منتديات زيدل

منتديات زيدل (http://www.zaidal.com/229/index.php)
-   مواضيع اجتماعية (http://www.zaidal.com/229/forumdisplay.php?f=42)
-   -   مسرحية سورية (http://www.zaidal.com/229/showthread.php?t=3842)

mariam 3rd April 2006 11:37 PM

مابعرف ليش البعض بيحب يشوف النص الفاضي من الكاسة بس...........يمكن نحنا بندافع عن بلدنا بس مولانو منتجاهل او مثل النعام بنخبي راسنا بالرمل .......نحنا لمن بندافع عن بلدنا بنعرف تماما وين الغلط ووين الصح وبيكفي البعض عم يفضو كاس هالبلد عا الاقل لازم يعرفو انو في نص مليان .............
مافي دولة بالعالم مافيها اخطاء وسلبيات ومافي دولة بالعالم مهما ادعت الديموقراطية بيكون كل الشعب فيها مرتاح يعني كل بلد فيه اللي مكفيه فما بعرف ليش البعض بيصر انو يورجي بس سلبيات بلادو ..........
طب ليه غير دول عارفة تلاقي محل لهالعالم و نحنا لاء ؟
يعني معقول ياعبدالله انو كل الدول برايك عارفة تلاقي محل لكل الناس اللي فيها.............؟؟؟
يقبرو بعضهن يعني بالعربي منقول , إذا هني حابين هيك , الله لا يقيمهن .
ما بعتقد هالجملة فيها انصاف .....يمكن انا متخلفة ويمكن بحب اني دافع عن بلدي بس بحب قلك انو نحنا بنعرف تماما وين في سلبيات وما انا متجاهلين مثل ما عم تقول بس يمكن كل واحد بيعبر بطريقتو وبيشوف الكاس مثل مابدو بس كثير بيكون في ظلم اذا بس شفتو فينا النص الفاضي للكاسة .................واتاكد انو نحنا اكثر واقعية من اي شخص ثاني وهاي نعمة لانو بتعني انو ما بنغش حالنا لحتى نغش العالم ...........يمكن بنظر البعض انو نحنا نكون قاصرين نظر ومانا عم نشوف حوالينا وما بنعرف بدول برة شو في وشو عم يصير وكيف الناس عايشة هنيك وشو الفرق بينا وبينهم........بس مع هاذ كلو نحنا مرتاحين لهيك وضع وعا قولتك نقبر بعضنا وفيكن تقولو اللي من ايدو الله يزيدو ونحنا رضيانين ............ويمكن هيك بيكون فصل جديد فيكن تضيفو للمسرحية

a_aroush 4th April 2006 03:09 AM

أنا بليمك دكتورة
 
طبعاً .. أنت التي ألومك و أمثالك كثيرين , و ألوم نفسي أيضاً , و كل إنسان سوري متعلّم سكت عن الخطأ يوماً .

لأن هذا السكوت أصبح شيئاً فشيئاً مع الزمن سكون عجيب , أصبحنا نرى كل شيء ماشي الحال و مو مشكل .. و نعزّي انفسنا بألف طريقة .

و أي نصف كأس ماء مليان و أي نصف فارغ !؟؟ ليه هو في كاس ليكون في مي !!.. اي حتى الكاس بلعوه .... :crazylol: .

منذ مدة قصيرة كان السيد عبد الحليم خدّام يمشي وراء الرّئيس مثل ذيله , اليوم أصبح عدو الوطن الأوّل ... يا للعجب , لو كان ما قالوه عن عبد الحليم خدام صحيح من سرقات و فساد و غيرها , كان من الأشرف لهم أن يعاقبو أنفسهم قبل عبد الحليم خدام , لو أنهم شرفاء .

لأن الشريف لا يرضى على نفسه , أن تحصل مثل هذه الأمور بوقته و زمنه و تحت أنظاره , لأن ذلك يدلّ على اهماله و عدم كفاءته لتحمّل مثل هذه المسؤوليّة .

إذا كان هناك قاعدة يرتكز عليها وطن أو مجتمع , فالحكومة و نظام الحكم هو تلك القاعدة الرئيسيّة , و إذا كانت تلك القاعدة هشّة و غير متماسكة و فيها الكثير من الكسور و الفساد , فكيف لنا أن نبني عليها شيء !؟

يا عزيزتي إن كل ما تبقّى في بلدنا من قيم و شيء جميل هو نحن , نحن فقط من نملي عليه هذا الجمال , أنا و أنت و كل مواطن سوريّ , نعطيه جماله بصبرنا , بكرامتنا , بأطفالنا , بكل شيء ثمين لدينا لنحافظ عليه من الضياع .

أتابع أحياناً بعض المسلسلات السوريّة , و لو أني لست من محبي المسلسلات لكن غالباً ما أكون مجبر على ذلك . لاحظت شيئ غريب جدّاً , و هو التراجيدي المبالغ فيها في هذه المسلسلات , فنرى شخصيات المسلسل معدودة و لكنها تجمع أكبر تراجيدي يمكن أن يمر فيها انسان , فكيف لمجتمع ثلاث أو أربع عائلات قريبة من بعضها أو يعرفون بعضهم البعض , أن يواجهوا كل هذه المصائب و التراجيدي الفظيعة ... حقيقة ما هي الفرص لذلك أن يحصل .

حياتنا أصبحت مثل مسلسلاتنا اليوميّة , تراجيدي فظيعة , و كلنا نعيشها معاً , و لكن ربما هناك شيء يسهلوا علينا فيه , و هو رؤية ما هو أفظع منها في تلك المسرحيات و المسلسلات .

و لكن أين مسرحيات الفرح , أين مسرحيات الحريّة , أين مسرحيات العدالة .. هل لها من وجود ؟ هل سيكون لها في سيناريو حياتنا مكان يوماً ما ؟؟؟؟.


جميع الأوقات بتوقيت GMT +3. الساعة الآن 02:11 PM.

Powered by vBulletin V3.6.2. Copyright ©2000 - 2022
تصميم الموقع وسام عبد العزيز جميع الحقوق محفوظة, Copyright ©2001 - 2022

المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص