الارشيف - الانترنت حق شرعي لكل مواطن

Pages: 1

الانترنت حق شرعي لكل مواطن
(انقر هنا ان احببت مشاهدة الموضوع الاصلي بالالوان و الصور )

Posted by: Kinan

خبر قريتو على موقع اجني و هوي انه فنلندا طلعت قانون جديد
قررت فيه انه كل مواطن فلندي اله الحق بامتلاك خط انترنت ADSL بسرعة واحد ميجا بالثانية
و بسنة 2015 رح يغير القرار لا يصير كل مواطن اله الحق الشرعي بامتلاك خط ADSL بسرعة 100 ميجا بايت بالثانية

خبر حلو كثير و بيبين اهمية الانترنت حيث انه فنلندا عملته حق من حقوق المواطن و هي الثانية بعد سويسرا
و لكن المبكي انه عنا لهلق بدنا الف واسطة لا نركب خط ISDN
و غلب الاماكن بعدها غير مخدمي و من غير الممكن الاشتراك بخدمة ADSL بالوقت الراهن

على امل انه بسنة 2015 يكون صار ADSL متوفر و نقدر نحصل على خط 1 ميجا بدون واسطة او عالقليلة يركب خلال يوم او يومين يعد ما العالم بتكون صار الخط 100 ميجا حق مشروع الها هي اذا مو ببلاش

نص الخبر بالانكليزي

1Mb Broadband Access Becomes Legal Right

Starting next July, every person in Finland will have the right to a one-megabit broadband connection, says the Ministry of Transport and Communications. Finland is the world's first country to create laws guaranteeing broadband access.

The government had already decided to make a 100 Mb broadband connection a legal right by the end of 2015. On Wednesday, the Ministry announced the new goal as an intermediary step.
Some variation will be allowed, if connectivity can be arranged through mobile phone networks.

Posted by: shadi alkhalil

اخ كنان
شكرا بالاول عهل موضوع الانساني
و الشكر الثاني للاجانب يلي خلونا نشوف شلون باقي العالم عايشة و شو هي الحقوق يلي لازم تكون للانسان
و ندرك انو نحن لسا مو بشر ( ومع ذلك مبسوطييييييييييييييييييييييييييييييييييييييييييييي ييييييييين او بمعنى اخر مهسترين)
لما ( نحن العرب ) نعرف شو معنى الكرامة ساعتها رح نعرف انو نحن منستحق خط انترنت مثل باقي البشر ( هذا على سيرة الانترنت )
شكرا اخ كنان مرة ثانية
واتمنى التقدم لهذه الامة ولو بعد مليار سنة

Posted by: hosam abdulaziz

نحن بزيدل حظنا عاطل من الفضاء و من الارض
و السبب انه بالرغم من بدء العمل بنظام الجيل الثالث لشبكات الموبايل بحمص و تطبيق خدمة الانترنت السريع 7 ميجا
بس للاسف عنا بزيدل بدها شوية وقت و لأول السنة الجديدة 2010 لتتغير الشبكات و يصير تغطية بالضيعة

و الـ dsl صار في تقديم و العالم اشتركت بس لهلق الخدمة ما ابصرت النور و ما في موعد دقيق بهالخصوص

Posted by: hosam abdulaziz

اليوم حصلي شرف تجربة الدي اس ال dsl
بزيدل بالمنتجع عند ابونا جهاد
و للأسف هو بالتسمية دي اس ال
و بالواقع عطا سرعة تحميل 8 كيلو بايت بالثانية يعني اتصال بسرعة 64 كيلو
يعني مثل سرعة الـ isdn
و هالشيء مبدئيا ما بيشجع عالتغيير
ربما اذا بلش العمل بالكوابل الجديدة بيصير احسن

و يمكن خدمة الانترنت عبر شركات الموبل هي رح تكون الحل الجذري.

Posted by: Kinan

عفوا حسام
يمكن غلطت لما قلت حصلي الشرف بتجربة الدي اس ال
اذا مثل ما عم تحكي معناتو شي ما بيشرف (مبددأيا)
لانو شو ما كانت السرعة اللي استخدمتها و لنفترض 256 فا لازم يكون التحميل بحدود 30 كيلو بايت بالثانية
على امل انه يصرلك الشرف الحقيقي باستخدام هالخدمة بفاعليتها الكاملة قريبا
بس طبعا انبسطت بالخبر و هي دليل انه الخدمة صارت متوفرة عالقليلة

موقع زيدل سوريا حمص .. خدمات تشات و دردشة ... أرشيف المنتدى