موقع زيدل الصفحة الرئيسية  

العودة   منتديات زيدل > المنتدى الزيدلي > منتدى الثقافة

 
 
أدوات الموضوع تقييم الموضوع انواع عرض الموضوع
  #1  
قديم 5th February 2005, 09:41 AM
الصورة الرمزية سناء جلحوم
سناء جلحوم سناء جلحوم غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,980
الجنس: انثى
سناء جلحوم will become famous soon enough
شتي يادنية تيزيدوغنية حلوة وكاس نبيذ

مع مرور موجة الأمطار الغزيرة والثلوج التي نعيشها اليوم في لبنان أتمنى مرورها أيضاً علىكل محتاج لقطرات المياه هذه وخصوصاً للمزارعين جميعاً وأخص بالذكر المزارعين الزيادلة دون تعرض مزروعاتهم لأي أذي بإذن الله
التوقعات تقول أن الموجة تتوجه نحو الشرق
خير انشالله
ومع هذه الأجواء العاصفة التي تضرب بيروت الآن أتمنى للجميع قضاء يوم ممتع ...وفترة شتائية رومانسية قرب المدافئ المازوتية المشتعلة كقلوبنا الملتهبة بدفئ المحبة .... برفقة القليل من النبيذ الطيب للإتقاء من موجة البرد هذه .

...ولعزيزي فيكتور بدي قول بحيث بيحب هالأجواء الضبابية وبيبرد كتير شوية نبيذ من ميماسك المفضل بيمشي الحال

لبسوا منيح ....دفوا حالكن منيح !!!!

وبعدين سمعوا فيروز... وشتي يادنية تيزيد ............والله يبارك الله يزيد




زهرة الصحراء
__________________
كل مجدي أني حاولت....sanaa jalhoum

Sponsored Links
  #2  
قديم 6th February 2005, 02:21 PM
الصورة الرمزية victorwardeh
victorwardeh victorwardeh غير متواجد حالياً
عضو مؤسس
 
تاريخ التسجيل: May 2003
الدولة: syria.homs.zaidal
المشاركات: 764
victorwardeh can only hope to improve
فعلا ً عنا هون من يومين ما هديت الدني ومطر كتير حلو وغزير ومرات ممزوج بالبرد ومرات بتلج والمزاريب على ملاتها ومتل ما بيقولوا ( سماء وماء ) والله يبعت الخير بلكي بيفرجها الله على هالفلاحين ...
عزيزتي سناء الحقيقة الصوبيا والنبيذ بجو مطري ضبابي بارد متعة ما بيعرف طعمتها غير اللي ذاقها ..انا فعلا من مواليد برج القوس وهالبرج شتائي بامتياز ومن عشاق هالأجواء ولا تنسي أنو مدينة حمص بيقولو عنها مدينة الريح والضباب ..على كل أنا كمان بتذكرك بكتير لحظات حلوة وما بنساكي ..أما مشان الدفا اليوم لبيت نداءك و اشتريت لفحة شتوية سودا غير شكل ولنشوف اذا مندفا أو لا ..بس بعد دفا نبيذ الميماس ما في
بالنسبة لأغاني الشتاء بتذكر غنية فيروز (رجعت الشتوية) وبهديكي ياها.. وكمان بتذكر غنية قديش كان في ناس على المفرق تنطر ناس وتشتي الدني ويحملو شمسية و أنا بأيام الصحو ما حدا نطرني ...؟؟؟
__________________
ماذا يهمني إذا ربحت العالم وخسرت نفسي؟
______________________________
  #3  
قديم 6th February 2005, 05:11 PM
الصورة الرمزية sara
sara sara غير متواجد حالياً
عضو مؤسس
 
تاريخ التسجيل: Apr 2003
الدولة: USA, CA
المشاركات: 212
sara
Smile

الله يزيد و يبارك
شو حلوة الشتوية ببلادنا لما قطرات المطر بتتلاقى مع اوراق الشجر
اشتاق لمطر دمشق يهطل حنونا على ياسميناتها يداعب اوراق شجرها
ويغسل وجه الارض

sara
__________________
المحبة دائما" تعطينا الامل.........
  #4  
قديم 6th February 2005, 08:23 PM
wisam wisam غير متواجد حالياً
مدير الموقع
 
تاريخ التسجيل: Feb 2003
المشاركات: 450
الجنس: ذكر
wisam is on a distinguished road
فعلا كام يومين ماطرين مع ثلج و برد بس اكيد كله خير بالنهاية
بس بحب شيد بمؤسسة الكهرباء في هذه المعمعة حيث ان الكهرباء لم تنقطع كالعادة رغم انني كنت انتظر انقطاعها بين لحظة و الاخرى
و بذلك قدرنا نضل نتسلى شوي على الكمبيوتر و التلفزيون بطقس حرمنا الطلعة من البيت
  #5  
قديم 6th February 2005, 09:38 PM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
يا جماعة شفنا من شوي عالتلفزيون مناظر حلوة للثلج و 56 مم مطر بحمص و طرقات مسكرة و وووو
بقا يا ريت حدا يشدلنا الهمة و يصورلنا كم صورة من الضيعة بس دخيلكم بلا صور عرايش مكسّرة او حيطان هابطة
بدنا شي مراسل من الضيعة يحطنا بالجو !!!!!!
__________________
Life Without Love is no life at all
  #6  
قديم 6th February 2005, 09:41 PM
الصورة الرمزية سناء جلحوم
سناء جلحوم سناء جلحوم غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,980
الجنس: انثى
سناء جلحوم will become famous soon enough
مشوار ثلجي !!!

بها العاصفة القوية كان الشوق أكبر مني لعائلتي الحنونة وللأم اللي ربتني
هالعاطفة كانت الدافع اللي خلاني أقطع الطريق بين بيروت والشام والعكس بأقل من 24ساعة .
بالرغم من تعرضنا الشديد للنقد .... قال شو ؟؟؟(( مجانين والباقي عندكن ))
طيب تعوا معي وشوفوا وحكموا مش وحده المجنون اللي بيخسر هيك مناظر حلوة ومابيعيش مغامرات لطيفة مع شوية مخاطر ..؟


<<طبعاً وبهيك أوضاع بيمنع الدرك اللبناني المواطنين اللي متلنا مجانين من سلوك الطرقات الجبلية
فبيجبروا السائقين بوضع الجنازير على دواليب السيارات للحفاظ على سلامتهن وسلامة غيرهم أكيد وبيبدا المشوار من دون خوف >>




<<إنما هالخوف بيكبر وقت منصير على ضهر البيدر والصورة اللي عم تشوفوها ماتعتقدوا أنها غلط لالا هيك بيكون حال الرؤية وعلى أسوأ كمان .>>




<<إنما بوجود الجرافة اللي عم تجرف الثلوج لفتح الطريق قبل السيارات بيمشي الحال ومنرجع نحس بالأمان >>



<<ومع هالطبيعة الساحرة منقطع ضهر البيدر >>



<<تنوصل للأمن العام اللبناني >>


((يتبع))
__________________
كل مجدي أني حاولت....sanaa jalhoum
  #7  
قديم 6th February 2005, 09:45 PM
الصورة الرمزية سناء جلحوم
سناء جلحوم سناء جلحوم غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,980
الجنس: انثى
سناء جلحوم will become famous soon enough
كملوا معي المشوار !!!

<<وبمرور سريع على السوق الحرة >>



<<منوقف على إدارة الهجرة والجوازات >>



<< ومنتجاوزها للحدود السورية >>



<<وعن جديد وببلدي الحبيب بترجع الطبيعة تحكي وأنا بتمسك بصمتي >>



<<ومنشوف السما عند مدخل الشام وبتهدا الأعصاب وبتتحضر للقاء الأحباب >>



ومش رح أخفي عليكن بالروحة من بيروت للشام ماكنا منستاهل كلمة مجانين كتير إنما بالرجعة منستاهلها على الأكيد

شو بترجعوا معي أووووو

الى اللقاء مرة ثانية مع رحلة ((مجاااااااا )) تانية تضلوا بخير ألف شكر على الأغاني الحلوة فيكتور..وسارة أهلا فيكي مع ذكرياتك القديمة ولوسام بدي قول ...عظيم حلو كتير كهرباء... وبرد (( عطونا شوي كهرباء...بس بلا برد ))


شتي يادنية تيزيدوغنية حلوة وكاس نبيذ


زهرة الصحراء
__________________
كل مجدي أني حاولت....sanaa jalhoum
  #8  
قديم 7th February 2005, 11:13 PM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
هي آخر الصور اللي وافانا فيها مراسلنا بزيدل حول الأمطار الغزيرة اللي ضربت المنطقة و الله يبعث الخير
هذا اللي شايفينه هو ملعب كرة القدم الرسمي لحارتنا الغربية , كنا نلعب فيه ايام الطفولة , بس ضيعانو كيف صار ؟؟؟

[line]
__________________
Life Without Love is no life at all
  #9  
قديم 8th February 2005, 12:23 PM
الصورة الرمزية سناء جلحوم
سناء جلحوم سناء جلحوم غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,980
الجنس: انثى
سناء جلحوم will become famous soon enough
ثلج وبحر

الهيئة مش كتير صدقت توقعات المراصد الجوية هالمرة والطبيعة أتحدت هالتوقعات فبقيت هالعاصفة الثلجية اللي كان متوقع تغادرنا الأحد نحو الشرق مسيطرة على لبنان وكان لبيروت اليوم الصبح 10:30 بعام 2005 حصة كبيرة منها فغطت الثلوج الطرقات وأسطح السيارات ومع هالمشاهدة علت الأبتسامات وجوه الكبار والصغار وخصوصاً الستات بها الحدث النادر وهوي جمع بيروت البحر والثلج بنفس الوقت .









(( بيناتنا وبعد صاعقتين ضربوا المنطقة.....وصلني تليفون من جيراني بيستعجلوني الخروج من البيت لشوف بيروت مغطية بالثلج وبها الوقت أخدت كم صورة وهيك كملت قصة شتي يادنية تتزيد والله يبارك الله يزيد.
والتوقعات عم تقول بعد رح تزيد العاصفة وتزيد .....مع إحتمال توقف حركة الطيران بمطار بيروت .

شكرا لمزاجية الطبيعة ...والشكر لمراسل زيدل


زهرة الصحراء
__________________
كل مجدي أني حاولت....sanaa jalhoum
  #10  
قديم 10th February 2005, 03:56 PM
الصورة الرمزية celine
celine celine غير متواجد حالياً
عضو بارز
 
تاريخ التسجيل: Oct 2004
الدولة: Syria
المشاركات: 172
الجنس: انثى
celine
ياأحوح يا بردي ما حدا مكيف قدي

حلوة...هيك كانو يغنولي وانا صغيرة ...و الحقيقة يعطيكن ألف عافية سناء وحسام لانو سفرتوني برحلة كتيير حلوة وحطيتوني بالجو وعجبوني الصور كتيييير وخاصة انو ذكرتوني بالتلج اللي صرلي حوالي السنة ما شفتو ....بس بدكن الحقيقة بردت وانا عم شوف الصور اكتر من وقت بلعب بالتلج ويا خوفي اكللي شي مرضة من تحت راسكن ......
__________________
الحب كالنبيذ ..القليل منه يجعلنا سعداء
والكثير يجعلنا حمقى


في الضعف تكمن قوتي
 

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 06:21 PM.


Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص