الارشيف - العيش المشترك ...شعر ..د. إياد قحوش

Pages: 1

Posted by: حكيم عيون

جفْلِت الساعهْ

من بعد ما الزنبركْ

من دينتو

بْصابيع مجنونـه انفركْ

والـــوقت

هالقلقــان عـــــامستقبلو

بين العقـارب حطّ حـالو

وانزركْ

وصاروا العقارب

عا بعض يتدللو

وزغيرهم

بالكـــاد من بيتو حركْ

وكبيرهم

مغرور بـــالطول لْ إلو

لكــن لحــالو عالدرب

مــابينتركْ

ولمّـا اختلْفو عالمشي وتقاتلو

احتكْمو

لنصّ الليل "مأمور الدّركْ"

يللي

حَبسْهن .. بسّ تكّه بمنزلو

وكانت الساعه طْنعش

لما تباوسو

ومضيو على ضْرورة العيش المشتركْ

*****

شعر ..د إياد قحوشْ

/منقول /عن موقع جماليا