الارشيف - العلم أم المال ؟؟!!

Pages: 1

العلم أم المال ؟؟!!
(انقر هنا ان احببت مشاهدة الموضوع الاصلي بالالوان و الصور )

Posted by: RUSHA AWAD

غريبة هي الحياة بكل تناقضاتها بكل مافيها من عدالة وظلم, من فرح وحزن, من سلام وقهر واللائحة تطول....
ولكن التناقض الذي بدأت أشعر أنه يكبر ويزداد الكلام والنقاش عنه هو "المال والعلم" والفكرة الموجودة او السائدة
بين الناس أن السعي وراء المال يعني تجاهل العلم والسعي وراء العلم يعني قناعة تامة بوضع مالي مهما كان بسيطا
او متواضعا.... مع أني أشعر أن هذا الكلام هو نوع من تعزية النفس لأنه لايوجد انسان على وجه الأرض لا يتمنى أن يكون حاملا لشهادة مهما كانت ويصل إلى طموحه المالي ولكن وبكل بساطة عمر الإنسان ومراحل حياته لا تكفي أحيانا للوصول إلى كلا الطموحين "وسأستبعد كلمة طمع حاليا" لأن السعي وراء المال يستهلك سنينا طويلة من حياة الإنسان وسقطات ونكبات تارة ونجاحات تارة أخرى, والدراسة الجامعية خصوصا الاختصاصات العلمية من طب وصيدلة وما إلى ذلك تتطلب أيضا سنوات طوال من التعب والسهر والضغط النفسي والعصبي....وبعد سنوات من الكد والتعب قد يصل الإنسان إلى هدفه أو جزء من الهدف وقد لايصل وهنا نعود إلى أول جملة في الموضوع, ليقع الإنسان في شرك التناقضات وليبدأ حلقة التفكير التي لاتنتهي إذا ماكان هنالك عدالة في الحياة, اذا ماكان هناك فرح في الحياة, ولست أدري شخصيا إذا كان هناك سلام في هذه الحياة ..... فهل تعلمون

مع حبي واحترامي
رشاعواد

Posted by: Nada1981

الغالية رشا

شكرا على طرح الموضوع هدا. بصراحة انا بلطت فكر بلموضوع هدا لانه بلأخير بيكتشف الواحد انه الحياة فعلا مانها عادلة والله دخيل اسمه مانه عادل مع حدا ابدا. في عالم بتخلق وبتمها معلقة من ذهب وعالم بتخلق ماعندها الخبز لياكلوه وعالم ذكية وعالم غبية الخ............

مثل ما انتي ذكرتي كل انسان بيطمح للعلم, بس كمان الحياة نفسها بتعلم الانسان شغلات كتيرة, عندك مثلا عالم مانها مكملة لصف السادس بس بتفهم وبتعرف اكتر من عالم اخدين شهادات عالية.

حتى لو الواحد درس واجتهد وحقق جزء من طموحاته بيضل في شي ناقص, او الواحد بيحس انه في شي ناقص ولهيك انا بعتقادي نسبة كثيرة من الناس مانها رضيانية بحياتها, لا ان كانت متعلمة ولا ان كانت غنية, وبلاخير ينرجع مثل ماقلتي لأول جملة, الحياة مافيها عدالة ابدا.

لهيك عملي مثلي وبطلي تفكري بلموضوع لانه مابيجي من وراه غير وجع الراس

تحياتي

ندى

Posted by: RUSHA AWAD

أهلين بندى, زمان والله

شي مليح انو متفقين على فكرة انو الحياة مافيها عدالة, وهالشي هوي صراحة وواقع معاش وبعد عن الحكي اللي أني شخصيا ماعد اشتريه نهائيا.... بس اني بدي افهم منك شي ورحت اطلع من عقلي وقت قريتو, انو مافي مجال للمقارنة بين شخص مانو واصل للسادس وانسان مقضي عمرو مثل الجاحظ بين الكتب لأنو نحني ماعم نحكي من الناحية الإنسانية.

وشي مو منطقي نهائيا انو انسان يحقق شي بحياتو او يوصل لطموحو ومايكون رضيان لأنو هاذ بكون مو طبيعي, يعني شو بدو بعد من هالحياة؟؟؟ ولهيك كمان منرجع لأول جملة بمالموضوع وهيي
الحياة مافيها عدالة. لأنو كثير احيان بتكون نتائج المجهود اللي بيبذلو الإنسان ما بتتناسب بشكل طردي مع المجهود نفسو, يعني الواحد بيتعب كثير وبلاقي قليل على أي مستوى كان لا على التعيين.

اذا كل شخص فيني فكر بالموضوع وفكر بوضعو "وطبعا مو الكل" بلاقي انو الكلام اللي انكتب فوق حقيقي وواقعي مية بالمية ونحني مامنحب نعترف في لأنو لاحول ولا قوة مثل مابقولو....

مع حبي واحترامي
رشاعواد

Posted by: Kinan

اول شي تحياتي ندى و رشا
رشا وينك ما عم نشوفك الك فترى لا حس و لا صوت بشوفك اون لاين بس اشتقنا لمشاركاتك

انا قريت الموضوع
بس حابب علق على نقطة

اقتباس:

بس اني بدي افهم منك شي ورحت اطلع من عقلي وقت قريتو, انو مافي مجال للمقارنة بين شخص مانو واصل للسادس وانسان مقضي عمرو مثل الجاحظ بين الكتب لأنو نحني ماعم نحكي من الناحية الإنسانية.

يا رشا ما حدى بيحاسب الواحد قديش اشتغل و شو عمل بالتالي النتائج هيي اللي بتحدد هالشي

مثال : لعبة كرة قدم فريقين عم يلعبو و الفريق x كان عم يلعب و مستلم اللعبة كل الوقت وكان هوي المسيطر بكامل الوقت و لكن بالاخير اجى الفريق z و حط عليه هدف

كل هالشي و هالتعب و هالالمحاولات ما حدى رح يتعرف عليها لانو بالنهاية طلعت بدون نتائج

يمكن معك حق انو الدنيا ما فيها عدل

ولكنت انا مع ندى بانو الدراسة مو هيي اساس النجاح

ممكن تلاقي مزارع واصلل للسادس ولكن ناجح بزراعتو و عندو محاصيل كل سنة عم تدر عليه الكثير من الربح باخر الموسم

وممكنتلاقي دكتور مثلا فاتح عيادة و قاعد عم يكش ذبان لانه مانه ناجح بمصلحتو مع انه دارس فيها

يمكن انا عم احكي عن الدراسة بس و انتي قصدك على المجهود بشكل عام

ولكن المثال الاول اللي عطيتك اياه يمكن بيمشي حالو

بالاخير قد ما كانت الحياة غير عادلة و شو ما صار مع الانسان
فا ما لازم ييئس و لكن لازم يضل يحاول
لانه قد ما كانت الحياة غير عادلة ولكن الا ما يعود تعب تعب الانسان عليه بالنجاح اولا او اخرا
و تحياتي الك

Posted by: RUSHA AWAD

أهلين كنان

لك يا كنان أني عطيت مثال زغير عن الدرس والمال مشان توضيح الفكرة مو أكثر ومافتت بمجال المقارنة بين المتعلم او الجاهل لأنو نحني ماعم نحكي عن أشخاص من الناحية الإنسانية نحني عم نحكي عن شي اسمو عدل, موجود او مو موجود بغض النظر عن أي مجال وهاي انتي عطيت مثال لفريقين رياضيين معناتو مابدني نحصر القصة بالعلم او الجهل او الغنى او الفقر....واني وقت كتبت الشي اللي انتي وقفت عندو كتبتو كمان نقطة فصل بين الشي اللي عم نحكي عنو وموضوع ثاني ممكن نفوت فيه ونكون ماعم نعطي الناس حقهن, وطبعا نحني مابحقلني نقيم الناس بناءا على درجة علمهن لأنو أني قناعتي وقناعتك مانهن بعاد عن بعض بهالنقطة...

هلأ بدي أسألك انتي, ياهل ترى ردة فعلك على طول بتكون انو مالا اليأس يفوت على حياتك ولازم على طول تضل تحاول, يعني على طول بتتعاطى من النتائج بنفس الطريقة, والشي اللي انكتب بأول مشاركتين مابتمر فيه نهائيا؟؟

مع حبي واحترامي
رشاعواد

Posted by: Kinan

اقتباس:

هلأ بدي أسألك انتي, ياهل ترى ردة فعلك على طول بتكون انو مالا اليأس يفوت على حياتك ولازم على طول تضل تحاول, يعني على طول بتتعاطى من النتائج بنفس الطريقة, والشي اللي انكتب بأول مشاركتين مابتمر فيه نهائيا؟؟

اكيد رشبيجوز تحسي في مبالغة وقت بقلك هالشي
ولكن شو الفائدة من اليأس او شو الفائدة من الزعل
ووقت بعرف اناانو الحياة غير منصفة مرة بتزبط و مرة لاء
في ليش لشو الياس
يعني انا اذا فشلت بشي
و قعدت و قلت حظي مو منيح
و بطلت اشتغل او كفي هالشغلة شو رح يطلعلي غير فشل بفشل

رشا لو الانسان كان بدو ييأس و يوقف عند اول مشكلة بيواجهها ما كنا و صلنا لهون

و على قولة ندى بلى ما الواحد يفكر بهالموضوع مشان راسو ما يوجعو
رشا برجع بشكرك على هالمشاركة الحلوة
اللي الواحد بيقدر يناقش فيها
لانو صاير المنتدى اغلبو copy & Paste
تحياتي

Posted by: Nada1981

مرحبا جميعا

بغض النظر عن العلم والجهل انا صرت بأمن بشي اسمه " الحياة قصيرة" ولازم الواحد يعيشها مثل مابده

العدل مانه موجود ابدا بحياتنا واذا بدنا نقعد نفكر بكلشي رح تمر الحياة علينا ونحنا قاعدين عم نتفرج على عمرنا عم يمشي.

كنان المثال الي عطيته كتير حلو. بلأخير النتائج هيي المهمة. شو فائدة الواحد يدرس ويتعلم وبعدين يدخل على المجمتع مثقف بس مانه فهمان شي من الحياة؟؟؟

مرة واحد من رفقاتي سئلني سؤال وضليت فكر فيه كتير, سئلني اذا تقدملك واحد للزواج ومانه متعلم بس الحياة علمته اكتر من الدراسة بلمدارس و واحد معه شهادة كبيرة بس ماعنده خبرة بلحياة شو بيكون اختيارك؟ بعد تفكير لقيت انه الشهادة مانها كل شي واذا الانسان مثقف (بعيد عن الدرس) وفهمان الدنيا كويس احسن من واحد معه شهادة.

هدا رأيي بلموضوع وطبعا بلأخير بنرجع لجملة الحياة مافيها عدل أبدا.

تحياتي

ندى

Posted by: RUSHA AWAD

من فترة انطرح بقسم حوارات سبيس زيدل شي قريب من النقطة اللي انذكرت فوق وكان في شبه إجماع انو العلم مانو أساس تقييم الشخص واني بوافق هالفكرة ولهون نحني متفقين.... بس اليأس هوي شعور مثلو مثل التفاؤل, ونحني كبشر معرضين نشعر فيه بدون إرادة أو تخطيط لأنو المشاعر مافي عليها سيطرة لهيك اني برأيي انو أني او انتي مافيني نكبح شعور اليأس بس صار وقتو بس فيني اتفق معك على شغلي وهيي تغيير النمط او أسلوب الحياة حتى بشكل مباشر او غير مباشر تتغير هالنتائج اللي منحصل عليها بحياتني فشو رأيك؟؟....اني بشكركن كثير للمشاركة بهالموضوع لأنو من فترة طويلة ما صار في أخذ وعطى بالمنتدى "حزب قص ولصق عم يكبر".....ندى فكرتك وصلت من توقيعك "احلم كأنك ستعيش إلى الأبد, وعش كأنك ستموت غدا"

مع حبي واحترامي
رشاعواد

Posted by: SAMMAR ZAIDAN

مرحبا رشا ومرحبا للجميع ....
هاي اول مشاركة الي بالمنتدى بتمنى تتقبلو مروري وتتقبلوني كصديقة جديدة بالمنتدى
رشا اني راي من راي ندى ما تفكري بالقصة كثير لانو بيصير عندك وجع راس وشغلي بسيطة لو في عدل بالدني كان لازم تلاقي ارزاق الناس متساوية . اول على الاقل كان لازم عقول الناس تكون كلهي متشابهة يعني ما يكون في واحد عبقري وواحد مجنون ........
بعدين رشا بيقولو يوم الك ويوم عليك ايام لما بتكوني مبسوطة والدني عم تضحكلك بيجوز تحسي انو الدني شوي عادلة وعم تتطلع فيكي اما يوم اللي بتكوني ممقوتي وما بتتحكي مو بس بتقولي الدني مافيهي عدل ولا فيهي حظ.......سمعي مني احسسن شي الواحد يطنش
وبالنسبة للمقارنة اللي عملتيهي باول النقاش فهاذ جدال مستحيل يتنهي لانو البعض بيعتبر انو الحياة احسن مدرسة والبعض الاخر بيقول انو بدل ما قضي عشر سنين دراسة وبعدين بلش اسس حياتي بكسب هل الفترة وباسس حياة مادية منيحة
اني معك انو الانسان مافي يتحكم بمشاعر الاحباط والتفاؤل .......
بس ما بظن انو في انسان عارف شو بدو بالدني وبيخلي شعور الياس يمتلك قلبو وعقلو ....ولانو الحياة قصيرة والعمر عم يمشي لازم يحاول قد مافي ينسي ويعتبر الفشل مثل النقطة العلى السطر . يعتبرهي جدار فاصل بين الماضي اللي ما بيرجع وبين المستقبل الجاي
وبما انو كلني اتفقني انو مافي عدل بالحياة رح قلكن انو الانسان في يصنع عدل جزئي جواتو ويتامل انو يوصل للعدل الكامل لانو بيضل احسن من الياس

تقبلو مشاركتي

With All My Love ~*sammar*~z

Posted by: حكيم عيون

مرحبا يا شباب ويا صبايا
من زمان ما تناقش موضوع مهم بهالمنتدى ..وخاصّة موضوع بيمس نظرة الجيل الصاعد للحياة ....
الحياة صح قصيرة ولازم الإنسان ما يندفع ورى أهدافو فيها وينسى إنّو يعيش ..بس بالمقابل ...مهما الإنسان عاش وتمتّع بحياتو رح يجي يوم ويفل من هالدنيِّ .. وساعتها اللي بيبقى منّو هوّي الشي اللي ساواه لغيرو ....وشو بينذكر منّو هوّي اللي بيعيش ويبقى من راس مالو بهالدنيّ...
قدّيش في شباب خسرو حياتهن لأجل قضيّة أو مبدأ ...بس عاشو بذاكرة البشر أو البشرية .
المال هوّي ربّ ثاني غير اللهْ ..و طبيعي نسبة كبيرة من البشر تعبدو وتركع إلو ..ولكن المال بيروح وبيجي ..واللي بيعش من الأنسان هوّي عملو

النقطّة الثانية المهمة ..صحيح في ناس ما معها سادس وفهمانة الحياة صح ...وصحيح في ناس معها شهادات وما فهمانة شي من هالدنيي ..
ولكن شو النسبة في كلا الحالتين هوّي المهم بالموضوع...
يعني هل من المعقول يكون الإنسان اللي دخل جامعة وإحتك بشباب متعلّم من بلاد مختلفة وبيئات مختلفة ....مثل اللي درس بحارتو وبقي فيها وضمن إطارها وإطار تفكير بيئتو ومجتمعو الزغير ...أكيد هالحكي منّو معقول يا ندى ..
ولكن المشكلة إنّو الجاهل لو كان بيعرف إنو جاهل ما كان ضل جاهل ..
من هون أنا بخالفكن الرأي تماماً ..بنظرتي للعلم والمال ..وبشوف الإنسان اللي عندو همّة يكفي طريق العلم والمعرفة هوّي الصح بهالحياة ومهما كانت النتائج المادية اللي بتترتّب على هالحكي...
و للأسف نحنا عم نعيش بعالم مادي طبعنا بنظرة ماديّة للأمور ..وصار بنظرنا اللي معو ليرة بيسوى ليرة ...بس هذا الكلام ما لازم يخلّي شبابنا يحسّ بالإحباط ويركض ورى الدروب القصيرة ...لأنّو كلشي بينشرى بالمال إلا الصحّة والمعرفة ...
والقول بإنّو الدنيِّ مافيها عَدل ..وفلان خلق بتمو ملعقة من دهب ..وفلان خلق ما عندو شي ياكل ...بتصوّر إنّو هي حكمة ربّانية ...القصد منها يكون في حافز عند الإنسان لأنّو يشتغل على نفسو ليكون أفضل من غيرو ...وهذا اللي بيميّز الإنسان عن كل كائن حي بهالطبيعة وهذا هوّي السبب اللي خلّى الإنسان يتطوّر من كائن بشري بدائي إلى الإنسان اللي عم بيعيش بهالعصر ..
فما فينا نلومو لَ اللهْ ونقول الحق عْليهْ ...
حبيّت شارك بهالموضوع بوجهة نظر زغيرة ...
وكل الشكر لرشا على طرح هالموضوع الحسّاس..
ولكم إحترامي جميعاً

موقع زيدل سوريا حمص .. خدمات تشات و دردشة ... أرشيف المنتدى