موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى الاغترابي

 
 
أدوات الموضوع تقييم الموضوع انواع عرض الموضوع
  #1  
قديم 18th January 2006, 02:49 AM
njmtalwadi njmtalwadi غير متواجد حالياً
عضو
 
تاريخ التسجيل: Dec 2005
الدولة: usa
المشاركات: 18
الجنس: انثى
njmtalwadi is on a distinguished road
الغربه والاغتراب

كل شخض لديه في داخله روح المغامره
اكبر مغامره يحب ان يخوضها شباب اليوم هي السفر والاغتراب جاهلين ما يخبئ لهم ما وراء البحار من اسرار واضرار و اخبار
حتى لو علمو ا ولكنهم يصرون على خوض التجربه القاسيه وانا واحده منهم
نتصور الجنه هنا
ولكن ان بعد ان يصبح الشخص هنا ويبدء التخبط في موج بحر الغربه تبدء الماساه:
اولا :يصدم بواقع العمل المرير
ثانيا: ما حدا لحدا يا حبيبي
ثالثا:الكرامه المنسيه او المركونه حاليا على الرف
رابعا:الخوف من الفشل والهزيمه
خامسا:العمر المهدور بلنسبه للشاب وزوجه مع ايقاف التنفيذ للمراه"ذلك بسبب عمل الزوج الطويل"
وما خفي كان اعظم
لذلك البقاء صعب والرجوع اصعب
لذلك نصيحه من مغتربه:
ليس كل ما يلمع ذهب
الذي تعرفه افضل من الذي تتعرف عليه
نجمه الوادي

Sponsored Links
  #2  
قديم 21st January 2006, 02:25 PM
قمر سوريا قمر سوريا غير متواجد حالياً
عضو متقدم
 
تاريخ التسجيل: Jan 2006
المشاركات: 38
الجنس: انثى
قمر سوريا is on a distinguished road
Smile قلبي معك نجمة الوادي

كيفك نجمة الوادي صدقيني قلبي معك و بعرف ادي الغربة صعبة انا اصلا كنت مغتربة انا ولدت باميركا و بقيت فيها لعمر الـ 12 سنة بس ما كنت وعيانة على شي ههههههه
بس عنجد لما رجعت عالبلد غير بس في خطر عم بيهددني و هو اني مضطرة ارجع على اميركا كرمال الجامعة و هالمرة رح تكون روحة بلا رجعة بعيد الشر عني هههههههه
الغربة صعبة و ما في اصعب منها و اللي بدو يتغرب بدو يفكر مية مرة
و على قول نجوى كرم و بتسألني ليش مغرب !!!!!!!!!!!!!
  #3  
قديم 24th January 2006, 01:11 AM
الصورة الرمزية noooooooooooor
noooooooooooor noooooooooooor غير متواجد حالياً
عضو مخضرم
 
تاريخ التسجيل: Jan 2006
المشاركات: 217
الجنس: انثى
noooooooooooor is on a distinguished road
تحياتى

نجمة الوادى هذة ظريبة الغربية اصبح الوطن حلم والاستقرار امنية ولعمر رحلة قصيرة ظائعة بين الاهات والامنيات والانسان فى غربة كابقعة زيت فى الماء لايختلط ولايندمج ويبقى نكرة لايستطيع العودة الى زيتة ولاامل من اندماجة
__________________
تحياتي نوووووووووووور

راقب أفكارك لأنها سوف تصبح أقوالا" و راقب أقوالك لأنها سوف تصبح أعمالا" و راقب أعمالك لأنها سوف تحدد مصيرك.....
  #4  
قديم 24th January 2006, 05:26 AM
fr george massis
Guest
 
المشاركات: n/a
غربةأو انتشار

بالحقيقة أنا بفضل كلمة انتشار أفضل من الغربة؟؟؟؟؟؟؟؟؟؟؟؟؟؟؟
ببلاد برا قد ما تحصل على جنسيات بحطولك بلد المنشأ ...................
وقد ما تكون شاطر باللغة بتبقى عضلات فمك تأبى اللغة الجديدة فتبقيك مع لكنة لغوية وعلامة فارقة لاتمجوها السنون ولا الدراسات المعمقة....................
فيا حصرة لابقينا سوريين ولا صرنا أجانب .....................
بعد بدك تفسير خليك من المنتشرين وأوعى تفكر إنك صرت مغترب.......................
والله معك..........................................:agre e:
  #5  
قديم 24th January 2006, 08:09 PM
الصورة الرمزية سيلفانا خوري
سيلفانا خوري سيلفانا خوري غير متواجد حالياً
مشرف سابق مميز
 
تاريخ التسجيل: Oct 2005
الدولة: venezuela
المشاركات: 495
الجنس: انثى
سيلفانا خوري is on a distinguished road
أهلا وسهلا بنجمة طلت علينا بعتم الغربة....
أردت أن أشكرك على مشاعرك الصادقة وعلى النصيحة التي أردتِ أن توصليها إلينا.. وبالتأكيد الأغلبية مننا يشاركك
بهذه المشاعر..منا من هاجر من أجل الدراسة وآخر من اجل العمل وسواء ًإن حصلنا على شهادات أو مناصب عالية في هذه الحقول إلا أن الشعور بالبعد يقتل كل فرحة لانها تمتزج بمرارة هذه الغربة أو الانتشار على راي الاب جورج
ومارح نقول غربة ولا انتشار مادمنا اجتمعنا في هذا المنتدى الزيدلي السوري بين اهل واصدقاء ..كأسرة واحدة على ارض سورية واتمنى ان تضميني الى هذه اللائحة الطويلة من الاصدقاء
مع تمنياتي بأن تطول إقامتنا على هذه الارض بركي الادارة بتتكرم علينا و بتعطينا الجنسية وهيك بتنحل مشكلة من هالمشاكل
  #6  
قديم 24th January 2006, 09:26 PM
الصورة الرمزية white flower
white flower white flower غير متواجد حالياً
عضو متقدم
 
تاريخ التسجيل: Dec 2005
المشاركات: 73
الجنس: انثى
white flower is on a distinguished road
الوضع خارج عن السيطرة

الغربة والاغتراب يا نجمة الوادي بيشكلو هاجس كبير لغالبية الناس ومنذ القدم كان التاريخ حافل بقصص الهجرة بمختلف أنواعها
والخوف انو هالظاهرة عم تزيد بشكل مذهل وما عادت محصورة بالناس المحتاجين الباحثين عن حياة كريمة ورفاهية او طلبا للعلم او علاج ...........
صارت عم تتسجل حالات كثيييييييييييرة لناس ما بينقصهم شي من مقومات الرفاهية (بيت كامل , سيارة , ارض ,رصيد بالبنك )او حتى لو كان بنقصهم شي من هاذ ليس سبب كافي لتحمل شقا الغربة .....بس انك تحاولي تقنعيهم مستحييييييييييل
شو فيكي تقولي للي محتاجين للغربة كثيير وبيشعروا انهم ما رح يتعذبو اكثر من حياتهم ببلادهم
صاير مفهوم الغربة بتحكمو رغبة بالعيش في حضارة مختلفة أو مفهوم تجاري يعني فرصة لمضاعفة المال وعلى قولة زيادة الخير خيرين
بالاضافة الى ناس كثير عم تلحق اغلبية العائلة والاصحاب الي سبقوهم بالهجرة وتركوهم وسجلولهم دور وما حدا بيقاوم فرصة الحصول على جنسية ثانية لبلد مثل اميركة او غيرها من البلاد المتحضرة ....وكل واحد بيعطيكي حجة قوية تمنعو من البقاء في البلاد يوم اضافي
انا معك بكلامك بس ما فيني قول اني ضد الغربة بالنهاية لازم نمشي مع التيار وبتمنالك التوفيق بغربتك والسعادة الي تنسيكي شقا الغربة ......وعذرا للاطالة
__________________
كما أردتم أن يفعل الناس بكم افعلو أنتم بهم
  #7  
قديم 25th January 2006, 07:10 PM
الصورة الرمزية angel
angel angel غير متواجد حالياً
عضو مخضرم
 
تاريخ التسجيل: May 2004
المشاركات: 685
الجنس: انثى
angel is on a distinguished road
بالأمس قرأت خبر انو بابا الفاتيكان عم يوصي الحكومات بالمهاجرين واللاجئين على دولهم وضرورة حسن معاملتهم وسد احتياجاتهم وأشار إلى انتشار ظاهرة الهجرة الواسع وإنها إحدى علامات قرب المجيء واليوم الاَخر ..
white flower كلامك سليم 100% ما بعرف كيف وضع الهجرة بقرية المشرفة قرية نجمة الوادي .. بس نحنا بزيدل وفيروزة صار عندنا شيئ اسمه ثقافة الهجرة يعني صارت فكرة السفر عندنا شيئ عادي لابل حتمي وما عاد بس بدافع الحاجة المادية ... مثل ما تفضلت white flower تقريبا" كل شخص بها الضيعتين في إله دور عالهجرة وما حدا بروح هالفرصة من إيده وإذا مو مقتنع بالفكرة بس مشان ما يجي يوم ويحاسبه ابنه ليش ضيع منه فرصة الحصول على الجنسية ببلاش بدل ما يدفع بالمستقبل المبالغ الطائلة حتى يحصل على الفيزا بطرق غير سوية ... ويعاني ليحصل على الإقامة .. أو مشان ما يجي يوم ويلاقي ابنه بدون أقرباء وأصدقاء ... بعدين يانجمة الوادي ما رح قلك إنو الغربة سهلة حتى لو كان المغترب عايش ملك ..بظل الحنين للوطن ومربى الطفولة غصة بالقلب بس ما فينا ننكر إنو الهجرة انتشلت كثير أسر من الفقر وبدلت حياتهم بشكل جذري لا بل أنعشت قراهم وحسنت مستوى الخدمات فيها ... يعني كل شي بالحياة إله إيجابياته وسلبياته ..بس يمكن تجربتك القاسية خلتك تشوفي بس السلبيات...
ولكم محبتي...
__________________
الرب راعي فلا يعوزني شيء.. في مراع خصيبة يربضني ومياه الراحة يوردني..
  #8  
قديم 26th January 2006, 02:20 PM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
نجمة لا استطيع الا ان احييكي على هذا الطرح الجريء و اللي قلما نشوفه من اعترافات لدى المغتربين و انت منهم , و اللي غالبا بيصوروا الأمور بعكس الواقع.

براي لازم نميز بين الأغتراب عن حاجة و الأغتراب عن بطر .
الغربة عن حاجة مفيدة و هي انقذت كثير عائلات من الجوع او الحرمان , و ارتقت بها الى الفضل و لو كان هالشي عحساب فرد واحد من هالعائلة.
اما المصيبة اللي وقعنا فيها بزيدل و هي الغربة عن بطر.
كثير حالات لأفراد يعيشون عيشة كريمة في سورية و احيانا يكونون وحيدين الأهل و مع ذلك تنعمي بصائرهم امام المظاهر الكاذبة التي يعكسها المغتربين لواقع حالهم , و قمة الأساءة من المغترب لقريته تأتي عبر ايحائه للآخرين بأنه يعيش عيشة مرفهة بالأغتراب و في بحبوحة مادية , و يؤكد هذا الأمر عبر بذخه الغير محدود على ابناء قريته , بينما حقيقة الأمر هو انسان اقل من عادي في مجتمعه الاغترابي و يعمل اعمال (مع انه الشغل مو عيب) بيستحي يشتغل فيها قدام هالناس اللي عميبذخ عليهم.
و هو عميعيش حياة اجتماعية اقل من عادية , و بيتعرض للأهانة و الخطر كل يوم منها.

لكن السؤال الذي ما زال يخطر ببالي حتى اليوم
لماذا لا يعود هؤلاء المغتربين بعد ان يحققوا هدفهم المادي المطلوب من الأغتراب.
هل هي قصة طمع و جشع لا اكثر ؟؟؟؟؟
ام ان المشكلة تكمن في البلد الأم الذي لم يتطور بحيث يستطيعون اخذ القرار بالعودة الى الخلف بعد ان شاهدوا و لمسوا الأنفتاح في البلدان المتقدمة و التقنية المغرية اضافة الى نظم البلاد المتحررة و الحرة.
ما بعرف هل من جواب عندك يا نجمة او كل من شارك و سيشارك بالموضوع ؟؟؟؟؟
__________________
Life Without Love is no life at all
  #9  
قديم 26th January 2006, 11:42 PM
الصورة الرمزية white flower
white flower white flower غير متواجد حالياً
عضو متقدم
 
تاريخ التسجيل: Dec 2005
المشاركات: 73
الجنس: انثى
white flower is on a distinguished road
أنا ما اتغربت بس استنتجت الجواب من ظاهرة عند أغلب المغتربين وهيي انو لمل بيجو سياحة بيرددو بعض العبارات الموحدة :
الله يعينكم على هالطرقات .........معقول تنقطع الكهربا .........عني هناك بأميركا النظافة ,الطب , الحرية ........وووووووو حرام تبقو هون ......هنيك بتتعب وبتلاقي
طبعا معهم كل الحق ويمكن صعب الواحد بعد ما شاف وعاش بكل هالحضارة يرجع ......
من المؤكد انو أصعب سنوات الهجرة هي السنوات الاولى وخلالها طبعا ما بيفكر بالرجعةعلى البلادوبعدين بيتأقلم بلغة ونمط معيشي وبيرتاح ماديا نوعا ماوبيصير يفكر بامور أخرى غير العمل والمصاري . بيصير يفكر بمقومات الحضارة الي طول عمرو يحلم فيها والاهم الربح المادي المؤهل للزيادة
وبعد تحقيق هالتأقلم والامنيات بينتهي الصراع بين العواطف الي بتدفعو للوطن والعقل الي بيميل للغربة ليفوز العقل على القلب( لانو العواطف ما بتطعمي خبز )
يعني من المؤكد انو السببين بيدفعوهم ليبقو مغربين وحتى سبب واحد كافي برأيهم
وبرجع بقول ان ما جربت الموضوع بس هاي قناعتي وتجربتي وما بعرف شو رح تعمل فيي الايام
__________________
كما أردتم أن يفعل الناس بكم افعلو أنتم بهم
  #10  
قديم 27th January 2006, 02:45 AM
الماهر الماهر غير متواجد حالياً
عضو بارز
 
تاريخ التسجيل: Oct 2005
الدولة: زيدل
المشاركات: 102
الماهر is on a distinguished road
تحية للجميع

إنا كمان مثل صديقتنا الوردة البيضاء ما تغربت برات البلد بس بتصور عندي جزء من الجواب على التساؤل يلي طرحو حسام حول عدم عودت المغتربين بعد تحقيق أهدافهم في الثروات .
أصدقائي المشكلة ليست في البلد وليست في تأقلم المغتربين مع مظاهر الحضارة والحرية والانفتاح (طبعاً باستثناء الجيل يلي تربى بالغربة ) ولا حتى هي في الطمع أو الجشع أو مثل ما ذكرت الوردة البيضاء في زيادة هذه الثروة ويلي هي
من حقهم الطبيعي بعد غربتهم وفقدانهم للكثير من الميزات يلي تربو وتعودو عليها ويلي ما في شيء بعوضها .

( وأتحدث هنا عن بيئة زيدل وفيروزة تحديداً )
ـ المشكلة هي العمل الذي لا يمكن للإنسان مهما بلغت ثروته التخلي عنه وخصوصاً إذا كان من بيئة ريفية .
ـ عجز مغتربينا عن إيجاد طرق لأسثمار ثرواتهم في البلد نتيجة قلة اطلاعهم على أي مجال غير الزراعة هو السبب الرئيسي لستمرار إعمالهم في المغترب مع انو مثل ما بتعرفو انه رؤؤس الأموال في هذه البلدان تبحث عن الاستثمار في مثل بلداننا .
ـ حدا في يقلي عن أي صاحب ثروة سواء مغترب أو غير مغترب من أهالي زيدل أو فيروزة استثمر في مجال الصناعة
أو السياحة أو حتى التجارة ,(طبعاً باستثناء ألآب جهاد جلحوم مشكوراً ويلي كلنا بنعرف السبب الحقيقي وراء مشروعه ) يمكن ما في إلا كم واحد وعلى نطاق ضيق جداً .
ـ علماً انو مشغل خياطة برأس مال مليونين ليرة سوري ممكن يانتج بحجم ستور بأمريكا طبعاً بعد حساب فرق المعيشة في البلدين ومثل ما بنقول هون بعيش ملك .
ـ هذا رأيي الشخصي وبتمني حدا من المغتربين يعطي رأيو بالموضوع وبصراحة وبدون مجاملة .
__________________
ليس بالخبز وحده يحيا الإنسان
  #11  
قديم 27th January 2006, 03:42 AM
njmtalwadi njmtalwadi غير متواجد حالياً
عضو
 
تاريخ التسجيل: Dec 2005
الدولة: usa
المشاركات: 18
الجنس: انثى
njmtalwadi is on a distinguished road
اولا دعوني اقول انه جميعكم على صواب عندما قلتم انه يجب التمهل بكتابة المواضيع حتى تاخذ المواضيع حقها بلمناقشه فانا عن جد فرحتي لا توصف عندما لاحظت انكم تهتمون وتردون على موضوعي
ثانيا:مهما اختلفت طريقة التعبير عن الغربه بمفهوم كل واحد لكننا اجتمعنا على قساوه ومرارة الغربه
ثالثا:
بلنسبه ان الغربه حسنت من وضع عائلات فقيره كثير ه ما كانت لتتحسن في بلدنا نتيجه الضعف الاقتصادي هناك انا معكم 100% لانني واحده من الناس التي لم تكن لتحلم بهكذا عيشه فهذا الشيء الايجابي الوحيد للغربه
"انا اتكلم عن امريكا لا اعرف كيف الحياه في باقي المجتمعات" ز
هنا لا تشعر بلفوارق الطبقيه بين الناس الكل يركب سيارات ويلبس احلى لبس ووووووووووو
يعني الحياه مرفه للجميع ربما للاقتصاد القوي او ربما هذه سياسة البلد حتى تسكت شعبها عنها توفر له كل شيء بارخص الاسعار فيعيش مرتاح
فتتفرغ البلد لامورها دون ضغط داخلي
المهم نتيجة الرفاهيه هذه هي الامور التي ذكرتها سابقا
رابعا
لماذا المغترب لا يعود الى البلاد بعد ان يجمع ما يكفيه ليعيش مرفه هنالك لعدة اسباب
1 نحن كوننا بشر فلدينا نقطة ضعف الا وهي النقود"لا يشبع عيننا الا التراب" فاذا وجد الشخص نفسه وخاصة لا يجب ان ننسى فرق العمله المغري ,اذا وجد نفسه يجني كل شهر مثلا 5000$ تريده ان يعود لبلد فقير اذا فكر باقامة مشروع فيه سيكون ربحه ولنفرض مثلا100000ليره اي 2000$ ايها الاربح
2 لنفرض ان المغتربين 50% منهم فكروا بلعوده وفكر كل واحد منهم باقامة مشروع هل البلد تستوعب واذا استوعبت هل يوجد دخل مادي كافي لانجاح هذا الكم من المشاريع لا اعتقد ذلك
3 المجالات المغريه للشباب بوجه خاص هنا من غير الممكن بل صعب توفيرها هناك
4.............................................ز
5..............................................
لذلك يقول المغترب يطفي الذهاب شهر للبلاد استمتع واعود
والرب يكون في عوننا
نجمة الوادي
 

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 04:51 AM.


Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص