موقع زيدل الصفحة الرئيسية  

العودة   منتديات زيدل > المنتدى الزيدلي > منتدى المجتمع

 
 
أدوات الموضوع تقييم الموضوع انواع عرض الموضوع
  #1  
قديم 6th January 2006, 01:43 AM
RAMI 1up RAMI 1up غير متواجد حالياً
عضو
 
تاريخ التسجيل: Dec 2005
المشاركات: 5
الجنس: ذكر
RAMI 1up is on a distinguished road
Exclamation عادات سورية جديدة

عادات سورية جديدة

إذا صار عندنا عرس .... بنزمر

إذا نجحلنا حدا بالبكالوريا ....... بنزمر

قبل ما تفتح الإشارة الضوئية ... بنزمر

بعد ما تفتح الإشارة ......كمان بنزمر

على الدوار وعلى الكوربة على النزلة على الطلعة .... كمان بنزمر

إذا طول علينا الشرطي وهو موقفنا .... مشان نذكره بنزمر

أما إذا حد كسر علينا بالغلط أو بالقصد ..... أكيد بنزمر

أما اللي بتوقف سيارته قدامنا عطلانه ....... مو مشكلتنا بنزمر

إذا طالعين من شارع فرعي لرئيسي بالليل أو بالنهار ......بنزمر

ويا عيني على سيارة الغاز ..... فاضي مليانة بنزمر

وإذا عجبتنا بنت ماشية بالشارع اوووووووووووووووه بنزمررررررر

وإذا شفنا أبو فلان بالشارع وحبينا نقله مرحبا .............. بنزمر

ولو قرر واحد منا يخفف مشان يمرر أحد المشاه .... كل اللي وراه بيزمر

ويا حبيبي إذا فاز أحد المعجبين فيه أو فيها بالسوبر ستار أو ستار أكاديمي......بنطلع كلنا وبنزمر

وطبعا" اذا فاز المنتخب بنطلع ......... بنزمر

لا أظن إنها ظاهرة اليس كذلك ؟!!!!!!

لكن المفارقة هو انه اذا ارتفعت الأسعار كالوقود وإذا ارتفعت الضرائب وإذا زادت رواتب الكبار وبقيت على حالها رواتب الصغار وإذا زاد معدل البطالة مع وفود عماله .. اذا حصل كل هاد أو اكثر

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

العجيب انه فجأة ما بطلعلنا صوت و لا .............. بنزمر

Sponsored Links
  #2  
قديم 6th January 2006, 04:38 AM
fr george massis
Guest
 
المشاركات: n/a
زمر

مرحبة رامي كثير حبيت سلم عليك وهنيك على هالموضوع
الحقيقة ما بعرف بغير بلدان بس ببلد مثل البرازيل الزمور بيعني مسبة وسخة جدا!!!!!
ونادرا ما تسمع صوته وحتى ما بالغ أنو أغلبية اصحاب السيارات ما بيعرفوا وين الزمور لقلة وندرة الاستعمال................
أما عنا يالطيف شي بيفزع والواحد بيظل ينقز بالشارع لأنو ما بيحس إلا وحدا نقفوا زمور طلع من سويدات راسوا هههههههههههههههههههههههه
كثير عادة سيئة بالفعل وبضم صوتي لصوتك وزموري لزمورك وبنقول يا زمامير العالم اتحدوا
تحت شعار لازمامير بعد اليوم
وكل تزميرة وأنتم بخير...............................
والله معك..................................
  #3  
قديم 6th January 2006, 02:55 PM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
فعلا حلوة هالللفتة عن علاقة الشعوب المتخلفة مع الزمور
مس ما سمعت بالمثل عن فلان مطبل بالدني و مزمر بالآخرة
و هيدا حال الشعب السوري و بده شي يفش خلقه في لأنه ما طالع بايده يعمل شي حتى الحكي محرمينه عليه.
يعني ابونا المعنى واحد بكل البلدان و عنا كمان بتعني المسبة , بس كون الواحد ما بيسترجي يسب الحكومة , بيستعيض عنها بالزمور ليحقق هدفه و هو المسبة (استعارة فرضية هيك يمكن علمونا بالعربي )
اذا الزمور احدى وسائل التنفيس عنده , و حكلي تحكلك و زمرلي تزمرلككككككك , يعني سبلي تسبلك و لنفش خلقنا ببعض .
__________________
Life Without Love is no life at all
  #4  
قديم 6th January 2006, 07:09 PM
a_aroush a_aroush غير متواجد حالياً
مشرف سابق  
تاريخ التسجيل: Aug 2003
الدولة: united states of America
المشاركات: 886
الجنس: ذكر
a_aroush is on a distinguished road
بدي رحّب برامي معنا أول شيء , و تعا زمّر معنا هون , بس في شغلة بدك تنتبه الها أن التزمير اللي عم تدور عليه ممكن تلاقي منو هون , و لكن كمان انتبه لشغلة , أن كمان التزمير اللي بدك اياه رح يطلع عالفاضي لأن لمين بدك تزمّر لتزمّر , و لو بدنا نزمّر كل ما زاد سعر الوقود و كل زادت البطالة و كل ما شفنا شغلة غلط عم تصيب مجتمعني بكفلك أنك تضل مزمّر , بس للأسف ما رح حدا يسمعلك , و حتى لو سمعوك بدك تخاف على حالك ممكن يزمرولك .

و في معنى لزمّر منتعاملو نحنا بين بعضنا بالعامية , لما منقول لواحد زمّر يعني انقلع .

فإذا زمرت استياء عالوضع ما رح تفرق معهن لأن مبدأهن هو ( هذا الموجود و إذا مو عاجبك زمّر على غير بلد ).

أما عن تزمير السيارات في سورية , فهي بالفعل شغلة ما بتنطاق , صرلي 18 سنة بأمريكا ما سمعت زمامير أد اللي سمعتهن بنزلة وحدة عالسوق بحمص , و ما فيك تليمهن أحياناً , يعني كثير أحيان بصادف كلب أو قطّة بالشارع بتلاقيهن عم يتطلعو إذا الشارع فاضي قبل ما يقطعوه , عنا العالم بتطحش و بتقطع الشارع و لا كأن فيه سيارات , و هذول مثل طرش الغنم بيقطع الشارع هيك بلا فهم منوب , و في سيارات و شوفيرية عني ما بيعرفو شو هي قوانين السير و حتى لو بيعرفوه ما بيهمهن هالموضوع كثير .

فلمين بدك تزمر لتزمر لأوضاع البلد ولا للعالم ولا للسيارات , فإذا هيك بدك لازم معناتو تعيش بسورية شاعط زمورك عالآخر و ماشي 24 ساعة باليوم .
__________________
there is no place like home
  #5  
قديم 7th January 2006, 12:09 PM
Mounir2006 Mounir2006 غير متواجد حالياً
عضو
 
تاريخ التسجيل: Nov 2005
المشاركات: 2
Mounir2006 is on a distinguished road
حلوه هاللفته منك .......انا بعطيك 9 زمامير من عشرة عليها

برافو ...وزمر الى الامام
  #6  
قديم 7th January 2006, 04:24 PM
RAMI 1up RAMI 1up غير متواجد حالياً
عضو
 
تاريخ التسجيل: Dec 2005
المشاركات: 5
الجنس: ذكر
RAMI 1up is on a distinguished road
شكرا للأكم على هالردود اللطيفة

اقتباس:
الحقيقة ما بعرف بغير بلدان بس ببلد مثل البرازيل الزمور بيعني مسبة وسخة جدا!!!!!
ونادرا ما تسمع صوته وحتى ما بالغ أنو أغلبية اصحاب السيارات ما بيعرفوا وين الزمور لقلة وندرة الاستعمال
الموضة الدارجة حاليا هي تركيب عدة زمامير حسب الحاجة فمن عنانة الشرطة إلى زمور الهوا يلي بتستعملو الشاحنات إلى الزمور الزغير تبع جوات البلد .. يعني تعددية بالزمامير

اقتباس:
ما سمعت بالمثل عن فلان مطبل بالدني و مزمر بالآخرة
و الله سمعت فيو .. بس المشكلة أنو نحن السوريين مزمرين بالدنيي فشو بدنا نساوي بالآخرة ؟

a_aroush : شكرا لألك على الترحيب و بتمنى كون معكم على طول و نزمر سوا

Mounir2006 : و على قبال الزمامير العالية
  #7  
قديم 8th January 2006, 04:54 AM
الصورة الرمزية Nada1981
Nada1981 Nada1981 غير متواجد حالياً
مشرفة المنتدى الترفيهي
 
تاريخ التسجيل: Mar 2005
الدولة: The Netherlands
المشاركات: 1,286
الجنس: انثى
Nada1981 is on a distinguished road
مرحبا جميعا و انا كمان بدي رحب برامي معنا اهلا و سهلا فيك و انشاءالله بتقضي وقت حلو و مفيد معنا

في شغلة مافهمتها من الردود كلها:

انتم جميعا زعلانين من الزمامير بسوريا؟؟؟؟؟

انا زرت سوريا بعد غياب 9 سنيين تقريبا و اكتر شي عجبني من اول ما كنا بطريق دمشق- حمص هو الزمامير


عنا بهولندا كمان ممنووووع الزمامير لأي سبب ( الا لمى بيلعب الفريق تبعنا و بيربح ) و صحيح الشغلة هي بتعطي هدوء بلبلد كلها بس كمان الواحد مرات بيحتاج انه يستخدم الزمور, بس وقتها اذا انا استخدمته بيكون الحق عليي و انا باخدها مخالفة.

لهيك لازم العرب ما يزعلو من الزمامير لانه زمور بليد احسن عشرة على الشجرة

و بما انه دراستي صارت هلا سياحة و سفر رح اعتبر الزمور هدا تراث و من العادات العربية و رح اعملها دعاااااااااية بهولندا

تحياتي

ندووووووووش
__________________
๑۩۞۩๑ Dream as if you'll live forever, live as if you'll die today๑۩۞۩๑
  #8  
قديم 8th January 2006, 09:24 AM
George daboul George daboul غير متواجد حالياً
مشرف سابق وعضو مؤسس
 
تاريخ التسجيل: Feb 2003
الدولة: Syria
المشاركات: 622
الجنس: ذكر
George daboul is on a distinguished road
لا تخلطو عباس بدباس

تحية للجميع
عادات سورية ؟؟؟ وبدأ الجميع بالتزمير ؟؟؟؟؟ وهذا ما ذكرني بحدث أثناء الاحتفالات بأعياد الميلاد ورأس السنة والعادة عندنا هو أنه يقام كرنفال برعاية التعليم الديني وتشارك به عامة الناس وبشكل شبه منظم ؟؟ وأثناء التحضير رأيت أحد معارفي وهو يقوم بتزيين سيارته وعندما سألته مستغربا ؟ شايفك عم تشنشل السيارة : فأجابني ولك ورح زمر كمان إذا جن ربعك عقلك مابينفعك
***************************
الكل يزمر
وقبل أن أقوم بالضغط على الزمور أحب أن أشير إلى أنه عندنا في سورية عادات اجتماعية رائعة تتميز بالمشاركة الحقيقة وتتسم بالكرم والمحبة وحسن الضيافة والاستقبال والتضامن عند المحن وخصوصا في الريف
ولكن صدى الزمور يزداد عندما لايكون أمامك خيار فالأوامر صدرت بأن تضغط على الزمور
(( وبتكون رجال إذا ما بتزمر )) بتزمروا ولا مابتزمروا ؟؟ يابتزمر يا إما بزمرولك
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وعذر إن أخطأت
‏الاحد‏، 08‏ كانون الثاني‏، 2006
__________________
الحياة ليست بدعابة فلنعشها بجد
  #9  
قديم 8th January 2006, 10:36 AM
عبدالوهاب عاصي
Guest
 
المشاركات: n/a
بيـــــــــــــــــــــــــب
هاد زمور الترحيب
لسه ما شفت زمور التعليق

















وي وي وي وي وي وي وي وي وي وي وي وي وي


شو رأيك بهالزمور أخ رامي
 

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 04:23 AM.


Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص