موقع زيدل الصفحة الرئيسية  

العودة   منتديات زيدل > المنتدى الزيدلي > منتدى موقع زيدل > اخبار قرية زيدل

إضافة رد
 
أدوات الموضوع تقييم الموضوع انواع عرض الموضوع
  #1  
قديم 24th November 2010, 11:32 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,739
الجنس: ذكر
ziad sattah is on a distinguished road
عيد ميلاد غير شكل

من أغرب الأمور التي حصلت في زيدل
مجموعة من الشباب و الصبايا قاموا بتوزيع هدايا طريفة و هي عبارة عن حقيبة ناعمة حمراء اللون و بداخلها وردة حمراء و كيس صغير يحتوي بعض السكاكر و الشوكولا , مع بطاقة تهنئة بعيد ميلاد و هي عبارة عن أبيات من الشعر ..
تمّ توزيع الهدايا على معظم منازل القرية و على المارّة بكل لطافة و تهذيب .
و صار الحدث حديث الساعة ..
وكثرت الأقاويل حول هذا الحدث بين مصدّق له و بين مستغرب و بين رافض للفكرة أو مشجّع لها .

و أمّا عن مصدر هذه الهدايا فيرجّح الكثيرين على أنّها من شاب ٍ زيدليّ شديد الولع بزوجته فأحبّ أن يعبّر لها عن مدى محبّته لها , و أراد أن يفاجئها بهذه البادرة الغريبة و يشاطر فرحته كل أهل القرية .. و من الحبّ ما ..... !!
__________________
إذا كان الله معنا فمن علينا
رد مع اقتباس

Sponsored Links
  #2  
قديم 25th November 2010, 12:05 AM
samar dahi samar dahi غير متواجد حالياً
مشرفة منتدى المجتمع
 
تاريخ التسجيل: Oct 2003
الدولة: zaidal
المشاركات: 624
الجنس: انثى
samar dahi is on a distinguished road
بالفعل استاذ زياد مبارح صارت هالقصة وتوزعت هالحقيبة على كل الناس بزيدل ...وصار انو اجوا صبايا تنتين واعطونا الي ولرفقاتي هالحقيبة هاي وقت فتحناها صار تعليقات اشكال والوان وضحكنا كثير على هالقصة ههههههههههه قصة غريبة وحلوة ومميزة انو واحد بدو يعبر لحبيبتو اديش بحبها بقوم بيوم عيدا بوزع على كل الناس هالوردة الحمرا وهالبطاقة الحلوة ...عن جد قصة مضحكة من جهة وغريبة من جهة ثانية ورائعة ...يعني بتحمل كل شي ..
واللي ضحكنا اكثر وقت ابي سألنا عن قصة هالحقيبة لما شافها معنا وحكينالو شو القصة ههههههههههههههههههههههه ما بدي قلكم شو قلنا ....هههههههههههه
تعلموا يا شباب الحب من هالشاب اللي ما عرفناه .... بس يا زياد بتصور هو مو من زيدل ...

__________________

في الليل التمست من يحبه قلبي...وفي حديقتي القاحلة جعل مكسنه
وبلآلىء الندى كسا وجهي
نفسي جميلة ...وحبيبي يناديني
هلمي يا جميلتي ...هلمي إلى حديقتي
فالشتاء قد مضى ...والكروم ازهرت ...وأفاحت عطرها



رد مع اقتباس
  #3  
قديم 25th November 2010, 09:24 AM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,739
الجنس: ذكر
ziad sattah is on a distinguished road
اقتباس:
المشاركة الأصلية كتبت بواسطة samar dahi مشاهدة المشاركة
تعلموا يا شباب الحب من هالشاب اللي ما عرفناه .... بس يا زياد بتصور هو مو من زيدل ...
كلـْمة: بـْحبِّك ..عالسّكت أحلا
مْن القلب بدّو القلب يرتحلا..
ان شفنا صبيّه مـْكحّله العينين
جـْرار الذَّهَب حـِمـْلـِت على الميلين
وْ لـَو كـان عامينا الـفـقـر و الـدَّيـن
بـْننسى الذّهب وِ بـْنلحَق الكحلا
..

و بعدين يا سيدتي : أحيانا ً تكون أنصاف الحقائق أجمل من الحقائق نفسها . .
__________________
إذا كان الله معنا فمن علينا
رد مع اقتباس
  #4  
قديم 25th November 2010, 11:27 AM
الصورة الرمزية Elie Swed
Elie Swed Elie Swed غير متواجد حالياً
مدير عام و مشرف المنتدى الإداري
 
تاريخ التسجيل: Aug 2003
الدولة: zaidal
المشاركات: 1,388
الجنس: ذكر
Elie Swed is on a distinguished road
أنا زعلت ما جتني هيك حقيبة ولا هيك وردة ( نيالكم يا عمي ) الكم نصيب بها الحب ....................... الله يوفقوا البادرة حلوة ............
__________________
الأرض التي تقع عليها متـألماً

عليها تتكئ وتقف من جديد
رد مع اقتباس
  #5  
قديم 25th November 2010, 08:10 PM
samar dahi samar dahi غير متواجد حالياً
مشرفة منتدى المجتمع
 
تاريخ التسجيل: Oct 2003
الدولة: zaidal
المشاركات: 624
الجنس: انثى
samar dahi is on a distinguished road
http://www.aksalser.com/?page=view_articles&id=d71afeb4e0fa503749ddbc2d49e 78921&ar=208075713

ههههههههههه يا جماعة شوفو لوين وصلت مواصيل هالعشق الكبير ............والله بس بدنا نعرف مين هالبنت ومين هالشاب المغرم ..
زياد شكرا على هالابيات الحلوة ...
ابو هاني هاي عكس السير عم يحكي عن القصة وانت مش عارف شو صاير ....؟؟؟؟؟

__________________

في الليل التمست من يحبه قلبي...وفي حديقتي القاحلة جعل مكسنه
وبلآلىء الندى كسا وجهي
نفسي جميلة ...وحبيبي يناديني
هلمي يا جميلتي ...هلمي إلى حديقتي
فالشتاء قد مضى ...والكروم ازهرت ...وأفاحت عطرها



رد مع اقتباس
  #6  
قديم 25th November 2010, 09:18 PM
الصورة الرمزية Elie Swed
Elie Swed Elie Swed غير متواجد حالياً
مدير عام و مشرف المنتدى الإداري
 
تاريخ التسجيل: Aug 2003
الدولة: zaidal
المشاركات: 1,388
الجنس: ذكر
Elie Swed is on a distinguished road
يا سمر ( شو بدي ساوي بحالي ) هاي قصة اللي ما بيسمع وسمعو تقيل, المي بتمشي من تحتو ومو بس ما بيسمعها وما حس بالطرطشة كمان هون المصيبة, بس واللهِ ما لي خبر بها القصة إلا وقت حكاها المعلم زياد ............ وقريتها بعكس السير .....
__________________
الأرض التي تقع عليها متـألماً

عليها تتكئ وتقف من جديد
رد مع اقتباس
  #7  
قديم 26th November 2010, 02:44 AM
alosh66 alosh66 غير متواجد حالياً
عضو مخضرم
 
تاريخ التسجيل: Dec 2005
المشاركات: 203
الجنس: انثى
alosh66 is on a distinguished road
في عيد ميلاد عشيقته.. روميو السوري يغمر أهالي قريته بالهدايا!

القصة طابلي الدني موصلي. هي منقولي عن موقع فرفش

لا بدّ اننا سمعنا عن قصص عشق كثيرة، وعن الهدايا المميزة التي يهديها المحبوب لحبيبته، ولكننا ولأول مرة سنسمع عن هذه الهدية التي تمتع بها أهل بلدة بكاملها، ليعبّر مجهول عن عشقه الذي لا يوصف لحبيبته في عيد ميلادها!

في عيد ميلاد عشيقته.. روميو السوري يغمر أهالي قريته بالهدايا!


حيث نال أهالي بلدة زيدل التابعة لمدينة حمص مؤخراً والبالغ عددهم قرابة (5000 نسمة) كيسين كرتونيين لكل عائلة يحتويان على قطع من الشوكولا والراحة التي يطلق عليها الحمصيون (التطلي) والسكاكر ووردة جورية حمراء طبيعية وبطاقة دوّن عليها بيت من الشعر يدل وفقاً لما ذكرته مصادر إعلامية على أن شاباً وجد نفسه عاجزاً يوم عيد ميلاد محبوبته ورغم تمتعه بالجود والكرم إلا أن الحيرة انتابته وأصبح شارد الذهن عن كيفية توجيه معايدته لها بطريقة لافتة ومختلفة، فما كان منه سوى توجيه الهدايا لكل أهل البلدة!.

وبحسب صحيفة الوطن، فقد قام بتوزيع هدايا العاشق عشرة شبان وشابات في العقد الثاني من العمر من خارج البلدة حسب تأكيدات الأهالي وارتدوا لباساً موحداً بهم وأرفقوها بربطة عنق حمراء وتقلهم سيارات سوداء فاخرة.

وتلا الأبيات بكلمات نثرية يوضح فيها لأهالي البلدة أنه أحب فتاة ووجد في هذه الطريقة ملاذاً له ليعبر عن حبه وهيامه بها وبأنها شغلت شغاف قلبه ليجعل كل الناس يشهدون على عشقه لها خاتماً بطاقته بعبارة "أحبك يا عمري وكل عام وأنت بخير".

بدورهم أهالي البلدة أصاب البعض منهم الحيرة من فتح الكيسين ولاذوا إلى قسم الشرطة للإبلاغ عنها وفتحوا محتوياتها للتأكد منها، على حين تجرأ آخرون وفتحوها ليتلذذوا بطعم محتوياتها ولتزين الوردة الحمراء أحد أركان منازلهم ولكن شغلهم الشاغل معرفة روميو وجولييت الحقيقيين، وكشف النقاب عنهما متبادلين أطراف الحديث فيما بينهم عن قصة حب مجنونة جديدة أبطالها مجهولون.
رد مع اقتباس
  #8  
قديم 26th November 2010, 08:46 AM
الصورة الرمزية أمل حنا
أمل حنا أمل حنا غير متواجد حالياً
مشرف المنتدى الاجتماعي
 
تاريخ التسجيل: Dec 2008
المشاركات: 512
الجنس: انثى
أمل حنا is on a distinguished road
فعلا قصة غريبة .......
الله يديم المحبة بقلوب الجميع...... بس بتصير مشكلي اذا صار بعض الشباب بدهم يعملوا مثل ما عمل هاذ العاشق روميو الولهان لحبيبته جولييت المجهولة.....
وللعم أبو هاني بقلك لا تزعل أنا مثلك ما وصلني شي وردة حمراء أو ضيافي مو مشان شي بس مشان نباركلهم ونهنيهم مع انو بيتنا أول بيت بالضيعة يعني راحوا واجوا من قدام بيتنا وما خبرنا شو صار حتى طش الخبر بالضيعة ونحنا يا غافل الك الله
ولهيك قررت ابعثلك يا عمو أبوهاني باقة ورد باسمي واسم جميع أعضاء منتدى زيدل وب اسم روميو وجوليت اللي نسيوا يوصلو الوردي لمدير موقعنا انشاءالله تقبلها وتعجبك
ومنقول عيد ميلاد سعيد لجوليت وعقبال ال100 سنة

الاســـم:	D8-82RB_c.jpg
المشاهدات: 23867
الحجـــم:	21.9 كيلوبايت
رد مع اقتباس
  #9  
قديم 26th November 2010, 12:55 PM
الصورة الرمزية Elie Swed
Elie Swed Elie Swed غير متواجد حالياً
مدير عام و مشرف المنتدى الإداري
 
تاريخ التسجيل: Aug 2003
الدولة: zaidal
المشاركات: 1,388
الجنس: ذكر
Elie Swed is on a distinguished road
والله أنا كنت زعلان من روميو زيدل, بس أجى مين ينصفني بالأخير (( بباقة ورد جميلة )) شكراً أمل, وهيك راح زعلي وأتمنى لروميو أن تتكلل مبادرتو ـ الغير شكل ـ بالنجاح ......... شكراً لهذه العبق الجميل منكم جميعاً.

( حبيب العمر )
__________________
الأرض التي تقع عليها متـألماً

عليها تتكئ وتقف من جديد
رد مع اقتباس
  #10  
قديم 29th November 2010, 03:26 AM
طوق الياسمين طوق الياسمين غير متواجد حالياً
عضو
 
تاريخ التسجيل: Jan 2010
المشاركات: 17
الجنس: ذكر
طوق الياسمين is on a distinguished road
بداية لا أخفي اعجابي بالفكرة من حيث المبدأ ولكن من حيث المضمون استغرب انو ناس مثقفة تهلل للفكرة ع العمياني وتبدي اعجابها الكبير فيها متل ابو هاني ( الله يوفقوا البادرة حلوة ) وبمكان آخر ( أتمنى لروميو أن تتكلل مبادرتو - الغير شكل - بالنجاح ) أو متل الأخت أمل حنا ( مو مشان شي بس مشان نباركلهم ونهنيهم ) والأخت سمر ( تعلمو يا شباب الحب من هالشاب ) و الأستاذ زياد يلي استشعر ( ع فكرة استاذ زياد بيقولو وانتا عم تحكي بالفصحى - وانتا المعلم طبعاً - مجموعة من الشباب و الصبايا قامت مو قاموا ) ....
طيب قبل ما نبدي فرحنا و نروج للموضوع هل سألنا نفسنا : هل الشاب من زيدل - وهذا لمحت له الأخت سمر - ؟؟
هل هو أعزب أم متزوج ؟؟ هل الفتاة عازبة أم متزوجة ؟؟ هل يناسبها اجتماعيا و تعليميا و .... ؟؟ هل هو أغنى منها - كما يبدو - ويحاول اغرائها بالمال للموافقة ؟؟ هل هو يهيأ رأي عام في القرية لارتباط قد يكون غير متوافق حسب عاداتنا ؟؟
بالتالي المطلوب هو التفكير قبل ابداء موافقتنا على ما قام به ...
ولعلمكم فقد أطل ما سميتموه روميو على إحدى الاذاعات الخاصة يوم الأحد 28-11-2010 ليعلن استغرابه لدهشتكم فهو كما قال فرش لها مدخل جامعة البعث العام الماضي بالورد و فرش مدخل كليتها و وزع الورد على الطاولات في كافتيريا الكلية ...
بالنهاية مع احترامي الشديد لأرائكم فهي تخصكم وحدكم ( لأن رد فعل العديد من الناس فيه الكثير من الخوف من الكيس وما يحتويه و رفض الأهل تناوله من قبل أولادهم وغير ذلك .. ) وما بيكفي لما سمعنا القصة ( قلنا هههههههههههه مع ابونا ورفقاتنا يا ؟؟؟ ) .
ردي على الموضوع هو رد على موضوع و طرح فردي وانا لا اخفي الاعجاب بكل ما يطرحه في مقالات آخرى كل من ورد ذكره فيه ...
كونو كاملين لأن أباكم السماوي كامل هو
رد مع اقتباس
  #11  
قديم 29th November 2010, 09:39 AM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,739
الجنس: ذكر
ziad sattah is on a distinguished road
اقتباس:
و الأستاذ زياد يلي استشعر
عذرا ً أخت (طوق الياسمين ) : من الواضح أنـّك لم تقرأي (استشعاري) , و لن أشرحه لك لأنـّه أوضح من الشّرح .
و أنا لم أعطي رأيي بالقصّة أصلا ً , بل اكتفيت بعبارة : من أغرب الأمور ..
كما إنني ألمحتُ لأختي سمر في ردّي الثاني بعبارة قليلة الكلمات بعيدة المعنى :
اقتباس:
أحيانا ً تكون أنصاف الحقائق أجمل من الحقائق نفسها . .

على فكرة :
في ردّك سيدتي تجريح كبير أرجو أن يكون غير مقصود ... فأنت تأكـّدين على التعريف بشخصية الفتاة :
اقتباس:
مدخل جامعة البعث العام الماضي بالورد و فرش مدخل كليتها

ألم تكن أنصاف الحقائق أفضل ؟؟
شكرا ً على التصحيح اللغوي ..
__________________
إذا كان الله معنا فمن علينا
رد مع اقتباس
  #12  
قديم 29th November 2010, 09:27 PM
سيمون برصون سيمون برصون غير متواجد حالياً
عضو بارز
 
تاريخ التسجيل: Apr 2006
المشاركات: 172
الجنس: ذكر
سيمون برصون is on a distinguished road
الحقيقة رغم الإنشغال روميو شغلني بهالموضوع وبعد السؤال بعثلي نص الرسالة المرفقة مع الهدية لحبيته
بيقول



بْحِبِّكْ أنا وْ حُبّي مَ هو حْكايه ... حُبي إلِكْ سيري بلا نْهايه
بَوسِ اللُقى كانت نِهاية دَرْب ...وْ قُبلة لُقانا صارِتِ بْدايه
وْ صِرتي إلهي وْ خالقي بالحُب ...وْ ريقِكْ عَجَنْ مِنْ صَخْرِتي آيه
وْ بَدّلْتِ مِشْواري بْكَمال الرّب .... وْصارِ الكَمال بْحُبِّك الغايه

***
فَتّشْت بِرْسايل سِفِرْ أَعْمال... عُشّاق حَبّو ناس مِنْ قَبْلي
ولَمْلِم قُصّصْ إسْتَفْسِرِ الأمثال ...إفْهَم عِشِقْ زَهْرة مِنِ النَحْلة
تَدْراجِ عَتْباتِكْ صَلاتي تْطال ... وْ طَقْسِ العِبادة مِنّي تِسْتَحْلي
لَكِنْ أسَف ما في بِحالي حال ... وْ حُبي إِلك ما صادَفِ مْرايه

***
مَ لْقيت إلا إبْتِدِعْ مِنّي ... وْ إفْقَهْ طَريقة وْ مَنْسَكِ عْبادي
لا روميو عَ شُرْفِتِكْ غَنّي ...وْ لا عَنترة ساطي على البادي
وْ لا قيس بِجْنونو سَبَق عَنّي ... وْ سَكْرَة يَزيدِ بْزيدها زيادي
وْتوهِ بْخُطا مَجْذوب عَ الجَنّي ... وَزِّعْ شِعِرْ وِ وْرودِ مَعْ تَطلة
وْصَلّيلِكِ لْ مِيّة سِني جايي.


وكل عام وكل اللي بحبو بخير
رد مع اقتباس
  #13  
قديم 30th November 2010, 12:21 AM
الصورة الرمزية angel
angel angel غير متواجد حالياً
عضو مخضرم
 
تاريخ التسجيل: May 2004
المشاركات: 685
الجنس: انثى
angel is on a distinguished road
ذكرتني هذه القصة بمقطع فيديو شاهدته بسلسة طرائف الفيديو المنزلي منذ عشر سنين على الأقل. المقطع يصور فتاة تنتظر حبيبها في المطار وتتفاجأ أن كل راكب كان على متن طيارته يعطيها وردة حمراء بعد خروجه إلى قاعة الوصول ويخبرها أنها من حبيبها والذي أرى صورتها لكل الركاب بعد توزيع الأزهار عليهم. ولأجل الصدفة كان أحد المسافرين يصور المطار ولفت نظره مشهد الفتاة والورود فصوره كاملا. كان كل شخص يعطيها الزهرة مع ابتسامة تزداد مع ازدياد دهشة الفتاة وضحكتها واخيرا دموعها عندما نزل اخيرا حبيبها مع خاتم الخطبة وانحنى على ركبته والبسها اياه وسط تصفيق وتهليل المسافرين. اذكر ان المشاهدين صفقوا كثيرا ومنهم من دمعت أعينهم تأثرا وفاز هذا الفديو بجائزة البرنامج.
ربما نحتاج لوقت طويل لنتقبل في مجتمعنا شخصا يعبر عن مشاعره على الملأ بعفوية وحرية و بطريقة غير مألوفة , ونحتاج لوقت أطول لنصفق له ونشاركه مشاعره من دون أن تتسارع إلى عقولنا التأويلات والسخرية والشك وسوء الظن.
__________________
الرب راعي فلا يعوزني شيء.. في مراع خصيبة يربضني ومياه الراحة يوردني..
رد مع اقتباس
  #14  
قديم 14th December 2010, 08:52 PM
روميو زيدل
Guest
 
المشاركات: n/a
Exclamation روميو زيدل عيد ميلاد غير شكل

شباب كيفكن بدي علق عن قصة روميو الحمصي أنا كنت موجود وقت التوزيع وشفت كل شي بعيوني وما حدا حكالي اللي صار انو شباب وبنات وزعوا هدايا وصار اخذ ورد بسب التوزيع والمسؤول عنه وسائلنا الشباب اللي كانوا موجودين واحد اسموا علي والثاني عماد والثالث محمد والرابع ايللي فصار بلبلة عن هوية روميو هو مسلم ولا علوي ولا مسيحي ولا غير بس كل الناس مافيها تنكر انو الموضوع حلو وبالنهاية منتمنى من الله يهنيهم وفي اخت حكت عن مشاركة لروميو على الهوا باحدا الاذاعات ياريت تتاكد من دقة المعلومات لاني بشك انو حكى عالهوا وانوا شخص استغل انو مجهول وحكى بالنيابة عنه ممكن حتى يتفاخر قدام حبيبتوا وممكن غير شي
وشكرا
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 03:31 AM.


Powered by vBulletin V3.6.2. Copyright ©2000 - 2021
تصميم الموقع وسام عبد العزيز جميع الحقوق محفوظة, Copyright ©2001 - 2021
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص