاع عن سناء و أنت الذي لم تكن تحرك ساكن يوم كانت تهددنا بترك المنتدى كل مرة . وفعلا ً أنا قلما أوجه لك النقد لأنني أظن أنه لو ترك لك الخيار لما حدثت مثل تلك الإشكالات ولكنك تدفع لتكون في المواجهة دائما ً و أنا أعرف جيدا ً الذهنية التي تسيطر على سناء وكيف تتعامل مع الأزمات . المنتدى لا تحكمه مشاعر وعواطف وما إلى ذلك من أمور ..
- لن أناقش رسالة سناء لك ولكن لو كنت مكانك لما أوردتها في المنتدى ..الحقيقة واضح التنسيق بيناتكن كإداريين بدليل إنها عرفت القصة من صديق وليس منك ؟ ! .. الله يعطيكن العافية
- إذا بتعرف حالك بدك ترد باسمك الشخصي من أول شي ما في داعي يكون في رد باسم إدارة المنتدى حتى ما يصير تناقض بالرأي .
- بالنسبة ل صيغة adminstration : يعني تبريرك قوي فعلا ً . على هالحالة منطلب من كل عضو إسمو بالأجبني كمان يعربو ويا ريت تبلش باسك وبعدين خلي هالعضو يتعب حالو ويسأل شو ترجمتها ويتعلم كلمة جديدة ويستفيد وكمان وقت أنا اقترحتها بمنتدى المشرفين كان عندك خبر فيها فليش ما طلبت تعريبها من يومها ولا تنسي يا خي حسام تحتها بالبونط العريض في توقيع باسم ( إدارة المنتدى ) معرب يعني .
- بالنسبة لمنتدى خبر وتعليق : فيك تنقل المشاركات منو للمنتدى المختص وتفرغ المنتدى وتقوم بإلغاؤه وومكن ينوجدلها حل تقني ثاني كأن يتم إخفاءه مثلا ً بدل حذفوا بعد نقل محتوياته . يبدولي كمان إنت اللي مانك دقيق وذاكرتك تعبانه يا حسام و إنت اللي كنت مصر على إنو وسام هوي اللي بعين مشرفين المنتديات وطبعا ً أنا اقترحت الفكرة على وسام وشرحتلوا شو قصدي منو ( تجميع كل المقالات المنقولة من الصحف والمواقع الإلكترونية والتعليق عليها بسطور فقط لنتيح للجميع المشاركة وخاصة من ليس لديه وقت وطبعا مواقع شهيرة قائمة على هيك تقنية متل سوريا نيوز ) ووسام بيعرف أنا ما بطلب شي إلا ما كون مفكر فيه كتير ومتأمل منو شي ودارسو منيح فوافق وهوي اللي عمل المنتدى وسلمني إشرافو وهذا حقوا وصلاحيتو . فإذا بدك تلوم حدا يا خي بتلوم أخوك أو بتناقشو إلو وبتقنعو بعدم جدوى الفكرة مو بتاخذو موقف مني وبتقطعوا كل أشكال التعاون معي على صفحات المنتدى وبتغيروا صيغة تعريف منتدى الأخبار العامة حتى يصير ينتشر فيه أخبار الصحف مع إنو مو مخصص لهشي وبتروح بتنضم إنت وسناء مع بعض بمنتدياتكن لتظهروا فكتور هوي اللي ما بدو ينضمنا معو انو انت صاحب فكرة الفصل الكامل للمنتديات و أنا كنت ضدها و إنت اللي فرزتها وقسمتها و أنا ما اعترضت على شي ووسام أصر أنو يطلع جنب اسم كل منتدى اسم المشرف عليه و أنا كنت حابب تضل تحت الهوا منعا للحساسية ...وبعتقد سناء أول عضو بعدي يمكن نشر فيه خبر وهذا بدل إنها ما كانت معترضة عليه و إلا ما نشرت فيه شي بس يمكن حدا اقنعها توقف ..وحاولت كتير بعدها ادعم كل منتدياتكن وخليت مشاركاتي شاملة بكل المنتديات بس انتن رفضتو تشاركوني وصعدتو الموقف ورفضتو أي لقاء جماعي للإدارة بعدها وصعدتو الموقف أكثر بدل ما نكون إيد وحدة .
- يعني ما بعرف إذا إنت بتعتبر حالك ما خدمت الموقع ككل و إذا اسم وسام نازل شو بيمنع ينزل اسمك بس أنا شايف الموضوع من زاوية ثانية وبيجوز حبيت تنفي الصفة العائلية عن إدارة المنتدى وهي ما منها مهرب يعني لو ما كنت أخوه لوسام ما بعتقد ممكن تكون هون . وعلى فكرة وقت كان معي سبع منتديات عرضت على أكثر من عضو مؤسس يكون معي فيهن وكنا على وشك إقناعهن بهالشي لولا الإشكال الأخير بس هني من القادريين وليس مشرف منتدى سياسي بعيد كل البعد عن السياسة أو مشرف منتدى الشعر والخواطر لا يمت لها بصلة ...الخ
- في الحقيقة لن أتوقف عند عرضك الأخير يا حسام فما بعرف بصفتك شو عم تعرض علي هالشي وصرت مأكد بأكثر من مناسبة إنو وسام بيضل السوبر مودريتر والريس حتى وين ما كان فبتصور هالشي مو من صلاحياتك لتعرضو ولا هوي من حقك بتضل إنت بنظري في المنتدى عضو إداري فقط لا أكثر ولا أقل . بتصور في إلنا تجربة مريرة بهيك منتديات مخفية بتخص أهل الدار ما عاد نعيدها يمكن لأنها عملت شرخ كبير و أما المراسلات مو من عادتي طنش شي و أنت بتعرف هالشي منيح . بالنسبة لرحابة الصدر عندي المزيد منها ولك أن تقول ما يحب وتشتهي فلا مشكلة في ذلك ولنا حق الرد دائما َ . مع خالص محبتي .
_______________________________________
د. فكتور - 22-11-2005م
__________________
ماذا يهمني إذا ربحت العالم وخسرت نفسي؟
______________________________
رد مع اقتباس
  #24  
قديم 23rd November 2005, 03:01 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
سبق و قلت اني ما رح رد عشي بعد ضمن هالمقالة
بس في امر لا بد من توضيحه حول التنسيق الإداري بين الإداريين لأنه هيدا واجب ما بيصير التقصير فيه.
وقت سناء عمتقول انه فلان خبر فلان و و و و و ومايكل خبرني , عمتقصد انه الخبر انتشر بسرعة و عمل حلقة كبيرة وصلت مجددا لعندها .
هالشي ما بيعني انه خبرت من مايكل لأنه بالرسالة الخاصة التالية (شوفها بالمرفقات)
انا مخبرها عن شكوكي بديما بتاريخ 14 /11/ و اذا بتراجع اول مشاركة لديما كمان بتلاقيها ب 14/11
يعني قبل ما اعمل شي او رد عشي خبرت سناء.
شكرا لردك بالنهاية مع انه الي كثير مآخذ عليه .
الصور المرفقة
نوع الملف: png victor.png‏ (20.6 كيلوبايت, المشاهدات 275)
__________________
Life Without Love is no life at all
رد مع اقتباس
  #25  
قديم 7th June 2007, 05:18 PM
غزالة العين
Guest
 
المشاركات: n/a
مرحبا
اشحالكم شباب و بنات انشا الله بخير
انا عضو جديد في منتداكم ارجو منكم الاستفاده و انتو تستفيدون مني
انا من الامارات من مدينة العين دار الزين ارجو منكم الترحيب و انشا الله اتحبوني و اصير اختكم
تحياتــــــــــــــــــــــي : غزالة العين
رد مع اقتباس
  #26  
قديم 8th June 2007, 12:49 AM
yaser
Guest
 
المشاركات: n/a
اهلا وسهلا فيكي وكل الحب لملاك الحب وبتمنى يكون في هاي الدنيا الحب وبرحب فيكي رغم اني جديد في الموقع ي ياسر وكل التحيه من فلسطين
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 02:10 PM.


Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص