منتديات زيدل

منتديات زيدل (http://www.zaidal.com/229/index.php)
-   الطبخ و الاكلات الشهية (http://www.zaidal.com/229/forumdisplay.php?f=22)
-   -   طلب (http://www.zaidal.com/229/showthread.php?t=8598)

Afram 19th November 2008 09:26 PM

طلب
 
مساء الخير


بدي أطلب منكن طلب لو سمحتوا...
كنت موعود من صديق الي حلبي الأصل أنه يعلمني طريقة عمل السحلب بس بسبب أنشغاله في مطعم المامونية لم يعلمني أياها لحد الآن
وبالمنتديات لازم تسجل لحد ما تعرف الطريقة الصحيحة
فأرجوا منكن الطريقة التي يعمل فيها مشروب السحلب
وألكن كل الشكر

sam kassab 20th November 2008 12:29 AM

اخ افرام طلبك لا تجده الا في مطبخ زيدل الذي متخصص به الشيف عبودي الذي عودنا على اكلاته الشهية واللذيذة :agree:

Kinan 20th November 2008 09:47 AM

سام طول بالك شو عبودي ما عبودي ناوي تروحو للزلمي
اصلا عبودي بذات نفسو ما بياكل من طبخاتو :crazylol:
انا بنصحك قبل ما تجرب اي وصفي تعمل تامين على الحياة ما بتعرف شو بيصير معو الواحد :laugh@u2:
على كل حال انشالله حدى بيحطلنا طريقة التحضير بس ما تنسى تعزمنا :cheers:

Afram 20th November 2008 04:09 PM

أشكرك أخ سام على النصيحة بس أخ كنان يقول أنه أكلات الأخ عبودي نفسه هو ما بياكل منها الظاهر أنه أكلاته بتخوف إما وهو بحضرها بيشبع من ريحتا وما بدوقها
وأنشالله بس شي حدا يحطلنا طريقة تحضير هالمشروب الساخن اللي بكون دوا بهل الشتوية ألكن مني عزومة على القامشلي لتشربوا المشروب طبعا بعد ما تتعشوا وإذا أجى الأخ عبودي أكيد محدا منكن رح يكون جوعان متل ما قال الأخ كنان أكلاته ووصفاته رهيبة بس أنا ما دقتها
على كل حال الله محييكن

Elie Swed 20th November 2008 04:31 PM

تكرم افرام إليكَ ( صنع السحلب بالحليب )

المقادير :

أ ـ كاسة حليب ـ ب ـ ملعقة طعام نشاء ـ جـ ـ سكر حسب الطلب ويُـفضل ناعم .

طريقة صنع السحلب :

1 ـ يُـغلى الحليب ثم يـُبرد .

2 ـ تـُحـَل ملعقة النشاء في ملعقة ماء بارد .

3 ـ يـُخلط الحليب مع النشاء ويـُحرك على النار حتى يسمك .

4 ـ يـُضاف إلى الخليط ماء زهر حسب الطلب .

وصحتين ..............

:rose2: حبيب العمر :rose2:

:cheers:

ABUODEE 20th November 2008 05:25 PM

1 مرفق
بداية اشكر كل من اطرى على مطبخ زيدل التخصصي والشيف عبودي
هذا وان دل فهو يدل على مدى تطور المطبخ وانتشاره عالميا وطيب اكله

اسمحو لي وبمجال تخصصي ان اتدخل لاحل هذه الازمة التى لربما قد حلها العم حبيب العمر مشكورا على الطريقة التقليدية

ولكن بطريقتي الخاصة دعوني اشرحها بطريقة مبسطة
وبالصور
لمن لم يستوعب فكرة السحلب بالحليب
ليجرب السحلب بالصراصير طبعا على الطريقة التخصصية فقط
واطلب من جميع المشاهدين الذين لا يحبذون رؤية هذه الطبخة على الطريقة المنفوشية
ان يحطاط فورا والان فوراااا

المقادير:

أ ـ كاسة حليب لمن اراد الحليب اما الذين يتبعون نظام حمية فلا انصح بها ابدا
ـ ب ـ ملعقة طعام نشاء ليس لها داعي هنا
ـ جـ ـ سكر حسب الطلب ويُـفضل ناعم اما بالمطبخ التخصصي نستبدل السكر بصرصورين

اسمحو لي شرح الطريقة بالصور ولا داعي للاكثار من الشرح
فلديكم الخبرة ((اقصد المتابعين لمطبخ زيدل التخصصي والشيف عبودي))
كلمتين ورد غطاهم
تخلط جميع المواد المذكورة اعلاه خلطا مبرحا في خلاط كهربائي ((لاتصلح يدويا))



الملف المرفق 4397

ولكم مني اجمل التحيات واعطرهاوسامحونا اذا حطينا طبخة من الطبخات التخصصية بغير مطرحها ولكن طلب الجماهير الكادحة جعل مني مجبورا لالبّي النداء
:ohhh2:
نسينا نحط ماء زهر
على كل فيكم تشربوا غبة ماء زهر بعد اكل السحلب
طبعا فيكم تاكلوه بالملعقة نظرا لسماكته ويخفف بالماء حسب الطلب
كل الشكر لكم جميعا الاخ سام وكنان
والعم حبيب العمر والاخ افرام وكل الشكر على الدعوة
في امان الله نراكم في طلب اخر
:gthumb:

Afram 20th November 2008 08:35 PM

مشكور أخ حبيب العمر على الوصفة وانشالله هيك بس افضى شوي رح جربها ( واشالله تزبط معي)
اخ عبودي وصفتك لهل المشروب رهيبة وبصراحة كمان أنا ما عاد بدي وصفة مشروب السحلب غيرت رأيي أصلا أنا ما عاد حب السحلب من هلا وبعد مع أنها وصفة حلوة وخفيفة بس وصفتك شوي خاف ما تتقبلها المعدة وخصوصاً بليل لأنها ما رح تخليني نام
ألكن تحية كبيرة مني أخ سام _ أخ كنان _ أخ حبيب العمر _ والأخ عبودي صاحب الوصفات الرهيبة

tony daboul 21 23rd November 2008 07:07 PM

والله اني قلك بعرف كيف بيسووا السحلب والله مابعرف
بس الللي بعرفو هلق انو هلق انتي سويت شغلي مانهي مليحة
أنو خليتني اشتهي السحلب هلق , اي منين بدي خلق سحلب هلق
هلق بدي سحلـــــــــــــــــــــــــــــــــــــــــــب...
على كل الأحوال انشالله يكون اللأخوالعم ابو هاني قد أفادك بمقادير السحلب
تحياتي لك
...abo laila...

Afram 24th November 2008 04:49 PM

يا عزيزي أبو ليلى
أنا بتشكر الأخ حبيب العمر على وضع الوصفة بس بصراحة أنا لسه ما جربتها
يعني هي الوصفة ما بدها مسحوق السحلب اللي هو على شكل بودرة لينضاف معها
ممكن هي وصفة تانية ما بينحطلها سحلب لأن صديق الي كمان قال ما بنحط مسحوق السحلب وقت ذكري الوصفة عالسريع وماني متذكر شو قال بدقة عشان هيك طلبت المساعدة
وكمان إذا كل هالقد اشتهيت السحلب انزل علسوق واشتري في جاهز وأكيد رح يكون في منه بزيدل بالمحلات بينحط برا بماكينة
وهو مثل ما قلت أنا مشروب الشتاء

tony daboul 21 24th November 2008 07:09 PM

والله ياحبيبي يافرام
السحلب غير مشهور في مدينة حمص كثيرا
فاكثر المدن معروفة بالسحلب هي مدينة حلب
يعني كل 100متر تقريبا اجباري بدك تلاقي بياع سحلب
وبزيدل مستحيل تلاقي حدا ببيع سحلب ...
مع تحياتي الك حبيبي
...abo laila...

tony daboul 21 24th November 2008 07:11 PM

بس حابب أسئل الأخ عبودي
شو هالصورة هاي
يعني شو هاذ اللي عم يشربوه
والله ماني عرفان شو عم يشربو
هاليابانيين عندهن سوالف كبيري كثير


جميع الأوقات بتوقيت GMT +3. الساعة الآن 08:13 PM.

Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020

المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص