مجزرة عكرمه

[جوزيف دانيال]

بس اتركوا ولادي
------------------
سايلت عاصي حمص عن ميتو شو صار
حتى اليوم بحما المنسوب مش عادي
بعرف بأنو التلج لولا دفي بآذار...
محتاج يركض شهر تا يوصل بلادي
ولما عرفت السبب وانذاعت الأخبار
مجرم بساعة جهل عالدين بِ نادي
وبارود حامل حقد ما بيحسب الأعمار
متل الكأنو أخذ رفقات لَ شادي
قَطَف شو عنا زهر حتى ال بَعدو زرار
وسرحِت مجاري الدمع تكرج على الوادي
أطفال فيهن عطر مش من حلا العطَّار
تركوا بشَناتي أمل ملفوف زوادي
محتار كيف الأهل رح يرجعوا عالدار
ويمحوا ملامح طفل زحفت ع سجادي
واسمعت صوت الوطن ضاع الأمل يا كبار
غسَلت أيدي أنا بس اتركو ولادي
-------------------------
جوزيف دانيال

[سالم عبد العزيز]

[مطانيوس ع. سلامة]

شو بدي قول
***
شو بدي قول مش داري
الحجر بتبكي اليوم ع صغاري
وكل يوم بيموت فيه شحرور
الأسى بيكبر برحيل الغوالي
يا ناس ارحموا القلب مكسور
ضاع الوطن والأمل عن بالي

**** / محاولة /
قصيدك رائعة أخ جوزيف ولك كل الشكر .

[Elie Swed]

كلنا وفي كل مكان .. كان الألم سيد الوقت, والله قد وفيت قولاً وإحساساً في كل كلمة جاءت في القصيدة . الله يرحم ملائكة عكرمة وملائكة سوريا .. والله يرحم كل شهيد بوطن يحاربه أبناؤه .. فليعد السلام .. ولتعد المحبة لأن الملائكة قد عادت متحدية شيطان الجهل ... يحميكم الرب .

[ربى عبد الحي]

المشاركة الأصلية كتبت بواسطة جوزيف دانيال

بس اتركوا ولادي
------------------
واسمعت صوت الوطن ضاع الأمل يا كبار
غسَلت أيدي أنا بس اتركو ولادي
-------------------------

موجعة حد الموت هذه الكلمات

جوزيف وريمون اسمحولي ناديلكم بدون ألقاب

بكيتونا

[سناء جلحوم]

أطفال فيهن عطر مش من حلا العطَّار
تركوا بشَناتي أمل ملفوف زوادي

خوف من جوع اللقمة إتحول لجوع الشوق بعد فراقهم ولنقمة

أم خافت عولادها من جوع البطن ومجرمين ماخافوا على أطفال من حرقهم وطعنهم بسكين الخيانة والغدر

الشاعر جوزيف دانيال نقلت مرارة الحدث كما تصورناه وكما شاهدناه وكما حصل مشكور رغم مالفه من قسوة وحزن

مع محبتي واحترامي

[جوزيف دانيال]

شكرا من القلب أحبائي ل تعليقاتكم الرقيقه
انشالله ما منكتب غير للفرح
دمتم ذخرا للكلمه