الارشيف - الحب بدو أيس كريم

قبل كل شيئ أرجو أن لا يفهم هذا الموضوع بطريقة خاطئة أو يعتبر خادشا للحياء العام و يتم إستيعابه بصورة علمية معمقة !!!
موضوع عن الحب و الجنس و الإلتزام بالعلاقات بين الجنسين
في مشكلة قديمة كتير عم بواجهها الكائن البشري , تخيلات البشر بتتمحور حول الحب الصافي , الإهتمام المتبادل , بس البيولوجيا إلها برنامج مختلف تماما !!!! , البيولوجيا ما بتهتم قديش إنتَ أو إنتِ بتحبوا لأنو البيولوجيا بتهتم بإعادة تكوين الأجناس و بالتالي البيولوجيا ميولها جنسية بحتة . و المحاولات كلها رح تتجه نحو الفشل لو حاولنا نفصل الحب عن البيولوجيا (الغريزة) أو إنو نلاقي حب مانو بيولوجي ضمنياً , و المشكلة عم تتجه نحو المزيد من التعقيدات إذا عرفنا إنو المرأة فيها تنتظر يمكن لأنو غريزتها الجنسية خاملة و منتشرة بجميع أنحاء جسمها لدرجة إنو هي بتحس بشعور ممتع لدرجة كبيرة و يمكن ما بينوصف بس لمجرد إنو شخص يحضنها ( حبيبها مثلا ) و يحبها و تشعر إنها مركز إهتمام ,,, و الجواب ببساطة كما يلي :
المرأة بتعتبر إنو الجنس شيئ ثانوي ( ذو مرتبة دنيا ) و أحيانا حيواني , بس العقل بيقول إنو نحنا لازم ناخد الرجل بعين الإعتبار كمان .أولا : الغريزة الجنسية عند الرجل بتاخد منحى الطاقة المركزة يعني الغريزة الجنسية عند الرجل مركزية و مانا منتشرة بكل أنحاء جسمو و ثانيا : الغريزة الجنسية عند الرجل بتتجه نحو العدوانية و ليس الخمول .
و بصيغة علمية فينا نقول إنو البيضة برحم المرأة فيها تنتظر و يمكن فيها تنتظر للأبدية , لكن النطاف بالنسبة للرجل ما فيها تنتظر كل هاد الوقت منشان هيك بيكون هو دائما كأنو بسباق الماراتون و بدو يكون الأول و الأسرع !!!!!
منشان هيك الرجل بيدعي الرومانسية و الأشياء الظريفة بس الإهتمام الأساسي بيكون مركز على سباق الماراتون , و الوضع محدد و منتهي مسبقا لسبب جوهري هوي هالمليون نطفة يللي رح يتم إفرازهم بنشاط جنسي واحد مارح يحصلو على فرصة ثانية بإنو يكونوا بسباق ماراتون جديد لأنو السؤال بيكون إما حياة أو موت !!!!! بسبب إنو بس واحد فقط من المليون هوي اللي رح يفوز بالسباق ليوصل لخط النهاية ( البيضة ) الموجودة بمكانها و هي عم تنتظر .و لمجرد ما يوصل الفائز للبيضة البيضة بتتسكر و بتبدأ رحلة تكوين حياة جديدة . و أحيانا في كم رفيق بيوصلو لخط النهاية مع بعض و بنفس الوقت و بهالحالة بيكون في عنا حالة التوآم بس هيدي الحالة نادرة لأنو مستحيل يوصل لخط النهاية مليون شخص بنفس الوقت .
و في سبب وجيه بالنسبة للنطفة لتخوض هادا السباق هوي علمي بسيط و هوي إنو حياة النطفة قصيرة جدا و مدة حياة النطفة خارج جسم الإنسان ممكن توصل للساعتين , وهون حطنا الجمال ؟؟؟؟؟؟ بمجرد إنتهاء عملية إفراز النطاف بيكون الرجل بحاجة حتى ينام لأنو بيكون تعبان و منتهي . و منشان هيك ما رح يقدر يكون رومانسي و هوي بالأساس بسبب طبيعتو مانو مزود ببرنامج خاص لشوية رومانسية بعد السباق بس قبل السباق هو مجبر على هادا الشي و منشان هيك الرجل بعد السباق بيفكر إيمت رح تنتهي هالرومانسية يللي ما إلها طعمة لأنو رح بيكون هادا شي مزعج بالنسبة إلو لأنو طاقتو كلها راحت .
المرأة ما بتكون عم تفقد أي طاقة لكن على العكس بتكون عم تجمع طاقة و يمكن ما صارلها الوقت حتى توصل للنشوة الجنسية لأنو النشوة بالنسبة إلها بتستلزم شوية وقت و الرجل لازم يؤثر على جسمها و يحفز كل خلية من خلاياه حتى تبلش تتفاعل بشكل كامل . و المشكلة بتطرح نفسها هون ؟؟؟؟؟؟ مافي و لا رجل مهتم و بالنسبة إلو بيستغبي هادا الشي و بيسأل حالو شو عم تعمل ؟؟؟؟؟ إشتغل الشغل الحقيقي و روح نام و منشان هيك علماء الإجتماع و علماء الجنس أثبتوا إنو من المستحيل إنو نلاقي رجل عم بيحب بس و لمجرد الحب بدون ما يكون حاطط ببالو الغريزة الجنسية و الهدف الجنسي . و هادا الكلام بيعني إنو الحب الحقيقي ما بيعني إنو ما رح يكون في جنس و بهالحالة بس ( حالة الحب الحقيقي ) رح بيكون الجنس عبارة عن جزء صغير بجو كبير و واسع و مليئ بالرومانسية و الحب و الإهتمام المتبادل و على شان هيك منشوف إنو من المستحيل بالنسبة للمرأة بإنو تلاقي الرجل المناسب أو الرجل يلاقي المرأة المناسبة و إلا الرجل و المرأة بيكونو عم يضيعوا وقتن .
يمكن بسبب هاد الموضوع الشائك كتير و المحجوب عن التداول ما تم معالجتو بشكل صحيح منشان هيك منشوف بالبلاد المتحررة و المنفتحة تم التوصل لحل يمكن بيكون صغير بس بنفس الوقت مفيد و عملي و بيجنب الإنسان إنو يوقع بمتاهات التعقيد و الكبت و هوي إنو هنيك صاروا الناس واعيين لعلاقاتهم مع بعض و لهيك منشوف ناس بيمارسو غريزتهم مع ناس ما بيتطلبوا الرومانسية و لا بأي شكل !!!!!! وبنفس الوقت بيمارسوا حياتهم العادية و بينموا عالمهم الروحي مع ناس تانيين ما بيفكروا بالغريزة ( أي ما بيعتبروها جوهر حياتهم مثلا !!!!!) بمعنى آخر إتجهوا لما وراء الجنس .
و أنا بشوف إنو من ناحية تانية كمان مو من مسؤلية الرجل إنو يحب المرأة يللي بتحبوا مثلا و العكس صحيح يعني كمان مو من مسؤولية المرأة إنو تحب الرجل يللي بحبها بالضرورة و لازم ما يكونوا مجبرين على لعب الأدوار و لبس الأقنعة و اللعب على اللحى متل ما بيقولو ... و السؤال هون بيتمحور حول حوار دقيق . إذا كنت إنتَ أو إنتِ بتحبوا عن جد و بتهتموا بأشخاص بيعنولكن شي لازم تحاولوا تخلقوا التوازن و الموازنة و هون بيتمحور الفن الخاص بالحب و الطبيعة البشرية تناست هاد الشي أو ما إهتمت فيه من قبل لأنو إهتماماتها كانت مركزة على شئ تاني .
لازم كل إنسان يتعلم إنو الإنسانية أبعد بكتير من البيولوجيا و كل إنسان ما بيقدر يكون مكتفي بس بالبيولوجيا و لازم نوعى لحقيقة بنفس الوقت إنو مافي إنسان كامل أبدا لأنو عدم الكمال هيي صفة كونية و ليس بشرية فقط ( نكتة على الخفيف : واحد سأل رفيقو شو لقيت المرأة المثالية بالنسبة إلك ؟ قام قلو نعم لقيتها بس كانت عم بتدور على الرجل المثالي ) .
العلماء بيقولوا إنو الحب لازم يكون متل الإبداع أو نوع من الإبداع و عندها فقط الجنس بيتحول لجزء كتير صغير ضمن هاد الحب ( جبران بيقول : الحب الذي لا يتجدد كل يوم يموت كل يوم ) , العلم أثبت إنو المرأة عندها قدرة أكتر من الرجل لحتى تخلق الجو المناسب للإهتمام لأنو بسبب طبيعتها هي مبرمجة بشكل طبيعي حتى تكون أم و من شان هيك كل إمرأة لازم تكون متل الأم بالنسبة لحبيبها و منلاحظ أنو قسوة الرجل ( يللي هيي طبيعية بالنسبة إلو يعني بطبيعتو ) ما تلحلحت إلا على إيدين المرأة و عندها فقط ببلش بالدوبان و ببلش يفكر إنو لازم يعمل شئ بالمقابل حتى يتجاوب مع هاد الإهتمام و العناية و عند هي النقطة ببلش يفكر إنو لازم يجيب الأيس كريم و بدون الأيس كريم مافي حب مكتمل و هاد هوي كل اللغز و السر بكل قصة حب ومن شان هيك منشوف إنو كل قصة حب حقيقي و ناجحة كان للإهتمام و التفهم دور كبير , لكن لسوء الحظ كل إنسان بيفكر حالو إنو بيعرف كيف يحب و لهيك ما في أي نظم تعليمية أو جامعات بتعلم الفن الخاص بالحب ( ببعض الدول الأوروبية و بأميركا و المكسيك في جامعات و معاهد متخصصة بعلم الحب و الجنس ) و منشوف إنو من الغريب إنو شئ مهم لهالدرجة تم إهمالوا و تهميشو بهالطريقة .
مثلا و ببساطة و يمكن حتى سخافة لناخد التلطيش كمثال : إذا الواحد مثلا لطش شي وحدة ( برا في بنات بتلطش شباب ) و طبعا إذا كان التلطيش مزوء و بعيد عن الإباحية و قلة الأدب منلاحظ إنو التلطيش هوي عبارة عن التعبير عن الحب مثلا إزا شي شخص معجب بوحدة و رمى عليها بحصة صغيرة ( صغيرة كتير كتير و ما بـتإزي أبدا ) ليش بهي الساعة البنت بتفكر إنو هاد السلوك هوي عبارة عن قلة أدب أو إنو تفريغ دولاب سيارتها من الهوا هوي عبارة عن نوع من الشيطنة ( على قول المصرية إيه الحداءة دي ) إزا فكرنا شوي منلاحظ إنو كل هالمحاولات البايخة بتحمل مغزى أبعد من هيك هوي إنو هاد ( الشيطان ) يللي عم يرميها بالبحص الصغير كان بس عم بيحاول يمسك إيدا أو يلئها لأنو على أساس الطحش عالمكشوف عيب و قلة أدب أو إنو تفريغ الدولاب من الهوا ما هو إلا فرصة إنتهزها المعجب ليساعدها و يحكي معها أو حتى يطلعها معو بالسيارة. ( طبعا هدول التلطيشات البايخة هنن جزء صغير من قاموس و ألاعيب متنوعة ) بس القصة مو هون أبدا , القصة إنو في شي أعمق من هيك بكتير ليش المرأة بتدايق من هاد الشي علنا و بتزت حكي عن هاد الشخص المعجب فيها إنو غليظ و إنو لازم يتعاقب مثلا ( مع إنو هيي بتكون من جوات قلبها مبسوطة وعم تفرفح ) و هون بتكمن المشكلة و مين المسؤل عن هالسلبية هاي ؟؟؟؟؟ أكيد المجتمع . ( المقصود بالمجتمع كل شي من عادات و تقاليد بالية و هبل و سطلنة )
منلاحظ إنو المجتمع ما عم بيوفر مساعدة و توجيه لشو لازم نعمل و هي من أهم المشاكل الأساسية يللي الإنسان المعاصر عم بواجهها : الغريزة و الحب , و بأي طريقة لازم يتعلم كيف لازم يسمو فوق الغريزة أو حتى كيف يقدر يعمل الغريزة عبارة عن جزء من عالم روحي متناسق و صحي . كيف لازم يتعلم يخلي الغريزة بالوسط بعيدة بمقدار مسافة واحدة عن كل شي بيشغل عالمو الروحي , و الفن بيكمن إنو شوية شعر و شوية موسيقى و شوية رقص و أخيرا شوية أيس كريم هنن السر بنجاح كل علاقة حب حقيقي ( طبعا أكيد عرفتوا إنو الأيس كريم هو شغلات حلوة و مبدعة و مبتكرة لتجديد الحب و الإبداع فيه ) .
و الحق على المجتمع بسبب إنو عم بيعلم البنت أو الصبية على الطريقة التالية : بيقولولها و بينصحوها لازم تبعدي و تهربي و تعطي فرصة للشب أو الرجل هوي يللي يلحقك بس لازم تنتبهي مشان ما تخليه يمسكك و يحصل عليك و بنفس الوقت ما يفقد الأمل بسرعة , منشان هيك بعدي شوي و إستني خليه هوي يقرب و بعدين إنتِ رجعي بعدي و هيييك لحتى هوي يلقطك....( طبعا إنتِ يللي خليتيه يلقطك ) وهون بتكمن اللعبة هي الطريقة بتعطي مجال للمرأة إذا العلاقة بعدين ما نجحت أو صارخلاف تحط الحق على الرجل و تقول إنو الرجل هوي يللي كان عم يلاحقها مو هيي يللي عم تعطيه المجال و عند هاد الحد بيكون هوي الشخص المسؤول عن فشل العلاقة ( بس المرأة و هاد سر بيناتنا هي فعلا يللي بتختار مو الرجل متل ما بيفكر حالو إنو هوي يللي عم ببادر ) و هيك منستنتج إنو مو الرجل هوي يللي بينقي المرأة بس المرأة هيي يللي بتعرف و بتحس من أول ثانية بتلتقي بالرجل بس بتراوغ حتى تعطي إنطباع إنو إنتَ يللي لحقتها مو هيي يللي خلتك تحصل عليها يعني هيي يللي خططت كيف إنت بتحصل عليها ( و هيك بتضل تذكرك لأخر عمرك إنو إنتَ يللي كنت لاحقها مو هيي يللي لحقتك )
و أنا بعتقد إنو الحالة ما بدها كل هاللف و الدوران و الكر و الفر الناس لازم يكونو متفهمين و أوعى من هيك و لازم يسعوا لحتى يتجهوا للتلاقي بطرق حضارية و ناضجة أكتر ( يعني شو فيها إزا رجل ما معجب بإمرأة ما قلها إنو في شي بقلبي بلش يرقص لما بلمح عيونك و بقرب منك إذا كان في عندك نفس الشعور إتجاهي يمكن فينا نتعرف على بعض و نفهم بعض أكتر ) يعني هي الطريقة حضارية و ناضجة أكتر و بعيدة عن اللف و الدوران و قلة العقل و تضييع الوقت لأنو عنجد بحياة قصيرة متل حياة الإنسان ما لازم نسمح لحالنا إنو نضيع وقت بفلسفات و عقليات و تصرفات و إيديولوجيات ما إلا طعمة و لا لزوم
ليش ما منكون حقانيين و منقول للشخص المعجبين فيه إنو مثلا عجبوني عيونك و وجهك بس هاد الشي ما بيعني إنو كل شي فيك عجبني و أنا مجبر إني حبو و طبعا الشخص التاني مانو مجبر إنو يحبنا بكل مواصفاتنا !!!!المشكلة إنو نحنا ما مندور غير على الكمال و الكلية بس مانا واعيين إنو البشر ضعفاء و ما ممكن يكونوا كاملين من شان هيك الحياة بتبدل بشكل دائم , يعني الشي يللي اليوم بيكون حب كبير بكرا يمكن ما يكون إلا شئ أقل من عادي و اليوم يللي بعدو ممكن يكون أعظم حب بالدنيا , منشان هيك لازم هدول المدارس و الجامعات لازم تعلم الفن يللي بيقول إنو الحياة مانا كاملة و الإنسان الذكي هوي يللي بيعرف إنو الحياة مانا كاملة و لا مغزاها إنها تكون كاملة . و لهيك نحنا كائنات ناقصة و متل ما بيكون فينا شغلات مانا مليحة بيكون فينا شغلات ممتازة و لهيك مالازم نستنا المرأة أة الرجل المثالي و لازم نكون واقعيين أكتر لنفهم إنو الكل عندن أخطاء و إنو إذا إنتَ أو إنتِ بتحبوا شخص مومعناتو أنكن لازم تغيروا هاد الشخص و تدمروا حريتو. لأنو الحب ببساطة معناتو الشعور إنو في شي عم يرقص جوات شخصين بحبوا بعضن و طالما هي الرقصة مستمرة بيكون هاد الحب و العلاقة منيحة . و منشان هيك لازم كل إتنين بيحبوا بعض ياخدوا عطلة بس على شان التغيير و ما بعتقد إنو في شي مانو عقلاني بهاد الحل و يمكن بعد ما تخلص العطلة رح تشتاقو لبعض أكتر منشان هيك لازم نعطي العلاقة شوية حرية حتى ما يسيطر عليها الملل و لازم نحاول نعيش بجو كلو محبة وتفاهم ........
و أخيرا نكتة صغيرة لترطيب الأجواء الناشفة :
كان في سائق تكسي ماشي على الأتستراد , شاف بنت حلوة كتير عم تستنا سيارة بالليل لأنها بمكان مقطوع , قام طلعها معو
و بنص الطريق إجا حتى ينصحها شو بدها تعمل , قامت قالتلو لا تحاول أبدا أنا وحدة خالصة و إنت هلق بوضع مجبر إنك تدفعلي خمسين دولار غرامة تحرش , و لما السائق شاف حالو أكل هالكم نام معها !!!!! و لما فاقوا تاني يوم شافو حالن بمكان ما في حدا قالتلوا شو مابدك تروح !!!!! قام جاوبها : مو قبل ما تعرفي إنو أنا سائق تكسي و ثمن عداد الرجعة خمسين دولار!!!!!!