إهداء للعم أبو حيّان

[شفيق ديب]

اعذرني يا بو حيّان عالتأخير....عطّشت حالي وقصدت دنّك
فنّك سما وغيمك كريم كتير....دخلك اسقيني من كرم فنّك
وحروفك بهاك السما شحارير....ومن هيك يا خيي عرفت أنّك
كبير وإلاهي يوفّقك يا كبير....تا ضل عم اغرف دعم منّك
ويا رب نزّهني عن التقصير....تا ضل قلّو (( يا أبو حيّان))
.............انشالله منبقى في حسن ظنّك

[ماجد سطّاح]

يا شفيق الديب ضَلـَّكْ طِلْ = مَ عْيون زيدلْ أهلَك ودارَكْ ..؟؟

بدعي تَ يبقى حِسن ظـَن الِكلْ=رْفيق دَرْبَكْ طول مشوارَكْ

و تَ يضلْ نجمكْ يلمعْ ومَ يقِلْ=نورو , و مَ تضوي المنبر فـْكارَكْ

ولو قلبْ حامِلـَّكْ شي نتفة ْ غِلْ =يمّا حَسَدْ شيْ عينْ يوْم زارَكْ

عين الحَسَدْ تَ الشوك فيها يغِلْ=و قلبْ الـْحَقَدْ تَ يْرَمِّدْ بنارَكْ

===========================

[أبو حيان]

المشاركة الأصلية كتبت بواسطة شفيق ديب

اعذرني يا بو حيّان عالتأخير....عطّشت حالي وقصدت دنّك

فنّك سما وغيمك كريم كتير....دخلك اسقيني من كرم فنّك
وحروفك بهاك السما شحارير....ومن هيك يا خيي عرفت أنّك
كبير وإلاهي يوفّقك يا كبير....تا ضل عم اغرف دعم منّك
ويا رب نزّهني عن التقصير....تا ضل قلّو (( يا أبو حيّان))

.............انشالله منبقى في حسن ظنّك

الغالي شفيق

شكراً كتير ع ها اللفتة الكريمة منك وأنا بصدق بعتبرها وسام بحملو ع صدري من شاعر بتوقعلو مستقبل باهر

( بس مو بكرا لمن بتصير مشهور تنسانا )

أكيد مابتعملا

وآنا آسف لأني تأخرت بالرد بسبب ضغوط كتيرة بالشغل

وتقبل مني ها الرد

التأخير عندك ياشــفيق الديب..... مبرر مادامك جيت ع دنِّي

حامل معك زهرات كلّا طيب .... وفنك دلق عطرو على فني

عمك أبو حيان مابيشــــــيب ..... قلبــــــو شباب بيقهر العنّة

ظني بمحلّو وبظنّ مابيخيب .....مادام عشريني الزخم عندك

مابظن رح بتخيبو لظني

عمك أبو حيان