موقع زيدل الصفحة الرئيسية  

العودة   منتديات زيدل > المنتدى الزيدلي > منتدى موقع زيدل > الأعضاء الجدد و التعارف

إضافة رد
 
أدوات الموضوع تقييم الموضوع انواع عرض الموضوع
  #31  
قديم 24th January 2010, 08:55 PM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
المتهمة رشا:
شو كانت مقدمة سوريا لرشا و شو كانت سالبة منها
شو قدمت امريكا لرشا و شو سلبت منها

لو عدنا بالزمن للوراء 11 سنة كنتي بتأيدي اهللك بفكرة السفر و ترككم 4 سنين بلاهم.

انت مهووسة بالارجيلة , بس انا ما بعرف كيف دكتور او اي شخص متعلم بيتجاسر على مسك سيكارة او ارجيلة ؟؟؟؟

علاقة الاخوة من اجمل و اقوى العلاقات البشرية برايي , هل بتعتبري علاقتك مع اخوتك مثالية و بتطابق وصفي لهالعلاقة.

انت مشتاقة بجنون لبنت اختك و بدرجة اقل لاختك , هل انت مشتاقة لصهرك ؟؟؟

ايزابيل (بنتي) بعد ما قرأت الموضوع و عرفت انك عصبية حطت ايدها عراسها و حبت تسألك:
هل ممكن تصيحي عليي اذا شي مرة ازعجتك و انت عمتدرسي , او فيقتك من النوم , او نزعتلك شي من غراضك خصوصي تبع الجامعة ...؟؟؟؟
__________________
Life Without Love is no life at all
رد مع اقتباس

Sponsored Links
  #32  
قديم 24th January 2010, 10:55 PM
الصورة الرمزية RUSHA AWAD
RUSHA AWAD RUSHA AWAD غير متواجد حالياً
مشرفة منتدى المجتمع
 
تاريخ التسجيل: Sep 2003
الدولة: USA FLORIDA J
المشاركات: 630
الجنس: انثى
RUSHA AWAD is on a distinguished road
حسام عبدالعزيز

المتهمة رشا
مبارح كنت بنت حماك واليوم متهمة؟؟؟

شو كانت مقدمة سوريا لرشا و شو كانت سالبة منها
سوريا كانت مقدمتلي أوقات حلوي قضيتها مع رفقاتي "بهذاك العمر" وسالبة مني أهلي وسالبة مني حياة البنات اللي بعمري.

شو قدمت امريكا لرشا و شو سلبت منها
قدمتلي أهلي وفرص أنا بلاقيها مهمة حتى أمّن مستقبل منيح, سلبت مني زيدل بكل مافيها من حسنات وسيئات.

لو عدنا بالزمن للوراء 11 سنة كنتي بتأيدي اهللك بفكرة السفر و ترككم 4 سنين بلاهم.
كنت بأيد سفر أهلي لأنو بوقتها كان هوي الحل الأفضل, بس شغلة تركهن إلي ولأخواتي ماكانت على أساس 4 سنين بس الظروف تغيرت هون بأميركا وصار التراجع صعب.

انت مهووسة بالارجيلة , بس انا ما بعرف كيف دكتور او اي شخص متعلم بيتجاسر على مسك سيكارة او ارجيلة ؟؟؟؟
صدقني أنا بستمتع بتجهيز الأركيلة أكثر من تدخينها. انتي شفتني عم دخنها بسورية يوميا وعدة مرات باليوم بس هون بأركل وقت بجتمع مع صديقاتي او بجوز ايام العطل لأنو الأركيلة بدها وقت ومو طيبي الا اذا كانت مزاجك رايق وراسك فاضي وهالشي قليل ليصير معي. بالنسبة لتعليقك عالدكاترة والمتعلمين خليني خبرك انو عالمدى البعيد تدخين الأركيلي او استهلاك كميات كبيرة من السكر او الملح او الدهون رح يسببلك ضرر. بعدين ياصهري العزيز, اي شي بتعملو بفرح وسعادة مارح يضرّك عالأكيد "طبعا ناهيك عن المخدرات ههههه"

علاقة الاخوة من اجمل و اقوى العلاقات البشرية برايي , هل بتعتبري علاقتك مع اخوتك مثالية و بتطابق وصفي لهالعلاقة
مافي داعي للمزايدة بهالأمور, محبتي لأخوتي كبيري بدون ذكر أرقام ومزايدات بس علاقتي معهن عادية جدا لاء وبأغلب الأحيان ما منتفق وهالشي بلاقي طبيعي لأنو بكل بساطة مافي شي مشترك بالطباع والاهتمامات وطريقة التفكير. يعني أنا ورنيم "مدامتك" مافي شي مشترك بيناتنا غير العصبية لهيك نادرا ما نتفق بس لازم يجي يوم ونتفق عليك, عواد أصغر مني ب10 سنين والجو اللي ربيت فيه أنا ورنيم غير الجو اللي ربي فيه عواد وغير أسلوب تماما لهيك مارح نتفق. بس كون على ثقة تامة وبالرغم من انو هالشي ماكثير بجاهر فيه, وقت بدو يجد الجد أني أول وحدي رح كون حدهن وادعمهن.

انت مشتاقة بجنون لبنت اختك و بدرجة اقل لاختك , هل انت مشتاقة لصهرك ؟؟؟
مشتاقة لبنت اختي "رشا الصغيرة" بجنون لأنو ماشفتها على أرض الواقع ويمكن انعديت من حماتك ههههه بعدين البنت بتجنن ومافي ألز منها والكل عم يقولو طالعة لخالتها.
بالنسبة لصهري, بجوز تتفاجأ لأنو أني كمان متفاجئة انو مشتاقتلك. لك كأنك صرت من أهل البيت ياحسام هههههه

ايزابيل (بنتي) بعد ما قرأت الموضوع و عرفت انك عصبية حطت ايدها عراسها و حبت تسألك
هل ممكن تصيحي عليي اذا شي مرة ازعجتك و انت عمتدرسي , او فيقتك من النوم , او نزعتلك شي من غراضك خصوصي تبع الجامعة ...؟؟؟؟
من عقلك صيّح عليها, لاء حسام أنا بس بسبّ عالخلفوها وهيك بكون أخذت حقي. بس شو رأيك في حال كان بإيدها علبة عصير وكبتها عاللابتوب تبعك كيف رح تكون ردة فعلك؟؟؟؟هههههههه
يالله سلام وبوسي كبيري لزيزو وحاج تحشي براس البنت شغلات عني شي صار وشي ماصار منوب.
__________________
قد تنسى الذي ضحكت معه, ولكن لن تنسى الذي بكيت معه
رد مع اقتباس
  #33  
قديم 24th January 2010, 11:32 PM
الصورة الرمزية mariam
mariam mariam غير متواجد حالياً
 
تاريخ التسجيل: Mar 2003
الدولة: zaidal
المشاركات: 888
الجنس: انثى
mariam is on a distinguished road
رشا 00عم تتحركشي 00اللي بيعاشر القط بدو يتحمل خراميشو

الاســـم:	image001.jpg
المشاهدات: 503
الحجـــم:	41.0 كيلوبايت


شكرا رشا 000
انا بعرف انك ماممكن تفكري ترشيني لانو مابدي رشوة 00بس بتمنى تكون الاجابات مختصرة
خطر عابالي سؤال 00شو هيي الهدية اللي كنت بتتمني حدا يهديك اياها ولسا ماوصلتك او وصلتك من شخص ثاني؟؟
واقبلي مني هالهدية 00000بكل المحبة
وحدن بيبقو متل زهر البيلسان وحدهن بيقطفووراق الزمان
بيسكرو الغابي بيضلهن متل الشتي يدقوا على بوابي على بوابي
يازمان يا عشب داشر فوق هالحيطان ضويت ورد الليل عكتابي
برج الحمام مسور و عالي هجالحمام بقيت لحالي لحالي
يا ناطرين التلج ما عاد بدكن ترجعو صرخ عليهن بالشتي ياديب بلكي بيسمعو
وحدن بيبقو متل هالغيم العتيق وحدهن وجوهن و عتم الطريق
عميقطعوا الغابي و بإيدهن متل الشتي يدقوا البكي و هني على بوابي
يا زمان من عمرفيي العشب عالحيطان من قبل ما صار الشجر عالي
ضوي قناديل و أنطر صحابي مرقو فلوبقيت عبابي لحالي
يا رايحين و التلج ما عاد بدكن ترجعو صرخ عليهن بالشتي يا ديببلكي بيسمعو

سؤال ثاني 00مين بتحبي تحاوري اكثر شباب من جيلك والا شباب من جيلنا يعني اكبر منكم بجيلين؟؟
صراع الاجيال وين لازم يوقف ؟؟
مع هالسرعة الزايدة بالتطور برايك الجيل الجديد منكم واصغر قادر ينظر للجيل الاكبر باحترام ورضى والا بتحسوا انو المسافات عم تزود بينكم وبينهم؟؟
سؤال مابعرف قديش رقمو000العمل الجماعي بيتطلب صبر وطولة بال مع اختلاف الطبائع والثقافات واحيانا بدو بعض التنازلات وانت شخصية بتميل للعصبية والنرفزة 000شو بتفضلي تكوني ضمن فريق عمل والا ماتلتزمي بفريق؟؟
الانفعال طبع وانت شخصية انفعالية الى اي مدى يمكن فيها ضبط انفعالاتك واذا ماقدرتي تفرغيها شو ممكن تعملي؟؟
عذرا رشا من الاسئلة بس اللي بدو يدخل عش الدبابير بدو يتوقع ينقرص.
سؤال 000شو اكثر شيء بيستفزك وبيخليكي تخرجي عن طورك؟؟اكيد مو برادة دمي
خلصت الاسئلة 000انشالله بيجي يوم لاقي لحالي مكان بشي زاوية ويرجع القلم يطاوعني 000
خطر عابالي سؤال 00شو الحافز اللي بيخلي رشا تقوم وتمسك القلم وتسطر كم كلمي وتوجهن الي ؟؟

اخيرا 00تقبلي مني هذه الاغنية 000

سنرجعُ يوماً إلى حيـِّنا

ونغرقُ في دافئاتِ المنى
سنرجعُ مهما يمرُّ الزمان
وتنأى المسافاتُ ما بيننا




فيا قلبُ مهلاً

ولا ترتمي على دربِ عودتـِنا
يعزُّ علينا غداً أن تعود
رفوفُ الطيور ِ ونحنُ



هنالكَ عندَ التلال ِ تلالٌ
تنامُ وتصحو على عهدِنا


سنرجعُ خبّّرني العندليب


غداة َالتقينا على منحنى

بأنَّ البلابلَ لما تزلْ
هناك تعيشُ بأشعارنا
وما زال بين تلال ِ الحنين
وناس ِ الحنين مكانٌ لنا
فيا قلبُ كم شردتنا الرياح
سنرجع هيا بنا







رد مع اقتباس
  #34  
قديم 25th January 2010, 09:10 AM
الصورة الرمزية RUSHA AWAD
RUSHA AWAD RUSHA AWAD غير متواجد حالياً
مشرفة منتدى المجتمع
 
تاريخ التسجيل: Sep 2003
الدولة: USA FLORIDA J
المشاركات: 630
الجنس: انثى
RUSHA AWAD is on a distinguished road
دكتورة مريم

شكرا رشا 000
انا بعرف انك ماممكن تفكري ترشيني لانو مابدي رشوة 00بس بتمنى تكون الاجابات مختصرة
خطر عابالي سؤال 00شو هيي الهدية اللي كنت بتتمني حدا يهديك اياها ولسا ماوصلتك او وصلتك من شخص ثاني؟؟
أغنية ماجدة الرومي "ماحدا بيعبّي مطرحك بقلبي"

واقبلي مني هالهدية 00000بكل المحبة
وحدن بيبقو متل زهر البيلسان وحدهن بيقطفووراق الزمان
بيسكرو الغابي بيضلهن متل الشتي يدقوا على بوابي على بوابي
يازمان يا عشب داشر فوق هالحيطان ضويت ورد الليل عكتابي
برج الحمام مسور و عالي هجالحمام بقيت لحالي لحالي
يا ناطرين التلج ما عاد بدكن ترجعو صرخ عليهن بالشتي ياديب بلكي بيسمعو
وحدن بيبقو متل هالغيم العتيق وحدهن وجوهن و عتم الطريق
عميقطعوا الغابي و بإيدهن متل الشتي يدقوا البكي و هني على بوابي
يا زمان من عمرفيي العشب عالحيطان من قبل ما صار الشجر عالي
ضوي قناديل و أنطر صحابي مرقو فلوبقيت عبابي لحالي
يا رايحين و التلج ما عاد بدكن ترجعو صرخ عليهن بالشتي يا ديببلكي بيسمعو
بكل محبة بشكرك على هالغنية الرائعة

سؤال ثاني 00مين بتحبي تحاوري اكثر شباب من جيلك والا شباب من جيلنا يعني اكبر منكم بجيلين؟؟
صراع الاجيال وين لازم يوقف ؟؟
مافيني اختار لأنو طريقة التعاطي مع الحياة متقاربة بيني وبين أبناء جيلي لهيك في اتفاق بالغالب وكمان في متعة وقت بتعاطى مع شباب من الجيل الأكبر مني لأنهن مختلفين, بس هالاختلاف نوعا ما مقبول عندي.
بالنسبة لصراع الأجيال مارح يوقف لأنو الأنماط الاجتماعية والثقافية عم تتغير بشكل سريع والحوار عم يصير قليل لهيك جيلكن غالبا بيعتقد انو جيلنا غلط وجلينا بلاقي جيلكن مانو عملي بمافيه الكفاية.

مع هالسرعة الزايدة بالتطور برايك الجيل الجديد منكم واصغر قادر ينظر للجيل الاكبر باحترام ورضى والا بتحسوا انو المسافات عم تزود بينكم وبينهم؟؟
مثل ماذكرت, طالما في حوار معناتو في احترام وإلا المسافات رح تزود حتى ماعد نقدر نشوفكن ولا تشوفونا

سؤال مابعرف قديش رقمو000العمل الجماعي بيتطلب صبر وطولة بال مع اختلاف الطبائع والثقافات واحيانا بدو بعض التنازلات وانت شخصية بتميل للعصبية والنرفزة شو بتفضلي تكوني ضمن فريق عمل والا ماتلتزمي بفريق؟؟
هلأ هون تعودت عالعمل الجماعي وعرفت اهميتو يعني من مبدأ "الواحد للكل والكل للواحد", هلأ بدو صبر عالأشخاص الاتكاليين او اللي مابدهن يحاولو يدعمو المجموعة بس طبعا بدون نرفزة بقدر اتخطى هالمشكلي يا أما باستبعاد هالشخص من المجموعة أو بكل بساطة تأدية المهمة بشكل فردي...بتتفاجأي اذا بخبرك انو عصبيتي خفت إلى حدّ ما؟؟؟ طبعا مو للسبب المذكور.

الانفعال طبع وانت شخصية انفعالية الى اي مدى يمكن فيها ضبط انفعالاتك واذا ماقدرتي تفرغيها شو ممكن تعملي؟؟
انفعاليتي بتنبع من تفاعلي مع الموقف, يعني في مواقف انفعال زغير وكل شي بروق بس في أمور أنا بلاقيها كبيرة وبلاقي من الطبيعي انو كون انفعالية بردة فعلي لأنو الانفعالية بتعلّم الحزم بس مايصاحبها تهوّر. بعد مابلشت اتسابق مع حالي بضبط انفعالاتي بس بعدني عم حاول وفي حال ما اقدرت لازم صيّح وقاتل ووووو.

عذرا رشا من الاسئلة بس اللي بدو يدخل عش الدبابير بدو يتوقع ينقرص
ماني حاسي بقرص بعد.

سؤال 000شو اكثر شيء بيستفزك وبيخليكي تخرجي عن طورك؟؟اكيد مو برادة دمي
أكثر شي بيستفزني "غير برادة دمك ههههه" يعني مافي شي محدد بس مثلا الناس اللي بينئو وبيندبو بدون سبب مقنع, اللي بيحكو كثير ومابيعملو من اللي حكو شي او اللي بيحكو من فضى ورضى....
خلصت الاسئلة 000انشالله بيجي يوم لاقي لحالي مكان بشي زاوية ويرجع القلم يطاوعني 000
خطر عابالي سؤال 00شو الحافز اللي بيخلي رشا تقوم وتمسك القلم وتسطر كم كلمي وتوجهن الي ؟؟
المحبة والاحترام والحركشي.

اخيرا 00تقبلي مني هذه الاغنية....قولتك سنرجع يوما؟؟؟؟
مع حبي واحترامي
رشاعواد
__________________
قد تنسى الذي ضحكت معه, ولكن لن تنسى الذي بكيت معه
رد مع اقتباس
  #35  
قديم 26th January 2010, 01:55 PM
waddah waddah غير متواجد حالياً
مشرف المنتدى الثقافي و المجتمع
 
تاريخ التسجيل: Mar 2008
الدولة: in God
المشاركات: 427
الجنس: ذكر
waddah is on a distinguished road
كل يوم نستمتع بقراءة ما تسردين لنا من الاجابات يا رشا ..

أعطني رأيك بهالأسماء :

بكرا أحلى .. سيدة العمر

أذكري لي بعض المواصفات التي تتمنينها في شريك حياتك ؟؟

هل انت الآن فتاة شرقية ؟؟ أم فتاة غربية ؟؟ أم فتاة شرقية الداخل غربية من الخارج ؟؟

زيدل يا أم الدني كلها .. عندي موال بيقول هيك ( ويسلم تمو للمطرب على هالموال ) المهم ..

اعتبري نفسك اليوم بزيدل وفقت الصبح احكيلي عن حياة يوم رح تقضيها بزيدل ..
شو بتعملي .. مين بيجي زيارة الصبحية ( بالأسماء ) ... جمعة الأركيلة ... التدريجة بأي شارع

يعني اكتبي خاطرة أو مذكرات ليوم بزيدل حتى لو اضطررت لذكلار أدق التفاصيل كأسماء محلات أو شوارع أو ساحات أو اشخاص أو ..


__________________
شو بتحلا الدنيا عــــ طريقك

*** ***

رد مع اقتباس
  #36  
قديم 26th January 2010, 07:50 PM
الصورة الرمزية RUSHA AWAD
RUSHA AWAD RUSHA AWAD غير متواجد حالياً
مشرفة منتدى المجتمع
 
تاريخ التسجيل: Sep 2003
الدولة: USA FLORIDA J
المشاركات: 630
الجنس: انثى
RUSHA AWAD is on a distinguished road
وضاح

كل يوم نستمتع بقراءة ما تسردين لنا من الاجابات يا رشا ..
هاد بس من زوقك يا صديقي
أعطني رأيك بهالأسماء :

بكرا أحلى .. سيدة العمر
بصراحة مافيي أعطي رأيي بالأسماء المذكورة لأنو بكل بساطة مافيني أعطي رأيي بشخص مابعرف اسمو ولابعرف شي عنو غير ردود على أسئلة ومواضيع مطروحة وكمان مافي حدى معنى بالمنتدى "على حد علمي" ممكن يكون مرجعية إلي لمعرفة هالأشخاص اللي ممكن كون بعرفهن شخصيا او مابعمري سمعت باسمهن "الحقيقي". بس فيني أعطي رأيي بإجاباتهن السابقة, ردود موضوعية ومثالية ومابعرف مدى صحتها بس. مع احترامي لبكرا احلى وسيدة العمر

أذكري لي بعض المواصفات التي تتمنينها في شريك حياتك ؟؟
الاحترام حتى بأصغر تفاصيل الحياة, الحوار حتى مايوصل يوم ونحسّ حالنا أغراب عايشين تحت سقف واحد, الطموح حتى مايفوت النقّ والملل عالبيت. وصدقني كل شي حلو ممكن اتمنى يكون موجود رح يكون نتيجة هالأمور اللي ذكرتها ولاحظ انو ماذكرت الحب مع العلم انو الو أهمية كبيرة بس انا افترضت انو الارتباط مانو مبني عالحب مية بالمية.

هل انت الآن فتاة شرقية ؟؟ أم فتاة غربية ؟؟ أم فتاة شرقية الداخل غربية من الخارج ؟؟
أنا الان فتاة شرقية من الخارج غربية من الداخل بمحض ارادتي واختياري الحرّ لما حافظت عليه من شرقيتي وما تقبلته من الغرب.

زيدل يا أم الدني كلها .. عندي موال بيقول هيك ( ويسلم تمو للمطرب على هالموال ) المهم

اعتبري نفسك اليوم بزيدل وفقت الصبح احكيلي عن حياة يوم رح تقضيها بزيدل
شو بتعملي .. مين بيجي زيارة الصبحية ( بالأسماء ) ... جمعة الأركيلة ... التدريجة بأي شارع يعني اكتبي خاطرة أو مذكرات ليوم بزيدل حتى لو اضطررت لذكلار أدق التفاصيل كأسماء محلات أو شوارع أو ساحات أو اشخاص أو...
هيك صعبتها شوي لأنو وقت بكون بزيدل مابنام بالليل, يعني الليل عندي من الساعة 12 ظهرا وحتى 6 مساء.
يعني بفيق الساعة 6 المسا, بعمل نفس أركيلي وبقعد عند البحرة بأرض الدار مباشرة على شارع التدريجة وغالبا بيجو رفقاتي أو حدى م قرايبيني وبعدها ممكن نطلع نمشي شوي او نمشور بالسيارة وبالليل ممكن روح لبيت جدي بس فيك تعتبر الروحة لبيت جدي شي وارد عدة مرات باليوم وبأي وقت يعني وراهن وراهن...هلأ السهرة مع رفقاتي او مع سهير وسمر وطبعا الأركيلة بتحضر وأربوعة المتي كمان بتكون حاضرة أما بوقت متأخرمن الليل غالبا يا بكون لوحدي يا أما سهراني مع حسام ورنيم وحدى من رفقاتهن او حدى من القرايبين وغالبا مع بيت باسل ابن عمي, هلأ الكل بنامو وأنا بضل سهراني حتى شوي يروح العتم ويبلش الضو يطلع "بس الشمس مو طالعة بعد" هون عاد بكون أحلى جزء من اليوم وقت بتشم ريحة زيدل الصبح ومابتسمع غير صوت الهدوء لشي ساعة زمن حتى يبلش صوت تكرتورات الفلاحين يعبي الحارة والشمس تبلش تطلع وصوت فيروز الصبح اللي بيعطيك شعور من الفرح والسلام والاطمئنان هلأ رفقاتي بيضحكو عليي وقت بخبربهن قديش بستمتع بهالأمور كلها مجتمعة عند وجه الصبح بس أنا بلاقي انو شعور اخر.
6 ونص الصبح بفيق باسل ابن عمي اللي ماخليتو ينام لشي الساعة 3 الصبح حتى يفتح الدكان ويسترزق وبجهز ابريق الشاي ومنقعد عند الدكان لشي الساعة 8, بعدها ممكن حدا يجي يعمل صبحية او بروح لبيت جدي وبعدها ممكن روح لعند سناء اختها لسمر, بتغالظ عليها شوي وبعدها برجع نام شي الساعة 12 الظهر حتى 6 المسا......
انتي طلبت تفاصيل واللي بتذيق خلاقو من اللي كتبتو لازم يعاتبك انتي وضاح.
مع حبي واحترامي
رشاعواد



__________________
قد تنسى الذي ضحكت معه, ولكن لن تنسى الذي بكيت معه
رد مع اقتباس
  #37  
قديم 27th January 2010, 05:40 PM
الصورة الرمزية suher issa
suher issa suher issa غير متواجد حالياً
عضو مؤسس
 
تاريخ التسجيل: Oct 2003
الدولة: zaidal_ spain
المشاركات: 597
الجنس: انثى
suher issa
كم سؤال

مرحبا رشا مرة تانية وبعتدر كنت خارج البلد وما انتبهت لموضوعك كتير وللأسئلة ولكن اجيت باخر يوم قبل ما تتركي العرش ههههههههههه
بدي اعطيكي ملاحظة على ردك للأسئلة تبعي تصورت تكوني اكتر صريحة وتعطي تفاصيل اكثر ولكن بدك تهربي متل السارق شي وقاتل حدا ههههههههه
بس يالله بنزل النقاط من 10 ل 8 لان بجواباتك لي ما كتير مقتنعة بس يالله ببقا بسمعها وجه لوجه احسن ما تتشرشحي بس رح اجيكي بكم سؤال هلق
من الشخص الذي ستكوني مدينة له طول حياتك والتي مستعدة كل شي من اجله (وطبعا شخص غير اهلك او اخوتك)؟؟؟
ما اجمل واكره يوم مر بحياتك والذي سيبقا بصمة للأبد ؟؟؟؟؟
ماذا تعني بحياة رشا كل هذه الامور واتمنى ان تعطي تفسير لكل منهم بحياتك وما دورهم.......العقل ..........القلب..........المادة..........السعادة.. .......الصحة.........الاهل........المستقبل
الحزن......؟؟؟؟؟؟؟؟؟
لو سحبتي ورقة يا نصيب وقد ربحتي مبلغ كبير من المال وسألتك ماذا تفعلي بكل هده المال ماذا تقولي؟؟؟؟؟؟
ان قلت لك اكتبي رسالة عتب ام رسالة شكر لشخص مر بحياتك من تختاري؟؟؟؟؟؟
هلق بحب اسألك سؤال محرج شوي بس يالله بحب الاسئلة الصعبة وبعرف هي نقطة ضعفك
انت تقولي ان تحبي فيروز كثير ولكن ان سألتك سؤال يخص فيروز وزيزو
تخيلي فيروز تذهب لاميركا وتعمل حفلة ولكن بنفس اليوم زيزو رح تروح اميركا
هل تختاري ان تبقي لتستقبلي زيزو ام تذهبي لحفلة فيروز لان بتقولي زيزو بشوفها بكرا بس فيروز صعب شوفها بكرا ههههههه؟؟؟؟؟ ردي لشوف هههههههه
على كل حال بتمنا كل حياتك تكون سعيدة وان تحققي كل طموحك يا رشا لان بتستاهلي
ولك كل الحب يا ابنة خالتي هههههههه

__________________
الحياة سفينة وأنتم فيها الربان فمهما افترقنا نلتقي في نفس المكان
رد مع اقتباس
  #38  
قديم 27th January 2010, 08:04 PM
الصورة الرمزية RUSHA AWAD
RUSHA AWAD RUSHA AWAD غير متواجد حالياً
مشرفة منتدى المجتمع
 
تاريخ التسجيل: Sep 2003
الدولة: USA FLORIDA J
المشاركات: 630
الجنس: انثى
RUSHA AWAD is on a distinguished road
سهير

مرحبا رشا مرة تانية وبعتدر كنت خارج البلد وما انتبهت لموضوعك كتير وللأسئلة ولكن اجيت باخر يوم قبل ما تتركي العرش ههههههههههه




اي عقبالك بهيك عرش







بدي اعطيكي ملاحظة على ردك للأسئلة تبعي تصورت تكوني اكتر صريحة وتعطي تفاصيل اكثر ولكن بدك تهربي متل السارق شي وقاتل حدا ههههههههه
بس يالله بنزل النقاط من 10 ل 8 لان بجواباتك لي ما كتير مقتنعة بس يالله ببقا بسمعها وجه لوجه احسن ما تتشرشحي بس رح اجيكي بكم سؤال هلق






الحق عليكي, انتي اسئلتك ماكانت من النوع اللي أجوبتها بتشرشح.







من الشخص الذي ستكوني مدينة له طول حياتك والتي مستعدة كل شي من اجله (وطبعا شخص غير اهلك او اخوتك)؟؟؟






رح كون طمّاعة واختار اسمين, ستي أم حاتم وعمتي سيدة. لأنو ثنيناتهن مستعدين يعملو أي شي لصالحي.







ما اجمل واكره يوم مر بحياتك والذي سيبقا بصمة للأبد ؟؟؟؟؟






أحلى يوم كان نهار وصلتي لسورية بأول زيارة, أسوأ يوم كان 10 اذار 2007 بدون ذكر الأسباب.







ماذا تعني بحياة رشا كل هذه الامور واتمنى ان تعطي تفسير لكل منهم بحياتك وما دورهم






العقل: مهم كثير طالما عم يعرف الإنسان يشغلو بالشكل الصح ولأهداف إيجابية.






القلب: بنفس أهمية العقل بس عاد ياعزيزتي القلب مافيكي تتحكمي فيه مثل العقل يعني بيشتغل لحالو.






المادة: كمان مهمة بس في أكثر من طريقة ممكن تحصلي فيها عالمال لهيك ما رح حط حالي بهالخانة من ناحية الأهمية.






السعادة: كمان إلها عدة مصادر, يعني العقل والقلب والمادة ممكن يكونو مصدر للسعادة. هلأ حاليا بعتبر حالي إنسانة سعيدة لحد ما.






الصحة: شيء ثمين كثير بس للأسف مامنعرف أهميتو حتى نمرض أو حتى يصيبنا وجع زغير ولو كان نخشة دبّوس بس الناس بلشت تعرف أهمية المحافظة عالصحة بسبب الأمراض الكثيرة اللي صارت منتشرة حتى بأعمار زغيرة.






الأهل: جهاز المناعة الأهم بحياتي على جميع الأصعدة.






المستقبل: الشي اللي بخليني فيق كل يوم بمعنويات عالية, وانشالله يكون الحلو فيه أكثر من المرّ.






الحزن: لحظات وبتمرّ وبحاول اطلع منّو بأسرع وقت.







لو سحبتي ورقة يا نصيب وقد ربحتي مبلغ كبير من المال وسألتك ماذا تفعلي بكل هده المال ماذا تقولي؟؟؟؟؟؟






بعطي أهلي النص, والنص الثاني بدفع فيه أقساط الجامعة "اللي بدها ورقة يانصيب ههههه", بشتري سيارة, بعمل جولة سياحية بالعالم وبفتح دار للأيتام لأنهن برأيي أكثر أشخاص بحاجة لمساعدة ورعاية.







ان قلت لك اكتبي رسالة عتب ام رسالة شكر لشخص مر بحياتك من تختاري؟؟؟؟؟؟






بكتب رسالة شكر لسيدنا المطران جورج كساب لأنو من الأشخاص اللي ساهمو بشكل كبير برفع مستوى زيدل وقدر يعمل حالة توازن بين المؤيدين والمعارضين للمشاريع اللي عملها تحت اسم السريان الكاثوليك بزيدل حتى بالنهاية تكون الرعية كلها رضيانة. بشكرو لأنو اهتم بالتعليم المسيحي والجوقة لأنو هالمؤسستين عملو نواة لوحدة شبيبة الرعية وكانو سبب بترابط العلاقات بين ولاد الجيل الواحد وهالعلاقات بعدها مستمرة ورح تضل مستمرة. بالنهاية سيدنا جورج من أذكى الأشخاص اللي قابلتهن بحياتي.







هلق بحب اسألك سؤال محرج شوي بس يالله بحب الاسئلة الصعبة وبعرف هي نقطة ضعفك
انت تقولي ان تحبي فيروز كثير ولكن ان سألتك سؤال يخص فيروز وزيزو
تخيلي فيروز تذهب لاميركا وتعمل حفلة ولكن بنفس اليوم زيزو رح تروح اميركا
هل تختاري ان تبقي لتستقبلي زيزو ام تذهبي لحفلة فيروز لان بتقولي زيزو بشوفها بكرا بس فيروز صعب شوفها بكرا ههههههه؟؟؟؟؟ ردي لشوف هههههههه






مابعرف ليش حاسي انو هالسؤال مؤامرة بينك وبين حدا ثاني رح اعرفوعن قريب, بس والله أحرجتيني بس اذا بدي جاوب بختار اني استقبل زيزو...يعني حبّي لفيروز بيوقف عند حدود محبتي لعيلتي.

بس يعني توضيح زغير, زيزو هيي "ايزابيل" بنت اختي










على كل حال بتمنا كل حياتك تكون سعيدة وان تحققي كل طموحك يا رشا لان بتستاهلي
ولك كل الحب يا ابنة خالتي هههههههه






على كل حال أسئلتك هالمرة من النوع الخبيث وحابي اعرف من ساعدك فيهن.






مع حبي واحترامي






رشاعواد
الصور المرفقة
نوع الملف: jpg DSC_0118 [1024x768].jpg‏ (30.2 كيلوبايت, المشاهدات 690)
__________________
قد تنسى الذي ضحكت معه, ولكن لن تنسى الذي بكيت معه
رد مع اقتباس
  #39  
قديم 28th January 2010, 02:20 PM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
شكرا الك رشا امتعتينا هالاسبوع بخفة دمك الغير معهودة
و كانت اجاباتك مميزة و اكيد ما بينقصها الصراحة
من عندي رح اعطيكي 8 علامات و زيزو زكتك بعلامة حلوان انه رح تتحمليها
بيصير المجموع
9/10
__________________
Life Without Love is no life at all
رد مع اقتباس
  #40  
قديم 28th January 2010, 02:35 PM
ibrahem ibrahem غير متواجد حالياً
مشرف المنتدى الرياضي
 
تاريخ التسجيل: Jul 2009
المشاركات: 452
الجنس: ذكر
ibrahem is on a distinguished road
شكرا رشا على أجوبتك الصريحة
أنا بدوري بعطيكي علامة 9 / 10
مع تحياتي لكي
__________________
سوريا لاتنامي فالنسور حلقوا عالياً
رد مع اقتباس
  #41  
قديم 28th January 2010, 02:55 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,739
الجنس: ذكر
ziad sattah is on a distinguished road
يا رشروش بـ ْ هالحـَشـْره .... أصدَرْت بـ ْ حَقـِّك نشره
حـتّـى تـ ْ ضَلـّي بـريـئـه ....... مِنّي عشره مِن عشره

__________________
إذا كان الله معنا فمن علينا
رد مع اقتباس
  #42  
قديم 28th January 2010, 03:33 PM
الصورة الرمزية suher issa
suher issa suher issa غير متواجد حالياً
عضو مؤسس
 
تاريخ التسجيل: Oct 2003
الدولة: zaidal_ spain
المشاركات: 597
الجنس: انثى
suher issa
ماشي الحال

مرحبا رشروش
الاسئلة كانت مني وبلا مساعدة اصلا انا ما بدي حدا يقلي شو اسأل ههههههههه صرت واعية وحرية التصرف ههههه
والاسئلة تبعي بالاول كانت ما بتشرشح بس انت ارجعتي لاصلك كونك شرقية وما قلتلي بقلبك ولكن رح اقبلها منك هي المرة
وبما ان جاوبتي على الأسئلة الثانية بشكل جيد رح زيد نص علامة يعني
8.5 / 10
وبما محبتي لك كبيرة رح زودهم 1.5 بصير
10/ 10
مبروك وبالتوفيق يا رب
__________________
الحياة سفينة وأنتم فيها الربان فمهما افترقنا نلتقي في نفس المكان
رد مع اقتباس
  #43  
قديم 28th January 2010, 03:58 PM
الصورة الرمزية drrany noufal
drrany noufal drrany noufal غير متواجد حالياً
مشرف المنتدى الطبي
 
تاريخ التسجيل: Aug 2008
الدولة: HOMS
المشاركات: 457
الجنس: ذكر
drrany noufal is on a distinguished road
شكراً كتير رشاأول مرة بعرف بنت بتكون كتير صريحة و تعطي إجابات للأسئلة تدل على الوعي و الذكاء
هي أبداً مو مجاملة
تفضلي 10\10
__________________
ليس النجاح أن تكتشف ما يحبه الاخرون
إنما النجاح أن تمارس مهارات تكسب بها حبهم
RANY M NOUFAL
رد مع اقتباس
  #44  
قديم 28th January 2010, 08:06 PM
samar dahi samar dahi غير متواجد حالياً
مشرفة منتدى المجتمع
 
تاريخ التسجيل: Oct 2003
الدولة: zaidal
المشاركات: 624
الجنس: انثى
samar dahi is on a distinguished road
برافو رشوش

هلق مو لأنو رشا صديقتي ولا لأنو هي غالية كثير رح اعطيها 10/10 بس لانو رشا بعتقد بحسب معرفتي فيها كانت كثير شفافة وواضحة وصريحة حتى بأكثر الاشيا الحساسة عندها وحتى بأمورها الخاصة والعائلية فهي باستحقاق اخذت العلامة التامة
فشكرا رشوش على هالاسبوع الحلو اللي مضيناه معك ..
منلتقي بكرة مع الشخص المرشح الجديد
__________________

في الليل التمست من يحبه قلبي...وفي حديقتي القاحلة جعل مكسنه
وبلآلىء الندى كسا وجهي
نفسي جميلة ...وحبيبي يناديني
هلمي يا جميلتي ...هلمي إلى حديقتي
فالشتاء قد مضى ...والكروم ازهرت ...وأفاحت عطرها



رد مع اقتباس
  #45  
قديم 28th January 2010, 10:00 PM
الصورة الرمزية mariam
mariam mariam غير متواجد حالياً
 
تاريخ التسجيل: Mar 2003
الدولة: zaidal
المشاركات: 888
الجنس: انثى
mariam is on a distinguished road
مسا الخير رشا00
الحقيقة كثير حلوة طلاقة اللسان 00والجراة والصراحة 00مع هيك لقيت شوية دبلوماسية ومسايرة اكثر مما توقعت لهيك للاسف 00مارح اعطيك اكثر من 7/10 بس بالصيف اذا لقيت التغيير فعلي ممكن اتراجع وقدام الكل
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 03:25 AM.


Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص