الارشيف - جــوزه وقـــــــرش حشيــــــش

مره ف يوم انا كنت بحشش xxxx ويا صحابى جوه مخانه

صاحب الغرزه دا راجل مجدع xxxx قام ويانا بكل امانه

جاب ترابيزه وجهز هلنا xxxx وكمان جوزه كانت مليانه

وهات تقطيع ف حشيش ويوزع xxxx على مساطيل قاعدين ويانا

وجاب الجوزه وشد نفسها xxxx اصل الجوزه كانت عمرانه

حط الجوزه على الترابيزه xxxx وجاب الماشه ورص معسل

ورص الفحم على التعميره xxxx وحجر الجوزه دا كان متعسل

اما صاحبنا دا كان متسلطن xxxx جمب الحيطه كدا ومكسل

بعد ثوانى اتشقلب حالنا xxxx حتى دماغنا بقت خربانه

وهات ياهزار مع ضحك ولعب xxxx وطبل وزمر عقول هربانه

ونقول تريقه على بعض ونضحك xxxx منا معرفش مين اللى معانا

بعد هزارنا *** قل مزاجنا xxxx وقرش حشيش فاضل ويانا

قلنا نعمر تانى الطاسه xxxx وكان فيه شيخ قاعد ويانا

بعد شويه كان فيه كبسه xxxx على مخانتنا وبهدلوهلنا

جت عربيه وفيها كام مخبر xxxx دخلو الغرزه وشق ل بوهلنا

وظابط الكابسه كام مش عاجبه xxxx م اللى بيحصل ويا اصحابنا

شيخ كان ماسك الجوزه يحشش xxxx قدام ظابط ولا على بالنا

اصل الجو دا كان متشبر xxxx م الدخان ولا واخدين بالنا

قال للظابط لو فيه حرمه xxxx احنا كده بنحرق مالنا

ولو الشرع محللهالنا xxxx يللا اتوكل ما تزعلنا

مش ناقصينك يللا اتمشى xxxx دانتا يادوبك قد عيالنا

ضحك الظابط من عمايلنا xxxx ولم عساكره وسابنا ف حالنا

وادى حكايه الشله بتاعتى xxxx كل يومين مع بعض نحشش

جوه مخانه ف ناصيه حاره xxxx اصل صاحبها راجل متريش

فكر مره معانا تحشش xxxx هنخليك علطول متفرفش

خدلك كدا نفسين ع الماشى xxxx تلقى مزاجك بقى متنعنش

وتنسى الدنيا وتنسى همومك xxxx وتحس انك ملو هدومك

وخد نفسك كدا بقى وادعيلى xxxx وقوللى ازاى هتكمل يومك

دا انتم عايشين ف التوهان xxxx وعيشتكم مليانه جنان

لو مره انا قاعد وياكم xxxx عمرى ما احس ف يوم بامان

دانتم كدا جبتولنا العدوى xxxx فيروس سى وكمان سرطان

وانسى انى ف يوم اجاريك xxxx والجأ مره ف يوم انا ليك

لو تعرف ايه معنى الصحه xxxx كنت تكلبش فيها باديك

فكر مره تصلى ف يوم xxxx وادعى كدا ربنا يهديك

بدل النيله اللى بتشربها xxxx ادبحلك فرخه تغذيك

كدا علطول هتحس بقيمتك xxxx والصحه راح ترجع ليك

============
مع وافر تحياتى

s@meh_415

طَب يـ َ حبيبي مـ َ كان ملـ أوِّل ... ليه تحرَقْ قلبَك و فلوسَك

قبل مـ َ شــوفَك كِـدا متدَهْوِل ... دُسها قبل مـَ هيّ َ تـْدوسَك

يـ َ ابني يـ َ سامح إسمع منّي ...أصّل الصّحّه دي أكبر نعمه

سيب الشّيشه تعيش متهنّي ... تِلقى الـدُّنيا جميله و طِعمه

--------------------

والله كلامك حلو وزين **** بس انت هتعرفنى منين

انا طبيت مـَ خلاص ووقعت ****ولا نعرف اخرتها لفين

لو كنت ساعتها هتنصحنى **** كنت سمعت نصيحتك ليا

لكن انت جيت متاخر **** والادمان بقى لازم ليا

إيـه يعني وْ لو جـِت مِتْأخَّر ... مش أحسن مـ َ تـْجيش مِن أصلو

يـ َ ابني, حبيبي العمر اقْصَيَّر ... ليه نغرق بين أصلو وْ فصلو

جرَّب كَدا شوف حجم ارَدْتَك ... مرّه اتْنين وِ تَلاته و اكثر

أصل إرَدْتَكْ هيّ َ شهادْتَك ... جَرَّب خَلّي المارد يِظْهَر

وهى شهادتى اللى هتنفعنى **** ولا ارادتى اللى هتمنعنى

نفسى الكيف مره يودعنى **** ويسبنى فــ حالى مــَ يزعلنى

مــَ انا طلقت الجوزه خلاص **** طلقه اتنين وتلاته واكتر

وللا انت بقيت مفتى خلاص؟ **** وبقيت احسن منى واشطر

مين قَلـَّك: أنا أحسن مِنَّك ... دَنا يـ َ حبيبي شَعَرْت فـ ْ غِيره

دي الجّوزه مش للّي فـ ْ سِنَّك ... إبعَثْهالي بْسُرعه كْبيره

هوَّ العمر دا فيه ايه يعني ... غير تعميره و جوزه و شيشه

يـ َ أضَيَّعها يـ َ تـْضَيَّعني ... كدا كدا مش نافعه التَّحويشه

(( عاجبك كـدا ؟؟ ))

ف الأول كنت بتنصحنى **** ومعرفش إنها كانت غيره

وانا قدك وإنت كدا ف سنى **** مايكفينى ولا ميت تعميره

والله انا خايف ليضيع عمرك **** م نفسين حاميين تشربهم

إعقل وإهدى وطول بالك **** شقى عمرك حجرين يحرقهم

بقى بعد النصح إللى إديتهولى **** جاى تطلب منى التعميره

دا إنت يادوبك أد عيالى **** بنفس واحد تبقى خميره

بص لنفسك ولمصلحتك **** لسه العمر طويل قدامك

حط فلوسك بين محفظتك **** أنا حاسس مش هو كلامك

و انا أعملـَّك ايه يـ َ حبيبي ... وِجََنابَك عايز ايه دلوَقتي؟

أصلَك بِتْسوق فـ ْ تعذيبي ... وِ بْتِعمِل سَهران على راحتي

وِ لاّ خَلاص بَقيت انتى بْتنصَح ... كِدا لله فالله بِبَلاش؟

عايز شيشه لـْوَحدَك تِطْفَح ...عَلَشان برضو مـ َ تِهْدِنِهاش

أنا خايف لـَ الجوزه تجرك **** بعد مـَ كنت بتحلم بيها

إوعى ف يوم الصحه تغرك **** دَ انت يادوبك تلعب بيها

والله انا خايف يابنى عليك **** لـَ الجوزه تعشش فِ دماغك

دَ تُمن حشيش إللى يخليك **** تِّدهوِل وِتْحَمر صَِِداَغك

طـَبْ متشكّر أوي يـ َ عنيـَّى .... مش عايز شيشه ولا بـْتاع

هـَرجـَع للفول و الطّعميّه .... وِ معاها شــــــــاي بالنّعناع

أيواً كدا خليك على أدّك **** إوعـَ تفكر مرََّّّّّه تِشَيِّش

الشيشه راح تقطع نَفَسك **** عايزك كدا مبسوط متريش

خليك فـِ الفول والطعميه **** أخرك كدا شاى بالنعناع

باين عليك فـَ لست فـِ شِعرَك **** وللا كلامك مِنَّك ضاع