الارشيف - ميلاد ْو قـْيامهْ ( مهداة للوطن بمناسبة عيد الإستقلال)

Pages: 1

ميلاد ْو قـْيامهْ ( مهداة للوطن بمناسبة عيد الإستقلال)
(انقر هنا ان احببت مشاهدة الموضوع الاصلي بالالوان و الصور )

Posted by: حكيم عيون

ميلادْ وقـْيامهْ
=========

نيسانْ أعْيَادَكْ وقتْ بتفوحْ .......................بيمِرّ ْ نهر العِزْ قِدَّاميْ

عَ ترابْ تاريخو نزيفْ جْروحْ.................بشَهْرَكْ إلو ميلادْ وقـْيامهْ

مثل الغصنْ رَدّيت فيهْ الروحْ .................وزَهّر بأمّهْ شرشها نـَامي

وتـْركتلو سَقْفْ السما مفتوحْ ..............تَ يدقْ بنجوم السما هـَامهْ

====================================

نيسانْ كِلما مْرَقتْ عَ المَرْجهْ ............اتذكـَّر شو صار بْساحة المَرْجهْ

وشلالْ عميدفقْ شهادة تـَمْ ...................كرمالْ تبقى مَرجِتـَكْ فـِرجهْ

إبْيوسفْ العظمه الـْوِقِفْ مَ اهتمْ ........لـَجْيوشْ غورو بساعة الحِرْجهْ

وقفة جـَبل صوَّان صَخرو الصـَمْ ........شـْرارو بهبوبْ الريحْ بيأ رجيْ

إتذكـّرْ إبا سْلطان باشا , إلـْتـَمْ ...........منْ حَولْ سيفو كِلْ جوهرجيْ

تَ يرصّعوا حْجار الوطنْ بالدمْ .............تْ تضلْ تحفة ْ كِلْ مِعمرجيْ

وكِلما ربيعكْ عِطر وردهْ شَمْ...............وطـْلِعتْ عَ وراق الغصنْ دَرْجة ْ

لو شِفـْت ْ أُمِّهْ غارقهْ بالهَمْ..................اتذكّر خـُطـّى إبن الأسد بشّارْ

وانسى نَـَهْجْ حـِكـَّامها العَرْجهْ

====================================

نيسانْ بَسْ تروحْ عَا غـَزّيْ ........................أوعَكْ بـِدَمْ طـْفالنا تعَزّيْ

نحنا عَرَبْ ما ماتْ عنّا ثـارْ ..................ولَ بتنمَحى منْ نفوسنا العِزّهْ

هالمحكمهْ الـلي شَرْعها الدولارْ..................وناموسها الإنسانْ بيخزّيْ

مَ بنرتِجي تـْطـَّفي لهيب النارْ........................إبْقـْلبْ إمْ طـْفالها الزغارْ

ماتوا وجَرْحُنْ مِشْـتهي الغـَرْزهْ

===================================

وقـِلـّو لـَهالجولانْ بَسْ تنامْ.............تغطـّـَى بنـَفـَسْ إمَّكْ وحِطـّو حْرامْ

وتنهيدها عَ تـْلالـَكْ و وَاديكْ ............لو طال إوعى تـحْسبو استسلامْ

القنيطرهْ خَيـْتـَكْ عَمْ تناديكْ ..........لَ تـْخاف رَحْ ترجعْ لحضنْ الشامْ

ولولا الصِبحْ بكـّيرْ صَاحْ الدِيكْ........وحَوَّم ْ عَ مَجدل شمسْ رَفْ حْمَامْ

قلـَّو سَلامـَك ْ ما بقى يَهَدِّيكْ ...........إمنْ السما بْأرضكْ يَ بَعْد الروحْ

إلاَّ عَلى كـْتافْ الـْمَ عُمرو انضامْ

=================================

د. ماجد سطـّاح
16/4/2009

موقع زيدل سوريا حمص .. خدمات تشات و دردشة ... أرشيف المنتدى