شروئي

[سالم عبد العزيز]

شروقي.

يابنت ياللي عليكي تلبق الألوان

من بين كل الورى حبّك يناديني

ماقدرت أوقف حيادي وناعس الأجفان

لملم حلاتو وغرزها بشراييني

إيدي على الخد عم فكّر بهالحرمان

يا ريت مرّه بعمري لو توافيني

لمليلك البيت من لولو ومن مرجان

واعطيكي كل شي اللي الله كان عاطيني

وان كان لزم الامر لعزفلك الألحان

واكتب قصايد وأهديكي دواويني

وكرمال ضم الخصر لسهر مع الميزان

واسأل نجوم السّما عندك توديني

ونصير نحكي حكايا كان ياما كان

ونقعد سوا مثل ما حبّك تحبّيني

***********