موقع زيدل الصفحة الرئيسية  

العودة   منتديات زيدل > المنتدى الزيدلي > منتدى المجتمع > مواضيع اجتماعية

إضافة رد
 
أدوات الموضوع تقييم الموضوع انواع عرض الموضوع
  #1  
قديم 16th January 2006, 03:09 AM
الصورة الرمزية angel
angel angel غير متواجد حالياً
عضو مخضرم
 
تاريخ التسجيل: May 2004
المشاركات: 685
الجنس: انثى
angel is on a distinguished road
تمنيت تنشق الأرض وتبلعني

كثيرة هي المواقف المحرجة التي يواجهها الانسان في الحياة اليومية ... و التي تتفاوت في شدتها بين أمور بسيطة تمر في لحظتها .. وبين مواقف تصعد الدم إلى رأسك وتجعلك تتمنى أن تنشق الأرض وتبتلعك.. وبالمقابل تختلف ردود أفعال الأشخاص وطريقة تعاملهم مع تلك اللحظات المحرجة فنجد من يتجاهلها تماما" وكأن شيئا" لم يكن .. ومنهم من يمررها بدعابة وروح رياضية ويطوي الصفحة ... ومنهم من يهجس بها أياما" وأسابيع ...
أذكر عندما كنت في الاعدادية أنني كلفت مرة بإلقاء قصيدة أمام المدرسين والتلاميذ في إحدى المناسبات القومية ..ويومها نسيت نصف الأبيات فاعتذرت ورجعت إلى مكاني واعتبرت نفسي في موقف لا أحسد عليه .. وتطلب مني الأمر أياما" كثيرا" حتى شفيت منه .. واليوم عندما أتذكر القصة أضحك على نفسي ..
أتمنى أن أسمع منكم عن أكثر موقف يشعركم بالحرج وهل يقل شعور الانسان بالاحراج كلما تقدم به العمر حسب رأيكم وتجاربكم ؟ ؟
__________________
الرب راعي فلا يعوزني شيء.. في مراع خصيبة يربضني ومياه الراحة يوردني..
رد مع اقتباس

Sponsored Links
  #2  
قديم 16th January 2006, 01:43 PM
manalo manalo غير متواجد حالياً
عضو
 
تاريخ التسجيل: Dec 2005
المشاركات: 9
الجنس: انثى
manalo is on a distinguished road
ذكرى ما بنساها

سلام انجيل...و شكرا لهالفكرة الحلوة
بتذكر مرة لما كنت ثانوي كنت مشتركةبفرقة نشاط بالمدرسة و تدربنا على رقصة اجنبية و سافرنا مشان نقدمها بمحردة...و كان في حضور كتير و التلفزيون عم يصور
و لما اجا دور فرقتنا كنا كتير تعبانين من السفر..و متلبكين لانو في عالم كتير
و مع اول حركات الرقصة علقت رجلي برجل رفيقتي و وقعت على المسرح
بس قمت و كفيت الفقرة للاخير..و كنت واقفة باول صف
بس لما خلصنا بلش البكي و ما شوف الا يلي عم يقلي معليش بتصير كتيييير
بس كل هالشي ما فاد و ضليت ابكي حتى وصلت على حمص
و هلق كل ما اتذكر بضحك...
و اما عن سؤالك فانا بتخيل انو المواقف يلي بتصير معنا و نحنا صغار صعب ننساها بالبداية
بس لما نكبر بتصير ذكرى حلوة
اما الكبير فبيقدر يتجاوز اللي صار بسرعة اكبر...بس بيضل محسوب عليه من اللي حواليه
و بالنهاية سعيدة لكوني بمنتداكم...مع حبي
رد مع اقتباس
  #3  
قديم 16th January 2006, 05:15 PM
sosy3005 sosy3005 غير متواجد حالياً
عضو
 
تاريخ التسجيل: Dec 2005
المشاركات: 5
الجنس: ذكر
sosy3005 is on a distinguished road
هههههههههههه
والله كنت بالحادي عشر وكان عنا مناسبة قومية وعم نتدرب على استقراض ضخم والمشتركين كتير كتار من ثانويتنا ومن ثانوية البنات وكلنا لابسين بدلات الفتوة الزيتي
وكنا قاعدين استراحة عالمدرجات بالعباسيين وقدامي كان رفيقي وعم العبلو بشعراتو وعم اتطلع على الملعب عاللي عم يتدربوا وفجأة انتبهت لقيت حالي عم العب بشعرات بنت يعني ما كتير بستلطفها وشعراتا كتير قصار متل الصبي
وكتيييييييييييير خجلت بس هي طلعت فيي وضحكت وما ضل قدامي الا انو ادعي اني عملت هالحركة عن قصد وبديت معها علاقة ما كان بدي ياها ومشان هيك انتهت بسرعة
واو كانت ايام حلوة ايام الثانوية
رد مع اقتباس
  #4  
قديم 16th January 2006, 11:11 PM
الصورة الرمزية angel
angel angel غير متواجد حالياً
عضو مخضرم
 
تاريخ التسجيل: May 2004
المشاركات: 685
الجنس: انثى
angel is on a distinguished road
أهلا" فيك sosy3005 ذكرتني بموقف حدث مع رفيقة لي أيام الجامعة في أحد دروس مادة التشريح العملية حيث كنا نتحلق حوالي 30 طالب حول جثة واحدة أثناء تشريح الدكتور لها وطبعا" كان الطلاب الأقصر في المقدمة وبعدهم الأطول وكانت صديقتي قصيرة وتسريحة شعرها صبيانية وإذا بأحد الشباب يقف على رؤوس أصابعه ويستند بيديه على كتفيها ولن أصف منظره عندما شاهد نظرتها المتفاجئة والمستهجنة بعد أن التفتت إلى الوراء ... ولكن النهاية تختلف عن قصتك حيث لم تره مرة ثانية طيلة الست سنوات...
أهلا" بك غاليتي منال ... يشرف المنتدى أن يضم أمثالك وأتمنى دائما" أن أجد مشاركاتك واَراءك التي طالما أحببتها..
__________________
الرب راعي فلا يعوزني شيء.. في مراع خصيبة يربضني ومياه الراحة يوردني..
رد مع اقتباس
  #5  
قديم 17th January 2006, 12:40 PM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
شكرا انجيل لهالموضوع الجميل و اللي بيذكرنا بلقطات ربما ما بنحب نتذكرها بس , بتظل حلوة لو انطرحت امام الأصدقاء.
انا عندي 3 قصص , ثنتين معي و وحدة مع صديق.
اول حادث اكن عام 1992 تقريبا , كنت عمعرفة بصبية حلوة , اصغر مني ب 3 سنين و كانت معرفة صداقة و ليس اكثر.
بقا تقوت هالصداقة خلال رحلة جمعتنا و صرنا خوش بوش و بعدها بالمدرسة اكثر من مرة و ضحكنا و سولفنا و و و .
و بعدها شاءت الصدف اني التقيت معها بسهرة , فلقيت انه من الواجب قوم رقصها , صديقتي عأساسسسسسسسسسس.
و انا من النوع اللي مستحيل فكر قوم فتاة عن عدم سابق معرفة , يعني صديقاتي و اقربائي و العلاقات الخاصة ممكن فكر رقصهم بس اني ادحم عحدا ما في بين و بينه خلطة مستحيل.
و حملت حالي و رحت قومها عالرقص و افاجأ فرفضها لهالشي ؟؟؟؟؟؟؟
هي اول و آخر مرة بتصير معي بحياتي , و وقتها اصبت بذهول غريب , مو لأني رفضت من قبل فتاة عالرقص , بس انه يخرب زوقك بيني و بينك بعيد عن اهلك كنتي سمنة ععسل ,و هلق بتجي بتعملي هيك بحجة شو انها تعبانة.
الموقف طبعا محرج بسبب انها محاطة بعالم و الأغلب انتبه للي صار , انا تمالك نفسي و رجعت عمطرحي و كفيت السهرة عادي , بس ما بنكر انه هالفصل هذا اله دور , بموقفي الحالي المكون عن النساء.
بس الله كبير و اجا يوم بتصور هي تمنت تبلعها الرض مثل ما صابني و لنفس الموقف.
احد اصدقائي قام يرقص هالبنت باحدى حفلات التعليم المسيحي.
و كمان بيتفاجئ بالرفض من قبلها , بس صديقي حمقي و منه مسالم زيادة مثلي , فما بيكون من ردة فعله الا و بيبصق عليها قدام كل الحواليها و بيطلع من الصالة.(بس بتستاهل لأنه هيدا طبعها بتحب تعمل show و تلفت النظار شو ما كانت الطريقة).
**************
القصة الثانية بغير مجال صارت معي بالسعودية سنة 2000 كنت بعدني طازة عالبلد , و ما بحياته حدا موجهلي كلمة مو منيحة او مهينة.
هون نظام البلد بيجبر المسلمين عالصلاة و بتتوقف جميع الأعمال وقتها.
انا كوني ما ملزم بالصلاة طلعت اقعد بسيارة خلف المطعم اللي بشتغل فيه, و انضم الي 3 من الزملاء المسلمين الغير ملتزمين بالصلاة دينيا.
و فجأة و بدون ما نحس و ندرى و الا سيارة المطوعين (هيئة الأمر بالمعروف و النهي عن المنكر) بتطب علينا و معد في مجال للهرب (انا مو فارقة معي مشان الشباب)
نزلوا الشباب الطيبة و فورا طلبوا الأقامة ,المسيحي اقامته بتكون خمرية اللون و مميزة عن اقامة المسلم الخضراء و بيكون الدين مكتوب بثاني صفحة.
انا عطيته الأقامة و وقفت بدونما افتح ثمي بكلمة
شاف الاقامة و تأكد من الديانة بالداخل , طلع فيي و قلي : نصراني كافر !!!!!!!!!!!!!
انا هون كأنه شي واحد ضربني كف و سطلي معد اعرف شو بدي رد ( و فعلا تمنيت الأرض تبلعني) , يعني بسورية مستحيل تسمع هيك كلمة .
بعد ما استوعبت القصة قعدت قله ليه هيك عمتحكي معي ,
قلي اخرس انطم ما تتكلم .
طبعا هون انا ما كان امامي غير استسلم للأمر الواقع و السبب هوة القوة اللي بيتمتعوا فيها و دائما الأجنبي هو المحقوق , يعني ما في توازن بالقوى و اي حماقة بتعني يا اما السجن بتهمة الأساءة لرجال الدين
او الطرد من البلد لو غلطت بحكيي معهم اللي ما رح يقدم و يجيب نتيجة.
لهيك بلعت غضبي و ارجعت عكرسيي و معي الأقامة و تصوروا من قهري قمت رجعت تكيت عالكرسي و تمدمت قدامهم قبل ما يفلوا , بس هالشي ما حلالهم و رد اخذ القامة مني و شحطني مع الشباب عمقر الهيئة حيث امضيت عتعهد بعدم تكرار هالجرم هيدا و اللي شو طلع معهم (الهاء المسلمين عن الصلاة)
*****************
الفصل المضحك عن صديق فلبيني سمعني هالقصة من كم يوم للصدفة:
كان عمره شي 15 سنة و كان مصاحب 3 بنات خبطة وحدة , كل وحدة من جيل لهيك كان ممشي حاله , بس بطريقة ما خبروا انه هالشخص عميضحك عليهم و عنده علاقات اخرى.
و بطريقة ما وصلوا لبعض و اتفقوا يعملوا مقلب من صديقي يكشف حقيقة تلاعبه فيهم.
قاموا بالأتصال به كل على حدا و طلبوا منه موعد بمطعم الماكدونالد , بنفس اليوم و بفارق نصف ساعة عن كل توقيت.
هلق هون ما بعرف كيف خانوه ذكائه و ما استغرب هالمصادفة العجائبية , بس قلي لسوء الحظ كان شايف فلم قبل بيوم عن هيك قصة و كيف انه البطل غدر يعمل شي شبيه للي بده يصير معه و هو التوفيق ب 3 مواعيد بيوم واحد.
المهم اول وحدة اجت عالموعد لنقول 9 الصبح و فعلا قعدوا و اكلوا (مطاعم وجبات سريعة ما بتاخذ وقت )
و بعد نص ساعة شاف انه الثانية وصلت , فاستأذن من الأولى بالذهاب للحمام.
و بس طلع راح جلس مع موعده الثاني , و نفس القصة بعد حوالي نص ساعة و وصول الثالثة استأذن عالحمام و طلع لعند الثالثة.
و بعد فترة وجيزة هالمرة اجت المبادرة من البنت و استأذنته الذهاب للحمام .
و فجأة بينما كان صافن و منه منتبه رفع نظرة ليتفاجئ بوجود الثلاثة امامه.
سالته احداهن , مين هي (مشرة الى احدى الفتيات )
قلها صاحبتي
اشارت عالثانية و قالته مين هي
رد نفس الجواب صاحبتي.
سألته شو بكون انا كمان الك
رد كمان صاحبتي
قالته هلق اختار وحدة مننا .
فكان رده بكل بساطة ما فيني اختار لأني بحبكم كلكم.
هون قالولة بتحبنا كلنا مو هيك
و بلشوا عابو جنب ثلاثتهم ضرب كفوف عوجه صديقي المذهول اللي ما غدر يعمل اي ردة فعل كونه عرفان انه مخطئ 100% و هالشي قدام كل رواد المطعم.
و بعد ما شفوا غليلهم حملوا حالهم و طلعوا برة.
هلق الموقف اللي زاد الطين بلة عصاحبنا انه وقت وقف بده يطلع و يدفع الحساب
بلشوا كل الحضور يزقفوله
هون قلي طلعت و دفعت الحساب بدون انتظار الباقي و انا مطاخي راسي و مني حاسس بشي.
و من بعدها اسبوع ما راح عالمدرسة و لهلق بعد 4 سنين عن الحدث بيتجنب يقرب مو بس صوب المطعم بل من كل المنطقة المحيطة فيه.
و عحكيه ظل سنتين متخوف يقوم بعلاقة جديدة من وراء هالدرس.

هالقصة حقيقية 100% و ما تفكره عميالف عليي بس انا حبيت احكيها بطريقة مرحة بس هي واقعية .
**********************
و يالله على امل سماع المزيد الى اللقاء.
__________________
Life Without Love is no life at all
رد مع اقتباس
  #6  
قديم 17th January 2006, 05:12 PM
الصورة الرمزية angel
angel angel غير متواجد حالياً
عضو مخضرم
 
تاريخ التسجيل: May 2004
المشاركات: 685
الجنس: انثى
angel is on a distinguished road
ما عاش اللي بده يخجلك حسوم .. بس فعلا" المواقف اللي منواجهها لأننا خارج بلدنا أو ملتنا أو بيئتنا بتكون قاسية ... وقت كنت بالمدينة الجامعية مر علي عيد فصح للسريان ما قدرت روح فيه لعند أهلي بسبب دروس العملي وطلعت يومها لإتصل معهم بالهاتف ووقتها ما كان لسه في كولبات الهاتف اللي بتنحط بالشوارع مع حصالات .. كان في محل أزهار مقابل المدينة حاطط عنده خط للعموم .. وكان صاحب المحل معروف إنه غليظ .. وعلى طول عنده شباب بالمحل بس ما كان في غيره ... وقعدت جرب حظي بالاتصال وقتها كان الهاتف نصف اَلي والمقسم مشغول خاصة يومها عيد... لاحظ البياع إني طولت فعرض خدماته وأخذ الهاتف وسألني: لوين عم تتصلي ؟ قلتله على حمص... قلي : طب نقليني الرقم .. فعطيته رقم المقسم ... وما انتبهت إلا وعم يطلبه ... فقلت له بكل براءة : كتبت نداء حمص 031 بالأول ؟ فاتطلع علي بكل برود وقلي : طبعا" لكن ليش سألتك لوين عم تتصلي ... صحيح إنك حمصية .!
وقتها فعلا" طلع الدم لراسي وكان المحل معبا عالم وما عرفت شو بدي جاوبه أو اتصرف بس لأنو يومها عيد قلت ما بدي إنزع نهاري .. وحملت حالي واطلعت بدون أي كلمة وما اتصلت يومها...بس لهلق بانقهر وقت بتذكر هالموقف...
__________________
الرب راعي فلا يعوزني شيء.. في مراع خصيبة يربضني ومياه الراحة يوردني..
رد مع اقتباس
  #7  
قديم 17th January 2006, 08:29 PM
الصورة الرمزية سناء جلحوم
سناء جلحوم سناء جلحوم غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,980
الجنس: انثى
سناء جلحوم will become famous soon enough
Thumbs up من دون تعليق

مابتذكر بيوم كنت بمكان أو بموقف وأتمنيت الأرض تنشق لتبلعني
إنما دخلت بها التعقيب لسببين أولهم لأشكر أنجيل على هالموضوع اللي منتظرين بعد نسمع ونقرا عن مواقف بحياة أعضاء المنتدى كانت محرجة .
السبب التاني توقفي عند هالجملة من مشاركة حسام واللي ماكانت مستحبة كتير بالنسبة الي !!!!


اقتباس:
احد اصدقائي قام يرقص هالبنت باحدى حفلات التعليم المسيحي.
و كمان بيتفاجئ بالرفض من قبلها , بس صديقي حمقي و منه مسالم زيادة مثلي , فما بيكون من ردة فعله الا و بيبصق عليها قدام كل الحواليها و بيطلع من الصالة.(بس بتستاهل لأنه هيدا طبعها بتحب تعمل show و تلفت النظار شو ما كانت الطريقة).
رجااال يقبرني شو رجااااال

قال البنات عقلها قليل

اقتباس:
بس بتستاهل لأنه هيدا طبعها بتحب تعمل show و تلفت النظار شو ما كانت الطريقة).


برأي هون كانت لازم تنشق الأرض وتبلعك أنت وصاحبك

من دون تعليق


زهرة الصحراء
__________________
كل مجدي أني حاولت....sanaa jalhoum
رد مع اقتباس
  #8  
قديم 17th January 2006, 09:36 PM
الصورة الرمزية white flower
white flower white flower غير متواجد حالياً
عضو متقدم
 
تاريخ التسجيل: Dec 2005
المشاركات: 73
الجنس: انثى
white flower is on a distinguished road
شكرا يا أنجيل خليتيني هاليومين اضحك من قلبي
كنت عم وزع بطاقات دعوة على عمادة ابن اختي وبين البطاقات كان في وحدة ما بعرف صاحب الاسم ولا بيته
المهم .. دلوني على البيت ورحت ..... ودقيت الباب بكل ثقة ........طلعلي صاحب البيت (يا ريت لو طلعت صبية كانت نص مصيبة )..........وبدون ما اسأل و اتأكد من العنوان سلمتو البطاقة مع ابتسامة عريضة مصاحبة للعبارات اللازمة وهيي :اتفضلو على عمادة ابن اختي يوم الاحد عقبال الفراح عندكم وخلونا نشوفكم ...بس شعرت انو اتفاجأ طبعا لانو ما الو علاقة ببيت اختي ولما اتطلع على الاسم راح يموت من الضحك طبعا ما كانت العزيمة الو ولا الاسم اسمو

في قصة صارت مع أخي وراحت تتطيرلو عقلو
مرة بدرس الرياضيات عرض عليهم الاستاذ على اللوح مسألة صعبة وما حدا عرف يحلها غير أخي
ووقتها الاستاذ أطرى كثير على أخي ووبخ بقية الصف
لما اجت المذاكرة حط الاستاذ نفس المسألة ووقتها صارو رفقات أخي يطلبو منو المساعدة بس المفاجأة انو ما عرف يحلها وزعلو منو رفقاتو بالبداية لانو فكرو ما بدو يساعدهن
ولما اتوزعت أوراق المذاكرة اتمنى أخي الارض تنشق وتبلعو مشان يتخلص من رفقاتو والاستاذ والتعليقات المزعجة ونظرات التعجب والضحك
__________________
كما أردتم أن يفعل الناس بكم افعلو أنتم بهم
رد مع اقتباس
  #9  
قديم 17th January 2006, 10:19 PM
الصورة الرمزية angel
angel angel غير متواجد حالياً
عضو مخضرم
 
تاريخ التسجيل: May 2004
المشاركات: 685
الجنس: انثى
angel is on a distinguished road
زهرتنا الغالية بالصدفة كنت عم أحضر على الفضائية السورية اَخر حلقة من مسلسل( الحور العين ) اللي بيحكي عن قصة التفجيرات اللي حصلت بالسعودية من فترة وحسيت قلبي عصني على حسام وبعدها فورا" قرأت تعليقك على الموضوع ووصلت على جملة : تنشق الأرض وتبلعك ... فباللاشعور نقزت ... بعيد الشر عنه .. طبعا" أنا بعرف محبتك الكبيرة لحسام اللي ما بتقل عن محبة أهله وحرصك على سلامته بس كيف أحيانا"الأمور بتجي مع بعض ... بس شو بدك كثير صعب وقت صبية بتخجل شب وبترفض الرقص معه ...يعني بعمر معين بتكون مسألة حياة أو موت ... وبتذكر إنو هيك حدث كان يحتل الساحة بجلسات المتة بين الصبايا وياخذ مناقشة أسبوع بين شماتة بالشب أو لوم للصبية ... على العموم في كثير مواقف محرجة بتصير بالحفلات والأعراس وهاي صعب تنتسى لأنها بتصير عالملأ ... أو خاصة إذا صارت مع العريس أو العروس نفسهم فبتروح ذكرى عالعمر ...
white flower انشالله على طول بتظلي تضحكي وانشالله المنتدى دائما" بكون محطة فرح وراحة لكل الأعضاء
__________________
الرب راعي فلا يعوزني شيء.. في مراع خصيبة يربضني ومياه الراحة يوردني..
رد مع اقتباس
  #10  
قديم 17th January 2006, 11:33 PM
عاشق الشام عاشق الشام غير متواجد حالياً
عضو
 
تاريخ التسجيل: Dec 2005
المشاركات: 9
عاشق الشام is on a distinguished road
مو غلط

ايه يا انجل ممكن بيصير مع الانسان اشياء مابيمناها انو بصير معو ولا بيكون حاسبلا حساب وبصير مع الكتيير مننا.
بس شو بدتا تعمل مع القدر والمكتوب علينا
بس مو غلط انو الواحد بيخجل شوي بس بعدين لما بيشوف مصيبة غيرو بصير الشغلة عادية ولو
انا مرة كنت حابب اتعرف على وحدة كندية ببيروت وبعد ماصار بيناتنا ابتسامات و نظرات قلت لحالي
يالله يا ولد قوم واحكي معاها شي عادي ..........
بس لما فاتحتا بالموضوع ( انو نكون فرند ) رفضة وبخشونة كتيير
رد مع اقتباس
  #11  
قديم 18th January 2006, 01:03 PM
manalo manalo غير متواجد حالياً
عضو
 
تاريخ التسجيل: Dec 2005
المشاركات: 9
الجنس: انثى
manalo is on a distinguished road
مرحبا
قصة حسام ذكرتني بقصة صارت معي ايام المدينة الجامعية
في مرة بعيد الشعانين التقيت مع زميلة عم تزور المدينة و كان صرلنا سوى بالكلية 3سنين
و كان عيد الكاتوليك...و علاقتي بالبنت عادية كتير
بس بما انو عيد قلت بعايدها و قلتلها كل عام و انت بخير
قالتلي و انت بخير بس انا ما معيدة
تفاجأت قلتلها ليش انت ارثودكس...قالتلي لا..و اصريت انا قلتلها لكن حزنانة على حدا
قالتلي ببرود لا انا ماني مسيحية........هون كانت المفاجأة و ما عرفت شو بدي قول
و بدأت اعتذر و قلها مو بقصدي ..ما بعرف
و تفاجأت اكتر بردها..بسيطة صاير معي كتيييييييييير؟؟؟؟؟؟
و من ورا هالموقف صرنا رفقة..بس بتخيل حتى هيي ما بتنساه ........
مع حبي
رد مع اقتباس
  #12  
قديم 4th February 2006, 06:18 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
رح احكيلكم هالفصل اللي صار معي مبارح و اللي فعلا انزعجت مه بادئ الأمر بس بعد موقف الصديقة اللي صار معها الفصل ارتحت كثير و صرت اضحك كل ما اتذكره,
كنت مبارح متواجد بالمنتدى و اذا بالأخت الغالية نجمة الوادي بتطلب مني فوت عالغرفة الصوتية لنحكي شوي.
انا طبعا فورا وافقت و سبقتها عالغرفة
شوي و الا لاحقتني و بلشت تسلم عليي.

انا اخذت المكرفون و بلشت كمان رحب , كيفك شلونك وين هالغيبة شو آخر الأخبار و و
خلصت حكي ما ردت ,!!!!!
فطنت شغلة قلت لقلها عليها قبل ما ترد
رجعت اخذت المكرفون و حكيت اللي بدي اياه
كمان نجمة ساكتة و ما ردت
و فجاة ما شفتت غير نجمة برة الغرفة , بدون ما تحكي و لا كلمة بدون ما تعلق و لا كلمة او تكتب شي بالتشات .
انا هون حسيت في شي غلط !!!! و قلت يمكن نجمة ما عمتسمعني و الا كانت كتبت شي
اذا ما عمتسمعني يعني يا اما المكرفون مو شغال , او خيار الصوت منه محطوط للمكرفون بل على Line in
و هون كأن سطل مي و انكب عراسي لأني تذكرت انه انا عندي ريسيفر التلفزيون موصول عالكمبيوتر مشان سجل منه اوقات .
و انا كل يوم عوصلتي بدور الريسيفر عقناة مشان يتفرجوا عليها رفقاتي بالغرفة الثانية لأنه ما عندهم ريسيفر و هي adults chanell (كل واحد تارك مرته و متغرب عشو بدهم يتفرجوا , طبعا انا مني عمبزرعها بدقن رفقاتي لأنه الي طلات عليها من وقت للثاني)
فتحت التلفزيون فورا لأتأكد شو طالع عالقناة , بس بعد شو اللي صار صار و تأكدت مخاوفي و الصوت اللي واصل لنجمة كان من الريسيفر .
انا هون عن جد تمنيت تنشق الرض و تبلعني يعني المخلوقة طلبت تحكي معي كلمتين , بجي انا بسمعها هيك سمفونية.
هلق عاد كيف بدي صلح الغلطة ؟؟؟؟
حكيت نجمة بالتشات ما كانت ترد و بعد شوي طلع اسمها ؟؟؟
ما لقيت غير ابعثلها ميل اشرح اللي صار و خلص النهار و ما ردت نجمة
فقت الصبح و الا في رسالة من نجمة , و الشيء المفرح كان هو تفهمها الكبير للموقف و عدم تاثرها فيه , بس انه بلحظتها اكيد انحرجت و لقت انه الهريبة ثلثين المراجل.
بقا اليوم حكيت مع نجمة و استئذنتها بنشر هالفصل اللي ازعجني اولا , بس بفضل روح نجمة المرحة و تفهمها صار يضحكني و يضحكني كل ما بتذكره.
__________________
Life Without Love is no life at all
رد مع اقتباس
  #13  
قديم 4th February 2006, 08:40 PM
الصورة الرمزية angel
angel angel غير متواجد حالياً
عضو مخضرم
 
تاريخ التسجيل: May 2004
المشاركات: 685
الجنس: انثى
angel is on a distinguished road
حسام اليوم اضحكت لهلكت على هالموقف .. يعني فعلا" بينقال عليه تمنيت تنشق الأرض وتبلعني ... وقعدت اتخيل وجه نجمة الوادي وقتها .. أكيد كان مابيتفسر .. بس بدي هنيك على شجاعتك وكتابتك للموقف لأنو مو كل شخص عنده الجرأة ليحكي عن المواقف المحرجة اللي بمر فيها .. وهني نجمة على روحها وتفهمها ..
__________________
الرب راعي فلا يعوزني شيء.. في مراع خصيبة يربضني ومياه الراحة يوردني..
رد مع اقتباس
  #14  
قديم 4th February 2006, 11:55 PM
الصورة الرمزية mariam
mariam mariam غير متواجد حالياً
 
تاريخ التسجيل: Mar 2003
الدولة: zaidal
المشاركات: 888
الجنس: انثى
mariam is on a distinguished road
مواقف تضحك واخرى تُبكي وكلها تؤلم

مواقف لا تعد ولا تحصى نمر بها يوميا منها ما تخلده الذاكرة ومنها ما يسقط ولا يبقى منه الا طيفا غابت ملامحه .
من المواقف المؤلمة التي خلدتها ذاكرتي وتمنيت لو توقف الزمن قبلها....موقف لا انساه عندما علمت إن صديقتي سقطت في عالم لامعالم له وانا وقفت عاجزة متالمة وكان المي بقدر محبتي....لدرجة انه مازال مستمرا.......
موقف آخر لو عاد بي الزمن لكررته لاني ماتصرفت بجبن لكنهم اعتبروه جبنا ..عندما كنت يوما انزل من باب الوحدة السكنية ايام الجامعة مرت بي طالبة تعاني من اعاقة جسدية وانا اعرفها جيدا فتعثرت ووقعت.. في حينها لو كانت غير معاقة لما ترددت ابدا من امساكها وانهاضها ولكني اقتربت منها وسالتها أن اساعدها فقالت شكرا لا ..وابتعدت لاتركها تقوم بمفردها في تلك اللحظة تحولت العيون إليّ مستنكرة و جميع النظرات كانت محملة باللوم والاستنكار وصاحو ياحرام ..........لا ادري وقتها ما كان احساسي ولكني شعرت بتانيب ضمير مع اني تابعت طريقي معها ولم أشعر للحظة أنها لا متني على حيادي.....

موقف آخر عندما تركت قسم امراض التلاسيميا بعد إن أسست لهم بيئة من الود افتقدوها اعواما وهم بامس الحاجة إلى من يعاملهم بانسانية ويشعرهم بالامان عندما توسلوني إن ابقى معهم ورفضت صحيح اني كنت تحت ضغط نفسي كبير لكني ماتمنيت رؤيتهم يتوسلون ...هذه اللحظة تركت في داخلي شرخا تمنيت لو إنني ما استلمت هذا القسم يوما ...... ولم اقف هذا الموقف
ومن المواقف الطريفة ....
ذات يوم من الثمانينات عدنا من الجامعة لنوضب الحقائب فالسفر إلى الاهل ممتع وفي تلك الايام كانت ازمات كثيرة اهمها المحارم والسمنة والدفاتر لم نحضر معنا سواها ...كنا ماذا نفعل قبل السفر بايام نحجز تذكرة السفر بالكرنك الوسيلة الوحيدة للسفر المريح ونترك اجرة تاكسي من المدينة للمحطة ...وهذا مافعلناه حقا لكن المفارقة اننا اعتمدنا في اجرة التاكسي إلى قريتنا او الباص او الميكرو على بعضنا البعض فلم نحسب له حساب همنا الوحيد تامين اكبر عدد من الدفاتر والمحارم والسمنة وهذا ماكان صعدنا إلى الميكرو ونحن ثلاثة وبدأنا نتلفت من سيدفع ونتغامز وفجأة علت ضحكة مدوية فسالنا السائق وهو للصدفة صديقنا مالامر فقلنا له للاسف يجب إن توصل احدنا إلى المنزل ليعطيك الاجرة لاننا لانملكها ...

ذات يوم سلمت علي صديقة امضيت معها ستة اعوام وبعد سؤال وجواب ادركت انني اسالها على انها شخص آخر وهي استغربت اسئلتي فسالتني شو مو عارفتيني قلتلها بثقة مانك سمر ضحكت وصاحت ولك يخرب بيتك مافي شبه بنوب انا الهام وفعلا لايوجد اي شبه بينهم لكنني يبدو انني كنت لحظتها مشتاقة شوف سمر
رد مع اقتباس
  #15  
قديم 19th March 2006, 10:39 PM
هديل عبد الله هديل عبد الله غير متواجد حالياً
عضو
 
تاريخ التسجيل: Mar 2006
المشاركات: 15
الجنس: انثى
هديل عبد الله is on a distinguished road
انا مريت بكثير مواقف محرجة ومضحكة ومبكية واليمة
من المواقف المحرجة والمضحكة لما كنت بالصف السابع كنت احب اساعد الراهبات وابقى معهم دائما بوقت الفراغ فسالوني مرة هل تحبين حياة الرهبنة فقلت لهم نعم فهم ما صدقوا هالشي الاا وفي يوم جاءت رئيسة الراهبات وكنت موجودة هناك جالسة انا وصديقتي على الدرج مندردش ولما نادو علي علشان يتعرفوبي انا شو صابني حالة هلع هربت باقصى سرعة على البيت ولما سالتني صديقتي ليه هربتي قلتلها بدهن ياخدوني معهم ويبعدوني ويعلموني الرهبنة طبعا هدا مع احترامي لجميع الراهبات . صارعمري 35 سنة وما رايحة هذه النهفه من بالي وبقول قديش كنت غير واعيةوبخاف انتو ذكرتوني فيها مع انه بتيجي على بالي بس مو كثير .
اما النهفه الحلوة هي لابني هلاا هو عمره 6 سنين طلع على المسرح تيغني بعيد الام غنى مع اولاد صفه . بالفقرة الثانية هبببب ما بدو يطلع يرقص على المسرح اجو المعلمات ينادوني شو صارت لبكة شو انا انحرجت انحرجت يومتها بس يلا
عادي هذا الشي

اما المواقف المؤلمة فهي كثيرة واصعب موقف لما تروح تسامح ناس وتدخل بيتها وهي ما تستقبلك مع انها هي الحق هليها وبعد هيك انت تبادر بالمسامحة مرة ومرتين وثلاثه وما تنجح علشان هيك بتعلم الواحد انه في بالدنيا وبعرف انه القلوب الميتة والحجر ما لاازم الواحد يبادر انه يسامحها
اصعب موقف واحزن لحظة لما تشوف رجل بيبكي وما قادر يطلع الدمعة
وشكرا على فتح هذا الموضوع وهي الذكرايات
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 07:48 AM.


Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص