موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى الترفيهي > الأغاني

إضافة رد
 
أدوات الموضوع تقييم الموضوع انواع عرض الموضوع
  #1  
قديم 6th November 2005, 02:28 AM
أبو كارلوس أبو كارلوس غير متواجد حالياً
عضو
 
تاريخ التسجيل: Nov 2005
المشاركات: 17
الجنس: ذكر
أبو كارلوس is on a distinguished road
Wink حياة الوسوف

وسوف
سيرة ابو وديع سلطان الطرب حبيب الملايين
عالم جورج وسوف


ولد سلطان الطرب بضيعة الكفرون في وادي النصارى في الجمهوريّه العربية السوريّه, في الثالث والعشرون من كانون الأول سنة 1961والده وديع وسوف والامه فرحه الصّدى... لديه اربع شقيقات هن: سوسن، نورما، نوال وميّاده.
ورث صوته الجميل عن والدته وروح الدعابه عن والده الذي عُرف عنه أنّه شاعر خفيف الروح... وتأثّر الصغير جورج بوالده كثيراً, إذ علّمه المواويل التي قادته منذ صغره إلى الشهرة.
كانت إنطلاقته الفنيّه مع المواويل التي مهّدت له طريق النجاح, فحدذ وان غنى في حفله مدرسيّه موال كان قد حفظه عن والده يقول مطلعه:

سألتها من وين قالت من حاصبيّا ..... ولمّا غمزت إمها حاص بيّا …. ولمّا جيتها بالليل حس بيّا …… تاري الملعون بعدو ما غفي...

ويقال أنه في تلك الحفله كان هناك بائع كاسيتات حمصي الذي إنتهز الفرصه وسجّل صوته ونشره في كل مكان.. وهكذا كانت بداية هذا الفنان الذي لا زال يتمتع بصفات شبابيه... وقد استطاع أن يصل إلى قلوب الناس والحصول على لقب لم يحصل عليه آخر"سلطان الطرب"..
جورج وسوف أو كما يلقّب بالسّوري الصّغير بدأت شهرته منذ صغره وانتشر ليصل الى كل مكان, بفضل صوته الذي يطرب الآذان ...
عند بلوغه الرابعه عشره من عمره كانت شهرته في سوريا قد ملأت الآفاق من خلال موال حاصبيا, فترك المدرسه وسافر من حمص الى دمشق حتى يغني في مطعم الحديقه الخضراء كمطرب درجه ثانيه. ولكن سرعان ما صدر أمر من نقابة الموسيقيين بمنعه من الغناء لأنّه دون الثامنه عشره من العمر. ولمّا إحتج جورج على القرار قالوا له في النقابه : "إرجع إلى حضن إمك لسّاتك ولد صغير."
لكن احد المعجبين بصوته توسط له مع النقابه, فسمح له بالغناء بحجّة أن " الوسوف صوته أكبر من عمره. بعد أن اشتهر, بدأت العروض تنهال عليه, فانتقل إلى لبنان, وكان لا يتجاوز السادسه عشره, اولى حفلاته كانت في احد فنادق عاليه الكبيرة. ثم اخذ ينتقل من كازينو إلى آخر ومن بلد إلى آخر, وقد بلغت شدّة محبّة الناس له إذ تبعوه من حفل لآخر... وأطلق عليه لقب المطرب المعجزه.
في بداية إحترافه غنّى الكبار مثل إم كلثوم ووديع الصافي... وبعدها انتشر اكثر فاكثر بفضل اغانيه الخاصه مثل: الحبايب, دقيت على الابواب, حلف القمر, بتعاتبني على كلمه...
وجميعها من تلحين كبار الموسيقيين من بليغ حمدي, زهير عيساوي, نور الملاّح, شاكر الموجي, سيّد مكّاوي... وجورج وسوف كما نعلم مطرب مميز ملتزم بالأصاله الموسيقيه الشرقيه يراعي التوازن في أغانيه ولا يهتم بكثرة الإنتاج, بل يفضل نجاح أغانيه ولو كانت أغنيه واحده في السنه.. وأكثر ما يميز جورج هو إحساسه العميق بما يغني, وانصهاره بالأنغام الموسيقيه وذوبان ملامحه في معاني الغناء, ويبدو أن هذه هي أهم ركائز استحواذه على مشاعر جمهوره الواسع... نشاط جورج وسوف الفنّي تجاوز حدود بلاده, وشهرته تبدأ من المحيط إلى الخليج... فقد أقام حفلات في جميع أنحاء العالم العربي, أوروبا, أمريكا, كندا واستراليا... وفي عام 1985 غنّى سلطان الطرب في مهرجان قرطاج في تونس أمام 15 الف من عشّاقه.. وقدم ريع الحفله للأعمال الخيريّه..
أمّا حياة الوسوف الشخصيّه فتضج بالمغامرات... تعرّف على زوجته شاليمار حين كان يحيي إحدى الحفلات... فكانت نظره فابتسامه فسلام فكلام فموعد فلقاء.. واللقاء كان في باريس, حيث تم الزواج المدني لأن أهل شاليمار لم يكونوا راضين... ولكن بعد أن تعرفوا عليه عرفوا فيه قلبه من طيبة فأحبوه..
وجورج وسوف أب لثلاثة أولاد : وديع و حاتم و جورج جونيور ... ومن هنا هو أبو وديع اللقب الأحب على قلبه...
وفي عام 2000 تم إجراء عمليه جراحيه له هي الأولى من نوعها في العالم في فلوريدا بالولايات المتحده... إذ أصيب بمرض في وركيه, ولكن الغريب في الموضوع أن هذا المرض لايصيب إلا المتقدمين بالسن... ولكن والحمدلله فقد شفي من مرضه, وبعودته الى لبنان أوقف كل الاشاعات حول وفاته كما حدث في الاردن حيث حدث تشابه في الاسماء في احدى مستشفيات الاردن وكان ذاك الرجل الذي قد مات يحمل نفس اسم سلطاننا حيث كان اسمه أيضا جورج وسوف فأسرع الصحفيين كما جرت العادة بنشر الاشاعات فورا حول موت سلطان الطرب أطال الله في عمره... وفي المطار انتظره جمهور كبير ليستقبله ويطمئن لصحته, ويشكر الله على سلامة أبو وديع..
وبعد عودة أبو وديع أصدر كاسيت جديد, زمن العجايب والذي لقي اعجاب كبير من قبل عشاقه ... وبعدها عاد الى مسارح أكبر المهرجانات العربيه, فاشترك في مهرجاني جرش وقرطاج 2001 ... وكانت هاتين الحفلتين من أنجح الحفلات خلال هذه السنه .. وبعدها افتتح مربعا له في الكسليك بلبنان أسماه الوسوف كلوب الذي لقي نجاحا كبيرا خلال الموسم الأول لافتتاحه

أما آخر أعمال الوسوف شريط غنائي مميز اتأخرت كتير الذي جاء بعد سلف و دين والذي أحرز أكبر عدد من المبيعات في الوطن العربي بحسب احصاءات روتانا... ويحتوي اتأخرت كتير على خمس أغنيات هي: قول الكلمتين، سيبهم، خدني الحنين ورائعة اتأخرت كتير عنوان الشريط، بالإضافة الى الأغنية الطربية الرائعة سهرت الليل. وفي عام 2005 و ضمن أحتفالات عيد السيدة العذراء أصدر أغنية يامريم .



أبو كارلوس abo_karlos@@yahoo.com
رد مع اقتباس

Sponsored Links
  #2  
قديم 6th November 2005, 07:23 PM
الصورة الرمزية سناء جلحوم
سناء جلحوم سناء جلحوم غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,980
الجنس: انثى
سناء جلحوم will become famous soon enough
Talking تساؤل ....مش سئالة

أبو كارلوس شكراً كتير على الملخص عن حياة الوسوف
ولكن بجد رح وجهلك سؤال فهل بقدر آخد جواب صريح ؟؟؟؟

شو اللي بيعجبك بالوسوف ....وهل بيستحق لقب سلطان الطرب .....كيف وليش ؟؟؟؟

وممكن نسمع كمان رأي عشاق الوسوف الميتين والمتيمين في !!!!

ياعمي .....شو بتحبوا في (( مشان الله )) ؟؟؟؟


عن رأي ...مش مهضوم أبداً وصوته عادي كتير ...وقلبه مش طيب متل ماعم تقول وزيادة للمعلومات معلومة مهمة وهي تسمية أبنه حاتم على إسم صديق عزيز وغالي عليه ...وشاليمار لاحقتوا كتير قبل ماتم ابتسامة فنظرة فلقاء فزواج ....كمل ؟؟؟

المهم مايقرا الوسووووووووووف شو عم بكتب عنوا بمنتدى زيدل ...ولكن بطمنكن لو قرا مارح يزعل مني .

جورج


زهرة الصحراء
__________________
كل مجدي أني حاولت....sanaa jalhoum
رد مع اقتباس
  #3  
قديم 7th November 2005, 02:38 AM
الصورة الرمزية بقايا إنسان
بقايا إنسان بقايا إنسان غير متواجد حالياً
عضو
 
تاريخ التسجيل: Oct 2005
المشاركات: 12
بقايا إنسان is on a distinguished road
Thumbs up أبو وديع حبيب الكل


جورج وسوف اسم بيدل على سلطنه بيدل على طرب بيدل على اسم لامع بيعرفه الكبير والصغير القريب والغريب
جورج بطفولته كان مطرب وبكبره اصبح سلطان بكل ما في الكلمه من معنى ...
معجبيه ما بينعدوا ولا بينحصروا معجبيه الذين في كل مهرجان وكل حفله له ينتظروه على احر من الجمر تمتلئ المسارح بمجرد ذكر اسمه تنفذ التذاكر باسرع وقت ممكن وبارقام قياسيه جمهوره الذي يهتف له دائما (لكل مدينه سلطان وللطرب سلطان واحد جورج وسوف)جمهوره الذي يرافقه في سفره وفي عودته في حضوره وفي غيابه جمهوره الذي استقبله استقبال الابطال في مطار لبنان اثناء عودته من رحلة العلاج وغنى له (سلامتك الف سلامه يا سلطان الملايين قلوبنا معك وياما حتغني للعاشقين)..كل هذا يدل على قيمة جورج وسوف الفنيه يدل على رسوخه وثباته في قلوب محبيه يدل على انه بالفعل سلطان للطرب...
الوسوف اللي ال التعريف بتسبق الاسم لتحدد التفرد والخصوصيه لم يراها الفن العربي الحديث بكل مستوياته..
بحضوره وشخصيته التي تجميع المرح والحزن وتعب الاه وشغف الانتماء لاغنيه تشبهه ولا تشبه احد اخر ....


وبدي اعتذر منك يا زهرتنا بس رأيك بتصورو مجحف بحق أبو وديع....أبو وديع حبيب الملايين...لابل المليارات

†N_ChrisT†We_TrusT†
رد مع اقتباس
  #4  
قديم 7th November 2005, 03:17 AM
الصورة الرمزية RUSHA AWAD
RUSHA AWAD RUSHA AWAD غير متواجد حالياً
مشرفة منتدى المجتمع
 
تاريخ التسجيل: Sep 2003
الدولة: USA FLORIDA J
المشاركات: 630
الجنس: انثى
RUSHA AWAD is on a distinguished road
والله احترنا معكن .......

بضم صوتي لصوتك سناء وبتساءل عن سبب تسمية جورج وسوف (سلطان الطرب) هلأ اني مابنكر اني بحب اسمعلو الاغاني القديمي مو لأنو بصوتو بس لأنو الكلمات حلوي والالحان حلوي يعني لو حدي غيرو بيغنيهن بيطلعو حلوين وبجوز اكثر ما بيطلعو مع الوسوف. بعدين اني كنت عم انتظر اني اقرى بمسيرة حياتو شي عن تعاطي المخدرات مثلا او شي عن علاقتو مع اهلو وقديش هوي كانت ابن بار يعني مو معقول انو مستر وسوف كان مطرب او خليني قول مغني مشهور عندو مبالغ طائلي من المال والاملاك ابو يضل شوفير تكسي لفترة مانها ببعيدي منوب ولا تقولولي انو سواقة التكسي من هوايات ابو جورج او انو الشغل موعيب الزلمي( ابو جورج) كان يجي كثير على زيدل وفيكن تسألو بالضيعة.
بعدين دخلكن قديش مساحات صوتو لجورج وسوف لحتى نعرف قديش عظمة الاداء تبعو .
يالله خطي جورج وسوف يعني اذا ما كان في معجبين في مثلكن شو بيعمل بحالو بيزعل يعني؟؟؟؟ اي ما بيمشي الحال لانو اللي بيزعل بيشربو من مية البحر

مع حبي واحترامي
رشاعواد
__________________
قد تنسى الذي ضحكت معه, ولكن لن تنسى الذي بكيت معه
رد مع اقتباس
  #5  
قديم 7th November 2005, 12:50 PM
sulieman safar sulieman safar غير متواجد حالياً
مشرف سابق  
تاريخ التسجيل: Nov 2003
المشاركات: 981
sulieman safar is on a distinguished road
في رأيي الخاص انو صوت جورج وسوف يحتوي على عضوية لا يملكها الا السيد وديع وسيدة السيدات فيروز مما يدعوني الا تأييد الاسم المطلق عليه " سلطان الطرب " . الغوالي سناء ورشا اذا ما عجبكم هالحكي دقوا رأسكم بالمنتدى . ليك عاد. ولا تنسوا انو حمصي. هاي لحالها بتسوى وبتستاهل.
كلكم على بعضكم حلوين.
سليمان
رد مع اقتباس
  #6  
قديم 7th November 2005, 01:33 PM
الصورة الرمزية mariam
mariam mariam غير متواجد حالياً
 
تاريخ التسجيل: Mar 2003
الدولة: zaidal
المشاركات: 888
الجنس: انثى
mariam is on a distinguished road
السؤال من اطلق عليه اسم سلطان الطرب حسب ما اعرف انه احد العمالقة الكبار ولم يخطيء يوما في اطلاق الالقاب
على كل مايميز صوت الوسوف انه رغم كل ما اصابه من خشونة يتقن التلاعب بالنغمات حتى انه يجبر الاذن ان تصغي وتستمتع ومهما قلدوه لم يصل احد الى ذلك الاتقان يعرف مساحات صوته ويعرف كيف يسخره في خدمة اللحن لان الطرب عنده متعة فهو يعطيه حقه ولديه صفة خاصة بالصوت تميزه ونادرة تجعل اي مستمع يتفاعل معه وهذه هي السلطنة
رد مع اقتباس
  #7  
قديم 7th November 2005, 03:39 PM
الصورة الرمزية imad_dahi
imad_dahi imad_dahi غير متواجد حالياً
عضو مؤسس
 
تاريخ التسجيل: Mar 2003
المشاركات: 522
imad_dahi
اذا بدي احكي عن الوسوف بدي كتير لاحكي بس بدي رد على شبه سؤال لمريم عن انو من اطلق لقب سلطان الطرب على جورج وسوف

هو الملحن اللبناني الكبير جورج يزبك بعد اغنية الهوى سلطان ورجع اكد على اللقب باغنية مهلك تمهل يا ملك . وبحفلة المستقبل بال 94 قال هالشي على التلفزيون . والحكي لي بينقال من ملحن كبير متل جورج يزبك ما بيهزو كلام الناس ........ لي ما بيقدم ولا بيأخر ويحكو قد ما بدون والسلطان سلطان وهو وحد وسوف ابو وديع
ولي اكد هاللقب سلطان الطرب هو جورج بحد ذاتو ومن بعدو جماهيرو لي اهم واحد فيهم هو انا هههههه


حبيب قلبي ابو وديع

وبتعتبني على كلمة جات مني من غير تفكير وبتحاسني على غطلة وانت ياما غلطت كتير
ومافيش حسسسسسسسسسسسسسسسسساب بين الاحباب ان كنت ناوي توصون الود

وانت يا روحي ان جت لي للجد لو عدينا نتوه بالعد

وشكرا

وصونا
__________________
يالي مش فهمان اللعبة
خليني قلك شو صاير
في ناس بأوهامها كبرت
ناس بتنسى كيف تربت
في ناس بمطرحها بقيت
بين الماضي وبين الحاضر
ابو وديع
رد مع اقتباس
  #8  
قديم 8th November 2005, 05:54 PM
ghenwa_6 ghenwa_6 غير متواجد حالياً
عضو
 
تاريخ التسجيل: May 2005
الدولة: nazareth
المشاركات: 1
ghenwa_6
ببساطة

يعني انا مع احترامي الشديد للجميع ..
الموضوع ببساطة انة في اشخاص ما عندعم المقدرة انهم ينطربو .. وعشان ما انفهم غلط ..مش القصد التجريح لا سمح الله .. هو ابو وديع مطرب ويطرب .. طريقة تنغيم الكلمة لدية عجيبة
وعشان هيك بعض الاشخاص صعب عليهم انهم يستوعبوة وهذا امر طبيعي .. لانة الأذن لديهم لم تتعود على الطرب .. مثل الاوروبي لما يسمع النغمة الشرقية لأول مرة يعتقد انة في خلل او نشاز
انا شخصيا اسمعة وانا فاهم موسيقيا شو بيسوى هل عظيم ..واصنف نفسي اني محظوظ
ابو وديع يتميز بالنغمة الصحيحة ( يعني بغني صح .. يعني مثلا اذا كانت النغمة على الكمان دووو ابو وديع بيقولها دووو ..مش دووو + ولا دو - ) وطبعا احساس مميز مش موجود عند غيرة
في اشخاص بيحبوة ومش فاهمين ليش .. انا اعرف الاجابة : صوتة مليء بالعواطف احساس عالي
يستفز المشاعر .. كل كلمة بيقولها مليئة بالصدق الحب ........
ما بدي اعقد الامور .. الشخص اللي مش فاهم على شو منحبة خسران كتير واذا صار وفهم رح يعرف شو كان خسران .....
وبالنهاية كل انسان وذوقة ما حد مجبور انة يسمع ابو وديع
رد مع اقتباس
  #9  
قديم 9th November 2005, 03:25 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
انه سلطان بكل المقاييس و لا خلاف على ذلك , و هو المطرب الوحيد في العالم العربي الذي كون جمهور خاص فيه , و اتحدى ان يوجد حالة مشابهة لظاهرة جمهور الوسوف,
انا من الشخاص اللي كنت اتظاهر بكرهي للوسوف و السبب انه رفقاتي و كل اللي بعرف ما عندهم سيرة غير عنه و على روعة اغانيه و انا من مبدأ المعارضة ما كنت حبه و لا احواله شريط.
لحد ما نزل البوم كلام الناس هون عاد كسر عندي هالحاجز و اجبرني على المجاهرة بحبي له و لأسلوبه البارع الذي لا يجاريه احد فيه.

انا براي تكم عضمة الوسوف في صوته و ادائه للأغاني و السبب هو:
1 ان الوسوف لم يعتمد في حياته و خصوصا البدايات عل ما يسمى اطلاق الألبومات و كانت اغانيه تعرف و تلقى رواجا من حفلاته و هو الوحيد الذي تعجب باغنيته على المسرح اكثر من الكاسيت الأصلي , و نادرا ما يغني اغنية بنفس الطريقة , ففي كل حفلة يجدد عن سابقتها بالأداء.
2 اداءه المتميز يبرز عندما يغني اغاني مطربين آخرين و يتفوق عليهم فيها
و لطالما طمس اصول الأغاني التي قلدها و نسبت بعد ذلك اليه.

اقول لكل من يتهجم على الوسوف:
يا اصدقائي ممرت بحالتكم هذه سابقا و استطيع ان اشعر شعوركم هذا . و لا عتب عليكم.

اطال الله بعمرك يا باو وديع و امدك الله بالصحة و العافية. و دقوا عالخشبببببببب
__________________
Life Without Love is no life at all
رد مع اقتباس
  #10  
قديم 9th November 2005, 06:38 PM
الصورة الرمزية سناء جلحوم
سناء جلحوم سناء جلحوم غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,980
الجنس: انثى
سناء جلحوم will become famous soon enough
رأي جديد بآرائكن

بعد اللي قريتوا من عشاق الوسوف عن حالته الفنية العظيمة والألقاب اللي نعتوه فيها :

أبوكارلوس

سلطان الطرب حبيب الملايين

بقايا إنسان

أبو وديع حبيب الملايين...لابل المليارات

سليمان سفر

تأييد الاسم المطلق للوسوف بــــــــــ" سلطان الطرب " .

الدكتورة مريم

تأييد للقب سلطان الطرب

عماد

حبيب قلبوا أبو ديع وإذا بلش حكي مارح يخلص .


غنوة 6

مابدها تعقد الأمور.. فالشخص اللي مش فاهم على شو منحبة خسران كتير واذا صار وفهم رح يعرف شو كان خسران .....

حسام

انه سلطان بكل المقاييس و لا خلاف على ذلك

ياجماعة روقوا .....إذا جورج وسوف سلطان الطرب .....فشو ممكن نطلق على وديع الصافي ...على عبد الوهاب ...على ملحم بركات ...مثلاً وغيرهم من الفنانين العظام .
ومن ثم ياغنوة إذا كل فنان بدنا نحبوا على _________ الدوره ره مي ..العوض بسلامتك فينا ..منطلع مامنحب حدا .
وبعدين شو مليارات يابقابا إنسان وشوملايين وهالحكي من وين ....هني هالكم حمصي اللي بيحبووووا متل سليمان والباقي وين ؟؟؟؟
أما عن التحدي الكبير بأنو الوسوف الفنان الوحيد اللي عنده شعبية فحتماً حضرتك خسران وكان ممكن تقول المطرب الوحيد عند الشعب السوري وخصوصاً الحمصي وشوي من الشعب اللبناني ...واذا الدق عالخشب بيفيد رح ندق معك للصبح ....بس لنرضيك ..مش لنرضي الوسوف .

رشا شو بدنا نعمل الدنية أذواق متل ماقالت غنوة ونحنا علينا بس نقرا محبتهم للوسوف عالورق ولكن نبتعد عنوا عن السمع .شكراً للتصويت رشا .

ماتزعلوا هيدا رأينا وإذا رأينا بزعلكن منوقف هون وممكن كرمال عيونكن نسمع الوسوف بس يالسنة مرة .....................عنا وعنكن .

راجعة

زهرة الصحراء
__________________
كل مجدي أني حاولت....sanaa jalhoum
رد مع اقتباس
  #11  
قديم 10th November 2005, 05:12 PM
الصورة الرمزية بقايا إنسان
بقايا إنسان بقايا إنسان غير متواجد حالياً
عضو
 
تاريخ التسجيل: Oct 2005
المشاركات: 12
بقايا إنسان is on a distinguished road
Angry حاج مكابرة

له له له يا سناء.....انتي عم تحكي جد؟؟؟والله مو مصدق....لأنو حتى يلي بيكرهوا أبو وديع ما بيقدروا ينكروا انو من أعرق المطربين. ...وبعدين ..هادا يلي طلع معك..كم حمصي وشوي من اللبنانيين...وين جرش ...وين قرطاج يلي بتقوم فيه القيامة...وين حفلات المهجر..أمريكا والدانمارك..وغيرا ...صحيح الناس أزواق..بس لازم ماتنكري انو جورج من المطربين النوادر حاليا...وهو من المطربين يلي بيجمع كل الألوان بأغانيه....مع اني بعرف انو مستحيل تقتنعي بالفكرة...بس بدي قلك انو أنا كنت اكرهو بشكل مو طبيعي..بس بعد ماسمعتو..وعشت أغانيه... وكلماتها وصوتو النادر....صرت ما اسمع غير لأبو وديع أبدا..أبدا..الجبار وبس...وبعدين ضليت فترة سلطن على صوتو بس انكر للعالم اني بحبو...حتى ماعاد اقدر خبي هالشعور...كنت كابر بس بالاخير صرت اعبدو....أبـــــو وديـــــع وبس.....
وبرجع قلك انو جماهيرية أبو وديع لاتعد ولاتحصى في كل زمان ومكان...وشكرا

†N_ChrisT†We_TrusT†

.....................§........................
ReaL eYeS...ReaLiZe....ReaL LiEs..
رد مع اقتباس
  #12  
قديم 10th November 2005, 06:16 PM
الصورة الرمزية angel
angel angel غير متواجد حالياً
عضو مخضرم
 
تاريخ التسجيل: May 2004
المشاركات: 685
الجنس: انثى
angel is on a distinguished road
بعد كل الكلام الجميل الذي قيل بحق الفنان الكبير جورج وسوف لايسعني الا أن أضم صوتي لأصوات محبيه لأنه بحق سلطان وظاهرة فنية حتى حاول العديد من الفنانين أن يقلدوه في الصوت والحركات وأسلوب الغناء بما سمي الظاهرة الوسوفية ..وعندما أسمع أغانيه .. حلف القمر ..جرحونا برمش عين .. وغيرها وغيرها.. أحس كأني أسمعها لأول مرة وأحس بنشوة المراهقة تسري في عروقي من جديد .. وحتى عندما يغني لغيره يضفي على الأغاني نكهة مميزة .. عدا عن تواضعه فلم يتردد ذات مرة في حفلة جمعت العديد من الفنانين من أداء أغنية ( بغنيلا وبدقلا ) للفنان رامي عياش في وقت لم يكن يملك غيرها وربما غيره ما كان ليعترف به كفنان بعد...
وبكل تجرد أؤكد القول بأن للوسوف شعبية في كل الوطن العربي لا يمكن انكارها شئنا أم أبينا !
__________________
الرب راعي فلا يعوزني شيء.. في مراع خصيبة يربضني ومياه الراحة يوردني..
رد مع اقتباس
  #13  
قديم 14th November 2005, 07:42 PM
alcapon
Guest
 
المشاركات: n/a
"أهلا و سهلا جميعا"....
أنا عايش حاليا بألولايات المتحدة...و أكتر مطربين بسمعلن هم أبو وديع و فيروز..فيروز بسمع الصبح و أبو وديع بسمعو بالجامعة، بالسيارة،أنا و عم ادرس،،،،
لصراحة قبل ما اجي ع أميركا ما كنت حب السلطان..
بس لاحظت انو كل ما بتسمعلو كل ما بتعشقو..
هو " المطرب " الوحيد اللي بيذكرني بالبلد و ريحة الحبايب..
هو الوحيد اللي ما بيحطوا دعايات لحفلاتو..و حفلاتو ايييييه..
طيبة قلبو...بتجنن خفة دمه....
و صوته و أغانيه بتجنن
Thank you all
Ziad...
صفتلـــي...
رد مع اقتباس
  #14  
قديم 17th November 2005, 05:40 AM
wassoufian
Guest
 
المشاركات: n/a
حياة الوسوف

الحقيقه انا ماني عضو في هذا المنتدى بس بالصدفه كنت ابحث عن اخبار للوسوف ولقيت هذا الجدال حول الوسوف فاضطررت ان اسجل نفسي كي استطيع الرد على هذا الحوار حول الوسوف
انا واحد من كبار عشاق الوسوف وما بسمح ابدا لاي شخص انو يحكي عنه بشيء اللي يمسو فرجائا من كل واحد راح يقرا هذه الرساله انو ما يحكي عن شيء اللي يمس الوسوف حتى ولو كانت وجهة نظره لانه حسب رايي اي شخص ما بطيق وما بحب الوسوف هو شخص لا يفقه اي شيء بالحياة لانه الوسوف حاله لا مثيل لها وبدو ناس اللي تفهمو وهادولا الناس هم الاغلبيه اما من لا يعشق الوسوف فهو حاله شاذه يجب ان يداوا منها باسرع وقت..لانه اخيرته بتفجر.
فشعاري هو لكل مدينه سلطان وللطرب سلطان واحد هو جورج وسوف واللي مش عاجبه بكره حيدفع التمن الدنيا والايام.
من لا يسمع الوسوف ==== شخص امي لازمه كتير اشياء حتى يكون بني ادم
جورج وسوف

اخوكم مروان
عاشق الوسوف
رد مع اقتباس
  #15  
قديم 17th November 2005, 10:19 AM
الصورة الرمزية سناء جلحوم
سناء جلحوم سناء جلحوم غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,980
الجنس: انثى
سناء جلحوم will become famous soon enough
أهلين مروان

أنا شعاري بها المنتدى :

""أتيت.... أبقى معنا ..أكتب رأيك.... ولاترحل""

أهلا فيك مروان إسمك عزيز جداً على قلبي ...ولكن إسمك الوهمي وسوفيان يعني أنت عاشق حقيقي للوسوف وأنا حقيقة لاأعشق الوسوف كي أعشق إسمه .فأعذرني .
لك رأيك بجورج وأنا لي رأي
أن أهجيه فهذا الأمر يعنيني وحدي وأن تمدح به فهذا الأمر يخصك وحدك .
فلماذا تنهينا عن قول رأينا نحن ممن لانعشق وسوفَكَ وعن نقده بصراحة .
(( سماع مني بدك تسمع طرب لسماع لمطرب حقيقي مش للوسوف ))

alcapon

أهلا بك أيضاً عاشقاً جديداً للوسوف ...أنا أحترم رأيك في دفاعك المشروع عن سلطان الطرب كمطرب ولكن من أين أتيت أنت وأنجيل بأن هذا الإنسان يحمل قلب طيب ؟؟؟

صديقي بقايا إنسان ....

بإحدى حلقات أكيد مايستروا واللي قدموا نيشان تم اللقاء مع الملحن الكبير ملحم بركات وخلال الحلقة توجهلوا هالسؤال :

مين ممكن ياخد مكان وديع الصافي بالطرب على المستوى العربي بعد عمر طويل إنشالله فكان الجواب .... (( الفنان الشاب عاصي الحلاني ...يعني مش سلطانكم العظيم....فمن وين سلطنتوا والله ماعم بعرف ؟؟؟؟ أنو بس لأنو ساكن بحمص .......ماتواخذوني ))

ماتطول الغيبة علينا بقابا إنسان وإلا مارح يبقى مننا شي


أبو كارلوس وين علقتنا وفليت ؟؟؟

راجعة

زهرة الصحراء
__________________
كل مجدي أني حاولت....sanaa jalhoum
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 02:52 AM.


Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص