موقع زيدل الصفحة الرئيسية  

العودة   منتديات زيدل > المنتدى الزيدلي > منتدى المجتمع > مواضيع اجتماعية

إضافة رد
 
أدوات الموضوع تقييم الموضوع انواع عرض الموضوع
  #1  
قديم 20th December 2014, 12:55 PM
faizdawod faizdawod غير متواجد حالياً
عضو متقدم
 
تاريخ التسجيل: Mar 2004
الدولة: syria-alskilbieh
المشاركات: 62
faizdawod
معانات السوريين في وطنهم.................

قرب العيد وبالقلب في غصة
كل واحد بيحكي مية قصة وقصة
وبعِيد عن الحكي بوجع الشهادة وأهل الشهيد
وبوجع أهل كل مفقود وجريح
الجوعان بيحكي....
__________________
عن رغيف الخبز والزيت والزعتر
عن البندورة الممروسة والبصلة الخضرا
عن المجدرة وسعر كيلو العدس
عن أَشهرْ ما داق فيها الجبنة
وما فات ع بيتو لحمة
بيحكي عن هموم العيد
وبدل ما يفرح بيقول جاي العيد وجايب الهم معو
قديش اللو ما زارو توب جديد
عن حلم ولادو بالكبة وكعك وتياب العيد
بيسأل عن حق كيلو النوكا
وبيحلم يضيف زوارو راحة وشوكالاتا عيد بعد عيد
وليدفي ولادو بكوانين بيلملم
عواد الحطب وقش ووراق الشجر
ما عندو مشكلة بغلا أو وفرة المازوت والبنزين
ما دام صُبتو حطب وسيارتو سيقانو
بس بيحسب مية حساب لفاتورة الكهربا والمي
ول حق علبة الدوا لولاد عياني
وكشيفة الدكتور والتحليل والتصوير هدول هم تاني
قرشو الأبيض ضاع قبل العيد
وبقي الوجه الأسود التاني
وما بيطلب من ربو غير الستر
وما بيهدلو بآخر العمر
____________________________
والشبعان همو...
____________________________
كل يوم شو سعر صرف اليورو والدولار
وسعر غرام الدهب لحظة بلحظة
وين في شرية ياخدا لقطة
ما عندو مشكلة بغلا الاسعار
وسفرتو عامرة دوم باطيب الالوان
وبالعيد كل شي عندو وعند ولادو جديد
وما بيهكل هم الضيافة ولحمة العيد
ومواد الطاقة كلا متوفرة عندو
وآخر همو الوطن
والغربة ساكني بدمو
بسبور جاهز للسفر
أول ما بتوصل الطقة لعندو
وحقو بالغربة محفوظ
وكل بلد بيتمنى يجي لعندو
وبسأل حالي هالسؤال....؟!
_________________________
يا ترى الوطن لمين
للجوعان أم للشبعان
إذا كانوا الاتنين شركات بالوطن
ليش الشبعان ما بيعطي شوي للجوعان
ليش الدفيان ما بيعطي شوي للبردان
ليش الكسيان ما بيعطي شوي للعريان
واللي الجوعان عليه يصون حدود الوطن
ويسقىي ترابو دموع وعرق
ويحميه بجسمو ودمو
والشبعان ينهب خيرات الوطن ويفل لبرا
____________________________
وكل واحد بيقلك الشبعان متل الجوعان
قللو كذاب انت يا خيي
آكل العصي مو متل البيعدون
الجوع بالوطن غربي
د.فائز داود
faizdawod@yahoo.com
faizdawod@gmail.com




__________________
faizdawod
pediatricain
faiz-d@scs-net.org
رد مع اقتباس

Sponsored Links
  #2  
قديم 21st December 2014, 08:25 PM
مطانيوس ع. سلامة مطانيوس ع. سلامة غير متواجد حالياً
مشرف المنتدى الروحي و السياسي
 
تاريخ التسجيل: Oct 2004
الدولة: زيدل
المشاركات: 896
مطانيوس ع. سلامة
الجوع بالوطن غربي
القهر أكثر من الكربي
مرقبة الشبعان والجوعان
تجعل العقل يسرح مع الغربي
وما في حدا إلا والهم عايش فيه
وما حدا إلا والألم مرافقو بصحبي
كل المآسي والدرب طويل
حجار تجرح والدم لفوق الركبي

**** كل ما أشرت إليه موجود وما حدا لحدا وشكراً
__________________
الصديق كالوريد يمد القلب بالحياة
رد مع اقتباس
  #3  
قديم 27th December 2014, 05:30 PM
الصورة الرمزية silva
silva silva غير متواجد حالياً
مشرفة منتدى الثقافة بتفرعاته
 
تاريخ التسجيل: Nov 2004
الدولة: سوريا
المشاركات: 514
الجنس: انثى
silva
كتبت بإحساس مرهف وكلام نابع من قلب يعيش الاحداث ويعاني معهم بكل ما تفضلت به وياترى
ترى الوطن لمين
للجوعان أم للشبعان
إذا كانوا الاتنين شركات بالوطن
ليش الشبعان ما بيعطي شوي للجوعان
ليش الدفيان ما بيعطي شوي للبردان
ليش الكسيان ما بيعطي شوي للعريان
واللي الجوعان عليه يصون حدود الوطن
ويسقىي ترابو دموع وعرق
ويحميه بجسمو ودمو
والشبعان ينهب خيرات الوطن ويفل لبرا
سيبقى الوطن للجميع بمن ظل حيا يعيش على أرض تعلمه الصبر بشغف الحياة وليعي نبع حب لمن غادر كما تفضلت وشكرا لك لروعة الكلمة
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 08:56 PM.


Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص