عرض مشاركة واحدة
  #8  
قديم 27th February 2010, 11:24 PM
samar dahi samar dahi غير متواجد حالياً
مشرفة منتدى المجتمع
 
تاريخ التسجيل: Oct 2003
الدولة: zaidal
المشاركات: 624
الجنس: انثى
samar dahi is on a distinguished road
كنان :

شو رايك بوضع المنتدى الحالي و هل طاقم الادارة الجديد رضيانة عنه بالوقت الحالي و لا كان ببالك شيء ثاني
ارى المنتدى في وضع نشط هذه الفترة أفضل من الفترة الماضية وهذا وضع طبيعي لان المنتدى يتأرجح دائما بين النشاط والخمول
وبالنسبة للإدارة فأبو هاني رجل المواقف يعرف كيف يتعامل مع الصغير والكبير وكيف يحسم الكثير من المشاكل بحكمة وإدارة ممتازة وحسام الفني النشيط والإداري المهذب التي يقدر ويحترم كل الأعضاء فهل اجمل من هكذا إدارة فبالطبع راضية بشكل كامل عنها

هل في شي مشاكل حالية عم تبعدك عن المنتدى مع انه حسب ما فهمت انه الظروف ما عم تسمحلك فهل ظروفك رح تخليكي بعيدة عنا لفترى اطول بعد
الله يبعد المشاكل يا كنان ولكن ضيق الوقت عم يخليني ما اقدر ادخل النت كثير ولكن اكيد انا كل يوم بتصفح الموقع بالكامل والمشاركات على قدر وسع الوقت وهالشي للاسف ما بيتغير على مدار السنة شغل واجبات اجتماعية ضيوف وغيرو فالحقيقة الوقت المطلوب كثير قليل لحتى نكون نشيطين فالمعذرة
وبيني وبينك يا كنان انا ما كنت حابة ينذكر اسمي بالتحقيق لهالسبب ولكن صار انو انحطيت بموقف لازم اقبل هالشي وهيك صار والله يقوينا لنمرق هالاسبوع

هل عندك اي اقتراحات او شكاوي بالمنتدى او الموقع بتحبي تشاركينا فيهون مع عامة الاعضاء ؟
ولاشي حاليا

حسام بعد فترى قصيرة رح يسافر و يمكن ما يكون قادر على متابعة المنتدى و الموقع بشكل جيد... هل بتتصوري يتابع المنتدى بشكل جيد تقنيا و عمليا؟؟
اكيد ما بتوقع يقدر يتابع امور الموقع مثل ما كان هون ولكن عندي توقعات انو تزيد اخبار جاكسونفيل بالموقع ولكن ما عندي شك بانو وقت الفراغ عند حسام يكون مخصص للموقع هاد اذا صار عندو وقت فراغ ( الله يعينو على هالفترة اللي جايتو)

هل بنظرك لما شخص بيكون عم يبني شي او عم يساهم بشيء و حاسس هالمشروع خاص فيه.... هل لازم يتراجع لما بيحس انه هوي الوحيد اللي عم يبني فيه.. ولا لازم يكون قد الحمل و يواصل البناء لو شو ما صار من عقبات معه و لو ما حدى مد ايد المساعدة الو ؟؟؟
اذا هالمشروع في فائدة عامة ومنفعة خاصة للشخص بشكل كبير فلازم ما يتراجع الواحد ويستمر بقوة ولازم يلاقي الحافز بداخلو للاستمرار حتى لو ما حدى مد ايدو للمساعدة القوة الذاتية والقناعة الثابتة هي المساعد الوحيد لهيك نوع من المواضيع أو المشاريع اذا صح التسمية

الوضع بمجتمعنى بشكل خاص و فينا نحكي على نطاق واسع بيتعدى القرية و و البلد بشكل عام و هوي حكي الناس.... و طبعا مثل ما كلنا عارفين و خصوصي النساء ما وراهون شي غير معرفة اخر الاخبار و تناقلها بيناتهم و حتى بتوصل لبعض الاحيان انه يصيرو يبحبشو و ينكوشو لحتى يعرفو اخبار شخص معين (فضول) و ببعض الاحيان هالاخبار ممكن تفيد و ممكن تضر بشكل كبير ..... شو رايك بحكي الناس و هل مثل ما بيغني جورج وسوف كلام الناس لا بيقدم و لا ياخر و ولا بمجتمعنا كلام الناس عم يكون اله تاثير ؟
طبعا كلام الناس باثر كثير....انا بقدر شوه صورة شخص قدامك وممكن جمل صورة شخص ...ولكن بالنهاية الحكم الأخير بتصور لازم يكون الك يا إما بتكون مستمع ومصغي للكلام يا إما بترفض تبني قناعاتك بناء على قناعات الناس وياما وياما ناس انظلمت من هالأحكام المسبقة الغير مدروسة وياما وياما ناس انصفت كثير كمان بسبب النظرة المسبقة المؤخوذة من عيون الغير


من ضمن اجازتي بالصيف لسورية كان من حظي انه لحقت الزفت الجديد و كان شي كثير حلو... و شكرا للبلديةز (طبعا عم اسالك لانك شغالة بالبلدية) هل برايك التزفيت كان كالواجب بزيدل .و هل بنظرك نظام التزفيت المتبع بسوريا جيد و لا هوي هات ايدك ولحقني
نحن كمهندسين بلدية أبناء زيدل بتصور يا كنان ولا بعمرنا ممكن نفكر انه نشتغل بالبلدية كواجب وبس ولكن عملنا بالبلدية هو اكبر من مجرد واجب تجاه ضيعتنا وبتصور كل واحد فينا معروف خلفيته التربوية والأخلاقية فما ممكن نقبل انو نشتغل بضيعتنا ولأهلنا شغل نتحايل فيه على مقومات العمل وشروطه فنحن ملتزمين بالشغل ضمن الامكانيات المتاحة وضمن الشروط الفنية الموضوعة وبحذافيرها وما بتصور في بلدية بالقطر في دقة بعملهم مثل بلديتنا وانا واثقة من كلامي
اما بالنسبة لسوريا فما بعرف مين بدنا نلوم على التقصير والتحايل على العمل هل الدولة اللي مقصرة نوعا ما بمكافآتها للناس اللي بتتعب أم على المهندس اللي اضطر انو يبيع شقفة من ضميرو لحتى يعيش ام على المتعهد اللي تعود على اللف والدوران والتحايل على كل شي بيقدر ينهب منو ...على الجميع مسؤولية سوء العمل واللي هو واضح تماما في سوريا وما بدنا نجامل بعضنا بهالموضوع وخصوصا طبعا في القطاع العام


شو رأيك بالحب و هل عشتي اي حالة حب سابقا ؟
الحب هو زينة الدنيا وجوهرها ولا تكتمل أناقة الحياة بدونه هو من يقدس ويطهر هو الذي يسمو بك ويرفعك لترى وجه الإله المضىء
وبالطبع تجربتي بالحب رائعة جعلتني المس بوادر مشاعري واحاسيسي

عطيني رأيك بالمخفر الجديد بالضيعة و هل هوي نعمة ام نقمة (مثلما سمعت انه عم يضر اكثر ما عم ينفع)
المخفر ما في داعي الو وبس


عطيني نظرتك المستقبلية لزيدل هل رح تحافظ على حالها كضيعة او رح تصير من المدينة و تفقد رونقها الحالي
زيدل ما رح تصير من المدينة بيوم ...زيدل يا كنان حالة نادرة بالمجتمعات مثل ما قلت لوجدي ضيعة تحمل مواصفات المدينة بمظاهرها الخارجية وصفات القرية بروحانياتها ونفسيتها وتربويتها فما عندي شك لحظة بانو زيدل رح تصير ضمن المدينة بمعطياتها الكاملة


شكرا كنان على اسئلتك اللي شملت الخاص والعام وانشالله منكون براءة بتأيدكم ومحبتكم قبل التأييد
__________________

في الليل التمست من يحبه قلبي...وفي حديقتي القاحلة جعل مكسنه
وبلآلىء الندى كسا وجهي
نفسي جميلة ...وحبيبي يناديني
هلمي يا جميلتي ...هلمي إلى حديقتي
فالشتاء قد مضى ...والكروم ازهرت ...وأفاحت عطرها



رد مع اقتباس

Sponsored Links