موقع زيدل الصفحة الرئيسية  

العودة   منتديات زيدل > المنتدى الزيدلي > منتدى المجتمع

 
 
أدوات الموضوع تقييم الموضوع انواع عرض الموضوع
  #1  
قديم 13th December 2005, 02:38 AM
الصورة الرمزية lamia
lamia lamia غير متواجد حالياً
عضو بارز
 
تاريخ التسجيل: Apr 2005
المشاركات: 109
الجنس: انثى
lamia is on a distinguished road
Lightbulb حوار : هل تقبل بشريك حياتك (( معاقا )) ؟؟

امممممم ... من زمان عم فوت واطلع على المنتدى وحاطة راسي براسة بدي حط مشاركة يعني بدي حط مشاركة هههههه قلت خلاص رح احطلكم هالمشاركة بنقاش كتير حلو و هادف

قريت هاد الحوار باحد الموقع و فعلا حبيت كتير الموضوع لان بيلفت النظر نحو كتير جانب مهمل من حياتنا ...
لو احببت شخص ... و اكتشفت انه معاق .. هل ترتبط به ؟؟؟ و ماهو موقف افراد اسرتك من هذه العلاقة ... وهل انت حقا تستطيع ان تربط مصيرك معه ام انك تفضل البحث عن شريك ( عملي ) اكثر خلال مسيرتك في هذه الحياة الصعبة ؟؟؟

شو رايكم ؟

طيب و هل بتفرق معكم لو صار معاق قبل الحب او بعد الحب ؟؟؟؟
ياويلو اللي بفوت على الموضوع و ما برد هههه
__________________
يللوووو

w w w . y e l l o o o w . c o m
  #2  
قديم 13th December 2005, 08:10 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
لميا شكرا كثير لهالموضوع الجميل و لخفة دمك المعتادة
للصدفة اليوم قريت بجريدة الرياض عن كفيف حاطط اعلان عن معاناته بايجاد شريكة حياته فهو لديه منزل و يملك مهر العرس و تكاليفه و موظف براتب 1100 ريال في احدى مقاسم الهاتف.
و مع ذلك فشل في ايجاد شريكة حياته بسبب الأعاقة .

وقت بنحي عن اكتشاف لاحق للأعاقة , فبتصور وقتها بتقصدي حب عبر الأنترنت , و انا بهيك حالة ما بتصور اقدر استمر كوني بكون وقعت ضحية خديعة كبيرة , ممكن تتكرر مع الأيام , بيجوز لو تم التصارح بالموضوع من البداية تفرق القصة.
اما من الناحية العملية و الوضع الطبيعي للتعارف فرح كون صريح معك:
انا مني مستعد ارتبط مع شخص معاق , لأنه مهما كان نوع الأعاقة رح تصعب كثير مسيرة الحياة و بصراحة الواحد بغنى عنها , بس بيجوز لو صارت قصة حب (امر مستبعد ) اقبل بالفكرة.

هل رح تفرق لو صار بعد الحب ؟؟؟؟
انا بقول اكيد بتفرق لأنه الحب يعني تكامل جسدي بين شخصين و ما ممكن يأثر عليه مجرد اعاقة ماله ذنب فيها الشريك .
و القصة اكيد رح تفرق لو تمت بعد الزواج , فبالتأكيد الألتام محتوم 100% و لا اعتلاء على ارادة الرب.
دور الأهل:
من ناحيتي يقتصر على النصح كما يرون الأمر من منظارهم , لكن القرار النهائي يعود لي بدون اي مجاملات.

بحب قلك شي بالنهاية:
انه الزواج ليس هو كل شيء في هذه الحياة , و بالتالي لن تكون مأساة كبيرة تجاه المعاق لو بقي عانسا طول العمر (صدقيني اريحله و ما رح يتندم مثل اسلافه)
شكرا يا رب عالخلقة السليمة اللي وهبتني اياها و الله يبعد هيك امتحانات عن جميع الأطفال و الأهل.
__________________
Life Without Love is no life at all
  #3  
قديم 13th December 2005, 01:32 PM
الصورة الرمزية سناء جلحوم
سناء جلحوم سناء جلحوم غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,980
الجنس: انثى
سناء جلحوم will become famous soon enough
أهلا لميا

أعديتنا لذكريات الماضي بموضوعك هذا يالمياء (( الإرتباط بمعاق ))
طرح هذا الموضوع سابقاً من قبل صديقة أجبرتها الظروف على البعد عنا هي العزيزة سارة .أتمنى أنها مازالت تقرأنا
وقد قام بالرد عدد لابأس به من الأعضاء المؤسسين وبالغعل كان آراء سديدة ومنطقية وواقعية .
ولكن لن تمنعنا ذكرى الماضي البعيد من طرح بعض المواضيع المكررة لإحياء الفكرة في حاضرنا الجديد ....فشكراً لك لميا وأهلاً بك في منتدى زيدل .

عن الإرتباط بمعاق أو د وضع بعض الآراء أتمنى أن تقبل من الجميع :

_ لن أقبل الإرتباط بمعاق من أجله لا من أجلي .....ومن ثم من أجلي لامن أجله .
_ تتبدل العواطف وتتصلب مع التقدم بالعمر وهذا العاطفة الهشة في المراحل الأولية من العمر ستصبح أكثر هشاشة من ناحية الحب بعد الإرتباط بمعاق أو بمعاقة .
_ الشفقة في الموافقة ستدمر في كتير من الأحيان علاقة زوجين أحدهما معاق والآخر سليم ...ولكن قد تٌحدد تلك العلاقة فيما بعد بدرجة ونوع الإعاقة
_ الإعاقة بعد الزواج بالتأكيد تختلف عن سابقتها قبل الزواج ومن النذالة أن يطلب أحد الطرفين لو كان هو المعاق الزوجة أو الزوج...الطلاق أو الفراق ....وخصوصاً لو رزقت هذه العائلة بعدد من الأولاد


هذا ماعندى !!!!



زهرة الصحراء
__________________
كل مجدي أني حاولت....sanaa jalhoum
  #4  
قديم 13th December 2005, 04:36 PM
الصورة الرمزية lamia
lamia lamia غير متواجد حالياً
عضو بارز
 
تاريخ التسجيل: Apr 2005
المشاركات: 109
الجنس: انثى
lamia is on a distinguished road
اقتباس:
وقت بنحي عن اكتشاف لاحق للأعاقة , فبتصور وقتها بتقصدي حب عبر الأنترنت
لا ما قصدي حب عبر الانترنيت انا عم احكي كلو على ارض الواقع ... ( هون ابتسامة بس ما لقيت كود )

كان مثلا قصدي انو الاعاقة غير مكشوفة ... و صرح او صرحت عنها البنت بعدين
أكيد الزواج مو كلشي بالحياة بس لما الواحد يكبر و يبلشوا اللي حواليه ( يتيسروا ) واحد ورا التاني و يحس انو هوي صار لحالوا مافي حدا يشكيلو و ما في حدا يستند عليه و فوقها معاق !!!!!!!!!! و الله انا برايي صعبة !!!!!!!!!!!!!!!!!!!!!!!!!!!
و اخيرا اكيد الحمد الله على الخلقة التامة ...

شكرا زهرة الصحراء على ردك الحلو
__________________
يللوووو

w w w . y e l l o o o w . c o m
  #5  
قديم 14th December 2005, 06:53 AM
fr george massis
Guest
 
المشاركات: n/a
مرحبة يا حلوين عن جد اشتقت احكي معكم

بدي حيي لميا والزهرة والملفوف حسمو..................
بطقس الزواج بالبرازيل في جملة القسم والمعاهدة وهي:
أنا (حسام) بحترم (؟؟؟؟؟؟؟؟؟؟؟؟؟؟؟) كزوجة لي وبتعهد بكل الأمانة حبها واحترمها في الفرح والحزن في الصحة والمرض وفي كل أيام حياتي......أمين
طبعاً والعروس ومن دون ما نسمي سعيدة الحظ بالخال الوسيم الحلو رح تتعهد بنفس الكلمات
وبكلمات هالقسم بنشوف أنها بتختصر كل جواني الحياة الزوجية وتضمن علاقة جيدة ملئها الحب والاحترام.......................
طبعا موضوعنا عن الإعاقة ليش لاء ما تفكر أو يفكر أحد الطرفين بالآخر اللهم إذا الإعاقة بسيطة بالزواج وما أكثر الأشخاص يلي التقيتهم بحياتي وهني من أسعد الأزواج وهالموضوع بيرجع للحب المقدس ومو شعور الشفقة مثل ما قالت الزهرة
أما في حال حدوث الإعاقة بعد الزواج فياريت كل واحد يحط حالوا محل الطرف المعاق شو بيختار ومثل ماقلنا فوق أنا تزوجت مو ليوم ولا لسنة للعمر كلو فما بيصير أنو اتخلى عنك وقت الحاجة وإلا بنصير مثل يلي بياكل لحم وبيرمي عظم وهذا منافي للخلق الإنساني بشكل عام وحتى على مستوى الصداقة فكيف على مستوى الزواج المقدس
والله معك................
  #6  
قديم 17th December 2005, 02:21 AM
الصورة الرمزية ahmed al massry
ahmed al massry ahmed al massry غير متواجد حالياً
عضو
 
تاريخ التسجيل: May 2005
المشاركات: 3
ahmed al massry
Thumbs up هل تقبل بشريك حياتك معاقا

شكرا اوى يا لمياء على هذا الموضوع والموضوع دة كان على بالى وفكرت كتير فية
انا عن نفسى ممكن اقبل لو بحبها حب حقيقى ولو تقدر تقوم بوجبتها الاسرية
هذا الموضوع يتوقف على الحب ونوع الايعاقة
بااااااااااى
__________________
احمد المصرى
  #7  
قديم 17th December 2005, 03:48 AM
الصورة الرمزية lamia
lamia lamia غير متواجد حالياً
عضو بارز
 
تاريخ التسجيل: Apr 2005
المشاركات: 109
الجنس: انثى
lamia is on a distinguished road
الأب جورج فعلا كلامك مظبوت 100 المية و اختيار موفق بالقسم بين الزوجين لان فعلا بمحله وبوضح القصة تماما هلء صار لازم بقى نملاء الفراغ بالاسم المناسب ههههههههههههههه

احمد فعلا نوع الاعاقة مهم جدا اذا كان قبل الزواج لان بصراحة لو كان نوع الاعاقة كبير و ما بخلي الشخص يعيش حياته بطريقة اقرب ما تكون الى العادية فلا اتوقع انو اي حب بالدنيا ممكن ينجح هي العلاقة ...

شكرا على تعليقاتكم الحلوة مرة تانية ؛)
__________________
يللوووو

w w w . y e l l o o o w . c o m
  #8  
قديم 17th December 2005, 07:29 AM
wisam wisam غير متواجد حالياً
مدير الموقع
 
تاريخ التسجيل: Feb 2003
المشاركات: 450
الجنس: ذكر
wisam is on a distinguished road
الكلام اللي حكاه ابونا جورج عن الالتزام حلو بس ما بعرف قديه مطبق بالبرازيل او بالدول الغربية
رح احكيلكم شوي عن كندا مع انه ما صار عندي هالخبرة بس بقلكم انه هون رجعوا بالانسان الى زمن الغرائز و اللالتزام و على ما اعتقد هذه النزعة بدا تسيطر على العالم ككل
اللي اكدلي هالفكرة هيي زاوية يومية بقراها كل يوم الصبح بالجريدة اسمها اسال ميكي شبيهة بتلك التي في مجلة الشبكة ... يعني اصحاب مشاكل الحب و الغرام بتسال و ميكي بتجاوب
و هي ميكي تبع كندا الله لا يورجيكم خرابة بيوت من الطراز الرفيع
يعني بتسالها وحدة جوزي بطل يكون لطيف و كلامه حلو معي و الرد على السريع من ميكي هيدا الشخص ما لازم تكفي حياتك معه خلاص انفصلي و دوري على غيره
الثانية صديقي صار لا مبالي و تصرفاته شوي عنيفة مؤخرا و على السريع ميكي تركيه
يعني صدقا شهر و انا بتابع هالزاوية و نفسي شي مرة ميكي تقول لشي حدا معليه طول بالك او تحمل الطرف الثاني
فما بالكم لو شي وحدة قالتلها انه جوزي صار معاق او غيره

من هون وصلت لنتيجة انه بهالمجتمعات الفرد صار بيعيش لنفسه و مش لحدا ثاني و طبعا ضعف الايمان الديني سهل هالموضوع لانه الشخص اللي كان يتامل في حال ضحى في سبيل الاخر بجزاء من ربه معاد تامل ... و الطبيعة البشرية اصلا تميل للانانية

و من هون رح قول انها صعبة شوي انه شخص سليم يرتبط بانسان معاق
__________________
تلقى و الافضل ان تتفاعل
  #9  
قديم 17th December 2005, 08:12 AM
الصورة الرمزية RUSHA AWAD
RUSHA AWAD RUSHA AWAD غير متواجد حالياً
مشرفة منتدى المجتمع
 
تاريخ التسجيل: Sep 2003
الدولة: USA FLORIDA J
المشاركات: 630
الجنس: انثى
RUSHA AWAD is on a distinguished road
مرحبا للجميع:
بكل صراحة انا عن نفسي لا أتقبل فكرة الارتباط بشخص معاق ولم أفكر كثيرا بالحجج التي يجب ان أكتبها لأن الفكرة اساسا مرفوضة لدي ولكن في حال كان هناك قصة حب بيني وبين شخص ثم تعرض لحادث مثلا وسبب له الاعاقة فأنا بالتأكيد سأستمر معه وأكون مخلصة حتى النهاية ولكن في وضعي الحالي بعيدا عن الحب لا اقبل ان ارتبط بشخص معاق. ربما أكون جارحة للمعاقين وأعتذر على ذلك لكن مشاعر العطف أو لنقل أن نعتبر ان الشخص المعاق هو شخص طبيعي ونكون على قناعة تامة بذلك لا تكفي لأن نرتبط به ولكن أعود لأقول أن اللذين عاشو قصص حب حقيقية في حياتهم يقولون أن الحب اعمى فلا أدري اذا كانت الايام ستجمعني بعلاقة حب مع معاق.

مع حبي واحترامي
رشاعواد
__________________
قد تنسى الذي ضحكت معه, ولكن لن تنسى الذي بكيت معه
  #10  
قديم 18th December 2005, 10:23 PM
fr george massis
Guest
 
المشاركات: n/a
وسام والله شتقنا طمن كيف مع هالبروداة والنسمات العليلة الكندية
أكيد خال الحال واحد هيك عنا مثلاً أخر موضو انفصال الأزواج ولأي سبب وبيقلك " علاقتنا ماعطت صح" ومهما كانت النتائج الأنا هي الهم وهيك ...طبعاً ضعف الالتزام الديني بهيك مجتمع سبب وكبر البلد يعني ما حدا بيعرف أو بيتعرف على حدا وهيك كلنة العيب ملغاة والضمير ماخذ اجازة طويلة................
ويبقى للحب سره ولغته الخاصة وما حدا بيعرف لمين هالقلب بيضرب وبيحكي لهيك كل الاحتمالات واردة أمام الجميع طبعاً عالم الإعاقة واسع ومشربك حسب الإعاقة وحالاتها وياما شفنا سعادة وتعلمنا من هيك أشخاص
والله معك...................
  #11  
قديم 18th December 2005, 11:21 PM
الصورة الرمزية lamia
lamia lamia غير متواجد حالياً
عضو بارز
 
تاريخ التسجيل: Apr 2005
المشاركات: 109
الجنس: انثى
lamia is on a distinguished road
ههههههههههههه وسام حلوة قصة ميكي هههههههههههههههههههههه
عاد و المشكلة عندكم عنجد بيسمعوا من هيك عالم و بيعتبروا النصيحة منو بجمل هههههههه

رشا عود : بصراحة كلامك معقول تماما و انا رايي من رايك بالضبط !!! و شكرا للمرور
__________________
يللوووو

w w w . y e l l o o o w . c o m
 

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 09:42 AM.


Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص