منتديات زيدل

منتديات زيدل (http://www.zaidal.com/229/index.php)
-   الشعر العامّي والزجل (http://www.zaidal.com/229/forumdisplay.php?f=50)
-   -   (آخر قصيدة عشق) ..هدية متواضعة لروح الشهيد الصديق الشاعر المهندس سامي سعادة. (http://www.zaidal.com/229/showthread.php?t=18209)

ماجد سطّاح 1st June 2015 11:41 PM

(آخر قصيدة عشق) ..هدية متواضعة لروح الشهيد الصديق الشاعر المهندس سامي سعادة.
 
(آخر قصيدة عشق)
هديي متواضعة لروح الشهيد الصديق الشاعر المهندس سامي سعادة
==========
بقلبو سكنتي وكانْ عِشقِك هَمْ ........متل الضَنَا , ومتل المرا والإمْ
يا سوريا, ومن هَيكْ ( بُو كابي).......صاغِكْ قصيدة مْسَطَّرة بالدمْ
==========================
أروع قصيدة انكَتبِتْ بإحساسْ..........شاعر على جبينو سَمَار الأرضْ
غَيم السما بوقفة شْموخو بَاسْ ... داوِتْ وطن مجروح طولْ وعرضْ
==========================
هالشاعر تعوَّد يرشّْ ورودْ............عَ المنبر بصوَتو بكِل فَقْرهْ /ا
وقرَّر يصبّْ النار والبارودْ ..........عا ناسْ لَ بتسمع ولا بتقرى
===================
يا غصن أخضر عا جْروحو كَزّْ ..........لمّا جْرح هالأرض بَلَّش نَزّْ
بهالعاصفة بشرشو كَمَش الترابْ.......مْآمن بإنّو العمر وقفة عِزْ
==========================
بكرى نْ مرق نيسانْ عَ الوادي .....رح يلمَح خْيالَك عَ خَدْ الشِيْرْ
والنهر عمَ يسمع شِعرْ هادي ....برمشَك هَمَستو لْجَوقة عْصافيرْ
وكلما بزيدل جُرحها ينادي .......بشَحرورْ شَدّو العِشق عَا بكّير
إبنْ وصِهِرْ من عَيْلة سْعَادهْ .... (سامي) إسم رَحْ تذكرو وتقولْ:
كبير عاش وهَيْك مَاتْ كبيرْ
============================
يللي هوى الأوطانْ رِسْمَالَكْ..............وقْرَنَتْ كْلماتَك بأفعَالَكْ
إنتْ ما نِلَت الشهادة اليومْ .............تاج الشهادة يا بطل نالَكْ
سُوْريا وطن باقي بأمثَالَكْ
=============================
ألله يرحمو ويعطيه الملكوت السماوي .... التعازي الحارة لزوجتو وكل أفراد عيلتو وأهلو ..الرب يعطيهُن القوة والصبر على فراقو .
ماجد سطاح
01/06/2015

silva 2nd June 2015 11:24 AM

له ألف رحمة ونور لتلك القامة الشامخة وللروح المحبة لكل من حوله ومن عرفه ومن حادثه أثار لديه إحساس منوع بروعة الحياة التي حرم منها مجبرا
الله يرحمه وبسلامة عيلته وأهله وليظل اسمه مبارك نور في قلب كل من عرفه شاعرا مميزا

Monde Alley 2nd June 2015 02:11 PM


مـهـمـا الـخـلـق مـن هـالـحـيـاة تـعـلـمـوا ...

مـهـمـا الـبـشـر وقـفـوا صـفـوف تـكـلـمـوا ...

مـا فـي مـعـلـم أغـلـى مـن روح الـشـهـيـد ...

وَ لا إلنا عزا إلا بـ " الله يرحمو" ..!!

مطانيوس ع. سلامة 6th June 2015 09:46 PM

الرحمة لروح الشهيد البطل الغالي المهندس والشاعر الذي تحلا المنابر بإطلالته الرائعة وصوته الجهوري الذي يبهر العقول وإلقائه المميز والمحبب من الجميع ووطنيته وحبه لسوريا الحبيبة التي افتداها بأغلى ما يملك . فلروحك الطاهرة الخلود يا أبا كابي في جنان الخلد ويرحم كل الشهداء والشكر العميق للشاعر الحكيم ماجد على قصيدة الرثاء الرائعة والتي يستحقها الشهيد البطل والتعازي لكل من حزن على فراقه فله الرحمة ولكم طول البقاء والعوض بشلامتكم .


جميع الأوقات بتوقيت GMT +3. الساعة الآن 07:42 AM.

Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020

المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص