الارشيف - الحل النهائي لفيروسات الأوتورن (autorun.exe)

Pages: 1

الحل النهائي لفيروسات الأوتورن (autorun.exe)
(انقر هنا ان احببت مشاهدة الموضوع الاصلي بالالوان و الصور )

Posted by: Malik Yazji

هذا البرنامج يقوم بفحص الفلاشة بمجرد وضعها بالكمبيوتر ويقوم بأزالة فيروسات الأوتورن تلقائياً هذه الفيروسات التي تسبب عند محاولة فتح أي قرص تظهر رسالة ونضطر عندها إلى فتح القائمة واختيار (فتح) في كل مرة وهي من الفيروسات شديدة العدوى وأقوى أنواع برامج الأنتي فايروس لاتستطيع إزالتها .
كما يقوم بفحص شامل للكمبيوتر

بعد تحميل البرنامج وفك ضغطه
قم بتشغيله ( هو لايحتاج إلى تنصيب فقط قم بالضغط عليه مرتين بعدها سيظهر رمز بجانب الساعة وبعدها سيبدأ البرنامج بالعمل لوحده عند بدء تشغيل الكمبيوتر )

عند وضع الفلاشة :
1- إذا ظهرت شاشة خضراء هذا يعني أن الفلاشة نظيفة من فيروسات الأوتورن .
2- إذا ظهرت شاشة حمراء هذا يعني أن الفلاشة مصابة بالفيروسات (عليك هنا الإنتظار قليلاً والبرنامج سيزيلها تلقائياً )

حجم البرنامج: 47 كيلوبايت فقط

وتحية طيبة لكم

Posted by: Kinan

يعطيك العافية مالك برنامج حشكلو حلو و انا شفتو مرة حسام منزلو
بس المشكلة جيت حملو قام عطاني انو الملف فيه فيروس ؟؟؟
ما بعرف هل هوي في فيروس عنجد ولا عندي الانتي فيروس حساس زيادة ؟؟

Posted by: ABUODEE

واللــــــه ياشباب طلع فيروس عن جد مو مزح الشغلة منوب
الملف المرفق 4691

تورجان
خلص رح ندورلك ياكنان على البرنامج بس مايكون فيه فايروس تكرم

Posted by: Malik Yazji

هلا كنان
الملف مافي فيروس وعندي kaspersky internet security 7.0
ومافي أي فيروس
بس إذا عندك kaspersky internet security 8.0 2009
فهوي فعلا بيعترض على هاذ البرنامج
بس روح على إعدادات الكاسبر وحطو بالبرامج الموثوقة بيمشي الحال .

Posted by: Malik Yazji

أخي عبودي
من المعروف أن برنامج الأفاست يشتبه بكل شيء
وهو في نظري من أسوأ مكافحات الفيروس
والدليل هو الموقع العالمي www.top10reviews.com
فلن تجد إسمه بين أقوى عشرة مكافحات للفيروسات
مثال: الأفاست بيعتبر الكراك تبع البرامج كفيروس وهو طبعاً ليس بفيروس وهذا يعني أن الأفاست ليس ذو مصداقية .
بس أني حابب إعرف شو البرنامج اللي بيستخدمو كنان

Posted by: Kinan

لك شو ابو عبيد شايفك قلبت على الافاست (Avast)
شو صار بايام الكاسبر ؟؟
بس خيو منين جات هي الخنفسة ؟؟
ما عندي منهي اني هههههههههههههه

Posted by: ABUODEE

يالله بسيطة شباب طولوا بالكم
الافاست (Avast) عجبني بعد تجربة الكاسبر لمدة منيحة
والكل بيعرفني انا من مؤيدين الكاسبر
بس بعد تجربة الافاست (Avast) لقيت فرق بالجهاز ونفس الشي انو من مبدا بعد عن الشر وغنيلو
يعني الافاست عم يقلك انو الكراك او هالبرنامج غير موثوق لانو هوي بالفعل بيكون غير موثوق باعتباره غير مرخص
ماعلينا اول شي هاي هي صورة الفيروس والفروع تبعو
الملف المرفق 4692
لازالة فيروس الاوتوران عليكم بمايلي:
اتبع الخطوات التالية لإبادة هذا الفيروس ( يفضل أن تكون في الوضع الآمن للنظام )

1- قم بتشغيل برنامج إدارة مهام ويندوز (Alt+Ctrl+Del)
2- ابحث عن العملية MDM.EXE وانهي العملية
3- إذا لم تجد العملية أغلق مدير المهام .
4- قم بتشغيل "الأداة المساعدة لتكوين النظام" , من ابدأ -> تشغيل , اكتب msconfg
5- اذهب إلى التبويب "بدء التشغيل "
6- أزل علامة صح من أمام العنصر MDM ثم انقر موافق
7- قم بتشغيل هذا البرنامج W32.Perlovga.Remover ثم انقر على الزرRestart ((وهالبرنامج رح نزلو بالمرفقات))
8- قم بإعادة تشغيل الجهاز
9- هكذا تم إبادة هذا الفيروس المزعج

* ملاحظة : إذا لم تنجح الخطوات السابقة فقم بعملها مرة أخرى في الوضع الآمن .
الوضع الآمن (Safe Mode) : هو الضغط المستمر على الزر (F8) عند إعادة تشغيل الجهاز مباشرة ومن هناك واصل الخطوات السابقة .

واذا مامشي الحال معكن صار لازم نعطيكم برامج بتشتغل هالشغل كلو
حمّل من هنا برامج القضاء على هذا الفيروس

الملف المرفق 4693

الملف مضغوط وبه برنامجين لهم نفس الوظيفة اختار الذي تريد لازالة هذا الفيروس
ابو الكن انا منزل نسخة حديثة جدا جدا للافاست لدرجة انو بتصور الخنافس والفيروسات قبل العفس عليهن

Posted by: Kinan

اقتباس:

أخي عبودي
من المعروف أن برنامج الأفاست يشتبه بكل شيء
وهو في نظري من أسوأ مكافحات الفيروس
والدليل هو الموقع العالمي www.top10reviews.com
فلن تجد إسمه بين أقوى عشرة مكافحات للفيروسات
مثال: الأفاست بيعتبر الكراك تبع البرامج كفيروس وهو طبعاً ليس بفيروس وهذا يعني أن الأفاست ليس ذو مصداقية .
بس أني حابب إعرف شو البرنامج اللي بيستخدمو كنان

مالك سمحلي هالمرة
اول شي انا بستخدم افاست كمان
بس اذا بدك الخبر اليقين فا ما لازم تروح على هيك مواقع لازم تروح عند اصحاب الاختصاص
و انا رح فرجيك تقييم موقع AV-Comparatives و اللي هوي معتمد من اكثر من شركة حتى اذا بتفوت على موقع ESET اللي هو من افضل الانتي فيروس حاليا حاطينلك انو نالو افضل انتي فيروس من هالموقع وهاذ ديليل على قوته
المهم كلامك صح انو الافاست ملفات بشكل خاطئ او مزيف و اكثر من الاكاسبر و هي تخطيط بياني من الموقع

ولكن بالتالي الافاست كمان بيلقط فايروسات اكثر من الكاسبر مثل مو مبين

ولكن بالاخير حطو التقييم على اساس لقط الفيروسات المزيف او الخاطئ و على اساس لقط الفيروسات الصحيح

و هي النتيجة

طبعا هي النتائج حسب شهر شباط و ممكن تتغير من فترى لفترى بالتالي الافاسب برنامج جيد حسب الاحصاءات و عالقليلة انو بيضل اخف من الكاسبر على الجهاز

Posted by: hosam abdulaziz

مرحبا جميعا
بالنسبة لبرامج الفيروسات انا استقريت عالأفاست و السبب هو انه مجاني و معد الي خلاق عالكاسبر و مفاتيحه
اما ليش الافاست بيلقط الكراك
فبرأي الشخصي
الكراك بالنهاية هي ملفات غير قانونية و بتتعدى عحقوق الملكية الفكرية للمؤلف او المخترع
و بالتالي طالما الافاست برنامج تابع لدولة بتحترم هالحقوق فواجبها تمنعك من استخدام او ترويج هيك ملفات

مثل ما ويندوز بيمنعك من نسخ السي دي ذو الحقوق للناشر.
-----------------
البرنامج اللي نزله الاخ مالك كثير منيح بس علته انه بيحذف كل ملفات الاوتو رن دون مشاورتك
و في بعض الفلاشات بيكون فيها اوتو رن سليم و ما بدنا اياه ينحذف بس هو ما بيميز

لهيك رح قدملكم برنامج معروف و مجرب و بيتناسب مع كل برامج الفيروسات و انت بتختار الحذف او عدمه وقت بيلقطلك الفيروسات

و معه كلمة تسجيل
بتمنى يعجبكم للتحميل اضغط هنا

موقع زيدل سوريا حمص .. خدمات تشات و دردشة ... أرشيف المنتدى