الارشيف - الزجل فن خطابي ..بالمختصر المفيد ...

Pages: 1

الزجل فن خطابي ..بالمختصر المفيد ...
(انقر هنا ان احببت مشاهدة الموضوع الاصلي بالالوان و الصور )

Posted by: عدنان

الزجل فن خطابي ..

صحيح أنو شعبنا مش متعلم كتير بس عندو ثقافة شعبية مش قليلة .. وهيي بتشكل المنبع والرديف

الأساسي لأشكال النخبة ..عبر مسارب العقل الإجتماعي والجمعي الخاصة فيه ..

ومنعرف إنو البلاغة من الصفات الأساسية للغة العربية الفصيحة وخاصة بالقرآن الكريم وبتظهر

جلية بالشعرالعربي ع مدى سيرتو الأدبية التاريخية.. بس مش بتطال العامة الرعوية والمدنية ..

يعني مش من هم العوام يدورو ع البلاغة والفصيح منها لأنها م بتخصو .. وبكل الأحوال بيفهمها

وبيقبل فيها تحصيل حاصل بشكل عفوي ..بس بالزجل أو شعر اللغة المحكية وين ما كان .. بيضل

أثر البلاغة والتبليغ أكبر فيه لأنو متل ما منعرف إنولابلاغة الكلمة بشعر اللغة المحكية أثرها أكبر

ع العامة .. وطرافة المنبر والقرّاضي اللي بيقرضو الشعر المحكي هيي الأساس البلاغي للمعاني

اللي بيتلقاها الناس بعفوية مؤثرة ... ومنلاحظ هـ الشي وأثرو بالحفلات الزجلية

وطرق تجاوب الناس معها .. وبلاغة الأثر العامي بتمس شريحة أكبر بكتير من الشريحة الخاصة

بالفصحى .من هون .. بتظهر ميزة أساسية وهامة للشعر المحكي مش رح تتوفر للشعر الفصيح

بكل مسيرتو الأدبية .

منقول هـ الشي مع عدم إنكار أي تعبير شعري فصيح بكل مكان وزمان .. أو إنكار مقومات

هـالشعر بكل خصايصو وخصوصيتو..من هون منقول ..كل شي بينكتب ع النت من زجل ،

بينقصو كتير ت يوصل بالروح للناس ..

وبيظهر إنو في نسغ ناقص بيبعدنا عن الإحساس باللمسة الشعرية الطريفة لشعر المنبر وبيضل

المنظوم .. وبيظهر المرتجل وع المسرح بيختلف أثرهون ع العامة من الناس ...

عدنان ديوب..

موقع زيدل سوريا حمص .. خدمات تشات و دردشة ... أرشيف المنتدى