الموضوع: مسرحية سورية
عرض مشاركة واحدة
  #15  
قديم 1st April 2006, 10:38 PM
a_aroush a_aroush غير متواجد حالياً
مشرف سابق  
تاريخ التسجيل: Aug 2003
الدولة: united states of America
المشاركات: 886
الجنس: ذكر
a_aroush is on a distinguished road
أنا حاضر شوي من هالمسرحيّة

مين منّا مو حاضر كم مقطع من هالمسرحيّة!؟.

في شوي خروج عن النص بالمسرحيّة نور , يعني بعض المشاهد اللي عم تحكي عنها ما بظن أنها موجودة بالسيناريو , بس على كل المسرحيّة فيها شويّة واقعيّة , و لكن الشيء اللي بانتقدو بهيك مسرحيات هادفة , أن لما الكاتب بيحب يهدف لشيء من المسرحيّة يكون صريح و مباشر وواضح بهدفه , مو يكون غامض , و يزت كلام و يخلي القاريء يستنتج الهدف بنفسه , و هالطريقة من الغموض للهدف متّبعة عنا بكثرة , حتى في المسرحيات الناقدة على المسرح , ممكن يقول البعض هذا اسلوب , و لكن أنا بقول هذا خوف , و لهالسبب منقول عن هالكلام عنا تلطيش , يعني ما منقول كل اللي حابين نقوله , و إنما منلطّش تلطيش .

على كل بعض المشاهد اللي حكيت عنها نور , انا مو حاضرها , و إنما كنت ممثّل فيها و طبعاً كنت دائماً آخذ دور البطل اللي بيموت بالآخر .

و حكيت بأكثر من موضوع خلال مشاركتي بهالمنتدى عن بعض تلك المشاهد , و لو حبيتو نعيد المشاهد من جديد كمان مو مشكل , منعتبر نفسنا عم نحضر مسرحية شايفينها من قبل .

كل اللي بيدافعوا عن بلدنا , و بالذات لما حدا بينتقد أمور فيها عم تصير خطأ , أنا بقول عنهن أنهن عايشين بدنيا من التجاهل , أو مفتحين عيونهن و عاملين حالهن مو شايفين شيء , و الأفظع هو أنهم بيحاولوا يغشو انفسهم قبل غيرهن , و لما حدا بينتقد شيء و بيكون عم يحكي بالغرب بيردو عليه بالشرق , فبيقول واحد عم يصير بجامعتنا مثلاً كذا و كذا أمور خطأ , بيرد عليه بيقلو عنا التعليم ببلاش , منقول الشرطي عم يرتشي , بيرد الحق عليك مو عالدولة , بيقول الطالب عم يعاني من المعدلات العالية المطلوبة , بيرد عليهن بيقلو وين بدهن يروحو بهالعالم .!! طب ليه غير دول عارفة تلاقي محل لهالعالم و نحنا لاء ؟.

هالتجاهل للواقع الأليم , هو أكثر ألماً من الواقع الأليم نفسه , لأنه إذا كان الشعب راضي فليه وجع القلب , و الواحد يحكي و ينتقد , يقبرو بعضهن يعني بالعربي منقول , إذا هني حابين هيك , الله لا يقيمهن .
__________________
there is no place like home
رد مع اقتباس

Sponsored Links