الموضوع: التكبر
عرض مشاركة واحدة
  #11  
قديم 18th December 2005, 07:48 AM
الصورة الرمزية RUSHA AWAD
RUSHA AWAD RUSHA AWAD غير متواجد حالياً
مشرفة منتدى المجتمع
 
تاريخ التسجيل: Sep 2003
الدولة: USA FLORIDA J
المشاركات: 630
الجنس: انثى
RUSHA AWAD is on a distinguished road
مرحبا للجميع:
يعني في شوية احراج بالسؤال أو بالأحرى بالجواب بس خليني كون جريئة وانشالله توصل الفكرة. من فترة بمادة علم النفس بالجامعة مرت عليني فكرة انو الطباع اللي بتكون عند شخص بتكون بسبب مورثات بتخلق معو وبسبب المحيط اللي عايش في من اهل واصدقاء وغيرهن. اني على قناعة تامة انو التربية بالبيت والجو اللي بيحتك في الانسان من طفولتو وحتى الكبر هوي السبب بنسبة 100% لاي طبع عندو والتكبر صفة منهن وهالمقدمي فيكن تعتبروهي معلومي جانبيي للموضوع وتفسير للشي اللي بدي اكتبو. اني غالبا ماني متكبرة ولا بشوف حالي على غيري لعدة اسباب ومنهي انو أهلي ربوني على شي اسمو قيمة الناس وعلى طول بذكروني أنو مابصير نحكي او نتعامل مع أي انسان شو ماكان وضعو المادي او الاجتماعي بتكبر بس أني بكسر هالقاعدي وبحاول ورجي نوع من التكبر او شوفة الحال قدام هالناس وخليني عاد اشرحلكن ليش في ناس لازم نورجيهن انو نحني منعرف نتكبر كمان. بيقعدلكن واحدهن وببلش ينفش حالو مثل الطاووس لأنو معو شوية مصاري او معو شهادي او لأي سبب من الأسباب وبصيبو على قولة المثل(انفشو وشوف ما أجحشو) يعني بضل الواحد يجاملو ويمدح في مع العلم انو اي نجاح منحققو بحياتني ما لازم نخلي الناس تحملني منية في لأنو منيتني على حالني بس في ناس بكون عندهي متعة وقت بتسمع حدي عم يمدحها ولو بأبسط الأمور. وبصيبهن يا أرض اشتدي ما حدا قدي كنو عالفاضي او المليان وبيحكي على فلان وعلى علتان وماحدي بيعبي عينو وكأنو هوي ابن الباشا وغالبا هيك اشخاص بكون ماضيهن حافل ومعروف لكل الناس, هلأ بجوز يكون غلط اني صير اتكبر قدام هالشخص لاني بكون عم انزل لمستوى تفكيرو المحدود بس مابلاقي غير طريقة حتى سكت هيك اشخاص شوي لأنو بقعد حتى شوف بشو فلان من الناس احسن مني او من غيري إذا مانو عم يدرس بجامعة غير جامعتي ولانو عم يجيب علامات احسن مني وبالشكل او الوضع المادي اني أصلا مابقارن لانو مانهن مقياس وبالاحترام والسمعة بين الناس مانو أحسن مني فليش عم يشوف حالو وعلى ايش. وبرجع بقول هيك ناس بكون عندهن نقص كبير بحياتهن بفكرو انو ماحدي عم يشوفو وبعبو بأمور تافهة بالوقت اللي بكونو هني مفضوحين بين الناس لانو الناس مانهن أغبياء لحتى مايفهمو فلان من الناس شو هيي نفسيتو.

مع حبي واحترامي
رشاعواد
__________________
قد تنسى الذي ضحكت معه, ولكن لن تنسى الذي بكيت معه

Sponsored Links