قصيدة الشاعر إبراهيم شعيب ( البرواز ) في برنامج أووووووف

[لبناني]

سلام عليكم

رح إكتبلكن قصيدة قالها الشاعر إبراهيم شعيب ببرنامج أوف

صورة تركتي خلف لوح قزاز... ببرواز روحو كتير مقهورة
من كتر حزنو دمّع البرواز... و تساقطو دموعو على الصورة

نزلت عـ خدك دمعتو مدّيت... إيدي عـ خدك إمسح الدمعة
و شفتك متل شمعة بظلام البيت... و لوما البكي شو قيمة الشمعة

مطلق صبيّة عالجفن بتحط ّ... كحلة تتصرخ يا حلا زحلي
و إنتي متل موجة أسى عالشط ّ ...و عالجفن دوّبتي المسا كحلة

و رمشك بليلة صعب إنساها ...واعي أنا شفتو بهالطلـّة
و لمّا القدر العيون غفـّاها ...شفتو سجد للربّ تيصلـّي

بدي ضريحك بالقلب إبنيه ...يا خابية حزني و يا أوجاعي
لا تفزعي ما يساع جيمك فيه... كـِبر الجرح بيقول بتساعي

رجعت بهداوة بغيبتك فكرت... تا ما عليكي ينشغل بالي
قلبي بسكينة عذابي حفرت... و شقـّيت قلبك و دفنت حالي

[ziad sattah]

أهلا ً بالشقيق اللبناني
و شكرا ً على اضافة القصيدة .
و أرجو قبول اعتذاري هنا عن تقصيري بنقل هذه القصيدة على صفحات ( زجل عـ أووو تييي فيييي )
و عندما قلت أن مازن غنّام مظلوم في هذه الحلقة فقد كنت أقصد أنّه لم ينال حقّه الكامل من اللجنة .
و مبروك تشكيل الجوقة الجديدة .