الارشيف - وينك حكيم

Pages: 1

وينك حكيم
(انقر هنا ان احببت مشاهدة الموضوع الاصلي بالالوان و الصور )

Posted by: علي عامر

اوووووووووووووووووووف

وينك حكيم عيون اطلع من خباك = وفوت بمجالي ان كنت قادر ع العراك

من يوم م طلبتك ع جولة اشتباك = منّك م شفت مبادره تأكّد حباك

وكيف رح بتصمد عا قبالي من مداك = وصرلك دهر جوّات سجن الارتباك

قبلك رميت كتار من فسحة سماك = وهزّيت حيرة هـ الفضا وجنّ الملاك

وهلّق بعد م تركت عينيهن براك = بدمع ودما ووحل الشعر عاد اصطفاك

حتّى الخطوط الحمر ما تقطع معي = يمّا ضحيّه بتنزل بدرب الهلاك

Posted by: حكيم عيون

مَا دامْ وَحْلـَكْ صـَفـْوهْ النَهر اصطفى.........و مَا حَلْ عنها بْجَـاهْ عيسى و مصطفى

مضطرّ إنيّ كـَرِّعَكْ كاسْ الهفا......................تَ تقولْ لولا فِقـْتْ يا محلى الغفا

مَلـَقـَحْ عْليّ ْ جـِثـِّـتـَـْكْ هَيكْ ...الـْعَـفا !!!............قـَفـِّيْ بقا منْ هَونْ.. عَمْ قِلـّكْ كفّى..

يمَّا ...بْخلـّيها عَكِتـْر الشَقـْلـَبهْ .......................ما ينعِرَفْ فيها الوشْ من القفا

========================================

Posted by: علي عامر

لعيونك خيي ماجد

اتطمّن ي فرخ الموهبه ال من دون ريش = رح نشّف عروقك وزتّك ع الحشيش

وكاسات دمّك بكرع وت تصيح عيش = رماد الندم بتحس من بعد النشيش

بصدرك م بترك زاويه تا شك شيش = بحنكة نبوغي مطعّم يشيل الوحيش

وتبقى قفا البرغوت تنغل فوقها = عناقيد صفوه ورابيه بوشّ العريش

* * *

بوشّ وقفا الموضوع يا بو الخرابيش = بمنجل حروفي بعلّمك فرض الحليش

ان هزّيت يدّي وهب ايمان الخشيش = بتهب ثورة بطش عهد الدراويش

Posted by: يعقوب

أخي الحبيب علي

اشتقنالك يارجل

بعد المحبة

ياريت تشرحلي بأي بحر عم يسبح بيتك الأخير

Posted by: علي عامر

اخي يعقوب

هلا بيك يا غالي

ما في مشكله بالوزن ولا قصدت عن الدراويش ؟

Posted by: يعقوب

طبعا لأنها كسرت البيت مع العلم أنك من البداية أضفت ساكن اضافي

والدكتور منو سهل مابتمر عليه

أرجو منك شرح البيت بالتقطيع لأني جربت كل اللهجات وماظبط معي

بجوز العطل صاير فيي وبأدني وبدك ماتعتب عالختيره

مع محبتي

Posted by: علي عامر

اخي يعقوب معك حق من هـ الناحيه اسّا انتبهتلا لكن ما في مجال للتعديل

وبتعرف مرّات ع السرعه بتجن سهوات

على كل حال لعيونك

بيدّي انا ان هزّيت وتحرّى الخشيش = بتهب ثورة بطش عهد الدراويش

محبّتي

Posted by: حكيم عيون

بيقول موسى زغيب

مْرَقتي ... ونَدَهتي إلي , بليلة مطر وتلوج ............... وْ كِفْ ما يميل الهوا ... شعراتك يميلو

لـَجَّيْت ... قلتي يا شاعر لا تكون لجْوج .................... بْيـبْرد ملاك العشق لا تزيح منديلو

============================

جرّب شيل كل الحروف الساكنة ببداية كل هالشطرات وغنّيها بتطلع معك موزونة ...والأحرف الساكنة هون هي أحرف زائدة وهي من خواص الشعر المحكي ( البدأ بساكن أمر ممكن ولا يؤثر على إيقاع و وزن البيتْ)

يعني يا خيي يعقوب كل هالسواكن اللي مالية ْ بدايات شطرات الزجل ...و ما انبَلعْ معك

حرف النون الساكن ببداية بيت خيي علي عامر ....بَسْ الحق مو عليكْ ..الحق على اللي قال :

لا يجوز أن نبدأ البيتْ بساكنْ ( منطلقاً من عبارة العرب لا تبدأ بساكن ولا تقف على متحرّكْ ).....

وطبعاً هذا الكلام بينطبق على اللغة الفصحى فقط وليس على العاميّة ..

نْ هـَزّيت يدّي وهب ايمان الخشيش = بتهب ثورة بطش عَهد الدارَويش

هالبيت صحيح وما فيّو كسر ( عدا وجود ثقل في لفظ كلمة الدراويشْ ....بس بيمرق كجوازة ) وإذا بدكن أمثلة مشابهة تماماً من اللي قايلو زجّالين كبار فالقصايد مليانة

بسْ المشكلة عندي هيي إنّي ما فهمت شي من أغلب اللي قالو أخي علي لذلك ما قدرت

ردّ...
فيا ريت خيي علي يشرحلي شو بيقصد ب أبياتو ..عدا الأول ...ولو برسالة خاصة ...

ملاحظة: بعتذر عن التأخر بالرد بسبب العمل من جهة ..وبسبب إنشغالي بالتحضير

للعيد ...إنشالله بينعاد علينا وعْليكون بالخير ...

Posted by: يعقوب

الخال ماجد

كل عام وأنتم جميعا بخير

1- أنا لم أتحدث عن الساكن قي بداية البيت أبدا كما أن كل ماذكرته

من تسكين في أمثلتك

يقبل اضافة الألف الى بداية الكلمة بدون تغير المعنى أو الوزن

امرقتي.....اوكيف.....ابيبرد ....انهزيت

2-ماقصدته الدراويش فإذا لفظتها بشكل سليم تكون الياء مكررة لفظا

دون التشديد (الدراوييش)

ومن هنا أصبح الوزن مكسور ولايمكن لك أن تلفظها كياء واحده .

أرجو أن تكون قد وصلت الفكره .

وأنا مثلك لم أفهم ماذا قصد الأخ علي

آملا لجميع أعضاء المنتدى الخير والسعاده

Posted by: حكيم عيون

المشاركة الأصلية كتبت بواسطة يعقوب

الخال ماجد

كل عام وأنتم جميعا بخير

1- أنا لم أتحدث عن الساكن قي بداية البيت أبدا كما أن كل ماذكرته

من تسكين في أمثلتك

يقبل اضافة الألف الى بداية الكلمة بدون تغير المعنى أو الوزن

امرقتي.....اوكيف.....ابيبرد ....انهزيت

2-ماقصدته الدراويش فإذا لفظتها بشكل سليم تكون الياء مكررة لفظا

دون التشديد (الدراوييش)

ومن هنا أصبح الوزن مكسور ولايمكن لك أن تلفظها كياء واحده .

أرجو أن تكون قد وصلت الفكره .

وأنا مثلك لم أفهم ماذا قصد الأخ علي

آملا لجميع أعضاء المنتدى الخير والسعاده

هي الأمثلة من حفلة عين سعادة ( الشاعرين طليع حمدان و موسى زغيب )..وهيّ حالة مشابهة للي صار مع علي عامر...
موسى زغيب:

لا تمس شعرا جيلهن قبلك ربي ======== عيب الولد يهجي رجال مشوربي
وهاك العصي ال خلو السفاهه مأدبي ====إن شالله ما إحتاجن بهيك مناسبي

=======================================

طليع حمدان :

شو كنت يحكي مع خليل اللي إنضنى== كنت الفقر عالمنبر وكان الغنى

إن كنك معي جاي تتبني هالبنى ====الليله ضريحك بحفرو بسن القنا

وت ربنا يحكي خلودك مع فنى ======مينك إنت حد الجبل يا منحنى

إن حطوك حد قصايدي ال فيهن جنى ===بتطلع يا موسى زغيب كسرة ميجانا

=======================================
إقتباس من كلام أخي يعقوب

اقتباس:

1- أنا لم أتحدث عن الساكن قي بداية البيت أبدا كما أن كل ماذكرته

من تسكين في أمثلتك

يقبل اضافة الألف الى بداية الكلمة بدون تغير المعنى أو الوزن

امرقتي.....اوكيف.....ابيبرد ....انهزيت

قصيدة (خليل روكز)للشاعر موسى زغيب من ديوان أنا والسهر:

مبارح كأنو انشق شي كوكبْ ,,,,,,,,,,,,,,,,,والجو لف الغيم وتحَجّبْ
وجرح البرق حتى ما ينزف نار ْ,,,,,,,,,,,,,,متل الكأنو انشق وتقطـّبْ
وبلمح بو روكز متل شي بحارْ ,,,,,,,,,,,,,,مْن ِ بْعيد جايي والفضا مَركَب
=======================================

وبالهالمثال الأخير أخي يعقوب علوى تجرّب تغنّي هالبيت الأخير ....معْ لفظ حرف الألف قبل

من بعيد( إمْن بعيدْ) وشوف كيف بيتطحْبَش البيت و ما بيتغنى...وهذا بيثبتلك إنّو إستباق

الأحرف الساكنة الزائدة ببداية أي شطرة بأي حرف متحرك خلال الغناء بيكسر الوزن ....

بتمنّى تكون وضحت الفكرة ....

وشكراً ...

Posted by: علي عامر

الهيئه ي بن سطّاح ايمانك غفي = وصابك متل غربان وهم العجرفه

كاس الهفا بيدّ القدر جرحي شفي = ولا شوف هـ القاصر ديوني ما وفي

يا مدّعي ما فيك الا الصفصفه = وعا هيك ردّه مشوّهه بدّك نفي

ولا تفكّر الشير العنيد تشقلبو = وحالك ي هـ الدكتور ع الحفّه صفي

* * *

عدلي ان قفي من هون كاسك ما صفي = وشعرك عن الإلهام والفطنه قفي

اتنفّض من رمادك وحكّ المعرفه = بتشوفني شمعه بضمير الفلسفه

Posted by: حكيم عيون

لولا إبن سطـّاحَ بْقبالكْ كـَفـَرْ............والنهر صبرو فاضْ ومواجو زَفـَرْ

لـَنـَّكْ بَنيت بيوتْ حـِيطانـُنْ طـَفـَرْ .......بلسانْ حكيو تـْقيلْ عَنْ حَدَّو نـَفَـَرْ

الـْمَ تقولْ عَنّو شـِيْرْ يا شيخْ الغـَفـَرْ ..حَيطك لـِي مَالْ و قبلْ ما لـِقـّو اندَفـَرْ

وهَلقْ أنا لَ تخافْ مِشْ رحْ إقلبو .......وما شَوِّفَكْ كِـيفْ القـَبورْ بتنحفـَرْ

=====================================

وما زال شمعة طِلعتْ نوركْ مَ انقفـَرَ.......والقلبْ فيِّ شمسْ وجبيني سَفـَرْ

رحْ إحرقـَكْ بالشعر عَ دروب الظـَفـَرْ.......وصلـّي عْليكْ لأجْلْ ذنبي ينغفَرْ

=======================================

Posted by: علي عامر

اخي ماجد بعتذر عن التأخير

شويّة ضغط بالشغل

من قبل م بزوغ الفجر بالموهبه = يشقشق على كفرك الضربه مصوّبه

بيوتي بنهيد الحلم آيه مذهّبه = مش باللسان بحد وحيي يا غبي

وشيخ الغفر لا تنعتو لـ أعظم نبي = اللقّك ي شيطان النوايا الشاحبه

وانت ل ع باب الله عم تحفر قبور = وبزرع انا الأخصام جوّا الأتربه

* * *

ماجد بحقل الوهم هاوي الشقلبه = وقاصد ت يحرق بالجهل زرعي العبي

ويا زيدلي لا يغرّك بهـ التجربه = ملحد ممثل حب زركشت العبي

Posted by: حكيم عيون

المشاركة الأصلية كتبت بواسطة علي عامر

اخي ماجد بعتذر عن التأخير

شويّة ضغط بالشغل

من قبل م بزوغ الفجر بالموهبه = يشقشق على كفرك الضربه مصوّبه

بيوتي بنهيد الحلم آيه مذهّبه = مش باللسان بحد وحيي يا غبي

وشيخ الغفر لا تنعتو لـ أعظم نبي = اللقّك ي شيطان النوايا الشاحبه

وانت ل ع باب الله عم تحفر قبور = وبزرع انا الأخصام جوّا الأتربه

* * *

ماجد بحقل الوهم هاوي الشقلبه = وقاصد ت يحرق بالجهل زرعي العبي

ويا زيدلي لا يغرّك بهـ التجربه = ملحد ممثل حب زركشت العبي

==============================================

=============================================

خيي علي ...أنا كنت مستعد إتحمّل أي كلمة بتمرق ضمن صورة حلوة أو فكرة حلوه بس شتيمة بهالتلقائية والمباشرة واللي من دون مسوّغ ....أنا بعتذر عن الرد عليها وصدّقني منّي زعلان من الموضوع بس ....
لكلّ منّا طريقتو ومفهومو للعركات الزجلية ومن الصعب نكفـّي سوى بعركة ...فبدّك تقبل إعتذاري عن المتابعة وشكراً إلكْ ..

موقع زيدل سوريا حمص .. خدمات تشات و دردشة ... أرشيف المنتدى