الارشيف - اعطني حريتي اطلق يديا

Pages: 1

اعطني حريتي اطلق يديا
(انقر هنا ان احببت مشاهدة الموضوع الاصلي بالالوان و الصور )

Posted by: waddah

غنت أم كلثوم .. أعطني حريتي أطلق يديا .. فهل هذه الجملة صيحة شرقية من كوكب الشرق للخروج عن المألوف في المجتمع ؟؟ أم انها نحصرها بالحبيب الشرقي ؟؟

بداية أود الخروج عن المألوف والتحدث بحرية ...فاعذروني

ماهو المألوف ؟؟؟

ومن يحدد هذه الصفة ؟؟؟

وهل المألوف في مجتمعي سيبقى مألوفاً في مجتمع آخر كالمجتمع الصيني مثلاً؟؟؟؟

وحتى في المجتمع الواحد هل هذه الصفة موحدة فيه رغم اختلاف العادات والتقاليدوالأديان والشعائر ؟؟؟

لا اصدق أن أحد العظماء أو العباقرة أو ممن رسخوا في مذكرات هذا التاريخ الأحمق إلا وكانوا قد خرجوا عن المألوف وعلقت صورهم لمدة كبيرة على جدران هذا الزمن كمجرمين ولكن سرعان ما يكتشف الزمان غباءه وحمقه ...

بعد أن تصبح عظام معظمهم كما تقول جدتي مكاحلاً

من نظرتي للحياة أحب دوماً أن أنطلق من واقعي ومن مجتمعي ومن مألوفي كي أستطيع الخروج عن المألوف وبرأيي ليس للخروج عن المألوف معنى إذا ماكان يدفع نحو الأمام والتطور فلولا هذا الخروج لبقيت البشرية تراوح ( الأح اتنين) حتى الآن

إذا فهو بداية التحرر الفكري وأصحابه على مر العصور لا يدعون إلا بالمجانين ...

ولكن لا ننسى الوجه الآخر لهذا الموضوع فهو بدون معنى مدعاة للفوضى وما أحبها إلى قلوبنا ..

عباس ابن فرناس عندما خرج عن المألوف وحاول الطيران فشل ولكن عظامه المحطمة أصبحت أجنحة لطائرات البوينغ بينما عندما تخرج إلينا الآنسة نانا مثلاً وتغني لأم كلثوم فهو خروج عن المألوف (يؤدي الى تشرد الأطفال أو الى أزمة عالمية جديدة في الاقتصاد )

أو عندما تغني المحتشمة روبي طرباً بدون أن تداري كده وتداري كده فهذا قمة الخروج عن المألوف

والسلام لمن أحب السلام

وضاح جروس

Posted by: Kinan

اشكرك جزيلا أخ وضاح على هالطرح المميز و الرائع
شدني موضوعك بجماله و فكاهته و جديته
ولو يمكن ما عندي القدرة على الرد بأسلوبك (عربيتي بالحيط)
بس حبيت ابديلك اعجابي و احترامي لهل موضوع الجميل
و انا معك بجميع نقاط الموضوع ولكن شو بدنا نعمل صار هالايام الفن للتجارة و ليس للفن
و على قولة ابو وديع من هون ورايح ما عاد يطلع مطربين
الشاطر اللي بيحافظ على مكانو و بيكفي

Posted by: waddah

المشاركة الأصلية كتبت بواسطة Kinan

اشكرك جزيلا أخ وضاح على هالطرح المميز و الرائع

شدني موضوعك بجماله و فكاهته و جديته

ولو يمكن ما عندي القدرة على الرد بأسلوبك (عربيتي بالحيط)

بس حبيت ابديلك اعجابي و احترامي لهل موضوع الجميل

و انا معك بجميع نقاط الموضوع ولكن شو بدنا نعمل صار هالايام الفن للتجارة و ليس للفن

و على قولة ابو وديع من هون ورايح ما عاد يطلع مطربين

الشاطر اللي بيحافظ على مكانو و بيكفي

شكرا لمروك الجميل كنان .. وشكري لمشاركاتك المميزة بين زوايا هذا المنتدى

تحياتي لك

Posted by: shadi alkhalil

شو القصة اخ وضاح
خير طمنى
شو يلي خلى هالابداع السردي يحل عليك
انا اعرف جمال اسلوبك واتقانك في التعامل مع الحرف و الفكر
اشكرك على هالمحاولة في الانطلاق نحو الحرية و الانفكاك من القيود الحالية
على فكرة انا حاسس انها بدت تصدي وتهتري
قصدي عن القيود طبعا
فشو رايك؟؟

Posted by: waddah

المشاركة الأصلية كتبت بواسطة shadi alkhalil

شو القصة اخ وضاح

المشاركة الأصلية كتبت بواسطة shadi alkhalil

خير طمنى
شو يلي خلى هالابداع السردي يحل عليك
انا اعرف جمال اسلوبك واتقانك في التعامل مع الحرف و الفكر
اشكرك على هالمحاولة في الانطلاق نحو الحرية و الانفكاك من القيود الحالية
على فكرة انا حاسس انها بدت تصدي وتهتري
قصدي عن القيود طبعا
فشو رايك؟؟

اهلا بالخليل شادي وقد سرني مرورك بصفحتي هذه لأني اعتبرت أن اصدقاء قلمي قد زادوا صديقا
فلك مني التحية يا غالي

وبالنسبة للقيود المشكلة مش فيها يا صديقي ولا حتى باختراع مفتاح الها

المشكلة بهالأدمغة اللي اتعودت من على دور ستي وستك بس تفكر بشغلة بيوجعها راسها

وبالتالي بدل ما تفتح دماغها بتقوم بتربطو بقماشة عتيقة ومهترية بمفتاح كبير ليوهموا

انفسهم انو ما يفتحوا الأدمغة

اذا الشخص ما اتحرر من ذاتو فما رح يغير شي بالمحيط

فالقيد اللي رح يشيلو عن معصم امرأة معينة مثلا رح يرجع يوضعوا على معصم زوجتو مستقبلا

ولك أخ شو بدو يحكي الواح ليحكي الواح ( رح خبرك شغلة طريفة بشاهدها كتير وبيجوز انت كمان مشاهدها :

مرة شفت شخص بيضرب ابنو .. ضرب قاسي وبيوجع كتير .. فالولد ياحرام من كتر القتل بلش بكي من قلب محروق قام رجع قام ابوه صوبوا حامل شحاطة ورجع يضربو وهوي بيقلوا لابنو : ابلعها . .. ابلعها عم قلك ..

قام أنا ضحكت بس رجعت خبيت ضحكتي مشان مايفكر الولد بيضحك على القتلة

المهم سألتو للأب : هلأ برأيك فوق ما آكل قتلة بدوا يبلعها .. لك حتى بكي ممنوع الانسان يبكي

أكلنا قتلة .. فهمنا .. بس معقولة يعني .. مافينا نبكي ولازم نبلعها .. ولووووووووو

فاتصور يا راعاك .. قلي لو بقدر مابخليه يذرف دموع .. لازم ربيه وخليه يصير زلمة .. فقلتلو ابلعها .. أحسن

مابصير الانسان زلمة اذا حط التخلف والاهانة بجيوب عباية الرجولة والكبرياء وهوي مبسوط وعم يبلعهاااا

والمعنى يبقى في قلب الشاعر

لاتواخذني على اطالتي بسبب الامتحانات صرلي زمان ما حكيت فاعذرني يووووب

تحياتي

موقع زيدل سوريا حمص .. خدمات تشات و دردشة ... أرشيف المنتدى