موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى الأدبي > الشعر العامّي والزجل

إضافة رد
 
أدوات الموضوع تقييم الموضوع انواع عرض الموضوع
  #1  
قديم 19th April 2009, 11:34 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,739
الجنس: ذكر
ziad sattah is on a distinguished road
مع فائق الإحترام .. دكتورة


يا دوب راسي طال لـِمْخَدّه ... سْمِعْتِ المَرى مـ َ تْقول محتدّه:


شُوف الوَلَد, إبنَك مَفيه يْنام ... محموم شِفتو بـْوَضع مِتْرَدّي


وِ بْألف يا ويلاه شِلْت حْرام ... عَنّي, و فكري يجيب و يْوَدّي


قِلت: و إذا بْهاللّيل؟ ما بِنْلام ... بـدّي طَبيب لـْوَضْعنا يـْهَـدّي


مافي دوى بالبيت أو برشام ... وحْبوب ســـيتامول ما عندي


قالِتْ إلي: لَيش القَلَقْ مادام ... عندك حَـكـيـم لـْساعـة الـشِّـدّه


قلتلّها: بْنِطْلَعْ سَوى عـالشّام ... لـَكـِنْ حكيم عـْيـون مـا بـدّي.


وِ بـْهاتفي بـَوَّسْت سَبْع رْقام ... و القلب يِدْعي: رَيْتِك تـْرِدّي,


رَدِّتْ بـِهَمسه تِشْبَه الأنغام: ... تِـكْـرَمْ عـيـون الـوَرْد لـِمْـنـَدّي


وْ لَمّا إجِتْني وْ شِـفْتها قِـدّام ... بـيـتـي و قـلـبـي و يـَدّهـا بـْيَدّي


قلتلّها: عودي لـْمَهِدْ أحلام ... خايِفْ إذا شافِك زْغير البَيت


تـْزيد الحَراره وْ يِنْغِرِم قَدّي

__________________

__________________
إذا كان الله معنا فمن علينا
رد مع اقتباس

Sponsored Links
  #2  
قديم 20th April 2009, 02:47 AM
الصورة الرمزية mariam
mariam mariam غير متواجد حالياً
 
تاريخ التسجيل: Mar 2003
الدولة: zaidal
المشاركات: 888
الجنس: انثى
mariam is on a distinguished road
ياريت فينا نكون نقطة دوا او برشام 00حتى غرام الاحبة نهدي
ياريت فينا نكون نسمة هوى تشفي جراح العاشق الولهان
وبلمسة محبة تجمع الخلان وخفقان قلبهن تهدي
ومثل الحلم نمرق علىالمرضان حتى نعالج مرض متعدي 00
نداوي صغار البيت ونسهر مع الجيران
نداعب حلم خلقان عامخدة
مثل النسيم الهاديء الولهان
نترك بكل قلب بسمة رضى وقبول ومحبة

شكرا للاخ زياد 000ياريت فيني قول شعر حتى رد عليك بس معليش اقبل مني هالكلمات 000
ياريت فينا نكون بلسم لكل الم لانو هاي سعادتنا الحقيقية وبتكبر السعادة لمن بنلاقي حدا يشوف فينا الانسان 000
رد مع اقتباس
  #3  
قديم 20th April 2009, 02:19 PM
الصورة الرمزية ماجد سطّاح
ماجد سطّاح ماجد سطّاح غير متواجد حالياً
مشرف المنتدى الأدبي
 
تاريخ التسجيل: Jun 2005
الدولة: zaidal
المشاركات: 1,045
الجنس: ذكر
ماجد سطّاح is on a distinguished road
اقتباس:
المشاركة الأصلية كتبت بواسطة ziad sattah مشاهدة المشاركة

يا دوب راسي طال لـِمْخَدّه ... سْمِعْتِ المَرى مـ َ تْقول محتدّه:



شُوف الوَلَد, إبنَك مَفيه يْنام ... محموم شِفتو بـْوَضع مِتْرَدّي



وِ بْألف يا ويلاه شِلْت حْرام ... عَنّي, و فكري يجيب و يْوَدّي



قِلت: و إذا بْهاللّيل؟ ما بِنْلام ... بـدّي طَبيب لـْوَضْعنا يـْهَـدّي



مافي دوى بالبيت أو برشام ... وحْبوب ســـيتامول ما عندي



قالِتْ إلي: لَيش القَلَقْ مادام ... عندك حَـكـيـم لـْساعـة الـشِّـدّه



قلتلّها: بْنِطْلَعْ سَوى عـالشّام ... لـَكـِنْ حكيم عـْيـون مـا بـدّي.



وِ بـْهاتفي بـَوَّسْت سَبْع رْقام ... و القلب يِدْعي: رَيْتِك تـْرِدّي,



رَدِّتْ بـِهَمسه تِشْبَه الأنغام: ... تِـكْـرَمْ عـيـون الـوَرْد لـِمْـنـَدّي



وْ لَمّا إجِتْني وْ شِـفْتها قِـدّام ... بـيـتـي و قـلـبـي و يـَدّهـا بـْيَدّي



قلتلّها: عودي لـْمَهِدْ أحلام ... خايِفْ إذا شافِك زْغير البَيت



تـْزيد الحَراره وْ يِنْغِرِم قَدّي


__________________


ما زالْ مَا بـِدَّك حكيم عيون ْ ........وطنَّشتْ إبنو لـْعَمَّكْ المديونْ

وصَفَّيتْ عم تركضْ عَ دكتـُورهْ......بتعالجْ بلمسهْ و عِطرْ مجنونْ

وعْمَلتني برواز للصورهْ ...........تَ طـْلِعتْ شَبْ قبالها مزيونْ

(وحْياة ربِّيْ ) نْ شِفتـَك بْجورهْ....بصحرا ولـَعـُنقكْ بالرمل مدفونْ

ومَ تنقْوِّد بعينيكْ الـْنسورا .......المـنقارها شِكلْ الإبر مَسنونْ

مَ بكِشّها و بقول مشكورهْ ............هيدا بيستاهلْ , إلِكْ مَنونْ

لنّو بْلاكْ الحالْ مستورهْ .......يَ زبونْ طِفرانْ بحَفض هالجَيبْ

............ ألفينْ بالناقِصْ لـَهَيكْ زبونْ

==============================
رد مع اقتباس
  #4  
قديم 20th April 2009, 09:27 PM
الصورة الرمزية ثناء البيطار حيدر
ثناء البيطار حيدر ثناء البيطار حيدر غير متواجد حالياً
مشرفة المنتدى الأدبي
 
تاريخ التسجيل: Jan 2007
الدولة: غافية على أهداب
المشاركات: 593
الجنس: انثى
ثناء البيطار حيدر is on a distinguished road
اقتباس:
المشاركة الأصلية كتبت بواسطة ziad sattah مشاهدة المشاركة

يا دوب راسي طال لـِمْخَدّه ... سْمِعْتِ المَرى مـ َ تْقول محتدّه:



شُوف الوَلَد, إبنَك مَفيه يْنام ... محموم شِفتو بـْوَضع مِتْرَدّي



وِ بْألف يا ويلاه شِلْت حْرام ... عَنّي, و فكري يجيب و يْوَدّي



قِلت: و إذا بْهاللّيل؟ ما بِنْلام ... بـدّي طَبيب لـْوَضْعنا يـْهَـدّي



مافي دوى بالبيت أو برشام ... وحْبوب ســـيتامول ما عندي



قالِتْ إلي: لَيش القَلَقْ مادام ... عندك حَـكـيـم لـْساعـة الـشِّـدّه



قلتلّها: بْنِطْلَعْ سَوى عـالشّام ... لـَكـِنْ حكيم عـْيـون مـا بـدّي.



وِ بـْهاتفي بـَوَّسْت سَبْع رْقام ... و القلب يِدْعي: رَيْتِك تـْرِدّي,



رَدِّتْ بـِهَمسه تِشْبَه الأنغام: ... تِـكْـرَمْ عـيـون الـوَرْد لـِمْـنـَدّي



وْ لَمّا إجِتْني وْ شِـفْتها قِـدّام ... بـيـتـي و قـلـبـي و يـَدّهـا بـْيَدّي



قلتلّها: عودي لـْمَهِدْ أحلام ... خايِفْ إذا شافِك زْغير البَيت



تـْزيد الحَراره وْ يِنْغِرِم قَدّي


__________________
من وين بتجيب الحلا من وين؟؟؟؟؟؟؟؟؟؟؟؟؟؟؟؟؟

أكثر من رائع يا مغروم !!!

أستاذي زياد
باقة ياسمين

ثناء
__________________
ســوريا يا كمام الورد ** ** لونــــو عا خدودك صافي
عندك مني أحلا وعد ** ** رجعة عا الحضن الدافي
رد مع اقتباس
  #5  
قديم 20th April 2009, 10:50 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,739
الجنس: ذكر
ziad sattah is on a distinguished road
اقتباس:
من وين بتجيب الحلا من وين؟؟؟؟؟؟؟؟؟؟؟؟؟؟؟؟؟

أكثر من رائع ..

أستاذي زياد
باقة ياسمين

ثناء
العفو شاعرتنا .. من بعض ما عندكم .
تحياتي .



لمّا الحلا يِسْأل حلا : مِنْ وَين ... جِبْت الحلا ؟ طَيَّرت عَقلاتي


بـْقِلـّو: أنا مثل البدر يـا زَيـن ... مِنْكـُنْ حَـلاه بـْتِـعْـكـسـو ذاتـي


إخوات عندي كْتير عالمَيلين ... زايـد غَـلاهـُن كـلّ خَـيّـاتـي


وْ عندي مَرَى مَثْل الخَزاة العَين ... وُ وْلاد ربّي جاد بـ :ِ تْلاتي


وْ لو يِمْرَضو مـَ بـْعالِجُنْ بالدَّين ... إلـهُـن عـيـونـي وْ كـلّ دمّاتي


لاكن إذا صارِتْ و مِرضو اتنين ... وْ ما كان يِطْلَع شي بـْدَيّاتي:


واحد طريقو عا حكيم العَين... وْ واحد بَدالو بـْزور دكتوره


تَتْعالجو وِتـْزيد آهاتي


______
__________________
إذا كان الله معنا فمن علينا
رد مع اقتباس
  #6  
قديم 21st April 2009, 02:00 AM
الصورة الرمزية mariam
mariam mariam غير متواجد حالياً
 
تاريخ التسجيل: Mar 2003
الدولة: zaidal
المشاركات: 888
الجنس: انثى
mariam is on a distinguished road
مهلا حكيم عيون ياجار الرضى
الجيران اهل ولو تباعدو بالدم بيضلوا اهل والمثل معروف ياطيب الاصل
بيقول جارك القريب ولاخيك البعيد 0000
على كل اتاكد انو النسر مابيسخى ينقود اظافر شاعرنا زياد
وعندو عيلة الله يخليها مابتتركوا للرمل والصحرا وعندوا جيران مثلنا يعني بنفديه بالغالي 0000000000
رد مع اقتباس
  #7  
قديم 23rd April 2009, 12:26 AM
أبو حيان أبو حيان غير متواجد حالياً
عضو متقدم
 
تاريخ التسجيل: Jan 2008
المشاركات: 44
الجنس: ذكر
أبو حيان is on a distinguished road
تدهشني دائماً

شاعرنا زياد
تدهشني حقاً
ترابط الأفكار وتسلسلها تجعلك تنزلق إلى أعماقنا
لواعج انسانية
وخلجات
ويعجز لساني عن التعليق

زياد سطاح

شكراً

أمتعتنا



أبو حيان
رد مع اقتباس
  #8  
قديم 23rd April 2009, 12:41 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,739
الجنس: ذكر
ziad sattah is on a distinguished road
حبيبنا الغالي
وشاعرنا الكبير :

أتمنّى عليك ان تتحفنا بجديدك و لا تبخل علينا

لك منّي كل الاحترام و التقدير ...

__________________
إذا كان الله معنا فمن علينا
رد مع اقتباس
  #9  
قديم 26th April 2009, 02:07 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,739
الجنس: ذكر
ziad sattah is on a distinguished road
شاء القدر أن يقع ابني و ينجرح و يحتاج لطبيب , و كان طريقي إلى حكيم عيون ( كالعادة ) , و انتهى الموضوع بقطبة في الجبين , بعد ان زَوَرَني و قال : ( خلّي دكتورة تنفعك !! )


و عند دفع الحساب قلت ُ له :



مِن حيث إنـَّكْ شـاعـر مْحَنَّك ْ ... مـالـي غِنَى يـا صاحبي عَنَّك



و انْ يَوم جَـدّ الجَّـد يـا دكتور ...خرطوش فَردَك خرطشو بْفنّك



خَيّي وْ حبيبي وْ صاحبي وْ مشهور.. بالجود و الإحسان حيث انَّك



مِن هَيك لـ َ تْفكّر بـِكَشْـف أجْور ... خـلّي الفقير و طـابـقـو مستور



و الأجر نحنا بـْناخذو منّـَك ْ



****

__________________
إذا كان الله معنا فمن علينا
رد مع اقتباس
  #10  
قديم 26th April 2009, 03:55 PM
الصورة الرمزية ماجد سطّاح
ماجد سطّاح ماجد سطّاح غير متواجد حالياً
مشرف المنتدى الأدبي
 
تاريخ التسجيل: Jun 2005
الدولة: zaidal
المشاركات: 1,045
الجنس: ذكر
ماجد سطّاح is on a distinguished road
اقتباس:
المشاركة الأصلية كتبت بواسطة ziad sattah مشاهدة المشاركة
شاء القدر أن يقع ابني و ينجرح و يحتاج لطبيب , و كان طريقي إلى حكيم عيون ( كالعادة ) , و انتهى الموضوع بقطبة في الجبين , بعد ان زَوَرَني و قال : ( خلّي دكتورة تنفعك !! )






و عند دفع الحساب قلت ُ له :



مِن حيث إنـَّكْ شـاعـر مْحَنَّك ْ ... مـالـي غِنَى يـا صاحبي عَنَّك



و انْ يَوم جَـدّ الجَّـد يـا دكتور ...خرطوش فَردَك خرطشو بْفنّك



خَيّي وْ حبيبي وْ صاحبي وْ مشهور.. بالجود و الإحسان حيث انَّك



مِن هَيك لـ َ تْفكّر بـِكَشْـف أجْور ... خـلّي الفقير و طـابـقـو مستور



و الأجر نحنا بـْناخذو منّـَك ْ



****



الحال دَقـْرِتْ و الشِغلْ ما فيشْ .........ومتلـَكْ إذا طـَنـّشتْ كيفْ بْعيشْ

اللهْ إذا مفضَّـلْ عْليكْ و زادْ ......شـُ ُ فْ حَالنا الـْعَا قـَدَّنا , دْراويشْ

حَسَّبتني بشِغلي فـْتحتْ مـْزادْ..........ومَ ترِّدْ لي الـْحسابْ بـِخـْرابيشْ

هَالكَمْ بَيتْ الـْقـِلـْتهُنْ يَ زيادْ .................مَ بعِدّهُنْ للحَقْ هَونْ سْدادْ

وعَ الد فـْعْ دَوبُنْ يطلعو بأشيشْ

=================================
رد مع اقتباس
  #11  
قديم 26th April 2009, 04:22 PM
علي عامر علي عامر غير متواجد حالياً
عضو بارز
 
تاريخ التسجيل: Aug 2007
الدولة: فلسطين
المشاركات: 155
الجنس: ذكر
علي عامر is on a distinguished road
وِ بـْهاتفي بـَوَّسْت سَبْع رْقام ... و القلب يِدْعي: رَيْتِك تـْرِدّي,




رَدِّتْ بـِهَمسه تِشْبَه الأنغام: ... تِـكْـرَمْ عـيـون الـوَرْد لـِمْـنـَدّي




وْ لَمّا إجِتْني وْ شِـفْتها قِـدّام ... بـيـتـي و قـلـبـي و يـَدّهـا بـْيَدّي




قلتلّها: عودي لـْمَهِدْ أحلام ... خايِفْ إذا شافِك زْغير البَيت




تـْزيد الحَراره وْ يِنْغِرِم قَدّي


يا عيني عليك خيي زياد

شو هـ الروعه
رد مع اقتباس
  #12  
قديم 26th April 2009, 07:16 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,739
الجنس: ذكر
ziad sattah is on a distinguished road
اقتباس:
المشاركة الأصلية كتبت بواسطة علي عامر مشاهدة المشاركة


يا عيني عليك خيي زياد


شو هـ الروعه
مشكور خيّنا الشاعر علي ...
هَيدا من زوقك الموقع الحلو , و الواقعة الحلوة بتفرض علينا نعطي شي حلو .
__________________
إذا كان الله معنا فمن علينا
رد مع اقتباس
  #13  
قديم 26th April 2009, 07:18 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,739
الجنس: ذكر
ziad sattah is on a distinguished road
اقتباس:
المشاركة الأصلية كتبت بواسطة حكيم عيون مشاهدة المشاركة
الحال دَقـْرِتْ و الشِغلْ ما فيشْ .........ومتلـَكْ إذا طـَنـّشتْ كيفْ بْعيشْ



اللهْ إذا مفضَّـلْ عْليكْ و زادْ ......شـُ ُ فْ حَالنا الـْعَا قـَدَّنا , دْراويشْ

حَسَّبتني بشِغلي فـْتحتْ مـْزادْ..........ومَ ترِّدْ لي الـْحسابْ بـِخـْرابيشْ

هَالكَمْ بَيتْ الـْقـِلـْتهُنْ يَ زيادْ .................مَ بعِدّهُنْ للحَقْ هَونْ سْدادْ

وعَ الد فـْعْ دَوبُنْ يطلعو بأشيشْ


=================================

ما دام لاحقني عـ َ بعض قْروش ...وْ تاري أنا بمحبّتك مغشوش



وْ نـسـيان إنـّو خَـلـَّدَك شِــعـري ... لا إنْت فَـرْد وْ لا أنـا خرطوش



و الـدَّم صـايـر مَـي عـَمْـتـِجـري ... بعروقَك , وْ هالكِبْريا مَخْدوش



و الخيط يَـلـّلي حـاكـتـو الإبـرهِ ... بجبين أبني بالأرض ملحـوش



بـ ْ حِلـّو أنا وْ بـْفَوّضو امري ... لـ ْ رَبّ السّما العالي بأعلى عْروش



بِدْعي عَليك , وْ بطْلـُب بـْنِذري ... مَديون تِبْقى وْ ما تسَدِّد ْ دَيـَن



وْ بَعد المَحاكم تِنْتِهي بـْقاووش



******
__________________
إذا كان الله معنا فمن علينا
رد مع اقتباس
  #14  
قديم 26th April 2009, 11:46 PM
الصورة الرمزية ماجد سطّاح
ماجد سطّاح ماجد سطّاح غير متواجد حالياً
مشرف المنتدى الأدبي
 
تاريخ التسجيل: Jun 2005
الدولة: zaidal
المشاركات: 1,045
الجنس: ذكر
ماجد سطّاح is on a distinguished road
اقتباس:
المشاركة الأصلية كتبت بواسطة ziad sattah مشاهدة المشاركة
ما دام لاحقني عـ َ بعض قْروش ...وْ تاري أنا بمحبّتك مغشوش







وْ نـسـيان إنـّو خَـلـَّدَك شِــعـري ... لا إنْت فَـرْد وْ لا أنـا خرطوش



و الـدَّم صـايـر مَـي عـَمْـتـِجـري ... بعروقَك , وْ هالكِبْريا مَخْدوش



و الخيط يَـلـّلي حـاكـتـو الإبـرهِ ... بجبين أبني بالأرض ملحـوش



بـ ْ حِلـّو أنا وْ بـْفَوّضو امري ... لـ ْ رَبّ السّما العالي بأعلى عْروش



بِدْعي عَليك , وْ بطْلـُب بـْنِذري ... مَديون تِبْقى وْ ما تسَدِّد ْ دَيـَن



وْ بَعد المَحاكم تِنْتِهي بـْقاووش




******


يَ زياد بالعْ لقمتو لـْعَيشيْ ...........وعَمْ يلعَب عْلى النِتْ طـُمَّيْشِهْ

بقلـّـَكْ أجوري ادفاعْ يعني ادفاعْ .........فـِتـِّيشْ فـَرْدَكْ ما لِزِمْ جَيشيْ

لـَكْ كـَوَنْ مِشْ قاووشْ صَعْبهْ يْساعْ......مـِخِّيْ , وشوف كـْبير قَِدِّيشيْ

والخيط يللي بجرحْ إبنكْ ضاعْ ............مْلحوش بسْ العذر مَعْليشيْ :

لـَكْ راسْ طالِعْلـَكْ وعقلـو باعْ .......ومْفـَرقـَعْ بْشَعْرو شِيْ فـِتـَّيشهْ

شوفو مْنيحْ وبسْ شفتو رْجاعْ .......قِلـِّي بضميرَكْ مثل هَيكيْ راسْ

بْشو بقطـّبو لـِمْ بقشعو خـَيشهْ ..؟

==================================
رد مع اقتباس
  #15  
قديم 27th April 2009, 05:28 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,739
الجنس: ذكر
ziad sattah is on a distinguished road
لو كِنتْ فينَك تِقْشَعو: ماشي, ... لاكـن عيونَك فـيـهُـن غْـبـاشـــي



شِعْرَك وُ شَعْرك هَرْهَرو بَكّير ... وْ شِعري تُحَفْ تصميم ( فرزاشي)



بـالطّب عـالـِم إنتْ, بحـر كْبير ... أمـّا بـِبَحر الموهبه : لا شــــي



بالقرش عقلَك ماخذو التّفكير ... بِـتْـقــَّرّش اللـّزّيـق و الـشّـاشـه



و زْبون لـو شِــفْتوعَدَمْ بتصير ... سَـفّاح بـاشا, وْ عسكَري فاشي



وْ جايي وْ عَلَيّي سـايق التّعتير... تـِشْحَـدْ عواطف جـوع جَيّاشي



خَيْشه قِلِتْ ؟؟ أكبَر بَعِد بكـْثير ... سابِع سَما واصل أنا, وْ أكثَر



و الأرض طول وْ عَرض لـ فْراشي



****
__________________
إذا كان الله معنا فمن علينا
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 01:44 PM.


Powered by vBulletin V3.6.2. Copyright ©2000 - 2021
تصميم الموقع وسام عبد العزيز جميع الحقوق محفوظة, Copyright ©2001 - 2021
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص