قصيدي معصلجي

[Monde Alley]

.
.
.
.

ورقه بيضا و حبر الليل .... و عقل ينقـّي كلماتو

حَصْروا قلبي من كل ميل .... تَ يشوفوا شو جوّاتو


عقلي و الليل شريكو .... بلـّش يمشي بتكتيكو

و من خوفو ما يبوح الحبّ ..... قلبي ردّ شبابيكو


لو مهما لفـّو و دارو .... قلبي مخبـّي أسرارو

ما بيحكيها حتى يقرّ الكل بعظمة مقدارو


فاق الصبح و شرب الحبر ..... و عقلي ما ضلّ عندو صبر

سبّ القلب و سبّ الحبّ ..... وشقشق ورقاتو من القهر ... !!

[مطانيوس ع. سلامة]

الأخ الكريم مهند أتابع كل ما تكتب من قصائد الزجل وجميعها جميلة جداً وشكراً لك .