الارشيف - قال الوطـن مُحتلْ

Pages: 1

قال الوطـن مُحتلْ
(انقر هنا ان احببت مشاهدة الموضوع الاصلي بالالوان و الصور )

Posted by: حكيم عيون

قال الوطنْ مِحـْتـَلْ , عَ مْطِلـّو ...........ما ضَلْ غير الغِرِْبْ مَ يطِلـّوا

ومنْ جَوْرهُنْ طِفـْشوا آهالي الدارْ ......الـ يَاما.. بْكِلْ زوَّارها هَـلـّوا

ومن هَيكْ إبنو البَارْ , فَـَلْ وطـَارْ .........حَالِفْ إلو مَ يعودْ تَ يفِلـِّوا

يا هالوَطنْ بعرفْ أنا مِشْ عَارْ .......طيور السما عَ ترابكْ يصَلـَّوا

يا هَالوطـَنْ لـُوْ عْليكْ إبنـَكْ غـَارْ .....مْن زْمانْ بْورُودَكْ حَبَكْ ظِلـّوا

وكِلما شيْ نـَدِلْ عْليكْ زَتْ حْجار ْ.........الورد مِثلْ السيفْ بيسِلـّو

وبيحط ْ دمّو عا طَبقْ منْ نارْ..............وبيقدمّوا قربانْ عَنْ خِلـّو

يا هالوطنْ إبْهَالبَشر شو صارْ..........مَ يرَّخـْصوكْ وحَالهُنْ غـَلـِّوا

الِكلْ مَ يبيعَكْ حَكيْ سمسارْ ............. كمشهْ كِذبْ و بهارْ رَشِّلـِّوا

مَ يسمسروا وبْكـَفـَّكْ المسمارْ ..........لو غـَارْ دَقـَّو ألفْ بـِمْحَلـِّو

واللي إفتكر حالو النبي المختارْ......وعَنـَّكْ صَرخْ موجوعْ رَحْ قِلـّو :

لو قلبكْ يفَرقعْ مِثلْ بوشارْ ............... وتطيرْ إنتَ و طنجرة أفكارْ

المِثلـَـكْ هوى بوشار بيضلـّوا

=============================

موقع زيدل سوريا حمص .. خدمات تشات و دردشة ... أرشيف المنتدى