Pages: 1
شـــــارع بيتنـــــــــا القديـــــــــــــم
(انقر هنا ان احببت مشاهدة الموضوع الاصلي بالالوان و الصور )
Posted by: sameh_415
السلام عليكم ورحمه الله وبركاته
انا بورسعيدى والمشاركه اللى انا كاتبها بتعبر فعلا عن وصف الشارع والمدرسه والبيت اللى انا كنت عايش فيه قبل التهجير وكان ليا زكريات جميله فيها واتمنى انها تعجب حضراتكم
================================================== =
شارع بيتنا القديم
انا فاكر وصفته
عـَ الناصيه فكهانى
وناصب فرشته
كان يجى ساعه العصارى
وينادى على فاكهته
وينادى بصوت جميل
ياحلاوه غنوته
وع اناصيه التانيه كشك
وصاحبه عجلاتى
كان يقوم الفجر يصلى
ودا طبع فيه يوماتى
انا فاكر لسه اسمه
بالوشم على ايده راسمه
وكان اسمه عم حمزه
وكنا لسه تلامزه
وف اخر الشارع
كانت هناك مدرستى
انا فاكر اسمها
مكتوب على كراستى
وكنت اصحى الصبح بدرى
فرحان بمريلتى
وف ايدى شنطه قماش
صنعاها ام احمد جارتى
وعلى ناصيه المدرسه
واحد بعربيه
كان اسمه عم حسن
بتاع التمريه
انا برضه لسه فاكره
كان بعمه وجلابيه
وف شارع مدرستنا
كنا نرسم ع الارض صوره
ونلم عيال حارتنا
ونلعب ماتش كوره
وكان فيه بنت جارتى
انا فاكر شكلها
بضفيره وبلوزه بمبى
واسمى على اسمها
لما العب ماتش كوره
تشاورلى اشاورلها
كنا لسه صغيرين
وسنى من سنها
ويخساره الفرحه ماتمت
وساعتها الناس اتلمت
على زماره الخطر
وبدانا ف التهجير
والناس زعلانه كتير
على فراق بعضها
ويعدى سنين وسنين
وانا كلى شوق وحنين
لشارع بيتنا القديم
اللى على ناصيته فكهانى
وكشك عم حمزه
وبتاع التمريه
----------------------------------------------------
مع تحياتى
s@meh_415
موقع زيدل سوريا حمص
..
خدمات تشات و
دردشة ...
أرشيف المنتدى
vBulletin Copyright ©2000 - 2009,
Jelsoft Enterprises Limited.
vB Easy Archive Final ©2000 - 2009
- Created by Stefan "Xenon" Kaeser
