منتديات زيدل

منتديات زيدل (http://www.zaidal.com/229/index.php)
-   المنتدى الروحي (http://www.zaidal.com/229/forumdisplay.php?f=23)
-   -   واخيرا قلبى اتكلم>>حادث الاسكندرية (http://www.zaidal.com/229/showthread.php?t=12425)

maryanne 17th January 2011 07:07 AM

واخيرا قلبى اتكلم>>حادث الاسكندرية
 
عندى امتحان بعد 3 ساعات بس حقيقى عمالة اتكلم جوه نفسى واتكلم مع ربنا وقلت اتكلم معاكوا شوية
على الاقل حد هيعرف قلت ايه قبل ما اتحول ل مختلة نفسية

انا مش عارفة هقول ايه للاسف
وللاسف اول مرة اكتب حاجة غير علمية وغير مستندة بحقائق من كتب ولا حتى عارفة هدف اللى هكتبه.. تايهة .....لكن جه الوقت اللى اصرخ من قلبى بكل افكارى
1- مختل نفسى
من هو المختل النفسى؟؟؟
وليه بيختل نفسى
وهل الاختلال النفسى عدوى ف البلد دى ولا وباء
اصل كمان طلع محامى بيقول التفجير اللى حصل امام كنيسة القديسن هو من الجماعات التبشيرية المسيحية وعمل بلاغ ضدها انها هى المسئولة لعمل فتنة
وده موقع بالكلام عشان محدش يقول انى مختلة
معرفتش احطه
لكن هو اليوم السابع بتاريخ الثلاثاء 11 يناير ف الحوادث
طب حد يفهمنى ينوبكوم ثواب
هو المختل ده مش عبارة عن شخص غير سوى
يعنى تصرفاته غريبة
لانه مختل مش مجنون ولو مجنون يبقى يروح السرايا الصفرا
فبما انه مختل ممكن يتصرف تصرفات غريبة زى مثلا يلبس شتا ف الصيف او العكس فعادى انه يمشى ف الشارع لانه غير خطر
انما الحالى ده يبقى مش مختل انما مجرد م الانسانية
واتعمله غسيل دماغ انه بيقدم خدمة للوطن
المختل عادى انه يمشى ف الشارع انما المتجنون عقليا لا يجب بقائه خارجا فما بالك لو كان هذا المجنون ممن يحمون الوطن؟؟؟؟؟


2- سينودس الشرق الاوسط
اتعمل ف اكتوبر الماضى سينودس اتناقش ف مشاكل المسيحين ف الشرق الاوسط
وقال البابا انه لا يجب على الاقليات المسيحية انهم يتركوا البلد
يجب ان يكافحوا
وبعدان مع الجرائم التى تحدث قال اليومين دول انه يجب الحماية للاقليات
فمش معقول يقولنا اقعدوا اتعذبوا واتحرقوا وموتوا متفجرين ومقتولين
لكن جاب الجانب الاخر اللى عالدولة انها تحمينا
فاى تدخل ههذا تدخله البابا
وبعدان انا كاتوووليكية
واتبع للبابا بندكتس فعندما يطالب ب حمايتى من يد الارهاب فاى خطا ارتككبه واى تدخل يتدخله الاب عندما يدين تعرض اولاده لعدم الامان وللخوف والرعب؟؟؟؟؟؟؟
حاجة غررييييبة

3- مصر
مصر زمان بلد الان والامان والسلام وكل كلام الافلام الهندى دى
لكن حاليا لا
فهل معنى كدة ان اكره مصر طب وهى عملتلى ايه؟؟؟؟؟
انا قررت مش اشتم واقول يلعن كذا وكذا زى ما كتير كاتبين
بس عرفت حاجة
انى لازم افضل احب مصر واحارب عشانها
احبها لان اللى بيحصل هو محاولات من ابليس بتخلينى اكرهها
واكره حياتى لانى عايشة فيها فا هى مصر عملتلى ايه
مصر مكان
اللى عمل الحكومة .. وزير داخلية..محافظ بلد...رئيس
ريس وزرا

قررت انى احب مصر وامسك فيها ب ايدى وسنانى واقول انى مش عاوزة امشى منها
لكن انا ضد كل اللى بيحصل فيها

4- ربنا..الهى الغالى
يا ابانا انا بنتك انت عارفنى وعارف كل افكارى
يا رب انا مش عارفة اقولك ايه
اصلى لو قلت لماذا هذا يحدث هلاقى ردك انك قلت كل ده هيحصل بس ثقوا انى غلبت العالم وقلت ان الناس هيقتلوكم وهما بيظنوا انهم بيقدموا خدمة لله
ولو قلتلك يارب انا خايفة هلاقى ردك لا تخافوا ولا تخف بعدد اياام السنة ف الكتاب المقدس
بس فعلا يارب فى خوف غريب
انا مش خايفة م الموت انا خاييفة من بشاعة الموت
انا عارفة انى لما اموت هكون معاك ف حضنك
بس خايفة كعدم امان م اللى بيحصل
يارب النور بيقطع كتيير بس غريب انه لما قطع انهارده تخيلت حاجات كتيير زى انها مرتبة من الدولة وهيطلع ناس دلوقتى يقتلونا

ف يارب انا عاوزة امان ومش ليا ل بس لكن عرفت لما اتقابلت مع صحابى انهم كلهم بيحلموا احلام وحشة وكوابيس
فبطلب امان ليا وليهم
امين

تعرفوا لما خلصت الافكار المتلغبطة دى عرفت حاجة واحدة
ان الحق هو الاجابة
والحق موجود ف ايدينا اجابة لكل اللى بيحصل اللى هيدرسوا صح هيلاقى اجابة لكل سؤال جواه

انا كنت فترة كدة ف هدوء غريب مش هاممنى اى مشاكل بتحصل (بالمعنى الايجابى) ومبحبش اسمع اخبار
كنت بقول ولا يهمنى حتى لو قتل مش هاممنى ما انا لو اتقتلت هكون معاه

بس لما جه ابنا الملك اخواتى اتقتلوا حاجة كدة هزتنى وهزت سلامى
ف يمكن دلوقتى شوفت رد فعل قوى من ابليس بيحاول يعمل ده عشان يشغل وقتى معاه ف الحرب اللى عملها وابحث مين اللى قتل ومين اللى اختل
بدل ما ادخل ل اوضتى اصلى لاجل السلام واتضرع للرب لاجل ما يحدث ولاجل رحمته
ســــــــــاعدنا يا الهنا لكى ندرك الحق والحقيقة وانه لا امان ولا سلام ف حياة زائلة
انما فيك وبك سنجد راحتنا
فيا ملك السلام ااعطنا سلام ف قلوبنا
فنعيش به ووسط الحزن نكون فرحين بوجودك معانا
امين

Abu Julian 17th January 2011 11:05 AM

بقلوبنا وصلواتنا معاكم!......



Jn:16:2: تأتي ساعة فيها يظن كل من يقتلكم انه يقدم خدمة لله.

طوبى لَكُم أَيُّها ٱلباكونَ ٱلآنَ . فَإِنَّكُم سَتَضحَكون * طوبى لَكُم إِذا أَبغَضَكُمُ ٱلنّاسُ . وَإِذا نَفَوكُم وَعَيَّروكُم . وَنَبَذوا ٱسمَكُم نَبذَ شِرّيرٍ مِن أَجلِ ﭐبنِ ٱلإِنسانِ * إِفرَحوا في ذٰلِكَ ٱليَومِ وَتَهَلَّلوا . فَهُوَذا أَجرُكُم عَظيمٌ في ٱلسَّماء

maryanne 17th January 2011 06:23 PM

شكرا ابو جوليان
محتاجين صلاة فعلا كتير
دى اول فترة نتعرض لاختبار قوى حيث اننا نقول ونحاول ان نعيش فى حضن الاب السماوى
ولكن بسبب كثرة القلق والمظاهرات وكثرة استخدام الاسلحة نعيش بعدم امان
نحتاج صلاة للثقة بالرب اكثر

samar dahi 17th January 2011 11:48 PM

اختي الحبيبة مريان :
لا أعرف لماذا تاثرت بكلماتك كثيرا وتسلسل افكارك التي دفعتني لاكتب رغم انني لم اشعر برغبة بالكتابة منذ فترة طويلة ..و يقيني ان صدقك بما خطته يداك هو الذي اثر بي
اختي مريان ما حصل في الاسكندرية اثر فينا جميعا لا بل بالعالم كله ...وكلنا علم ردة فعل العالم تجاه ما حدث ونحن كمسيحيين مشرقيين انفطر قلبنا على اخوتنا وعلى ما يحصل لهم في كنائسهم في ارضهم في اوطانهم ...
احببت كثيرا مناجاتك الرب حيث عرفتِ ردود الرب على كل كلمة يمكن ان تقوليها من خوف وقلق وتوتر وهذه هي تعزيتنا الحقيقة لان الرب وعدنا ان يكون معنا إلى ابد الدهر في كل ايامنا وفي كل صعوبات حياتنا
تاثرت اكثر لحالة عدم الامان التي تعيشونها وانعدام السلام في داخلكم وفي حياتكم ولكنك ايضا وجدت بنفسك الجواب ولستِ بحاجة ان ننظّر عليك لنقول لك ما يقول الرب ففيك ما يكفي من الايمان والثقة بالرب لتواجهي انت وكل اخوتنا المسيحيين ما تتعرضون له ...
صلواتنا كرسناها من فترة لاجلكم ولا زلنا نصلي لاجل السلام في العالم كله
وكل عام وانتم بخير
وسلام الرب في قلوبكم وحياتكم
اختك سمر


maryanne 18th January 2011 05:42 AM

اختى الغالية سمر
اشكرك كثيرا لاهتمامك بالرد
حبيبتى حقا صلاتكم لها مفعول
وانا من المؤمنين ان هناك جانب ايجابى فى كل شىء
ف حتى ف الحادث
كلنا اقتربنا من الله وعمقنا علاتنا معه
واصبحت اجتماعات الشباب ف كنايسنا بدل ما كنا نخرج اسبوعيا عالبحر ونمرح
اصبح عادة اسبوعية بديلة ان نصلى سويا مرة ساعة سجود واخرى رتبة توبة وصلاة امام القربان وهكذا
فنشكر ربنا على كم التعزية التى حصلنا عليها
اما بالنسبة لنقطة عدم الامان

حقيقى اختى سمر تقربت من الهى واعلان يسوع ملك على حياتى وولدت من جديد
والولادة الجديدة تتطلب منى ثقة كاملة ف الرب فما شعرتيه من كلامى حقيقى
لكن
غريب احساس الثقة بالرب
وف نفس الوقت غريب احساس انتظار الموت
يعنى انا عارفة ان الله هو الذى يحمينى
لكن فى الاسبوع الماضى كنت مسافرة بدرى باكرا جدا الفجر تقريبا فكنت متارررة فوالدتى تقول لى خذى السكينة معكى
وقبلها انا مصلية للرب بحمايتى
فماذا كنت لافعل؟؟
اشكر الله ععلى حمايتنا وهذا بفضل صلواتكم وتضرعاتكم

samr9 22nd January 2011 06:19 PM

وأخيرا قلبي اتكلم
 
العزيزة ميريان حماك وحمانا الرب جميعا
بداية سلامة قلبك من كل حزن وأسى
أشكر لك شجاعتك هذة وأتمنى من الجميع أن يحذو حذوك
أريد أن ارسل بطاقة أسف وألم لهذا الإرهابي على فعلته القبيحة تلك
أريد أرن أقول لك :إن الجنة لاتستقبل المجرمون ولا القتلة وأن بيت الله محرم عليهم
إن الذين يقولون لك بأن هذا الفعل سيدخلك جنة النعيم فو الله هم واهمون وكاذبون ولايريدون بك الخير
لأن من صفات المؤمن المحبة وليس من صفاته القتل
وشكرا


جميع الأوقات بتوقيت GMT +3. الساعة الآن 02:49 AM.

Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020

المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص