[Monde Alley]

.
.
.
.
عم نمشي عَ حدود البرد .... وقلبي عم يكشف ليّي
بدو تَ يقلا شو جد .... بحالو قبل الشتويي
قلتلو:" زيادي مقروق
طول بالك نتفي و روق
حلوتنا ألطف مخلوق
نْ قـْصدتا صافي النيّي "

" قلـّي كانون العلـّي .... عْـلوّا لو فيك تقلاّ
خايف من بردو يخلـّي .... الحلوي عني تتخلـّى"
تشرين مطفـّح كاسو
يعزم كانون وناسو
ورجع بلهفت إحساسو
يوشوش كلمي بدينيّي:


" كل مَ بشوفا عيونا تصير .... تغزل للحب خيوطا
ورموشا صفّ سنانير .... جديدي ولـَـنـّا مقحوطه
بردان وصعبي الظروف
كيف بدّي قلا مكسوف
تَ تحيّـكـلي كنزة صوف
وجوز كفوف ... وطاقيي "