الارشيف - ضلي بعد عنا - الشاعر عيسى ايوب

Pages: 1

ضلي بعد عنا - الشاعر عيسى ايوب
(انقر هنا ان احببت مشاهدة الموضوع الاصلي بالالوان و الصور )

Posted by: dj-hani

ضلي بعد عنا

ضلي بعد عنا
اليوم بسنة
اللفتة بدني
وشو ما تمنيتي خدي منا
فرحة الام بطفلها
اول ما سمعيتو حكي
فرحة عروس بخد محبوبا
على خدا اتكي
لون الزهر
دمع العطر
كل شي خدي منا
وضلي بعد عنا
.......

ضلي بعد
تشرين بيجبلك ورد
تموز بيجبلك برد
كانون بيشتي دفا
وشباط بيغيم صفا
وحتى بعز الصيف ...
بخلقلك.... رعد
.........

ضلي بعد
ما شِبعت الدنيا حلا
ضلي بعد
ما شْبِعت لعيونك صلا
*ولأيمتي رح ضل
-يعني ..!شي موسم فل
*وبتزرعو بقلبي
- امبلا ..والله امبلا
........

* شو وعدتني من زمان
وعدك حلو بيغري
تشنق قمر نيسان
وتعلقو بصدري
ويغفا ع صدري
ويحلم ع مهلو ببيدر غناني
ون خوفو شي حلم شيطاني
يسرق خيالو ويهرب بشعري
مرت سنة
وهاك الدني , بعلمك دني !
غير الحكي ما ضل
ولايمتي رح ضل ؟
........

- بكرا الدني.. بتسوى دني
اجمل من حقول الزهر
من رقصة مواج البحر
احلى من اليوم اللي كنت
تلتخي بالولدني ؟؟؟
بكرا الدني بتسوى دني
بغزلك بيوت الشعر
غرّة..وكم خصلة شعر
وشريطاين .. ملايكة ..
ومشيطني

موقع زيدل سوريا حمص .. خدمات تشات و دردشة ... أرشيف المنتدى