رسالة البابا للشباب

[fr george massis]

اليوم العالمي للشباب يقع في احد الشعانين من كل عام وكالعادة الأب الأقدس يقدم نداء الكنيسة للشباب ليأخذ دوره الفاعل ومكانه في الكنيسة والمجتمع لنتأمل بكلمات البابا في رسالة هذه السنة 2007 ..................
صدرت صباح اليوم الاثنين رسالة قداسة البابا لليوم العالمي الـ 22 للشباب المرتقب الاحتفال به في الأبرشيات يوم أحد الشعانين الموافق تاريخ الأول من شهر نيسان أبريل المقبل، تحت عنوان:"وليكُنْ حبُّ بعضِكم لبعض كما أنا أحببتُكم" (يوحنا 34،13). كتب الأب الأقدس أن هدف رسالته الإسهام في إنعاش الثقة لدى الشباب الذين هم مستقبل ورجاء البشرية، بالحب الحقيقي، الأمين والقوي؛ حبٍّ يولّد السلام والفرح ويربط الأشخاص ويُشعرهم بأنهم أحرار في الاحترام المتبادل. كما وأشار البابا إلى أن الله هو ينبوع المحبة الحقيقي، مذكرا بما قاله القديس يوحنا في رسالته الأولى "إن الله محبة". وأضاف الأب الأقدس يقول إن صليب المسيح يُظهر بالكامل محبة الله، كما يؤكد على ذلك القديس بولس في رسالته إلى أهل روما:" أما الله فقد دلَّ على محبتهِ لنا بأنَّ المسيح قد مات من أجلنا إذ كنا خاطئين." وتابع البابا يقول إن الصليب هو "حكمة الله"، كما أن المسيح هو حمل الله الذي يحمل خطيئة العالم ويقتلع الكراهية من قلب الإنسان، مشيرا إلى أهمية محبة القريب، كما يحبّنا المسيح.
ومن ثم انتقل الأب الأقدس ليتحدث عن ثلاثة أمكنة من الحياة اليومية حيث يُدعى الشباب بنوع خاص لإظهار محبة الله. المكان الأول، قال البابا، هو الكنيسة، عائلتنا الروحية المؤلفة من جميع تلاميذ المسيح، وأضاف: من خلال تذكار كلمات الله "ويعرفُ الناسُ جميعا أنكم تلاميذي إذا أحبَّ بعضُكم بعضا"، آزروا بفرحكم ومحبتكم نشاطات الرعايا والجماعات والحركات الكنسية وفرق الشبيبة التي تنتمون إليها، وأظهروا اهتمامكم من خلال البحث عن خير الآخَر في الأمانة للإلتزامات التي تعهدتم بها. إِقبلوا عن طيب قلب التضحيات الضرورية، واشهدوا على محبتكم الأمينة ليسوع، معلنين إنجيله سيما للشباب أترابكم. أما المكان الثاني فيتعلق بإعداد ذواتهم للمستقبل، وقال البابا:"لا تتردوا في الإجابة بسخاء على نداء الرب، لأن الزواج المسيحي هو دعوة صادقة وحقيقية في الكنيسة. وكونوا مستعدين لتقولوا "نعم" إذا دعاكم الله لإتباعه على طريق الخدمة الكهنوتية أو الحياة المكرسة. فمثالكم سيشكل عامل تشجيع لعدد كبير من الشباب أترابكم الذين يبحثون عن السعادة الحقة.
والمكان الثالث يتعلق بالحياة اليومية بمختلف علاقاتها. وبهذا الصدد، دعا قداسة البابا الشباب إلى التعمق بالعقيدة الاجتماعية للكنيسة، كيما وبمبادئها، تنيرَ نشاطهم في العالم. وليساعدكم الروح القدس، قال الأب الأقدس، لتكونوا خلاّقين في المحبة ومواظبين في التزماتكم ومقدامين في مبادراتكم، للإسهام في بناء "حضارة المحبة". فأفق المحبة غير محدود: إنه العالم أجمع! وتابع البابا رسالته قائلا إن المحبة هي القوة الوحيدة القادرة على تبديل قلب الإنسان والبشرية جمعاء. ولذلك، شدد الأب الأقدس على أهمية اتباع مثل القديسين والمشاركة بانتظام في القداس الإلهي. وفي ختام رسالته لمناسبة اليوم العالمي 22 للشباب المرتقب الاحتفال به على صعيد أبرشي يوم أحد الشعانين 1 من نيسان أبريل المقبل، ذكّر البابا بكلمات القديس يوحنا في رسالته الأولى:"يا أبنائي الصغار، لا تكن محبَّتُنا بالكلامِ أو باللسان بل بالعملِ والحق"، وأضاف قائلا: بهذه الروح، أدعوكم إلى عيش اليوم العالمي المقبل للشباب في مختلف أبرشياتكم. وسيشكل هذا اليوم محطة هامة نحو لقاء سيدني وموضوعه:"سينزِلُ عليكم الروح القدس، فتتلقون منه القدرة وتكونون لي شهودا."
نقلا عن راديو الفاتيكان والله معكم............

[fr george massis]

يا ابانا الطوباوي لا تواخذ شبابنا بمنتدى زيدل لأنو بهالأيام مشغولين بقصص الحب بتعرف قرب عيد العشاق وما في حدا فاضي الهيئة واللي مانو عشقان داير ورا خبار هيفا وهبي والخ ..........
مين فاضي يقرا اخبارك والهموم يلي عم تشاركك اوقاتك وتفكيرك وقت بتوقع الفاس بالراس بيقولوا الكنيسة متطرفة والكنيسة ما عمك تفهم علينا والكنيسة بوادي ونحنا بوادي ولا زم تغير تفكيرها وقوانينها ومن هالحكي السفسطائي .................
يا ريت بنوعى لواقع اليوم لأنو بكرا بيحرز نفكر فيه؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!
والله معكم.................

[RUSHA AWAD]

بجوز نكون مقصرين بالرد على رسالة البابا الكلي الطوبى....
بس يا ابونا شبيبة المسيح هالأيام ضايعة بين التعاليم المسيحية والواقع المعاش اللي وصلنا لمرحلة القرف من كل شي, القرف من الالتزامات, القرف من الشكليات المتعبة, القرف من مجتمع مطبل بالأول مزمر بالاخرة والشرح بطول.
حاسستلك يا ابونا انو في شبه زعل بين الشبيبة المسيحية والكنيسة لأنو هالشبيبة عم تتعلم شي بالمؤسسات الدينية وعم تطلع عالحياة لتعيش شي ثاني وقد ماعم تحاول توفق بين الجهتين عما يصيبها ضياع والفرح المنشود من الحياة المسيحية الصحيحة عما يتحول لنوع من العبء وهالعبء عم يزيد يوم بعد يوم او بدو يعيش الواحد على مبدأ اذا جنو ربعك عقلك مابينفعك والموت مر والهزيمة كشرة.
شو الفائدة اذا أفق المحبة غير محدود ونحنا كبشر مقيدين والحدود من كل ناحية بتحيط بإمكانياتني اللي صارت شبه منقرضة على كل الأصعدة. شبيبة المسيح يا ابونا صارت مقسومة قسمين: قسم ماشي مع تيارات الحياة من مبدأ المرونة بالحياة ضرورية بس هالمرونة عم تاخذهن لطرق الله لايورجيك وهالنوع بعيش حياتو مبسوط نسبيا, وقسم ثاني من الشباب المسيحي اللي بعدو عما يقاوم هالتيارات اللي عما تمر علي وهالنوع مابعيش مبسوط نسبيا او مقارنة مع النوع الاول على امل انو يحصل عالسعادة بالحياة الثانية واللي صايبني انو اذا مطرت بكي واذا شتت بكي.
ابونا وبكل صراحة وشفافية بحب انك تعرف شغلي كثير مهمي عن شبيبة المسيح اللي انشالله كون مستحقة اني كون منها, هالشبيبة يا أبونا صارت بحاجة لشي يخليها ماتفقد الثقة انو هالحياة بتستحق انو نعيشها حتى ولو كانت كل الظروف ضدني وضد استمرارية الشبيبة لقدام.
وهلق عرفت ليش ماحدا من شبيبة المسيح كتب رد عليك؟؟؟؟


مع حبي واحترامي
رشاعواد

[Nada1981]

مرحبا جميعا

شكرا ابونا جورج على الموضوع, بس صدقني ماتفكر انه نحنا مشغولين بمواضيع اهم من المواضيع المهمة هي بس مثل ماحضرتك بتعرف المنتدى الروحي صاير الواحد بده يفكر مليون مرة قبل مايكتب فيه لانه للاسف الافكار الي عم نطرحها ماعم تعجب حدا و اذا حكينا اي كلمة ولو حتى مندون قصد بتصير قصة كبيرة. انا من المتابعين دائما للمواضيع بلمنتدى الروحي بس بفضل اني ضل قارئة بس لمى بشوف انه فيني رد على اي موضوع و مايكون فيه اي حساسية مارح قصر

بلنسبة لموضوع رسالة البابا:

من عنوان الرسالة يا ابونا انا عرفت انه العالم للاسف رح يسمعوها من اذن و يطلعوها من اذن ثانية ( طبعا ما الكل ), لانه للاسف المجتمع و الزمن الي نحنا عايشين فيه مانه مثل الماضي.


* احبو بعضكم بعضا
* من ضربك على خدك الايمن فحول له الاخر
* من اراد ان يخاصمك و ياخذ ثوبك فاترك له الرداء ايضا
* من سخرك ميلا واحدا فاذهب معه اثنين, من سالك فاعطه
* من اراد ان يقترض منك فلا ترده
* احبوا اعداءكم باركوا لاعنيكم احسنوا الى مبغضيكم و صلوا لاجل الذين يسيئون اليكم و يطردونكم

كلها من تعاليم مخلصنا يسوع المسيح بس قلي يا ابونا مين الي عم يعمل بلتعاليم هي و اديه نسبة العالم هدول؟ كيف بدهم العالم تحب بعضها اذا الاخ عم يكره اخوه و الاب عم يغضب على ابنه و كله منشان الحياة الفانية و ماحدا مفكر بلحياة الابدية.

نحنا الشباب ممكن نتعلم التعاليم هي و نحفظها و نسمعها بس المشكلة عم تكون بلتنفيذ. انا كيف بدي نفذ التعاليم هي اذا غيري ماعم ينفذها؟ انا ممكن حب كل العالم و سامح كل العالم بس لمى عم شوف انه ماعم لاقي الحب و المسامحة من العالم رح حاول عاملهم مثل المقولة العين بلعين و السن بلسن. و مثل ماقالت رشا صرنا ضايعين بين التعاليم المسيحية و الواقع.

مابعرف على مين بدي حط الحق لهيك رح استنى اسمع ابونا جورج و يقلي الحق على مين.

تحياتي للجميع

ندى

[ziad sattah]

10 «إِنْسَانَانِ صَعِدَا إِلَى الْهَيْكَلِ لِيُصَلِّيَا، وَاحِدٌ فَرِّيسِيٌّ وَالآخَرُ عَشَّارٌ. 11 أَمَّا الْفَرِّيسِيُّ فَوَقَفَ يُصَلِّي فِي نَفْسِهِ هكَذَا: اَللّهُمَّ أَنَا أَشْكُرُكَ أَنِّي لَسْتُ مِثْلَ بَاقِي النَّاسِ الْخَاطِفِينَ الظَّالِمِينَ الزُّنَاةِ، وَلاَ مِثْلَ هذَا الْعَشَّارِ. 12 أَصُومُ مَرَّتَيْنِ فِي الأُسْبُوعِ، وَأُعَشِّرُ كُلَّ مَا أَقْتَنِيهِ. 13 وَأَمَّا الْعَشَّارُ فَوَقَفَ مِنْ بَعِيدٍ، لاَ يَشَاءُ أَنْ يَرْفَعَ عَيْنَيْهِ نَحْوَ السَّمَاءِ، بَلْ قَرَعَ عَلَى صَدْرِهِ قَائِلاً: اللّهُمَّ ارْحَمْنِي، أَنَا الْخَاطِئَ. 14 أَقُولُ لَكُمْ: إِنَّ هذَا نَزَلَ إِلَى بَيْتِهِ مُبَرَّرًا دُونَ ذَاكَ، لأَنَّ كُلَّ مَنْ يَرْفَعُ نَفْسَهُ يَتَّضِعُ، وَمَنْ يَضَعُ نَفْسَهُ يَرْتَفِعُ». \ لوقا : 17 \
__________________
شكرا ً أبونا جورج لأنّك أتحت َ المجال لأبنائنا أن يتقدّموا من كرسي الاعتراف و يقولوا ما قاله العشّار فينالوا المغفرة بإسم سيّدنا يسوع المسيح , آمين .

[fr george massis]

مرحبة يا شباب والله زمان
اولا الردود على رسالة البابا والعتب موجه مني فيا رشا الجرح معروف بس الدوا كمان معروف ومنتشر بكثرة بس الرغبة بزيارة الدكتور هي مربط الفرس!!!!!!!!!!!!!
يعني شبيبتنا ويلي الكنيسة كرست مع البابا الراحل يوحنا بولس الثاني ومع البابا الحالي كل الجهود وعملت على اتخاذ ما يشبه برلمان شبابي يطالب ويصرح ويعالج فالموضوع وينهم شبيبتنا من حقوقهم وواجباتهم بالتالي يعني شي بيخجل حضور الشبيبة بالكنيسة وطبعا بحكي على طول بشكل نسبة ................
منقسم الشباب بين الملتزم والمزمر مطبل على قولة رشا ولكن الشيء يلي بدي الفت الو الانتباه برسالة البابا انو الدعوة شخصية والحل بيبلش من كل واحد لحالوا وما ننسى انتم نور العالم وملح الارض والخميرة بالعجين هلق اذا كل واحد منا ناطر غيروا لحتى يبادر وواقف يتفرج هاي مصيبة ومع البابا بوجه نداء ليش ما بتكون انت المبادر وانت القدوة وانت النور والملح والخمير والخ......................
ويا ندوش بعمرها ما كانت تعاليم المسيحية مستحيلة واذا الله تجسد بس ليقول للبشر حاج تتحججوا بضعفكم وهوانكم نزلت لعنكم لأرفعكم لعندي يعني تضامن ومو من زمان الأم تريزا البنت الأوربية الحلوة تخلت عن كل شي وراحت لأضعف مكان وبين الفقر والمرض لتشهد وعملت المعجزات واهما قداستها بحياتها وبعد مماتها وما تنسوا المجتمع الهندي يلي في اديان معروفة وغير معروفة واكثر من 52 لغة ......................
بدك تعيش حريتك بطاعة الانجيل وتحط نفسك وكليتك بين ايدين الله وماننسى انو اتباع يسوع هني المجانين بالحب واصحاب المغامرات وراء الحب العمى يلي بيتعدى الحدود حتى للعدو هيك بس بنكون مسحين وياريت بتحرر البشرية من عقدة العدد ونركز على الكم لأنو ما زالت كلمات غاندي بتهز اعماق كل مسيحية اكثر من المخدرات ومن الفسق والحياة يلي بتبسط نسبيا يا رشا :" اعطوني مسيحكم وخذوا مسيحيتكم"
وللحديث تتمة ويا ريت بنفتح قلوبنا ونشكي هومنا ونبكي خطايانا وضعفنا وخصوصا بزمن الصوم المقدس يلي رح نعيشوا بالايام المقبلة مثل ما قال الاستاذ زياد
والله معكم........................

[sulieman safar]

منقسم الشباب بين الملتزم والمزمر مطبل على قولة رشا ولكن الشيء يلي بدي الفت الو الانتباه برسالة البابا انو الدعوة شخصية والحل بيبلش من كل واحد لحالوا وما ننسى انتم نور العالم وملح الارض والخميرة بالعجين هلق اذا كل واحد منا ناطر غيروا لحتى يبادر وواقف يتفرج هاي مصيبة ومع البابا بوجه نداء ليش ما بتكون انت المبادر وانت القدوة وانت النور والملح والخمير والخ......................
ابونا الكريم عجبني تشبيهك ولكن خايفلك انو الشبيبة بهالايام ما يفهموا عليك ويا ريتك تشبه الشبيبة الى قطيع غنم, ويين ما راحت غنمي بيلحقوها الكل أو الدجاج المقوع رأسه من حيث انه يتحرك ولكنه لا يعرف الاتجاه. لكن يا ترى ماهي الأسباب؟ وللحديث بقية.
ولك محبتي
سليمان

[hanna]

Please pray for me in this moment ,And I not need for you forgite me in any time ,anyway please pray for me to JESUS .
almaseeh2@yahoo.com
HANNA _ JORDAN