الارشيف - مشكلة الماسنجر الجديد يللي عم يعاني منها عدد مو قليل

Pages: 1

مشكلة الماسنجر الجديد يللي عم يعاني منها عدد مو قليل
(انقر هنا ان احببت مشاهدة الموضوع الاصلي بالالوان و الصور )

Posted by: Afram

عدة مشاكل للماسنجر الجديد ورح حط كم مشكلة يللي واجهتني أنا وبتمنى حلها من أصحاب الخبرات
1ً_ عند تثبيت الماسنجر14 لا تظهر الايميلات أبداً طبعاً حتى لو حاولنا في أعدادات الماسنجر وخياراته ما بصير عندنا أي تغيير والمشكلة بضل جارية.
2ً_ إذا نحلت مشكلة اختفاء الايميلات وظهرت على الماسنجر, بدك اضيف ايميل جديد فما بينضاف عندك أي شي بس بتحسن تحكي معه اذا هو حكي معاك, أو إذا حدى بده يضيفك ما بتحسن تضيفه أنت مهما حاولت أنه تنقر على رابط الموجود في الصفة ألا وهو إضافة إلى قائمة الماسنجر.
بتمنى من كل من أله خبرة بهي المشاكل وصارت معاه على الماسنجر أنه يساعدنا في تخطيها

Posted by: Malik Yazji

نزل إصدار 8.5 بتنحل المشكلة .................................................. .................................

Posted by: hosam abdulaziz

يا اخي ما في شي اسمه نسخة 14 للمسنجر
هي نسخة متداولة معدلة من قبل بعض المبرمجين للتخلص من طلب التحديث المستمر للمسنجر

لهيك مثل ما قال مالك نزل نسخة قديمة من المسنجر 8.1 8.5 او غيرها و من ثم اقرأ هذا المقال حتى لا تحتاج للقيام بالتحديث
و اذا كان الانترنت سريع عندك ليش ما بتنزل النسخة الرسمية من شركة ميكروسوفت.

Posted by: Kinan

اخي للاسف معلوماتك قديمة
في مسنجر اسمو 14 و الو فترى طويلة
يا ريت لو بعرف شو الحل ولكن للاسف ما بستخدم مسنجر MSN ابدا
بس بقدر فيدك بهاللينك فيه جميع اصدارات الوندوز لايف مسنجر
فيك تنزل النسخة المناسبة اللي كانت شغالة معك منيح
مع العلم انه اخر اصدار موجود هو
Windows Live Messenger 2009 (14.0.8089)

http://www.filehippo.com/download_msn_messenger/

Posted by: eyad1982

مرحبا ياشباب انا بس حبيت ضيف هالمعلومة يمكن تساعد

الماسنجر 14 هو نسخة اسمها بيتا beta

وهاي النسخة الحلو فيها انها مثل نظام الفلاش...يعني مجرد وضع الفأره عند الاسم بيعطيك خيارات ثانيه مثل ملف الشخص وايميلو ..الخ

بالنسبة للسؤال الاول : عدم ظهور الاسماء

لازم تروح على الاوبشنز options

وبعدها روح على البرايفزي privacy

رح يظهر عندك مربعين المربع الي من جهة اليسار هو المطلوب

رح تلاقي جميع الايميلات ماعليك الا ان تضغط بالكبسة اليمين وتعمل اضافة للقائمة لكل ايميل على حدا

وبعد ماتخلص اضغط موافق ورح تلاقي جميع الاضافات موجوده على القائمه

اما بالنسبة لسؤالك الثاني : حول عدم القدرة على الاتصال

ماعليك الا ان تنقر مرتين على اسم الشخص الذي ترغب بالاتصال به وعند فتح النافذه الصغيره

ضع الفأره في اعلى المربع وسيظهر لك سهم صغير اضغط عليه وسترى كافه الخيارات للاتصال الصوتي او مع فيديو ...الخ

انشاء الله كون قدرت فيدكن بها المعلومة

على فكره اخ حسام في كمان النسخة 10 من الياهو وكمان بيتا

وفيها مكانية الاتصال مع فيديو مثل ال م س ن

وهذا رابط الماسنجر

http://messenger.yahoo.com/winbeta/

Posted by: hosam abdulaziz

شكرا للتوضيح كنان و اياد
صراحة انا من الـ 2006 معد حملت المسنجر على جهازي و ما بعرف شي عن اخباره الا لما بيطلب مني صديق او قريب لصلح مشكلة معينة عنده
فبقوم بشوية ابحاث للاقي الحل
و آخرها مشكلة التحديث الاجباري و غدرت لاقي عدة حلول
احداها تغيير نسخة الاصدار لأي مسنجر قديم و جعلها 14,0,8089,726
و من هالمنطلق فكرت انه النسخة 14 وهمية

بس كمان في حق عميكروسوفت بعلمي كنا بالجيل 9 فورا بينطوا عالـ 14 ؟؟؟؟

Posted by: Afram

الله يعطيكن العافية على ردودكن ةعلى مشاركتكن جميعاً لحل هي المشكلة
أخ مالك أنا كانت عندي هي النسخة بس نزّلت الأحدث عشان هيك صارت معاي المشاكل ولو بدي ضل على القديم ما كان حملت الأحدث على كل حال شكراً ألك عزيزي

أخ حسام أنا قرأت مقالتك وشكراً ألك على جهدك اللي بذلته عشان تلاقي الحل, بس حبيت أعرف شو هي مشكلة الماسنجر بيتا 14

أخ كنان شكرا على التوضيح

أياد عزيزي أشكر على المجهود والتوضيح بس Privacy اللي عم تتحدث عنه ما لقيته بقائمة خيارات الماسنجر كلها, سيد أياد المشكلة الثانية اللي عم أتحدث عنها أنا مو هيك متل ما اتفضلت, المشكلة أنه إذا فرضاً أنك ضفتني عندك فأنا ما بلاقيك مضاف عندي بقائمة الماسنجر بس بكون مضاف عندك وبتحسن تحاكيني بس أنا مها حاولت أني ضيفك عندي وحاولت النقر على رابط إضافة إلى قائمة جهات الأتصال فما بينضاف إيميلك عندي
أو إذا بدي ضيف ايميل جديد عندي كمان ما بينضاف بس ببان عندك من التوابع والخيارات اللي بتعملها للإضافة كأنك أنهيت المهمة بس لما بتنتهي من الإضافة بتلاقي أنه في مشكلة وأنه ما أنضاف عندك الإيميل.
أرجوا بأني قد أوضحت فكرتي
ألكن كل الشكر

Posted by: Fadi Harris

مرحبا شباب أنا كمان صار عندي نفس الشيء كمان صار يطلع أنو بدو تحديث الماسنجر ونصيحة أنو لا تعزبوا حالكم وتنزلو من على الانترنت لأ انتو بس روحو على أي محل كمبيوترواشتروا النسخة الجديدي والعربية من الماسنجر ونظاميي ومشان مشكلة انو عم يطلعوا الاسماء وما عم يطلعوا أنا بعتقد أنو المشكلي بالنظام لأني لما نزلت xp ونزلت الماسنجر وفتحتوا ما طلع ولا اسم بعدين لما فرمتت الكمبيوتر ونزلت الفيستا طلعو كل الاسماء وبنفس الإيميل ما بعرف أنا هاد رأيي ومشان الماسنجر ياهو 10 لا تعبوا حالكم وتنزلو من على الانترنت لأنو أنا جربت كل الروابط وكلها منزوعة بس أنا عندي سي دي برامج طلع فيه الماسنجر ياهو 10 نزلتو ومشي الحال وللعلم انو الماسنجر الجيديد ما بيقبل الإيميلات القديمي يعني بدكون تعملوا إيميل جديد على الياهو وبتمنى أنو كون فدكون بشي.

Posted by: Fadi Harris

تفضلو جربوا هذا الرابط للماسنجر ياهو 10 أنا نزلتو على الميديا فاير
yahoo messenger 10

Posted by: Kinan

فادي شكرا لالك
و هي لينك من الموقع الرئيسي
http://messenger.yahoo.com/download/winbeta/
بس انا ما بنصح باستخدام الاصدار 10 من الياهو مسنجر لانه بعده تجريبي و ما نزلت النسخة الكاملة

Posted by: Afram

جبت هي الطريقة اليوم المسا من زلمة عنده عنده محل دشات ( ستلايت ) وانشالله تزبط معكن ( يللي عم يعاني من المشكلة )

حل مشكلة عدم ظهور جهات الاتصال في الماسنجر الجديد
Windows Live Messenger
هذه الطريقة الجديدة مجربة بنجاح على عدة أجهزة.
الخطوات:
1- سجل خروج من الماسنجر (يفضل إزالة الأيقونة تماماً من شريط المهام)
2- احذف المجلد التالي في جهازك:
C:\Documents and Settings\username\Contacts
كلمة username هي اسم المستخدم الخاص بك في الويندوز
3- احذف المجلد التالي:
C:\WINDOWS\Temp\MessengerCache
4- احذف المجلد التالي:
C:\Documents and Settings\username\Application Data\Microsoft\MSN Messenger\

كلمة username هي اسم المستخدم الخاص بك في الويندوز
5- ارجع وسجل دخول للماسنجر
وإن شاء الله ستظهر جهات الاتصال من جديد وتختفي المشكلة تماماً.
تحياتي

موقع زيدل سوريا حمص .. خدمات تشات و دردشة ... أرشيف المنتدى