قلوبنا مع الكرامة

[hosam abdulaziz]

سيلتقي غدا الثلاثاء فريق الكرامة السوري مع نظيره لكويت الكويتي على نهائي كأس الاتحاد الآسيوي
و الذي يقام بمباراة واحدة على ارض الفريق الكويتي في تمام الساعة السادسة و النصف بتوقيت سورية و ستنقلها قناة المشرق السورية و ايضا قناة الجزيرة الرياضية و غيرها

قلوبنا مع الازرق الحمصي على امل تحقيق اللقب و رفع اسم الرياضة السورية عاليا.

-------------
وقد ضمت بعثة النادي الرسمية للنهائي 34 شخصا ً وترأسها محمد حربة رئيس فرع حمص للاتحاد الرياضي وبسام مهيني عضو الفرع مشرف النادي ، ومدير الفريق فارس شاهين والإداري شعلان الرئيس والمدرب محمد قويض والمدرب المساعد معتز مندو ومدرب الحراس ماهر بيرقدار والمعالجان غصوب شرفلي ورضوان حميدان والمرافقان مرهف عبد الكريم وإحسان إبراهيم ، وعبد الوكيل المصري من مكتب فريق الرجال ، إلى جانب 22 لاعبا ً هم : مصعب بلحوس ، فهد الصالح ، حسين رحال ، أنس الخوجة ، أحمد ديب ، بلال عبد الدايم ، توفيق طيارة ، ريتشارد بوهومو ، ياسر شاهين ، ناصر السباعي ، علاء الشبلي ، عاطف جنيات ، حسان عباس ، يزيد القيسي ، إياد مندو ، فهد عودة ، عدي عيد ، أحمد العمير ، محمد الحموي ، مهند ابراهيم ، هاني الطيار ، تامر حاج محمد .
------------

[Kinan]

بالتوفيق لفريق الكرامة و انشالله هالسنة بياخذ الكاس و بيرفع راس الكرة السورية اكثر و اكثر

[ibrahem]

بالتوفيق ياكرامة وإنشالله بترجع على سوريا وانت معك الكأس

وسوريا كلها معكم يا أبطال

[Nada1981]

مرحبا جميعا

انا لغيت كل مواعيدي بكرا منشان مباراة الكرامة بكرا

البوم على القناة الفضائية السورية سمعت بأتصال مع احد اداريين النادي من الكويت انهم اشترو بطاقات للجالية السورية الموجودة بلكويت لهيك بتمنى من كل السوريين (مابس الحماصنة والكرماويين) يناشدو الفريق ويشجعوه لانه طبعا الكرامة بيضل فريق سوري, وانشاءالله بنربح وبيرجع الفريق لحمص مع الكأس.

ندى

[tony daboul 21]

بالتوفيق للفريق الحمصي وقلوبنا معهم في الكويت
انشالله بيرجعوا بالكاس ومنقهر الفريق الكويتي

[talal_alachkar]

مبروك للكويت الكويتي
للأسف فريق الكرامة لم يلعب كما عودنا و حتى الهدف جاء صدفة و ليس كهجمة مرتدة كما هدف الكويت الثاني
ليس هذا الكرامة أو الفريق القوي الذي يعتمد للفوز على الجمهور أو الأرض للأسف ............

فريق الكويت بيستاهل الكأس و مبروك من القلب .......


طلال

[samar dahi]

يا حرام على هاللعبة كيف انتهت .....
انا ماني معك يا طلال ...معليش كان اللعب كلو للكرامة بعد الهدف المفاجىء الأول للكويت واللي بيجي هالنوع من الأهداف بالصدفة وبالحظ ولكن بعدها صار اللعب كلو كرماوي حتى نهاية المباراة ...وهدف الكرامة كان بجهد وتعب ولعب كل الوقت ..ولكن هدف الكويت الثاني اللي وقفنا كلنا متجمدين عندو كمان كان صدفة وحظ مو طبيعي للكويت ...صابنا نوع من الذهول من هالهدف المفاجىء ..يا جماعة شو هالحظ بآخر ثواني بيجي غول هيك على البارد المستريح بعد ما استرخينا وعم نستعد للشوطين ... ..بس يا خسارة يا خسارة على هالنهاية اللي بتحزن ..والله رحنا نبكي على هالشي اللي صار ...
بس شي بعصب من بداية اللعبة من تعامل الكويتين مع البعثة السورية والمشجعين الكرماوية الحماصنة اللي ما في مثلهم بالدنيا .. ..والأنكى من هيك انو حتى مخرج المبارة ولا لقطة حط على المشجعين السوريين الحماصنة الكرماوية إلا لقطة وحدة ويمكن كانت بالغلط...يعني معاملة ولا الطف ولا ارقى من هيك ...!!!!!!!!
على كل حال بضل الاصيل أصيل..وانشالله بيجي يوم ومنفرجي العالم مين الشعب السوري وكيف بيتعامل مع ضيوفو ..
ولا يهمكم يا كرامة ولايهمكم يا حماصنة ..الكرامة رغم كل شي هي الكرامة ..
انشالله لنهائي الأندية الاسيوية وهديك الأهم ....
حظ اوفر الكم يا طيبين

[shadi]

هارد لك لكل مشجعين الكرامة الي انا طبعاً منهن معليش شو صار الكرامة مثل النار يعني مجرد هيك نتيجة على أرض الخصم وبهيك ظروف بتخلي الواحد يفتخر بهيك فريق لازم دائماً ننظر للمستقبل الفريق لسا بدو شغل وسنة الجاي إذا طبق نادي الكرامة الشروط رح يكون مرة ثانية بالتشامينز ليغ الأسيوي وانشالله كمان يصل للنهائي بس يفرحنا بعد طول انتظار .
والضربة التي لا تقصم الظهر تقويه.

[ibrahem]

لا الكويت مابيستاهل الفوز
على كل حال خلي الكويتين ينبسطوا باللي عملوا بالجماهير السورية
لأنون خايفين من الجمهور السوري
على كل حال هاردلك للنسر الأزرق

[waddah]

يا أخي انا اللي مجنني المعلق السوري وتعليقاتو اللي بتجيب الجلطة .. كلشي مرقتو الا تعليق خلاني اضحك من قلبي رغم كل تعصيبي من المباراة

المذيع قال بعد دخول الهدف : فعلا فعلا دخول مهند ابراهيم كان الو تأثير كبير كبير مع إنو لسى مالمس الطابة

اي تخنتوها .. لا عنا مذيعين ولا مدربين ولا لاعبين ولا فرق ولا حتى منتخب وطني بلا واسطات

كرهتونا تيابنا

وبالنسبة للكرامة رح قول حظ اوفر والرياضة فوز وخسارة

[hosam abdulaziz]

اول شي بحب قول شي بيضحك مستوى لعب الفريقين بشكل عام ,بيشبه كل شي الا نهائي بطولة
و يا حرة عمستوى الكرة بآسيا اللي بيكون هيك فريقين فيها في نهائي البطولات.

الكرامة ما كان بالمستوى المعهود و جميع اطرافة لم تكن مقنعة
من الحارس بأخطائه القاتلة و الدفاع بتراخيه الغير مقبول
و الوسط المفكك الذي لم يقوم بالربط و بناء الهجمات و الهجوم العقيم الذي انعدمت خطورته على المرمى الكويتي.

الفريق الكويتي ربح اللقب من ضعف الخصم و ليس من قوته.

حرام الكرامة يعمل هيك كل مرة بيصل النهائي و بيخسر!!!!!!!!

معقولة الثالثة ثابتة ؟؟؟؟؟؟
انشاء الله

[ibrahem]

أول الشي بقول هاردلك للكرامة ولحمص ولسورية وإنشالله خيرها بغيرها
وبعدين هيك صار الفرق الكبيرة أوقات مابتقدم مباراة جيدة بالنهائي ومصعب أخطأ
وأكبر الحراس أخطأوا وأكبر من خطأ مصعب بس اللاعبين مبارح مدري شو صاير معهم
على كل حال هاد نصيبون
وبالنسبة لتعليقك وضاح عندما علق المذيع على مهند إبراهيم أن كان له تأثير على الهدف بدون أن يلمس الكرة
فكان المذيع على حق لأن مهند إبراهيم لاعب سريع ومهاجم فهو يسحب لاعبي الدفاع لمراقبته ويحصل خلل
في الدفاع وهذا ماحصل عندما سجل علاء الشبلي الهدف فكان غير مراقب والرقابة كانت على مهند والحموي والعمير

[talal_alachkar]

أقولها صراحة
لأول مرة أشجع فريق سعودي كوني محب للفرق القطرية و الإماراتية
و لكنني هذه المرة كنت إتحادياً بكل معنى الكلمة و لكن سيناريو الكرامة تكرر مع الإتحاد السعودي و للأسف
الفريق لم يلعب سوى في أخر 20 دقيقة فقط و اللياقة البدنية لم تكن على مستوى المتوقع من فريق سعودي كبير صاحب الإمكانيات الكبير ...
للأسف كنت أمني النفس بكأس قارية للعرب هذه السنة و لكن إكتفينا بالوصافة و هذا جيد.
أتمنى أن نتعلم من أخطاء الماضي و نكرر هذا الإنجاز لكي نحقق إنجاز الكأس إنشاء الله .
أمين يارب


طلال الأشقر
أبو نادين