موقع زيدل الصفحة الرئيسية  

العودة   منتديات زيدل > المنتدى الزيدلي > منتدى الثقافة

 
 
أدوات الموضوع تقييم الموضوع انواع عرض الموضوع
  #1  
قديم 7th March 2006, 11:17 AM
الصورة الرمزية سناء جلحوم
سناء جلحوم سناء جلحوم غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,980
الجنس: انثى
سناء جلحوم will become famous soon enough
Thumbs up علقتك علقة والله يا سناء

[اليوم 09:03 AM] a_aroush :

علقتك علقة والله يا سناء مع هالقسوس

[اليوم 09:04 AM] a_aroush :

كيفك

[اليوم 09:05 AM] a_aroush :

إذا بدك مساعدة خبريني


[اليوم 09:05 AM] a_aroush :


بس شايف أنو ما بينخاف عليكي , بتغدري على عشرة منهن


[اليوم 09:05 AM] a_aroush :


ههههههههههههههههه




***************

بيناتنا ياعبدلله الله يعين "هالقسوس" على قولتك ..علينا نحنا وعلى هالعلقة بها المنتديات

يعني منيح اللي عم يتحملوا سئالتنا وسماجتنا وغلاظتنا وسماكتنا وحبنا وحزنا ورومانسيتنا وكرهنا وبغضنا ومحبتنا ..

من ميل منضيف غنية رومانسية ويمكن هيدا حرااااام

ومن جهة تانية منحكي عن هيفا وهبة وهون المصيبة أعوذ بالله هي أكبر خطية

ومن الميلة الثالثة منسطر كلام شعر وغزل ويمكن هاد مش أصول وعيب

والموضة يالطيف الموضة الطريق الأقصر والأوفر للوصول بسرعة لنار جهنم .

وماننسى السوبر ستار

وشي عن نــــــــــــــــــزار

وهيدا اللي مابينذكر أسموا كاظم الساهر

والتاني جورج وسوف

كلها سخافات وتفاهات وتساؤلات وإباحيات مالها معنى بالمنتديات
فاللـــــــــــــــــــه يكون بعونهم معنا ويصبرهن على خطايانا

آمين يارب

ممنوع حذف الموضوع



شكراً للمساندة عبدلله

زهرة الصحراء

__________________
كل مجدي أني حاولت....sanaa jalhoum

Sponsored Links
  #2  
قديم 7th March 2006, 11:52 AM
الصورة الرمزية Nada1981
Nada1981 Nada1981 غير متواجد حالياً
مشرفة المنتدى الترفيهي
 
تاريخ التسجيل: Mar 2005
الدولة: The Netherlands
المشاركات: 1,286
الجنس: انثى
Nada1981 is on a distinguished road
حزب الحلاوة و الدلع وينكم !!!!!!!!!!!!

مرحبا جميعا

يعني عنجد الله يساعدك يا سناء, لمين بدك تلحقي لتلحقي. من القسوس ولا من الاعضاء ولا المشرفين ولا الادارة ولا ولا ولا .........................

بس الغريبة انه مافي اي عضو نسائي ( حزب الحلاوة و الدلع ) حاول يساعدك

انتي بتعرفي ليه انا قاعدة بمنطقة المتفرجين و اكيد مارح ادخل على الساحة هلا ابدا, لهيك بس حبيت انه قلك الله معك و يعطيكي الصبر و القوة مع بعض لحتى تقدري تردي على الكل.

تحياتي للجميع

ندى
__________________
๑۩۞۩๑ Dream as if you'll live forever, live as if you'll die today๑۩۞۩๑
  #3  
قديم 7th March 2006, 03:52 PM
Abu Julian Abu Julian غير متواجد حالياً
عضو مخضرم
 
تاريخ التسجيل: Dec 2004
المشاركات: 588
الجنس: ذكر
Abu Julian
[COLOR="DarkSlateBlue"]على أنغام "لا تلعب بالنار بتحرق صابيعك" أود أن أعزيك أيتها الأخت العزيزة وأواسيك على ما أصابك!!!!!!!!!!.............. شو كان بدّك بهالعلقة!!!...........:

معليش، تحمّلي شوي.......... ولاّ قلّك: ردّي بعنف وما تخافي!!!!........... في زلم وراكي
  #4  
قديم 7th March 2006, 04:36 PM
الصورة الرمزية angel
angel angel غير متواجد حالياً
عضو مخضرم
 
تاريخ التسجيل: May 2004
المشاركات: 685
الجنس: انثى
angel is on a distinguished road
استنفار حزب الحلاوة والدلع

مرحبا للجميع ..
بما إنو ندى استنفرت حزب الحلاوة والدلع فما قدرت ظل ساكتة وحبيت دافع عن زميلتي بالحزب مع إنو كل ما سنحت لي الفرصة بعبر عن إعجابي بكتابات العزيزة سناء وأخبارها المميزة والمنوعة دائما".. والوقت والجهد اللي عم تبذلهم في سبيل المنتدى .. بالإضافة للطافتها ولباقتها بالرد اللي عمرها ما جرحت حدا أو أهانت حدا .. وسعيها الدائم لتهدئة الجو إذا احتدم النقاش ومحاولة إزالة سوء الفهم بين الأعضاء ..ورحابة صدرها وطول بالها.. واللي ما بينتبه لها القصص بمشاركات سناء بتكون المشكلة عنده ...
على كل ياسناء طول عمرها الحياة هيك أي شي بتقوليه أو بتعمليه بتلاقي ناس تأيده وناس تعارضه .. ما بقولوا :إرضاء الناس غاية لاتدرك ..
بس ولايهمك سناء بقولوا كمان : الشجرة المحملة بالثمار تضربها الناس بالحجارة ...
وانشالله على طول بتظل صورتك منورة المنتدى .. ومشاركاتك مزينة الصفحات...
ولك محبتي ..
__________________
الرب راعي فلا يعوزني شيء.. في مراع خصيبة يربضني ومياه الراحة يوردني..
  #5  
قديم 8th March 2006, 09:38 PM
الصورة الرمزية white flower
white flower white flower غير متواجد حالياً
عضو متقدم
 
تاريخ التسجيل: Dec 2005
المشاركات: 73
الجنس: انثى
white flower is on a distinguished road
عالندى الندى الندى ........حلوين وما منتهدى
وشيختنا هيي سناء........وما في حدا من قدا
كل مين بيزعل سناء........رح يتندم من بعدا
شايفة يا سناء المحبة شو بتعمل!!!! هاي أول محاولة الي بهالمجال ولا حدا يخاف يمكن ما عيدها ههههههههههههه بس طلعت معي فور قرائتي للموضوع وملاحظة:الحذف ممنوع ههههههه
انا متأكدة انه الي زعلك رح يتندم لما يروق ويقرا كل ما كتبته سناء ووقتها بياخذ الفكرة الصحيحة عن شخصية سناء وبيعطيها حقها
مع حبي واحترامي white flower
__________________
كما أردتم أن يفعل الناس بكم افعلو أنتم بهم
  #6  
قديم 8th March 2006, 10:12 PM
الصورة الرمزية Nada1981
Nada1981 Nada1981 غير متواجد حالياً
مشرفة المنتدى الترفيهي
 
تاريخ التسجيل: Mar 2005
الدولة: The Netherlands
المشاركات: 1,286
الجنس: انثى
Nada1981 is on a distinguished road
هههههههههههههههههههههههههههههههههههههه

عنجد تحفة يا وردة و بلعكس لازم تعيديها لانها طلعت معك حلوة



ندى
__________________
๑۩۞۩๑ Dream as if you'll live forever, live as if you'll die today๑۩۞۩๑
  #7  
قديم 9th March 2006, 07:38 AM
الصورة الرمزية سيلفانا خوري
سيلفانا خوري سيلفانا خوري غير متواجد حالياً
مشرف سابق مميز
 
تاريخ التسجيل: Oct 2005
الدولة: venezuela
المشاركات: 495
الجنس: انثى
سيلفانا خوري is on a distinguished road
يعني يا صبايا بترفعوا الراس لو كل الاحزاب فيها هالقدر من التضامن والمحبة لكانت الدنيا في أحسن حال.....
باقة ورد مني لسناء.. اللطافة والرقة ..ولكل اعضاء هالحزب الحلوين


وانشالله كل علقة وانتو بخير
  #8  
قديم 9th March 2006, 09:19 AM
الصورة الرمزية RUSHA AWAD
RUSHA AWAD RUSHA AWAD غير متواجد حالياً
مشرفة منتدى المجتمع
 
تاريخ التسجيل: Sep 2003
الدولة: USA FLORIDA J
المشاركات: 630
الجنس: انثى
RUSHA AWAD is on a distinguished road
لا علقة ولاشي سناء, صدقيني هذول جماعة حلف الرجال بالمنتدى فتشو كثير وقليل على شغلة يواجهو فيهي حزب الحلاوي والدلع فما لقو شي غير انو يتهجمو على زعيمة هالحلف بس ولا يهمك نحنا وراكي , ياعمي شو بدك تعملي هي ضريبة الشهرة والنجاح .

مع حبي واحترامي
رشاعواد
__________________
قد تنسى الذي ضحكت معه, ولكن لن تنسى الذي بكيت معه
  #9  
قديم 9th March 2006, 09:22 AM
a_aroush a_aroush غير متواجد حالياً
مشرف سابق  
تاريخ التسجيل: Aug 2003
الدولة: united states of America
المشاركات: 886
الجنس: ذكر
a_aroush is on a distinguished road
نيالك على هالحزب يا سناء , بينشد الضهر فيهن الحقيقة .

و لو أني مو من حزب الحلاوة و الدّلع , رح ضم صوتي لصوتهن بالتأييد , و صدقي لو بلبس طاقية رفعتلك ياها على طولة بالك و صبرك و أخلاقك العالية , في موضوع الوصيّة العاشرة , لأنو مو أي إنسان بيتقبل الإهانات و الكلام الجارح مثل ما أنتي تقبلتيها و سامحتي اللي وجهلك اياها , و حقيقة لو أنا مكانك ما ممكن أبداً اقدر اتحمّل هيك كلام .

الواقع الذي لا مفرّ منه , أن كل نقاش في أي موضوع دينيّ , أو له علاقة مباشرة أو غير مباشرة بالديانات, يحاول فيه أباء الدين أو المتديّنين منا أن يخلقوا فيه جوّ الحساسيّة و التأزّم , فما هو السبب يا ترى ؟.

يظن و للأسف رجال الدين و المتديّنين أنّهم لو استشهدوا بالكتاب المقدّس أو بكلام الله في اي كتاب لأي ديانة , فهم على صواب و كل من عالجهم على خطأ, فتراهم يفسّرون كل كلمة من هذه الكتب على هواهم في أي نقاش أو في أي أزمة , و هم بذلك يدّعون أنّ الكتب المقدّسة نزلت من السماء و كتبها الله بنفسه , و ليست مكتوبة على يد بشر , و يمكن لك في أي نقاش أن تقنعيهم أن الإنسان قادر على الخطأ لأنه بشر , و لكن من المستحيل أن تقنعيهم أنهم قادرين على الخطأ في كتابة و تحريف و ترجمة هذه الكتب .

سأعطيكي مثالاً على أخطاء نحويّة و إنشائيّة ارتكبها مثلاً أبونا جورج ( معليش بمون عليه ) في هذه الفقرة , من رد جاء في موضوع كرنفال البرازيل .

اقتباس:
دائما العرب بيحبوا ورقة التين لأنو بحسوا فيها كل الحماية وأكبر ستر لعورتهم ولحضارة وثقافة مع بعض تحفظي عم شوفها بقصائد جاهلية وليست موجودة بعض إلى حدا ما على أرض الواقع.................... الشي يلي بدي قولوا لوا بتجمعوا وخصوصا يلي عطوني دروس بالأخلاق العربية !!!!!!!!!!!!!!!!!! لو بنجمع الحوادث والقصص يلي بنسمع فيها وشفناها على عدد السكان أي بنكون طرنبنا البرازيل من زمان ما تنسوا أني حكيت عن 180 مليون


لقد سبق و قلت في موضوع سابق أنني لست من المجيدين للّغة العربيّة , و لذلك سأطلب منكم و من كل شخص جيد في اللغة العربيّة , أن يقرأ النصّ السابق و يدقّق على الأخطاء النحويّة و الإنشائيّة فيه .

لقد قرأت النص السابق اكثر من مرّة و حقيقة لم أصل لفهم كامل للنصّ حتى الآن .

فإذا كنا نحن الآن في القرن الواحد و العشرين , غير قادرين على الكتابة بشكل نحوي و إنشائي مفهوم , فكيف لنا أن ندّعي الصحّة الانشائيّة و النحويّة لما كتبه إنسان من آلاف السنين !!!؟؟؟.

المغزى الذي أريد الوصول اليه في النهاية , هو طلب خاص من المتديّنين و رجال الدين معنا لأن يتقبّلوا النقاش , و لو كان هذا النقاش بأسلوب حضاري أكثر , ستجنبوا أنفسكم و تجنبوا الآخرين ارتكاب الخطأ , و هذا شيء أرجو أن يكونوا من الساعيين اليه , لطالما أن الديانات السماويّة كلها تدعوا لتجنّب الخطأ .

و شكراً
__________________
there is no place like home
  #10  
قديم 9th March 2006, 02:14 PM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
الهيئة صبايا المنتدى مو ملاقيين حدا يلتكش فيهم و نازلين غزل و دعم لبعض.
قال شو حزب الحلاوة و الدلع !!!!!!!

انا بدي وجه سؤال لكل وحدة منكم , ظلوا من اليوم لبكرة لشهر لسنة تغزلوا ببعض و مدحوا بعض شو رح تستفيدوا ؟؟؟ و هل رح تكونوا مبسوطين بهالحزب الأحادي الجنس ؟؟؟

انا بتصور كلمة حلوة من حزب الرجولة كافية بتليين قلب كل حزبكم من زعيمتكم لآخر عضو منتسب فيه.
لهيك مرجوعكم لعنا شئتم ام ابيتم.

يمكن المشاركة بلشت بهدف جمع الدعم لهالحزب بس بما انه القصة قلبت تحازبية رح نتحفظ على تقديم هالدعم مؤقتا.
__________________
Life Without Love is no life at all
  #11  
قديم 9th March 2006, 07:58 PM
fr george massis
Guest
 
المشاركات: n/a
هلا ولا بشيوخ النور

هالتعبير عادة يستعمل كمثل للدلالة على الناس يلي بتفخم ببعضها البعض ومن دون اية مناسبة
أما عرعوش اعتبرتك من الأميركان ياي هيك على السريع وجبات سريعة وما تخيلت بيوم انو رح تلق على خطأ لغوي أكيد مانو صادر عن جهل أو عدم دراية على الأكيد بس بتعرف أحيانا تقنية بالكيبورد فحرف بينقص حرف بيزيد والنص يلي استشهدت فيه اسأل جاجات الحارة بتعرفوا مو جديد ولا عم نخترع البارود
أما عن رحابة الصدر عند رجال الدين فلا تشغلولي بالكم فيها بنوب نحنا قلبنا كبير وبنلقى ولا يهمكم . ههههههههههههههههههه
يعني في الختام بنتمنى من النقاد بالمنتدى بشكل عام أنو يتحفونا بشي موضوع يفيد البشرية وما يضلوا مثل عجايز ضيعتنا لا شغلي ولا مشغلي قاعدين على هالمصطبة ونازل نشر بملكوت الناس يعني تخنتوها هزولنا كتافكم أحسن من الحش والت
والله يسامحكم.................................
هالتعبير يستعلم عادة كمثل للدلالة على مجموعة من
  #12  
قديم 9th March 2006, 09:23 PM
الصورة الرمزية سناء جلحوم
سناء جلحوم سناء جلحوم غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,980
الجنس: انثى
سناء جلحوم will become famous soon enough
شكراً ياصبايا..والله بترفعوا الراس

من بعد ماألف ولحنت كلمات جديدة لغنية ((عالندا الندا الندا)) ترد فيها عالصبية الحلوة وصل الرد الأخير لأبونا جورج واللي في بيطلب مننا مانكتر لت وحكي وننهز ونشفلنا شي موضوع متل العالم والناس مشان هيك رح أكتفي فقط باللازمة وبتصور وحدها كافية صديقاتي لعبر فيها عن إمتناني الكبير لصمودكم وهجومكم عند الضرورة والحاجة الملحة :

عالندا الندا الندا
والزهرة شو بعد بداا
الوردة نزلت عالساحة
والحلوين كلن حدااا


طبعاً الحلوين معروفين :

ندى العضو الأول بحزب الحلاوة والدلع اللي دعا لها الوقفة الحلوة بضحكة حلوةةة ...تسلميلي ندى
أنجيل العضو الثاني الملائكي والتي أخجل الزهرة بها الكلام اللي مش ممكن يكون صادر إلا عن من يعرف أصول العشرة وحافظ لأصول للصداقة والود .
الوردة البيضاء العضو الفني الثالث اللي حاول يغيير كلام أغنية تيعبر عن صدق إنضمامه لحزب الدلع بوقفة صادقة مع الزهرة .
سيلفانا العضو الشاعر الرقيق واللي عبر بإختصار عن العلاقة القوية اللي بتربطه بالحزب ومن ثم بسناء
رشا عواد العضو المؤسس الجريء من حزب الحلاوة والدلع والمرافق للعضو سناء من فترة لابأس فيها على صفحات المنتدى .

حسام ياريت تقعد عاقل يعني اذا بدنا ننطر من حزب الرجال بمنتدى زيدل كم كلمة حلوين العوض بسلامتكن بالكلام الحلوا وبكل أحاسيسنا ومشاعرنا ..... والله مابعرف شو رح يصير فيكن لو نحنا عنكن رحلنا ؟؟؟

*************
أعذروني ياشباب رح يكون ردي طويل شوي فبتمنى نلاقي عندكن الصبر لتتحملوا حلاوتنا :

أولاً المفروض نشكر عبدلله من حزب الرجال اللي كان ألوا موقف بطولي من اللي حصل على صفحات المنتدى بموضوع الوصيّة العاشرة .....؟؟
وهون رح أوقف شوي لوضح فكرة صغيرة عن سبب تواجدنا بها المنتدى الطيب
بالبداية كنا عيلة صغيرة وكنا ننعد على أصابع اليد من دون ذكر أسماء أجتمعنا كعيلة من الشرق والغرب ...جمعتنا الكلمة الحلوة ....وجمعنا النثر والشعر....جمعتنا الحميمية واللي كانت متوجة بشوق كبير ننتظر لنفرغه عند لقائنا بالصيف بفارغ الصبر .
اللي حابة قولوا أنو كل شي عند حدو زاد بالمعنى نقص ...واللي بيغير عادتوا بتقل سعادتوا
يعني للأسف الأعضاء الجدد والآباء يمكن عم ينسوا أنو نحنا بالأول كنا بمنتدى عائلي حر واليوم عم ننتقل لمنتدى أكبر لكن مقيد
مقيد كيف يعني ؟
يعني صارت المواضيع الدينية تطرح بطريقة عشوائية للدرجة اللي ماعد لحق العضو يتابع هالموضوع بالطريقة الصحيحة ليفهم المكتوب واذا العضو عارض أي فكرة يابياكل بهدلة يابيطلع عندو عقدة نقص .
مقيد يعني صرنا نحس وقت عم نكتب أو نضيف أي مزحة أو كلمة أو غنية عم نحمل خطية اتجاه بعض العقليات المتشددة الدينية ....أو العلمانية .

النتيجة رح رد على عبدلله ليه أنا كنت رايقة بموضوع الوصية العاشرة .

مع إحترامي لآراء كل الآباء والإخوة بالمنتدى أنا أخت لكاهن وهالكاهن معرض للخطأ والنقد
وكون هالكاهن حامل رسالة الرب فالمفروض أحترمه وأحترم كل كلامه حتى لو كان خطأ أو كان صح من وجهة نظره وتفسيرة لها الكلام .....وحتى لو قام بالتهجم علي واتهامي ببعض الإتهامات الشنيعة.... من هالمنظار بحس بأنو كل كلمة ممكن أجرح أو هين فيها هالكاهن رح هين وأجرح فيها رسالة الرب .

وكونا ناس عاديين محملين أمانة بسيطة وهي الإيمان الكامل والعمل على تطبيق كلام الرب ففينا ننهي الموضوع ونقول :

من ضربك على خدك الأيسر فدر له الأيمن .

****************
اقتباس:
وما تضلوا مثل عجايز ضيعتنا لا شغلي ولا مشغلي قاعدين على هالمصطبة ونازل نشر بملكوت الناس يعني تخنتوها هزولنا كتافكم أحسن من الحش والت

الله يسامحك أبونا هلق هيك طلعنا بالأخير متل عجايز زيدل عم نحش ونلت

وبالأخير مابقدر ما أتقبل تعازي صديقي العزيز أبو جوليان ووقفته الجبارة معي

أنطروني صبايا في موضوع حابة أستشير في آبائنا الأكارم

زهرة الصحراء
__________________
كل مجدي أني حاولت....sanaa jalhoum
  #13  
قديم 11th March 2006, 02:09 PM
الصورة الرمزية white flower
white flower white flower غير متواجد حالياً
عضو متقدم
 
تاريخ التسجيل: Dec 2005
المشاركات: 73
الجنس: انثى
white flower is on a distinguished road
عالندا الندا الندا حلوين وما منتهدى
الف وردة لسناء و100 بوسة ع خدا

الدلع نزل عالميدان انتبه أكثر يا حسام
مكيود بحكيك غلطان وكلماتك مانك قدا

أبونا جورج زهقان وعالرفقة مانه سئلان
والحزب منو زعلان بدا القصة وما بدا

أو قلكن ........لالالالالالا.......انا بسحب كلامي
مو لاني غلطانة لا سمح الله بس لانه نحنا حزب(الحلاوة والدلع)والروح الرياضية والقلب الطيب
الله يسامحكم ورح نجرب نفتح صفحة جديدة وعفى الله عما مضى........
__________________
كما أردتم أن يفعل الناس بكم افعلو أنتم بهم
  #14  
قديم 11th March 2006, 05:45 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,739
الجنس: ذكر
ziad sattah is on a distinguished road
خلّوني ساكت أحسن



عالنّدّى الندى الندى ***حلوي و ما عَم ْ تتْهدّى
كل ما حاكيها منْ الشرقْ **من الغرب ْ بْ ييجي ردّا
**
الحزب اللي كلّوا نسوان***دايمَن ْ مهزوم و خسران
مِتلْ حمّام ْ الجيران******و مقطوعة الميّه عندا
**
قَصدي يعني بْ يحكوا كتير ْ***و كلّو تنظير بْ تنظير
لـو يـجـتـمـعـوا مـن بـكّـيـر***يعني ما رَح ْ نـتـغـدّا
**
النّدّى كانت مرتاحه***بالجّنّه و ْ إلها السّاحه
أخذت ْ عقْلا التفّاحه***شــوفـوا عقلاتا شْــــقدّا
==========

__________________
إذا كان الله معنا فمن علينا
  #15  
قديم 11th March 2006, 10:45 PM
الصورة الرمزية سناء جلحوم
سناء جلحوم سناء جلحوم غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,980
الجنس: انثى
سناء جلحوم will become famous soon enough
حزب الحلاوة قدها

عالندى الندى الندى *** القصة وصلت لحدا
شو بدك بها العلقـــة *** مع حلوة منك قدها
**
زياد نزل عالســـاحة *** بكلماته الذباحـة
ولو زادها بعد شويـة *** زيدل كلها لهدااا
**
قالوا زهــرة قلتوا لأ *** قالوا شيخة نزلتوا نق
قالوا حلوة متّوا طق *** وحوا بعدها مرتاحــة
**
ياآدم كبـّــــر عقلك *** رواية شيلها من فكرك
حكايتنا أكبر من هيك *** شو ليمــــونة وتفاحــــة




=================

تحيةللعضو الفني بحزب الحلاوة والدلع لوردتنا البيضا

زهرة الصحراء
__________________
كل مجدي أني حاولت....sanaa jalhoum
 

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 10:13 AM.


Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص