منتديات زيدل

منتديات زيدل (http://www.zaidal.com/229/index.php)
-   الشعر العامّي والزجل (http://www.zaidal.com/229/forumdisplay.php?f=50)
-   -   جيران (http://www.zaidal.com/229/showthread.php?t=17663)

سيمون برصون 2nd April 2014 09:23 AM

جيران
 


كل يوم مِن قَبل العَصر نِتفي ... بتتغَندر وْ تتطلع على الشُرفة

و تدور تا تبري الزوايا دْوار ... وِ تْراقِب المَفرَق على اللفّة

صَرلا سنين بْتنطر بْهالجار.... تَ مْن الوظيفة عَ البيت يلفي

مِثل الفراشة بتلتوي بالنار ... عَ طَلِّتو و تتمايل بْخفّة

تِطلِق شَعرها للهوى مِهوار .... وِ تكزّ باللولو على الشِفّة

و يفِجّ رمّان الحِلي بِاسرار.... كلما تكي تيعانق الحَفّة

حتى الورد بالشِقف حَدّا صار .... يعَمشِق بِلهفة و حارقو قلبو

و يغرق بصدرا و يهجر الشِقفة

لَكنّو جارا بالشقى مِهفي .... بْهمّو عَ بيتو مْسَرِّب يْكَفّي

مْطاطي بيتفَشفَش بنقر حْجار... لا شايف الجارة ولا الشرفة

الراتب يَدوبو يدفع الإيجار... و دين الدكنجي يمكن يوفّي

بيشرُد بِحالو عالتَخت مِحتار ... و يتيه برطوبة صَدى الغُرفة

يحلَم إذا هالحال تتغيَّر ... تضحَك بِوجّو هالدني نِتفي

شي يوم و يصيرو المصاري كْتار....و يحلَم شي مرة بْرَجعتو عالبيت

لو تِلمَحو الجارة مَحض صُدفة


:rose2:



سالم عبد العزيز 4th April 2014 07:12 PM

عزيزي سيمون

هذه الزجلية تحكي عن واقعنا ام عن واقع الفقير بشكل عام

سلمت يداك

سيمون برصون 6th April 2014 05:53 PM

حقيقة يا عمي هي قصة حكلتي اياها صاحبتها و حبيت انقل هالصورة بتصرّف :lier:
المهم انو الفقر و الحب صعبين ...... وانت سيد العارفين ولّا صاير زنغيل وما عد حبّيت؟؟؟:laugh@u2:


جميع الأوقات بتوقيت GMT +3. الساعة الآن 02:00 AM.

Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020

المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص