موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى الإداري > المركز الثقافي العربي بزيدل

إضافة رد
 
أدوات الموضوع تقييم الموضوع انواع عرض الموضوع
  #1  
قديم 13th February 2017, 12:26 AM
الصورة الرمزية Elie Swed
Elie Swed Elie Swed غير متواجد حالياً
مدير عام و مشرف المنتدى الإداري
 
تاريخ التسجيل: Aug 2003
الدولة: zaidal
المشاركات: 1,341
الجنس: ذكر
Elie Swed is on a distinguished road
من وحي عيد الحب للشاعرين زياد سطاح ـ ماجد سطاح

اليوم كان لنا لقاء مع أمسية زجلية شعرية

أحياها الشاعرين المميزين من وحي عيد الحب

( د. ماجد سطاح ـ الأستاذ زياد سطاح )

وفقا للإعلان أدناه :

الاســـم:	الأمسية.jpeg
المشاهدات: 144
الحجـــم:	130.9 كيلوبايت

الشاعرين مع حفظ الألقاب

( زياد سطاح ـ ماجد سطاح )


الاســـم:	35.jpg
المشاهدات: 114
الحجـــم:	83.5 كيلوبايت

(( نتابع معكم ))

__________________
الأرض التي تقع عليها متـألماً

عليها تتكئ وتقف من جديد
رد مع اقتباس

Sponsored Links
  #2  
قديم 13th February 2017, 12:33 AM
الصورة الرمزية Elie Swed
Elie Swed Elie Swed غير متواجد حالياً
مدير عام و مشرف المنتدى الإداري
 
تاريخ التسجيل: Aug 2003
الدولة: zaidal
المشاركات: 1,341
الجنس: ذكر
Elie Swed is on a distinguished road
مع الأستاذ زياد سطاح :


الأنسة منتهى يازجي

الاســـم:	منتهى يازجي.jpg
المشاهدات: 109
الحجـــم:	115.0 كيلوبايت

تقدمت الآنسة منتهى يازجي من الحضور الكريم مرحبة بهم وبحضورهم المميز

حيث تابعت مقدمة الشاعرين المميزين

وقامت أولاً بدعوة الشاعر الأستاذ زياد سطاح

لألقاء قصائده مشكوراً

الأستاذ زياد سطاح :

الاســـم:	زياد سطاح.jpg
المشاهدات: 113
الحجـــم:	109.1 كيلوبايت

( القصائد )


( بلادي )

أحببت من بين البلاد بلادي
من ذا يشاطرُها الهوى بفؤادي
هي خافقي وصبابتي وصلابتي
هي مقلتي ومقالتي وودادي
فدمشقُ قافيتي وبَدءُ قصيدتي
وأكيلُ من حلبَ الصمودِ مدادي
وأرى بحمصَ حلاوة ً ودعابة ً
وثقافة ً في الفن والإنشاد
. وأرى حماةَ يشدني جوريُّها
فواحة ً في سهلها والوادي
أهدي سويداءَ الجنوبِ محبتي
ويزيدُ من درعا الإباء ِ عنادي
ولنا بجولان ِ الشموخ ِ ملاحمٌ
هو عائدٌ مهما استباحَ معادِ
واللاذقية بحرُ عشق ٍ وافر ٍ
طرطوسُ مدتْ للضيوف أيادِ
وأنا المتيمُ بالشروق ِ بشرقنا
في ديرِ زورٍ لا تردُّ منادِ
والرقة ُ الحسناءًُ سيلُ ضيافة ٍ
وشهامة ٌ، ووريثة ُ الأمجادِ
وجزيرة ٌ زادت مواسمَ خيرِنا
مابين دجلة َ والفراتِ بَواد ِ
فاضتْ بألوانِ العطاءِ تبخترا
لتقول َ: هيا قاسموني زادي
أتـُراني قد أنسى اللواءَ هُنيهة ً؟
هيهات يهنأ ُ دون ذاكَ رُقادي
سوريتي أنتِ المدائن ُ كلـُّها
سودي فأنتِ سليلة ُ الأسياد ِ

.....................................

كانو على الخطّ الأمامي اثنين
ورصاص من حولن على الميلين
كانو بـ ْمهمّه وعاليه الهمّه
وكرمال عين الكل سهرتْ عين
الأوّل ســـأل خيّو بعد تفكير
لمّا الذخيره قَرَّبِتْ تفضى :
يا صاحبي فينا شـ ُرح بيصير
ونحنا بْـ نهاية ذلّ مـّ بنرضى
الثاني ابتسَم عا ذمّة الرّاوي
وقلـّو بْهداوي: حاسب حسابي
رح خبّرَك بالضّبط شـُ بْساوي
ورصاصتين حْمَلـْتْ بجيابي,
بِكـْتـُب بإيدي نهايتي.. ناوي
مـَ بريد عا إيدين خاين موت
ولـ َ بموت عا إيدين إرهابي
.....................................

(( بطل القصة هو الشهيد نعيم حداد \ تفجير الكتيب))

تخمين صار الوقت تا ترجع
ع بلاد عا دمعاتك بتدمع
ع بلاد مرويه ب عرق لجدود
ب هامه لغير الرب م بتركع
ليك النسر بيهاجر وبيعود
ومن سطوة الصياد م بيفزع
والزنبق بعطر و حلا بيجود
لما ب أرضو وبيئتو بتزرع
م العمر واحد والوقت محدود
ودرب الحذر أوقات م بينفع
ساعة صفا بخيمه ع صوت العود
بتمحي هموم القلب والمدمع
عنا بجمال الغرب مش موجود
لاكن ب مقياس القلب والروح
نكهة جمال بلادنا أروع

.....................................

عمتسـأليني شـو بتعنيلي
وإنتي وحي جملة مواويلي
لو قلت إنتي الحب، مش كافي
حرفين م بيروو نهر نيلي
م الحب لا المنجد و لا الوافي
بيستوعبو، ولا فن تشكيلي
لاكن أنا رح قول لا تخافي
تا كحل العينين من ميلي :
إنتي الندى الغافي ع نفنافي
إنتي ب عتم الليل قنديلي
إنتي صباح الخير ع شفافي
وإنتي مسا من الورد تشكيله
إنتي ب عيد الحب : عيد الحب
وإنتي ب صلاة العيد ترتيله

.....................................

بهالعيد بهديكي خمس وردات
فيها الحواس الخمس مكتوبي
صمت الزهور بيهمس بكلمات
الورده ب نظم الشعر موهوبه
عيوني إلك وحدك.. إلك بالذات
تا تعرفي قديش محبوبه
وفيكي أنا بلمس دفا النهدات
كلما مرق طيفك على دروبي
ب يمرق ندى عطرك مثل آيات
وبخور يمكن يغفر ذنوبي
وكيف النحل ذواق بالحقلات
مثلو أنا.. والشهد مطلوبي
و رح سمعك مني إلك أبيات
يمكن ع رهبة هيكلي تتوبي:
بالمختصر وبدون تلميحات
صدري مرج وانتي ثلج آذار
ذاب الثلج.. حلك بقى تذوبي

.....................................

كنا المسا كل يوم بعد العصر
نسهر سوا بجنينة ورودك
واسهر ع وعدك: تغمريني غمر
وكنتي وفيي بتذكري وعودك
وكلما التقينا نعيش ليلة قدر
وأنسج قوافي حب ع زنودك
و في يوم ضيقتي عليي الأسر
ب خطوط حمرا راسمه حدودك
بالهمس مش باللمس كان الأمر
وحدو الغزل مسموح بوجودك
من بعد ما شفيت شفة خمر
من شفافك بغفله من شرودك
قلت: الهلال زغير، وين البدر؟
في ثلث منو بالسما.. وثلثين
بانو ع وجهك . نور عخدودك

.....................................

قالت:لعندي تعا يا شاعري لو فيك
وحدي ع راس السنه بالليل سهرانه
عندي خوابي خمر وشفاف بعدا فريك
وعندك قوافي وجمل وحروف عطشانه.
عالوعد كنت المسا عابابها هونيك
ودقيت دقة قلب عشقان بيعاني
طلت وفتحت إلي و بالحق كانت شيك
الهمسات نغمة وتر والحسن رباني.
الفستان فاتح على كنز الحلا شبابيك
كلما تشد العراوي تطل رمانه
والثم مسحة رسول بلمستو يشفيك
والخد زهرة حبق بالفي ربيانه.
دقت الساعة اطنعش وتغير التكتيك
عهد الكلام انتهى وبلّش عهد ثاني
و ما وعيت إلا على نغمة صياح الديك
وأحلى قصيدة غزل عالصدرغفيانه

.....................................

الخمسين مـَرّو متل نسمة مسا حـْزيران
وْ أيلول ناســي معي ورْقـات معدوده
و التلج غطّى المرج, و الكان ياما كان
مـَرّ وْ تَرَكـْني و نـِسي درفات مَوصوده
فجأه ربيع الصِّبا تـْمَرَّد على السّـجّـان
وْ شَـرَّع بواب السّعاده وْ قـَلـّها : عُودي
مـ َالقلب متل الفراشه الحالمه بـْ بـسـتان
ان ما رحتْ لَملِم جنى شـُ بْيِنْفَع وْجودي
حْمِلـْت القصيده وْ ومثل صيّاد بالوديان
إرمي شباك الهوى بـْ غايات مقصوده
لا كِنِتْ إلـْمَح غـزاله بـْسهلة الغـزلان
وْلـ َقـْدِرِت لاقي يَمامه تـْ غِلّ بجْرودي
وْلمـّا رجـِعـْت المَسا عا غرفة النـّسيان
بْلاقي صـَبـيّـه بـ ِصـدر البيت مصموده
تْقلّي:الّلي طارو بْهَدى عشره عنالأغصان
وحدا اليمامه الـ إلـَك بالبيت مـوجـوده

.....................................

عنا جارة بالحاره ... فتحت دكان
وكلما بعملا زياره ... برجع طفران
-------
عندا العناب بدمو ... ولونو المحروق
والتفاح الـ عاإمو ... شم ولا تذوق
كلما بقرب تا ضمو ... القد الممشوق
بشوف حواليها التمو ... كل النسوان
-------
ب قلا طالع عا بالي ... ذوق التفاح
والتفاح بيحلالي ... والموسم لاح
تقللي الغالي للغالي ... زياد السطاح
وتاخذ مالي ورسمالي ... وحتى الجزدان
-------
شفتا مره بتتلوى ...... والتلج كوام
وجسما سبحان السوا ... رخام على رخام
قلتلا برد علوا ...... يغطّينا حْرام
قالت في غيرك جوا ... وكلو بردان
-------
عينك يا خيي تلمح ... جوز عناقيد
تسرح قدامي وترمح ... من إيد ل إيد
ممكن؟ قالت ما بسمح ... خليك بعيد
وخلي هالمهره تجمح ... بين الفرسان
-------
مره صفيت النيه ... ولعندا رحت
صارت تتطلع فيي ... من تحت ل تحت
شو بيهديني وهيي ... كيف ما تزحزحت
شويه ترخّي وشويه ... تقب ّ الفستان
-------
لافي جاره بالحاره ... ولا في دكان
بالبسمه عملنا غاره ... تدفي البردان

=====12\2\2017======
__________________
الأرض التي تقع عليها متـألماً

عليها تتكئ وتقف من جديد
رد مع اقتباس
  #3  
قديم 13th February 2017, 12:39 AM
الصورة الرمزية Elie Swed
Elie Swed Elie Swed غير متواجد حالياً
مدير عام و مشرف المنتدى الإداري
 
تاريخ التسجيل: Aug 2003
الدولة: zaidal
المشاركات: 1,341
الجنس: ذكر
Elie Swed is on a distinguished road
زجليات


الاســـم:	ماجد وزياد.jpg
المشاهدات: 111
الحجـــم:	88.4 كيلوبايت
( زياد ) :
دكتوره
يا دوب راسي طال لـِمْخَدّه .. سْمِعْتِ المَرى مـَ تْقول محتدّه
شُوف الصبي , إبنَك مَفيه يْنام ...... محموم شِفتو بـْوَضع مِتْرَدّي
وِ بْألف يا ويلاه شِلْت حْرام ... عَنّي , و فكري يجيب و يْوَدّي
قِلت: و إذا بْهاللّيل؟ ما بِنْلام ... بـدّي طَبيب لـْوَضْعنا يـْهَدّي
مافي دوى بالبيت أو برشام ... وحْبوب ســيتامول ما عندي
قالِتْ إلي: لَيش القَلَقْ مادام ... عندك حَـكيم لـْساعـة الشِّـدّه
قلتلّها: بْنِطْلَعْ سَوى عـالشّام ... لـَكـِنْ أطبّا رجال مـا بدّي
وبالذاكره برزنامة الأيام .... تذكّرت دكتوره وحلم وردي
وِ بـْهاتفي بـَوَّسْت سَبْع رْقام ... و القلب يِدْعي: رَيْتِك تـْرِدّي,
رَدِّتْ بـِهَمسه تِشْبَه الأنغام: ... تِـكْـرَمْ عيون الـوَرْد لـِمْندّي
وْ لَمّا إجِتْني وْ شِـفْتها قِـدّام ... بـيتي و قلبـي و يَدّها بـْيَدّي
قلتلّها: عودي لـْمَهِدْ أحلام ....... خايِفْ إذا شافِك زْغير البَيت
تـْزيد الحَراره وْ يِنْغِرِم قَدّي

=================================

( ماجد )
ما زالْ مَا بـِدَّك حكيمَو كُونْ ........وطنَّشتْ إبنو لـْعَمَّكْ المديونْ
وصَفَّيتْ عم تركضْ عَ دكتـُورهْ....بتعالجْ بلمسهْ وعِطرْ مجنونْ
وعْمَلتني برواز للصورهْ ...........تَ طـْلِعتْ شَبْ قبالها مزيونْ
وحْياة ربِّيْ ) نْ شِفتـَك بْجورهْ....بصحرا ولـَعـُنقكْ بالرمل مدفونْ)
ومَ تنقْوِّد بعينيكْ الـْنسورا .........المـنقارها شِكلْ الإبر مَسنونْ
مَ بكِشّها و بقول مشكورهْ ............وأكتر بيستاهلْ , إلِكْ مَنونْ
لنّو بْلاكْ الحالْ مستورهْ .......يَ زبونْ طِفرانْ بحَفض هالجَيبْ
ألفينْ بالناقِصْ لـَهَيكْ زبونْ
==============================
شاء القدر أن يقع ابني و ينجرح و يحتاج لطبيب , و كان طريقي إلى الحكيم العم ( كالعادة ) , و انتهى الموضوع بقطبة في الجبين , بعد ان زَوَرَني و قال : ( خلّي دكتورة تنفعك !! ) .... و عند دفع الحساب قلتُ له :

مِن حيث إنـَّكْ شـاعـر مْحَنَّكْ ..... مـالـي غِنَى يـا صاحبي عَنَّك
و انْ يَوم جَـدّ الجَّـد يـا دكتور ...خرطوش فَردَك خرطشو بْفنّك
خَيّي وْ حبيبي وْ صاحبي وْ مشهور.. بالجود و الإحسان حيث انَّك
مِن هَيك لـَ تْفكّر بـِكَشْـف أجْور ... خـلّي الفقير و طابقو مستور
و الأجر شعر بـْناخذو منّـَكْ

********************

( ماجد ) :

الحال دَقـْرِتْ و الشِغلْ ما فيشْ .........ومتلـَكْ إذا طـَنـّشتْ كيفْ بْعيشْ
اللهْ إذا مفضَّـلْ عْليكْ و زادْ ......شـُوفْ حَالنا الـْعَا قـَدَّنا , دْراويشْ
حَسَّبتني بشِغلي فـْتحتْ مـْزادْ..........ومَ ترِّدْ لي الـْحسابْ بـِخـْرابيشْ
هَالكَمْ بَيتْ الـْقـِلـْتهُنْ يَ زيادْ .................مَ بعِدّهُنْ للحَقْ هَونْ سْدادْ
وعَ الد فـْعْ دَوبُنْ يطلعو بأشيشْ

********************

( زياد ) :

ما دام لاحقني عـَ بعض قْروش ......وْ تاري أنا بمحبّتك مغشوش
وْ نـسـيان إنـّو خَـلَّدَك شِعري ... لا إنْت فَـرْد وْ لا أنـا خرطوش
و الـدَّم صـايـر مَـي عـَمْـتـِجـري ... بعروقَك , وْ هالكِبْريا مَخْدوش
و الخيط يَـلـّلي حـاكـتـو الإبـرهِ ... بجبين أبني بالأرض ملحـوش
بـْ حِلـّو أنا وْ بـْفَوّضو امري ... لـْ رَبّ السّما العالي بأعلى عْروش
بِدْعي عَليك , وْ بطْلـُب بـْنِذري ...... مَديون تِبْقى وْ ما تسَدِّدْ دَيـَن
وْ بَعد المَحاكم تِنْتِهي بـْقاووش

********************

( ماجد )

يَ زياد بالعْ لقمتو لـْعَيشيْ ...........وعَمْ يلعَب بهالشعر طـُمَّيْشِهْ
بقلـّـَكْ أجوري ادفاعْ يعني ادفاعْ ........فـِتـِّيشْ فـَرْدَكْ ما لِزِمْ جَيشيْ
لـَكْ كـَوَنْ مِشْ قاووشْ صَعْبهْ يْساعْ....مـِخِّيْ , وشوف كـْبير قِدِّيشيْ
وهالخيط يللي بجرحْ إبنكْ ضاعْ .........مْلحوش , بسْ العذر مَعْليشي
لـَكْ راسْ طالِعْلـَكْ وعقلـو باعْ .........ومْفـَرقـَعْ بْشَعْرو شِيْ فِتـَّيشهْ
شوفو مْنيحْ وبسْ شفتو رْجاعْ ..........قِلـِّي بضميرَكْ مثل هَيكيْ راسْ
بْشو بتقطـبو لو شايفو خـَيشهْ ..؟

********************

( زياد ) :

لو كِنتْ فينَك تِقْشَعو: ماشي ........لاكـن عيونَك فيهُن غْباشي
شِعْرَك وُ شَعْرك هَرْهَرو بَكّير ...وْ شِعري تُحَفْ تصميم ( فرزاشي)
بـالطّب عالـم إنتْ, بحر كْبير.. أمّا بـِبَحر الموهبه : لا شــي
بالقرش عقلَك ماخذو التّفكير ... بِـتْقـَّرّش اللـّزّيـق و الـشّـاشـه
و زْبون لـو شِــفْتوعَدَمْ بتصير ... سَـفّاح بـاشا, وْ عسكَري فاشي
وْ جايي وْ عَلَيّي سـايق التّعتير... تـِشْحَـدْ عواطف جـوع جَيّاشي
خَيْشه قِلِتْ ؟؟ أكبَر بَعِد بكـْثير ..... سابِع سَما واصل أنا, وْ أكثَر
و الأرض طول وْ عَرض لـ فْراشي

********************

( ماجد ) :

بالمعرفهْ والنور وحْواسيْ ..................زْرار الورد تَ يفـَتـّحوا كـَاسيْ
بالطب شافي الـْما إلو دُبّارْ .................و بالشعر فاضوا بحور من كاسيْ
عَيّرتني بصلعهْ و عَ راسي شْعَارْ ....................إكليلْ غار متوَّجو لْراسيْ
و عُمركْ شِفتْ يا صاحبي شِيْ حْمار ......أصلعْ .؟, بقا إصحى نْ كنتْ ناسيْ
لَ تقولْ فرزاشيْ مُودَيْلـَكْ صَارْ ............وبَعْديْ مَ إحْلِقلـَكْ عـلى الطاسهْ
وتنسى بإنـّكْ ساعتـَكْ بالنـَّارْ.................بدَرس الإضافي الـِيْ بْلا دْراسِهْ
ونازل على الجيبهْ مثل منشارْ ................شـِيطانْ لابس ثوب الـِـقـْداسِهْ
لَ تضلْ متحمّسْ وراسك طارْ...........بسابع سما وقــِّفّ (منْ اللهْ) اطلـُوبْ
عْظامَكْ مَ حَمِّسها بمِحْماسِيْ

********************

( زياد )

كرمال هالقرشَــين مِـشْ اكثَر ... جـايـي لعندي وْ حامل الخنجر
مثل الفراشه بـْتسرق الأزهار.... حـتّـى بـْعُـطـور الغَير تـِتْعَطّر
طالِب شهادة حَقّ حَول حْمار ....... و إنتَ الـْ بِهَيدي المعرفه أخبَر
بالطّب شــو خَلاّك شَيخ الكار ..... لولا عـليك مـعلَمك يـِسْـهَـرْ
وْ ثَوب القَداسه فاض نور و نار .... لمّا بـدَيري وْ منهجي تـْأثـَّر
خَلّيك عَندَك, صَوب باب الدّار ........تا تحمل المحماس و الفنجان
عـَ الشّيخ مش رح فيك تِتْكـَبَّر


********************

( ماجد ) :

لَك كيف رح إشمخ عَ هيك شيوخْ ...متلَك بأشعارُن يَ دوب فروخ
ومتلي إذا عَ الورد شعرو حَام ......تاج الحلا من خجلتو بيسوخ
إستاذ متلَك إنت ياما نَام.............بدرسو, وتلميذو معو بيدوخ
محلَّل على راسو كسر القلام ........ .....وع راس كل تلميذ متأثر
فيهْ , تَ بفكرو طلع ممسوخ

********************

( زياد ) :

شوفو حكيم الفكر وَين اليوم صار!! ... سَلـْحَبْ عـَ أيّا داهية؟ عا أيّْ غار
وِنْ كان ناوي يـْتُوب عا كرسي الزَّجل ...قلبي الحنون لـْ تـَوبتو فاتِح مَزار

********************

( ماجد ) :

بغَيبةْ حكيمْ الشعر إفهمْ مُبتغايْ ...و شوفو (الوصايا العَشرْ ) حاملها و جَايْ
و أول وصيّهْ بـْـقـُولها لْكِلشيْ كـَفـَرْ.... ..رَبـَّكْ أنا بالشعر لا تـُعْبـُدْ سِوايْ

********************

( زياد ) :

بـْ لَوح الحَجَر شفت الرّدود تـْأثّرو ... و تـْحَجّرو مـَتْغَيَّرو وْ لـَ تْحَضّرو
وْ آخِر وصيّه حْمَلتها وْ مـَ عْملتها: ....لا تشتهي العرش الـّلي خَيَّكْ عَمَّرو

********************

( ماجد ) :

حاجهْ طـَبـِخْ أفكار منْ تحتْ الحِصارْ ...صَفـْرِتْ مثل صمّام طنجرة البُخارْ
الراكِب على المُهرهْ الأصيلهْ بالزجلْ .......لكْ كيف بدّو يشتهي يُسرجْ حمارْ

********************

( زياد ) :

لك كيف بـدّي بعد سمّـيـك الحكيم ... خيّال بدها الخَيل, مِشْ راكب غشيم
ربَّك إلاهَك سـيّـدك عيسى المسيح ..... أسـرَج أتـان حْمار بـارَكْ اُرشَـليم

********************

( ماجد ) :

الحمارْ الِيْ تيابْ الطهَارهْ خَـبِّتو ...جَحْشْ مِشْ مركوبْ ظهرو نـَخـْبـِتو
لكنْ حماركْ بالزجلْ يا بُو الذكا .............قدِّيشْ فيهْ ولادْ قـَبْلـَكْ رِكبتو

********************

( زياد ) :
قَبْلَك و قَبلي و قبل هالجّيل الفصيح ..... شُفْنا تَواضع خالق الكون الفسيح
وْ مِن قَبْل مـَ الإيمان نحْمل شعْلتو .. شفنا الحمار بـْيحْمُل الفادي المسيح

********************

( ماجد ) :

يا راكب عْـلى حْمار ومْكـَفـّـَى طـْلوعْ.........خطوهْ مِشِي لـْقدَّام , وتلاتهْ رجوعْ
كرمال بالكلمهْ يَ فـَالحْ ترتقي ...... يا حِلّْ عَنـّو إنزالْ , يا شِفـلِكْ شِي كوعْ

********************

( زياد ) :

تا إرتِقي بدّي خَصم إرقى مَعو ... وْ إفْزَع مِن حْروفو أنا, مِشْ فَزّعو
لاكن معك يا صاحبي مافي أمل ... لولاَ العذرا وْ مار جرجس يِشْفَعو

********************

( ماجد ) :

يَ دكتوره ليالي الشِعر ضاجوا ..... بـِطـَحِّة طفل مِشْ لاقي عِلاجو
أنا رَحْ إبعتو لـْعَنـْدِكْ عَ مشفى......حكومي , بحاضنهْ راعي خِداجو
حليبْ سْباعْ شَرَّبتو مِصَفـّى .................. وطعميتو بْدال الرزْ كاجو
وحَلقتلـّو على القرعَهْ , ومِشَفـَّى .......قـَحْفو صَارْ , شـُوفي أمْبَلاجو
إبرْ قِدِّيشْ , شِكـِّيتو و مَ كـَفـَّى ...............كِلشيْ بصيدليّة إحْتياجو
و لسانو ضـَلْ عَمْ يرْغي مِكـَفّـَّى ......بـِحَلقو , بْلا فـْرامو و دبرياجو
الـْعِمِلْ ياسوعْ مدري كِيفْ غـَفـَّى ...عُيونو , وقتْ خـَيل الشِعر هَاجو
وصِفِي بالعـَتم وسِراجو مِطـِفـَّى ......عَمِبْيـُبْرُمْ على حْمارو ونِعاجو
وإجاني اليومْ باللـَعْي المِقـَفـَّى .........فـْرَدِتْ عَ المنبرْ بْرمشِيْ دْمَاجو
و لـَونو كتير أصفر , شِفِتْ صَفـّى ..........تِقِيلْ الدَمْ , دمّو غـَـيْريلو
بلكي هَيـْكْ بنغـَيِّرْ مِزاجو

********************

( زياد ) :

أمـانه يـا حـَكـيـمـه تـْحَكّميني ... دوى للروح: عطـْر الياسمينه
الحكيم اليوم مشْ شاعر بِحالي .... معِكْ بِشْعُر بِحاله مْنِ السَّكينه
أنا تـْرَفـَّعـت عـن روح الـتَّعالي .....لأنـّو يا جَماعه العَقل زيـنـه
طَبيعي الّلي مجالو مش مجالي... يـِرِدّ بـْزوبَعة ريح الضّـغـيـنـه
لـَمـَحْ فِيّي نَقاوة طـفـل غـالـي ... بحضن مريم شَفيعتنا الرَّصينه
وْ أنـا بـْشوفو مـِتِـل خِتْيار بـالي ... بـِدُنيا الـشِّعر آخِـرتو مـشـينه
وْ حَنى ضَهرو و راسو صار حالي ...مِتِل سمعان صَوب الباب ناطر
خَلاص الشِّعر بحروفي الثّمينه
__________________
الأرض التي تقع عليها متـألماً

عليها تتكئ وتقف من جديد
رد مع اقتباس
  #4  
قديم 13th February 2017, 12:55 AM
الصورة الرمزية Elie Swed
Elie Swed Elie Swed غير متواجد حالياً
مدير عام و مشرف المنتدى الإداري
 
تاريخ التسجيل: Aug 2003
الدولة: zaidal
المشاركات: 1,341
الجنس: ذكر
Elie Swed is on a distinguished road

مع الشاعر الدكتور ماجد سطاح :

الاســـم:	ماجد سطاح.jpg
المشاهدات: 111
الحجـــم:	90.8 كيلوبايت

( لقاء ) :

أزائرتي أحاسيسي خيولُ ........إذا أقبلْتِ في جسدي تجولُ
سنابكُها تثيرُ غُبارَ صمتٍ .........على شفتيَّ رحلتُهُ تطولُ
فأطلقُ في فَنَاءِ الحُسْنِ طَرْفي.....ويخطفني لعزلتهِ الذهولُ
وتدركُ عندها عيناكِ ظرْفي....وخوفي أن يرى ضَعفي عَذولُ
فتُطلقُ في سماءِ الشعرِ حَرْفي.....غيوماً , تستحمُّ بها الحقولُ
وإنّي هكذا في الحبِّ عُرْفي ....إذا استشْعَرتُ وابتدأ الهُطولُ
ستجري أنهرٌ ويطيبُ غَرْفي.....أقولُ ولستُ أعرفُ ما أقولُ
********************

( اليوم ولدتُ من جديدْ )

اليوم ولدتُ من جديدْ
واليومَ سُجَّلَ في تاريخ أحزاني..
انتصارٌ لِعيدْ
واليوم أمطرتْ سمائي وروداً
بعد أن أرهقها وميضُ البرْقِ..
وزلزلها دويُّ الرَعد والوعيدْ .
واليوم تألَّقت في سمائي نجمهٌ
معلنةً... انبعاث الروحِ...
في قلبي الشهيدْ.
********************

( ابتسمتْ لي )
نعم....
عيناها ابتسمتْ لي..
بعد طول انتظار ..
وبعد جهدٍ جهيدْ
ورأيت الشمس تشرقُ من عِينيها..
جَليَّةً بهيةْ ...
كالفجرِ في يومٍ ربيعي..
بعدَ شتاءٍ مديدْ
وسمعتُ لحنَ الفرحِ يتسللُ إلى أُذنَيَّ...
قادماً من بعيدْ
من خلفِ صقيعِ الثلوجِ....
كلحنِ أغنيةِ الميلادِ.....
مساءَ ليلِ العيدْ.
******************

( شكراً يا سماءْ )
تهدينا البلابل والعصافيرَ ....
في زمنِ الشتاءْ.
وتهدينا خيوطَ النورِ....
حين تسْودُّ في أعيُنِنا ملامحُ الأشياءْ.
وتهدينا أطواقَ النجاةِ ...
في بحرٍ يتلاطمُ فيهِ الموجُ ...
لتَصارُعِ الأنواءْ

********************

منذُ الآنْ ....
سأعلنها ثورةً...
على كلِّ نبضةِ حزنْ.
على كلِِّ دمعةِ ألمْ.
وعلى كلِِّ لحظةٍ ....
أساءَتْ إلى كلمةٍ نَطَقْتُ بها....
وجَعَلَتْ حروفها مُرَّةْ .
وسأفرغُ الحزنَ من جِراري....
وأملؤها مسرَّةْ.
فحبيبتي ابتسمتْ ...
وحلَّ يومٌ جديدْ .

********************

( إلى إمرأة متعالية )

يا قطّةً تختالُ فوقَ حِبَالي........لا تنظري لبساطتي من عَالي
أنا لن أُغيثَكِ إن سقطتِ صريعةً...في راحتيَّ , إذا ابتدا زلّزالي
وتساقَطتْ كُل القلاعِ بلحظةٍ ......من كبريائكِ في رُبى آمالي
أنا في الغرامِ مدينةٌ عصريّةٌ ..........طُرقاتها وبيوتها أقوالي
فامشي على وجعي بنبضِ قصائدي .....وتنقَّلي ببراءةِ الأطفالِ
فأنا كتبتُ الشعرَ يومَ ولادتي ....في ضحكةٍ غَنَّت عَلى أطلالي
وغزوتُ مملكةَ النساءِ كقيصرٍ ...يمضي على قتلاهُ غيرَ مُبالي
عن سفر أمجادي , سَليهِ لثَغرِها....فبألفِ معركةٍ رأى استبسالي
يخبركِ عن بطلٍ لَعَمْركِ إن دنا ....هو لا أبَالَكِ ليسَ كالأبطالِ
كم من قصورٍ في يديهِ تهدَّمتْ ؟؟..واستسلمتْ مدنٌ بغيرِ قتالِ ؟؟
فتطلّعي نحو السماءِ صغيرتي ....وتضرَّعي دوماً بذهنٍ خَالِ
من كل شائبةٍ , لِربِّكِ رُبما ...صَفْحي متى استسلمتِ سوفَ تَنالي

********************

لا تحسبيني , والهوى ما بيننا ........حِيناً تناسى عَهْدهُ , أنساكِ
يامن إذا همسَ العبيرُ بشُرفتي .......تأبينَ أن تصغي إلى شُبَّاكي
قسماً بنبضٍ هادئٍ من بيتهِ ........يعدو كما الأطفالِ حينَ يراكِ
ستضلُّ عيناكِ السليبةُ موطني...... وقضيّتي الأخرى هيَ عَيناكِ
********************

حاولتُ أن أتفلسفَ في أحد الأيام .. فكانت هذهِ الأبيات .. :

((الوصايا الخمس))

عُيونُ المَرءِ بالذكرى تَئِنُّ ..........وخافقهُ إلى وطنٍ يحِنُّ
فلا يخدَعْكَ في الثغرِ ابتسامٌ ...وإخفاءُ المُنى في النفْسِ فَنُّ
**
وإن مَاسَ الجَمالُ فَشَدَّ قلباً....أبى كأسَ الهوى والعشقُ دَنُّ
فأعْتِقْ نبضَهُ , لو كنتَ كَهْلاً ....فؤادَك ما لهُ في العشقِ سِنُّ
**
ولا تقطَعْ لساناً إن تجلَّتْ ..........وقاحتهُ كسكِّينٍ يُسَنُّ
وظهرَك أعطِه وامضي وخَلّي ..الحقيرَ لِصمتِكَ القاسي يُجَنُّ
**
وأعْطي إن كَرُمْتَ أخاكَ وانسَ...وما خيرٌ بثروةِ مَن يضِنُّ
ولا تذكُرْ عَطَاكَ فبئسُ فضلٍ .....بهِ إن كنتَ في يومٍ تَمِنُّ
**
ولا تُلقي وقارَكَ عندَ أنثى ........بضحكتهِا إذا أغراكَ سِنُّ
ولا تضحك لها , ولها بيومٍ ......فؤادُك دونَ عقلِكَ يطمئنُ

********************

( مغامرةٌ أنتِ )

مغامرةٌ أنتِ
مراهقةٌ أنتِ
وطائشةٌ أنتِ
لا تعرفينَ مخاطر اللعب بالنارْ
لاتعرفينَ هولَ الإعصارْ
إن ثارْ
ولاتدركينَ
أن ركوب البحر الهادئ
قد يحمل ألاف الأخطارْ
فالقلب النائم بهدوء
قد يخفي ألاف الأسرار
ودخولكِ قلبي
بلا أستئذانٍ
هو انتحارْ
فسيري رويداً
وتلفـَّتي حولكِ
وانتظري مني
الحصارْ
فالحب ليس بلعبة أطفال
نطلبها فتُنَال..
نداعبها لأيام..
نسأمها..
ونرميها..
باحتقارْ
الحبُّ لعبةٌ صعبةٌ
لا يتقنها سوى الكبارْ
الداخل فيها مسرورٌ
والخارج مُنهارْ
لا يصمد فيها سوى الجبَّارْ
فاحترسي النار ..
إحترسي النار.

********************

( ملل )

إنسي أحاديثي أليكِ ونامي....فعساكِ في حُلمٍ ترَي أحلامي
فأنا مللتُ من الكلامِ ويائِسٌ....من أن تزوري عالمي بكلامي
ومللتُ من سَفري وراءَ حبيبةٍ...في الحبِّ تتبعُ قلبها المُتعامي
ومللتُ أن أبقى بعشقيَ ناسكاً....ما دمتِ ساكنةً كما الأصنامِ
ومللتُ من روحي وعمري واقفٌ ....والموتُ خلفي والحياةُ أمامي
روحٍ بلا جسدٍ تحطَّمَ حالماً.....أن تجمعي في راحتيكِ حُطامي

********************

( انتحار )

دعيني واذهبي لا تستديري .......ولي إيَّاكِ سمعكِ أنا تعيري
ولا تصغي إذا تمتمتُ قهراً .......كلاماً شَقَّ ذا الحلْقِ المريرِ
دعيني في ضبابِ الأمسِ أمْضي..وأنتِ في غِوى الأضواءِ سيري
فلستِ بسيطةً يا كُبرَ همّي .......لكي تتوسَّدي حلمي الصغيرْ
ولستِ غبيَّةً يا ذاتُ عزٍّ .............لكي يغريكِ ذا العبدُ الفقيرِ
فلا شفتاكِ قد عطشتْ لِحَرٍّ ..... .ولا كفَّاكِ ذاقتْ زمهريري
ولاعيناكِ قد ذرفت لظلمٍ ........ولا قدماكِ تُعجبها حصيري
دعيني واقطعي لي اليومَ عهداً .. بأن لا تعرفي يوماً مصيري
وما أنا آملٌ من بعد بَوحي .........بذا أن تغفري ذنبي الكبيرِ
ولكن إن أنا من بعضِ همّي...سكبتُ السمَّ في كأسي الأخيرِ
فذاكَ لَربما عبثاً لأنّي..........أردتُ القولَ يا عمري القصيرِ
بأنّكِ لو قضيتِ العمر بحثاً....بأقصى الأرضِ حتّى إن تطيري
على رجلٍ أحبكِ دونَ عقلٍ........فلا واللهِ لن تجدي نظيري

********************

( تحيّة لصُنّاع النصر في حلب )

سمعت الحجر مَ يقول للجوري ...من بعد أروع نصر اسطوري
اليوم بحلب في قلعتين كْبارْ .......مع بعضُن تحدّوا زمن غدّارْ
قلعة حلب إخت النصر والغَارْ.......وقلعة ارادة جيشنا السوري

********************


( شو الحب )

مش بس شمعة غِير شِكل بتدوبْ .....وسهم بيشَعِّل قلب محبوبْ
ومش بس سَكرى بخمرة الأزهار...وحِلم الصبية العابطة الدبدوب
الحب عينين التقو عا نارْ........ومن غير كِتبة , تبادلو المكتوب
أو نهر كلما بينرمى بحجار .......بدفقو بيعلى أكتر المنسوب
وبيجوز شكس بتطلع بشي نهار .عا قلب عاشق والزمان غروب
ويمكن فراشة بتعشق المشوارْ.......جْناحاتها خفقات جوز قلوب
ويوم مَرّْ عَ ببلادي زمن غدّار..وبحقدهُن صار الوطن مصلوب
هالحب ما مات وكأنّو صار..............قلبين دقّاتُن عم تغنّي
للسلم غنيّة بزمن الحروبْ

********************

دروب الهوى... ( هدية لأرواح الشهدا )

عاشق على دروب الهوى تربّى ........المَوعَدْ نَدهلو والنِدى لَبّى
وزهرة شبابو قدَّم هْديّهْ ..................لأول صبيّة بهالدني حَبّا
جبينو بأرض جْدودنا مْفَيِّي ..........عا كِل وردهْ ت المدى تعبّى
فتّش عَ إسمو بكل جوريّة...............وبكل ضحكهْ سَبَّحت ربّا
غْيابو الْـعَطانا فجر حِريّهْ.........وهَلّق وقت بتغيب عنّا الشمس
شمسو بتسطعْ ما بتتخبّى

********************

في مرّة حدا من الأصدقاء قلّي... ( بعد شو معك ؟؟ )..قمت قلتلّو :

معي في قلب , هالكلمة الرقيقهْ........لدقّاتو عشيقة , مش صديقهْ
بقلبو لو فتحتو في مرايه .........بعمرا ما حِكِت غير الحقيقة
جروح بلادْ ما إلها نهاية ........منشورة عَ حيطانو العتيقة
قلب بيشوف كلشي حلو آية ...........ألله رادْ تقراها الخليقة
وإذا عَم شوف حلوة بدرب جاية .....مَ بعرف ليش بسْ تمرق عَ حدّّي
عن الدقّات بيوقّف دقيقة

********************

نتابع
__________________
الأرض التي تقع عليها متـألماً

عليها تتكئ وتقف من جديد
رد مع اقتباس
  #5  
قديم 13th February 2017, 12:56 AM
الصورة الرمزية Elie Swed
Elie Swed Elie Swed غير متواجد حالياً
مدير عام و مشرف المنتدى الإداري
 
تاريخ التسجيل: Aug 2003
الدولة: zaidal
المشاركات: 1,341
الجنس: ذكر
Elie Swed is on a distinguished road
د. ماجد ( 2 )

( رهجة عُمِر )

إوعَاك تعقل يا قلب بكِّيرْ ....وظَلَّك بصدري متل طفل زغيرْ
وكلما الحلا من بعيد يندهلَكْ ....عَ جناح خَفقاتَك لعندو طيرْ
=============================
حق الجمال عليك والرِقّهْ ......... لمّا بيطلّوا يسمعوا الدقّهْ
ومن هَيكْ جِنْ ودِق لا ترتاحْ...ولا تحسُب من العمر شو بَقّى
===============================
البرواز مش أبدى من اللوحهْ......ظلّك بلا برواز لا تهتمْ
وفكِّر بهالزهر الْعِطِي فَوحة...هالفَوح شو نفعوا إذا مَ انشمْ
===============================
ولو رِمْش حلوة فَجّر وجَاعَك ...وحسّيت صدري ما بقى يساعك
سافر لَ تتردد ببحر الشوقْ.......وسلّم لسلطان الهوى شْراعَك
==============================
يا قلب لا تزعَل على عيوني .......لو يوم ببحور السَهَر غرقوا
ازعال عَا دمعات مدفونهْ ..........بعينينْ , فوق الخَد ما مَرقوا
ورهْجة عُمِر عامهلهُن سَرْقوا
==================================

لمناسبة عيد المرأة العالمي من سنة أو سنتين حبّيت اتحركش وتقّل دم على حوّّى

( حُكَّام آخر زمنْ )

آدم .. يا آدم شو الزمن سَاوى؟؟....بجرحَك يَ خَيي الـْ ما بيتداوى
يمكن قَدَر تُوقَع بهَالمَحظورْ......لَـنّك عَ حوّا بْقِـيْتْ تتقاوى
تا صِرتْ متل الخَاتم المَ يدورْ .......بصَابيعها وهيي مَ تتغاوى
كِنت الرشيد قْبْال سِت بْدورْ.......ودَار الزمان وعَرشَك تهاوى
وصْفِيت يَ خْطَيي عبد مأمورْ.......للي عَفاريت الدني مْخاوى
كنت ديب , وقلبها المغدورْ .........وصْفِيت مَ بتطلَع إبن آوى
كانت النحلة وقلبَك الدبّورْ........بتقرُشْ عَ تِمّو قَرَشَ بقلاوهْ
صارت إذا فيها انخدش الِشعورْ.....بتركض لعندا يبوِّس الواوا
من هيك عم شوفَك صِرت معذورْ...تساويلها عيد بفرحْ وسرورْ
وتحلم معاها بيومْ تِتساوى

********************

آدم وقت شاف الشماتة فيه باللي كتبتو بمناسبة عيد المرأة العالمي قال :

تأنّى يَ شاعر روقْ وتروَّى .....وطَلِّع شو ألله بآدَمَكْ سَوّى
لَكْ هَيْكْ , شَمَّت النسا فيي.........وخلَّيتْ فيي الآخ تتلوّى
وذكّرتني بهموم منسيِّهْ .........وبجرح مِشْ لاقي إلو كَوَّى
وعا كِتِر ما مِرّهْ العُبوديةْ ......تمنيتْ من هالقلب من جُوَّى...
بقِيتي بهالجنّة يَ عينيِّ ........ووحدي يَ حوّا نازل عْلوَّى
وتخمين كانْ مزغزغ النيّهْ .....هالربّ , مِن يومْ الظِلم قوّى
بالحِكمْ..مِنْ زَتّ الشقا عْليي...وعَ الأرض كلّفني بقلِع الشَوكْ
وتاري الشقا كِلّو بدلَع حوّا

********************

( شو غايتِكْ..؟ )

عَ مْرايتِكْ
حَدِّك وقِفْ قلبي
وخَفَقْ
تا يسألِكْ
شو غَايتك ؟؟
صْفَنتي..
متل ريحة حَبَقْ
معقول ..!!
من كلشي حلا..
عَم تحسبي شو فايتِكْ؟؟
****
يَمَّا يَ عمري هَيْك..
عا كِتر الضجر
أحلى قَمر
جايي من تْلال السَهَرْ
وِجّو صِفي
تْسلايتِكْ
***
شو غايتِك ؟؟
مَ بتعرفي
انك بعينَيي صلا
من يومْ
ما هالقَلبْ
إيمان إنتلا
ونزلِتْ
بعَتمو
آيتِكْ
***
شو غَايتِكْ ...؟؟
مَ بتعرفي
إنتي الغلا
بعمري
الِي قلِّك
يا هَلا
من وقتْ كان زغيرْ
وشَقْوي
وبلا تفكيرْ
وحَبّ وعِقِلْ
وعَ الولدني
شويِّهْ تِقِلْ
وبعدا لَهلّقْ
دَقّتو
تربايتِكْ
***
بقلِّك نصيحة
بتلبَقْ بدَينِك حَلْق
بقلِّك نصيحهْ...
هَيْكْ..
من وَحي شو بَالي اشْتَلقْ
يا سِحر متلو مَ انخَلقْ..
لو كان شي يوم الكَبَرْ
ع زهر إيَّامِك عَبَرْ
ودقدقَ عَ بابِكْ آبْ
لا تحسبيلو حْسابْ
ورِدّي بوجّو البابْ
هالعمر انتي بدايتو ونهايتو
ومَوسمْ جْنونو
بْدايتِك ونْهايتِكْ
********************

( شَعرِكْ )

شَعرك يَ كلما بيخْلَصْ التسريحْ....من الريحْ بيسافر معو تصريحْ
بيطير بجناحات ضَو الشَمسْ.....وعا طَيرتو حْدود المدى بتزيحْ
بتشْبَع عَصافير البَراري هَمسْ......بسَ كان عَم بيلمّْ عِطِر الشِيحْ
حَسَّاسْ وبيشعر بطعم اللمسْ .....ومن سكرتو بحرقة ووجع بيصيحْ
وماشي مَسَيح العِشِقْ دَرب الأمسْ...وشَعرِكْ كأنّو , ووجِّك الجَلاّدْ
سَوطْ عا ظهرو نِزِل تجريحِ

********************

( بتجي لَمعة )

كرمال ترجع هيبة الشَمعة ..........وبالعِشق نعرف قسوة الدمعة
وتا يلتقوا العشاق بالأحلام ......وعَ العتم , لنّو النور مش طَمعة
وكرمال تَ نلاقي عَ أرض الشام ...بشهقة فرح في قلوب مجتمعة
عنّا عَ عيد الحب هيدا العامْ .........هالكهربا صارت تجي لَمعة
ومِشْ كل اليوم , القصد كل جمعة

********************

( لا كهربا لا غاز لا مازوط )

لا كهربا ,لا غاز, لا مازوط ...لَ صْنوبره , لا سَرو, لا بلّوطْ
وبنزين ما في وحرق أعصابي ....شغّال بس , وهالقلب مجلوط
البكرى عَتم واقف على بوابي ...والخوف مِنّو بحر مالو شْطوطْ
والبرد جُوّى البيت إرهابي.....ومجدو أخد عَ بساطنا , ومبسوطْ
عَم حاربو وعَم سمّك تيابي .........بس البرد عميقتحم الِخطوط
عم حاربوا وإبني بْلا جرابهْ.........بيمشي إذا عم يلعب ومعبوط
الشعب صار بهالوطن طابهْ ......وما عاد يوعى مين عمَّ يشوط
ومسؤولنا القرش بمدى جيابي......مهما دَحشتو, بخبرتو مشفوط
بيسكر, بيشرب دَم عَ حسابي..ولو يوم خِربِتْ رح نشوفوا (لوط)
شبعنا حكي ووعودْ كذَّابة ...........حبل الكذب بيناتها ممطوط
تا صار هالأحلى وطن غابة ....فيها انفلت كلشي برَسَن مربوط
وتا تعشقوا ترابو يَ أحبابي..عشق الوطن مسموحْ , بَسْ بشروط
بتقدر بحضنو تعيشْ وَهَّابي ... ومينْ قالْ : نحنا اليوم منتصرينْ
بس دوم قلّو : أَي نعم مضبوطْ

********************

( ختام )

يا هالوطن في جروح محتاجة لْخياط ...طالْ النزف من غِمقها , وطال العياط
وكِيف الجروح بتنشفى وصار اشتراط .....تَ نعشَقَك ممنوع نمشي عَ السِراط
ومع هالشباب الصافّة عَ الإحتياط ..........ومع هالصبايا الناطرة شي إرتباط
خوفي العِشق يغرَق بعصر الإنحطاط...... وبخَفِقْ قلبي العاشق يقِلّ النشاطْ
ومع هالغَلا يللي الخطوط الحُمر شاط ...برِجلو , وشَعبي اليوم فارش عَ البلاط
رح قول كلمة , وأحمدي خلّي البساط...خوفي السنة الجاية , وقت يرجع شباط
لو مرّ عيد الحب ما نسمع غزلْ .............إلاّ صدى المغازلة بين القطاط

********************
__________________
الأرض التي تقع عليها متـألماً

عليها تتكئ وتقف من جديد
رد مع اقتباس
  #6  
قديم 13th February 2017, 01:05 AM
الصورة الرمزية Elie Swed
Elie Swed Elie Swed غير متواجد حالياً
مدير عام و مشرف المنتدى الإداري
 
تاريخ التسجيل: Aug 2003
الدولة: zaidal
المشاركات: 1,341
الجنس: ذكر
Elie Swed is on a distinguished road
تنزيل صور الأمسية :

تنزيل صور الحضور المميز :

الاســـم:	1.jpg
المشاهدات: 108
الحجـــم:	113.0 كيلوبايت

الاســـم:	2.jpg
المشاهدات: 170
الحجـــم:	120.5 كيلوبايت

الاســـم:	3.jpg
المشاهدات: 115
الحجـــم:	118.6 كيلوبايت

الاســـم:	4.jpg
المشاهدات: 98
الحجـــم:	128.4 كيلوبايت

الاســـم:	5.jpg
المشاهدات: 95
الحجـــم:	127.0 كيلوبايت

الاســـم:	6.jpg
المشاهدات: 108
الحجـــم:	134.4 كيلوبايت

الاســـم:	7.jpg
المشاهدات: 113
الحجـــم:	123.9 كيلوبايت

الاســـم:	8.jpg
المشاهدات: 93
الحجـــم:	135.0 كيلوبايت

الاســـم:	9.jpg
المشاهدات: 95
الحجـــم:	108.8 كيلوبايت

الاســـم:	10.jpg
المشاهدات: 102
الحجـــم:	143.3 كيلوبايت

( نتابع معكم )


__________________
الأرض التي تقع عليها متـألماً

عليها تتكئ وتقف من جديد
رد مع اقتباس
  #7  
قديم 13th February 2017, 01:16 AM
الصورة الرمزية Elie Swed
Elie Swed Elie Swed غير متواجد حالياً
مدير عام و مشرف المنتدى الإداري
 
تاريخ التسجيل: Aug 2003
الدولة: zaidal
المشاركات: 1,341
الجنس: ذكر
Elie Swed is on a distinguished road
نتابع الصور

نتابع الصور ( 2 )

الاســـم:	11.jpg
المشاهدات: 89
الحجـــم:	125.9 كيلوبايت

الاســـم:	12.jpg
المشاهدات: 95
الحجـــم:	126.1 كيلوبايت

الاســـم:	13.jpg
المشاهدات: 94
الحجـــم:	132.5 كيلوبايت

الاســـم:	14.jpg
المشاهدات: 103
الحجـــم:	119.1 كيلوبايت

الاســـم:	15.jpg
المشاهدات: 95
الحجـــم:	101.9 كيلوبايت

الاســـم:	16.jpg
المشاهدات: 92
الحجـــم:	129.9 كيلوبايت

الاســـم:	17.jpg
المشاهدات: 95
الحجـــم:	101.2 كيلوبايت

الاســـم:	18.jpg
المشاهدات: 94
الحجـــم:	110.5 كيلوبايت

الاســـم:	19.jpg
المشاهدات: 92
الحجـــم:	79.6 كيلوبايت

الاســـم:	20.jpg
المشاهدات: 98
الحجـــم:	117.6 كيلوبايت

( نتابع معك )


__________________
الأرض التي تقع عليها متـألماً

عليها تتكئ وتقف من جديد
رد مع اقتباس
  #8  
قديم 13th February 2017, 01:25 AM
الصورة الرمزية Elie Swed
Elie Swed Elie Swed غير متواجد حالياً
مدير عام و مشرف المنتدى الإداري
 
تاريخ التسجيل: Aug 2003
الدولة: zaidal
المشاركات: 1,341
الجنس: ذكر
Elie Swed is on a distinguished road
نتابع الصور

نتابع الصور ( 3 ) :

الاســـم:	21.jpg
المشاهدات: 91
الحجـــم:	133.3 كيلوبايت

الاســـم:	22.jpg
المشاهدات: 95
الحجـــم:	113.5 كيلوبايت

الاســـم:	23.jpg
المشاهدات: 94
الحجـــم:	77.3 كيلوبايت

الاســـم:	24.jpg
المشاهدات: 95
الحجـــم:	99.6 كيلوبايت

الاســـم:	27.jpg
المشاهدات: 92
الحجـــم:	124.0 كيلوبايت

الاســـم:	29.jpg
المشاهدات: 133
الحجـــم:	95.2 كيلوبايت

الاســـم:	26.jpg
المشاهدات: 88
الحجـــم:	93.6 كيلوبايت

الاســـم:	28.jpg
المشاهدات: 88
الحجـــم:	71.4 كيلوبايت

الاســـم:	30.jpg
المشاهدات: 92
الحجـــم:	91.5 كيلوبايت

الاســـم:	31.jpg
المشاهدات: 90
الحجـــم:	95.8 كيلوبايت

( نتابع معكم )
__________________
الأرض التي تقع عليها متـألماً

عليها تتكئ وتقف من جديد
رد مع اقتباس
  #9  
قديم 13th February 2017, 01:35 AM
الصورة الرمزية Elie Swed
Elie Swed Elie Swed غير متواجد حالياً
مدير عام و مشرف المنتدى الإداري
 
تاريخ التسجيل: Aug 2003
الدولة: zaidal
المشاركات: 1,341
الجنس: ذكر
Elie Swed is on a distinguished road
بابقي الصور:

الباقي من صور الحضور :

الاســـم:	32.jpg
المشاهدات: 92
الحجـــم:	82.4 كيلوبايت

الاســـم:	33.jpg
المشاهدات: 89
الحجـــم:	95.3 كيلوبايت

الاســـم:	34.jpg
المشاهدات: 131
الحجـــم:	96.1 كيلوبايت

الاســـم:	36.jpg
المشاهدات: 91
الحجـــم:	94.9 كيلوبايت

الاســـم:	37.jpg
المشاهدات: 88
الحجـــم:	126.5 كيلوبايت

الاســـم:	38.jpg
المشاهدات: 99
الحجـــم:	73.5 كيلوبايت

الاســـم:	39.jpg
المشاهدات: 99
الحجـــم:	113.8 كيلوبايت

الاســـم:	40.jpg
المشاهدات: 91
الحجـــم:	110.6 كيلوبايت

نشكر لكم متابعتكم

الشكر الكبير للحضور المميز

وشكرا للشاعرين فخر زيدل

والشكر لسيدات المركز الثقافي العربي بزيدل

(( مع تحيات إيلي سويد ـ حبيب العمر ))



__________________
الأرض التي تقع عليها متـألماً

عليها تتكئ وتقف من جديد
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 10:09 AM.


Powered by vBulletin V3.6.2. Copyright ©2000 - 2017
تصميم الموقع وسام عبد العزيز جميع الحقوق محفوظة, Copyright ©2001 - 2017
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص