أحزر واربح

[hosam danial]

شباب في عنا لعبة اسمها لعبة الفوارق
وفي عنا هالصورة الحلوي للخال حسام وأحد الاعضاء
وفي نفس الصورة تحتها بس فيها ست فوارق
احزروا شو هيي الفوارق وبتربحوا معنا
الجوائز تعلن بعدين


حسام

[سناء جلحوم]

شكراً حسام على هاللعبة الحلوة .
الفوارق واضحة رح اذكر واحد منها والباقي رح اتركوا لغير أعضاء
1_ الزهور اللي بأسفل الصورة على اليسار واضحين أكتر ...من بالصورة الأعلى
وبعدين ....
هل يخفى القمر ياحسام
لازم نعرّف بإنو العضو اللي بالصورة غير حسام عبد العزيز طبعاً هوي عميد منتدى زيدل والصديق الطيب العزيز ومشرف المنتدى السياسي وصاحب الكلمة الراقية (( إيلي سويد )) حبيب العمر .



من دون تعليق :

حسام عبد العزيز اذا بتشوفوا مرتين ورا بعض بكل مرة بيطلع عندوا 100 فرق ...ولحق عد اذا بتلحق !!!!!

زهرة الصحراء

[hadi..]

ا- متل ماقالت سناء الزهور
2- العصاية على البراد
3- طرف القميص او ساعة على كم الجاكيت
4- الحديدة الي بالشباك
5- بعد الخزنة الخشبية من يسار الصورة
6- السالف بالصورة الاولى طويل و قصير بالثانية

بس لا تنسى الجائزة عم استنى

[hosam danial]

يعطيكي العافية سناء وأكيد الخال ما في داعي نعرفو
بس يمكن في أعضاء عم تفوت جديدة ما بتعرفوا
بس مو هون الحزيرة انو مين بالصورة؟
والفارق اللي قلتيه صح وشكراً الك لانك عطيتي مجال لغيرك من شان يربح الهدية
أما عن هادي مظبوط يا هادي في خمس فوارق عرفتهن بس الفارق رقم خمسة أنا ماعرفتو
شو قصدك
بعد الخزنة الخشبية من يسار الصورة(وين يعني)

شكرا لمحاولاتكن

[hadi..]

أما عن هادي مظبوط يا هادي في خمس فوارق عرفتهن بس الفارق رقم خمسة أنا ماعرفتو
شو قصدك
بعد الخزنة الخشبية من يسار الصورة(وين يعني

ولو واضحة حسام الخزنة الخشبية يختلف بعدها عن نهاية الصورة من الاولى الى الثانية

شو شايفك عم تهرب من الجائزة

[hosam danial]

اي هلق فهمت عليك هادي
بس مو هاذ هوي الفارق هاذ غلط بقياس الصورة
لسع في فرق واحد
طيب اذا بدكن تحسبوا فارق
اصبح في 7 فوارق
والجائزة جاهزة
لاء الاحسن من هيك قلكن مو هيك السؤال
السؤال: شو في بالخزانة

[hadi..]

طيب

الفارق السابع النش على الحيط اي الدهان
لا تقول صار 8 فوارق
كان لازم احسن احزروا شو مكتوب بالورقة والكم مليون ليرة

[hosam danial]

برابو عليك هادي
ليش مانك مثل سناء
ما خليت شوي لغيرك
منين انا كل يوم بدي جبلكن لعبة جديدي
على كل حال بعثلي صورتك لابعثلك الجائزة

hosamdaneal@hotmail.com

[issa george]

إقتباس هادي :
كان لازم احسن احزروا شو مكتوب بالورقة والكم مليون ليرة

مســاالخير ..

هادي رح ياركلك بالجائزة اللي ربحتها ..بس الحزورة اللي طرحتها أنتي واللي جائزتها مليون ليرة رح أعطيك جوابها..
ياسيدنا المكتوب بالورقة هوي التالي :


لست حماسيا ام معتادا أن اقف على منبر الخطابة ولكن ما دفعني لأن اتكلم باسم اعضاء منتدى زيدل الخضراء مقيمين و مغتربين هو تكريم الجندي الأول على مسرح الحياة فهو وراء كل نصر و نجاح يتصف به كل مجتمع.
انت سيدتي تمثلين جيلا قد اعطى الكثير من الوقت و الجهد بحيث وضعتي كل ما تملكين من محبة و ثقافة و علم في خدمة تلك الاجيال التي تتالت و تعاقبت عبر السنين , منهم من جعلك فخورة به لحصوله على شهادته العليا فكانت فرحته كبيرة بقدر عطاؤك , فكان ممتنا لكل دقيقة كان فيها معك يصغي لكلمات و دروساً فتحت له الآفاق , و منهم من خيب الأمل و اضاع فرصة العمر و ابتعد عن فسحته المضيئة ليضيع في عتبات الحياة المتعرجة مسببا الالم و الشعور بالقنوط لنفسك الطيبة و لعطائك الزاخر , ولكن فشلهم ذاك كان لك الدافع الكبير لمتابعة المشوار مع جيل آخر .. و آخر ........
المرأة سيدتي كنت لها المثل الذي نريد , بك و بأمثالك تكبر المجتمعات و يتراجع الفشل و يضيء الطريق امام عتمة الليل الحالك و, و مجتمع انت نصفه لن يهزم.
من خلالك سيدتي اتوجه الى كل امهاتنا معبرا عن امتناني و امتنان العالم لهن و لكل هذا العطاء و التفاني و لك سيدتي نصيب فيه فان الأم ليست التي تنجب و انما هي التي تربي , لايسعني في الختام الا ان اضيف كلمة اخيرة اختتم فيها امتنناني و عرفاني بالجميل.............. شكراً


وهالكلمة كانت بحفل تكريم المعلمة إسعاف ..وفينا نتأكد من مضمون الورقة من صاحب الصورة كمان ..

فياريت هلق تلتزم بدفع الجائزة متل حسام ..وتباركلي متل ماباركتلك ...
بالنسبة لرقم حسابي بالبنك رح أبعتلك أياه برسالة خاصة ...

[hosam danial]

كمان منقول الف مبروك ل issa george
ورح تكون الجائزة جائزة ترضية
طبعاً لانو مو هاي هيي الحزورة
فيا ريت اخ issa تبعثلي صورتك
على هالايميل من شان نبعثلك الهدية
hosamdaneal@hotmail.com

[hosam danial]

يالله لعبة ثانية ولعيبة جداد
والي ما بعثلي صورتو راحت عليه الجائزة
هاي صورة الي ولسناء وجورج
وفي ست فوارق

[ABUODEE]

خيو ابو الحس انا طلع معي اربعة والباقي الله بيفرجها ياريت تحطلي نص الجائزة الي
او بالاصح اربع اسداس الجائزة الي

والك مني ابعتلك اربع اسداس من صورتي

[mariam]

انا مارح قول الفوارق ----بس ياحسام اللي بدو يحط صور وفيها فوارق لازم تكون دقيقة بشدة يعني مثلا عند فم سناء من الجانب الايمن للوجه مابعرف هييي ضحكتها هيك والا في شي مجقوم ؟؟؟؟؟؟؟؟؟؟؟؟؟؟؟؟هههههه
انا عندي فرق وحيد بالصورتين انو اليوم انت وسناء معنا وجورج مابنعرف وينو غايب!!!!!!!!!!!!!!!!!!!

[سناء جلحوم]

مابعرف هييي ضحكتها هيك والا في شي مجقوم ؟؟؟؟؟؟؟؟؟؟؟؟؟؟؟؟هههههه

ياريت وقفت القصة على ضحكتي ....شوفوا أنفي كيف طالع ياريت طالع مجقوم وبس ....يلا دكتورة بيناتنا الصورة طالعة أحلى من الحقيقة .

على سيرة الصور بمنتدى زيدل .
مابعرف مين لاطش الصورة دكتورة مريم واللي حضرتك ضفتيها بيوم كشاهد عن الأطفال والأرجيلة .وضايفها بموقع تحت عنوان (( لا لن نسكت عن الخطأ )) وهالمعلومة قدملي ياها مجانا ًشخص عزيز مشكور خلال مروره على هالموقع .(( أول حرف من اسموا حاء ))
فالله يسترنا من ورا هالصور بموقعنا ...والله يحمينا ويحمي موقعنا .

بالمناسبة هالصورة بلقاء الأحباء لأعضاء منتدى زيدل وهالحدث صار بدعوة من الصديقة سيما مشكورة .

مش هي الحزورة صح عبودييييي...بس والله الصورة بتصد النفس

زهرة الصحراء

[عبير طبيقي]

مع هدول الفارقين بيصيروا ستة

1. زرار قميص حسام اللي راحو بالصورة التانية
2. الأسود اللي تحت قبة قميص جورج من جهة اليسار موجودة بالصورة التانية

وهيك بيكون لعبودي أربع أسداس الجائزة والباقي ألي
مبروووووك