الارشيف - حسام صار أب وأني صرت خالي

Pages: 1

حسام صار أب وأني صرت خالي
(انقر هنا ان احببت مشاهدة الموضوع الاصلي بالالوان و الصور )

Posted by: RUSHA AWAD

من هون ورايح ماحدى يتعاطى مع حسام نهائيا واذا بعد فترة انفقد حسام من صفحات موقع زيدل عرفو السبب, ترى الزلمي صار أب وماعم يتحبك بالمرة...هلأ هوي يصطفل بس الخبر الأهم أنو أني صرت خالي لنفس البنوت الأمورة اللي صارت بنتو لحسام وأني عاملي معو هلأ حالة هدني بهالمناسبة الحلوي....هاي أول حفيدة عني بالعيلة وبيت جدهي "اللي هون نحني" مبسوطين كثير.
حمدلله على سلامة رنيم والزغيرة وتربى بعزك ودلالك صهري العزيز والله يطعمك تزعل هالزغنوطة, ترى بتشوف مني العجب, ايواااااااا

مع حبي واحترامي
رشاعواد

Posted by: Madonna Safar

هلا انتي صرتي خالي اني صرت خالي وعمي ل ايزابيل
الف مبروك حسام ورنو تتربى بعزكن ودلالكن يا رب
الحمدالله ع السلامة رنو
مبروككككك

Posted by: wajdy barakat

الف مبروك حسام ورنيم وتربى بعزعكن وحمدلله ع سلامة رنيم ....وبالنسبة لرشا ما بيصح للبنوت مثل هيك خالي موووو؟؟؟؟ واكيد بسطك مو عاطيتي لحدا بس بكرا الايام بتفرجيني بسطك من مقتك هههههههههه ومادونا طالعتلي بالسحبة ولك اخ ايمت بدو يصير النت خلق وعالم ونقدر علق ع موضوع قبل اهل اميركا هههههه
حسام الله يخليلك اياها للبنوت وام البنوت وانشالله يا رب العمر الطويل الكن وتشوفها عم تكبر وتدلل .....بس وينك انه ترى ما عد نشوفك هاي مو مقبولة لانه بيجوز نفكرك عم تطعميها حليب وتغيرلها الحفوظةههههه مبروك مرة ثانية .......

Posted by: Kinan

حبيت شاركون هالفرحة الكبيرة بمناسبة قدوم المولودة الجديدة لاخي الغالي حسام عبد العزيز و اللي لهلق ما بعرف شو بدهون يسموهي بس يمكن كانو يقولو ايزابيل
و بحب هني الغالية رنيم على سلامتهي و باركلهي من كل قلبي
انشالله بتربى بعزكون و دلالكون و تطلح حلوة و بتجنن مثل اهلهي
طبعا ما بنسى بارك لبيت العم ابو عواد بما انو صارو هلق جد و ست
و اكيد مبروك لاهلي الغاليين زاد واحد من الاحفاد
و اكيد الخالي رشا اللي ما حدى لقيانهي اليوم عقبال ما نفرح فيكي
الف مبروك من القلب للجميع

Posted by: samar dahi

شو هالخبر الحلو يا جماعة.....حسام صار اب ورنيم صارت أم ورشا صارت خالة وكنان صار عم من جديد ....كل هاد ترى ما منقدر نتحمل ..شوي شوي علينا ....
على قولة وجدي بتمنى شي مرة اسمع اخبار الضيعة من أهل الضيعة قبل اهل اميركا ...يا لطيف شو هاد .؟؟؟؟؟؟؟ على طول سباقين بأخبار الضيعة ....رشا ترى زودتوها وبدنا نعمل مقاطعة بينا وبينكم اذا بدكم تضلوا تعملوا هيك ...فا ديرو بالكم ..
الف الف مبروك يا حسام ورنوم هالبنوت اللي لسا ما عارفين شو تسموها ..والحمدلله على سلامتك يا رنومة الحلوة .....
مبروك لبيت ابو عواد حفيدهم الأول ومبروك لبيت العم ابو وسام انشالله هالعيل بتكبر اكثر واكثر وتتزين هالدنيا بالصبيان والبنات .....
حسام ما تعملي فيها اب عاد وما نعود نشوفك ..توصى فينا كمان ترى الموقع ما بيمشي بلاك ......
من جديد الف مبروك البنوت وتربى بعزكم .

Posted by: habibalomrre

أول شي ألف الحمد الله على سلامة رنيم , وألف مبروك حسام ما أجاك , وتربى الحلوة تحت أنظاركم وأنتم بكامل الصحة والعافية يا رب , ومبروك لأبو وسام وأم وسام الحفيدة الجديدة , وطبعاً كمان بهني أهل رنيم بالحفيدة الأولى ولرشى ألف مبروك منصبك الجديد ( خالة ) وعقبال ما نفرح بالجميع ان شا الله , مبروك حسام وتربى بالعز دايماً .

( إيلي والعائلة )

Posted by: new_zaidal

الف مبروك لابن العم حسام و الحمدلله على سلامة رنيم والله يخليلكن الصغيرة(زيزو) و تربى بعزكن
و مبروك لبيت العم ابو وسام وبيت العم ابو عواد اول حفيدة بالعيلتين و عقبال فرحة كنان
وهلق صار لابني (جود) بنت عم من جيلو يلعبو سوا

Posted by: lamia

ييييييييييييي الف الف الللللللللللف مبروك حسام و رنيم .. و الله خبرية حلوة .. يا الله الايام قدي بتمر بسرعة
تربى بعزكم الاهي و يرزقكم بغيرها و غيراتها و يصير عندكم كومة ولاد : ) اللللللللللللللللللللللللللللللللف مبرووووووووووووووووووووووووووووووووووووووووووووووو وووووك

Posted by: nezam

congratyoulations and i wish you the best for you and family and the new baby

Posted by: mariam

الف مبروك حسام ورنيم 000
هالشهر زادو بيت عبد العزيز نفرين الله يخليهم يارب ويحفظهم ويعين اهاليهم ويقدرهم على حمل المسؤولية 0000
وهيك ياحسام زادت المراتب وكثرت المشاغل والشاطر بيقدر يلاقيك بعد اليوم 00
الف مبروك 000وعم نستنى نشوف شو شعور حسام الاب بعد هالحدث العظيم بس ليخلص من نشوة الحدث00
مبروك رنيم 000الله يخليلك اياها ويقدرك عارعايتها
ورشا 000مليح مانك هون والا كان الله يعينهم
مريم

Posted by: issa george

ألف مبروك هالبنوتة الصغيرة وتربى بعزكم ودلالكم ..
الله يخليلكم أياها يارب ...

عيسى/فاديا

Posted by: ABUODEE

الف الف مبروك لحسام ورنيم المولودة الجديدة وتربى بعزكم ودلالكم
وحمدلله على سلامة رنيم
وكمان الف مبروك لبيت العم ابو وسام وبيت العم ابو عواد وان شاء الله تربى بالعز دايماً
ومارح ننسى نبارك للي اخذو مناصب جديدة,, الف مبروك المنصب الجديد لرشا (( خالة)) ولكنان (( عم))
وان شاء الله بنفرح من هالعم ومن هالخالة قريبا

Posted by: iyad tahhan

ألف مبروك لحسام و رنيم المولودة الجديدة و الحمدالله ع سلامة رنيم
تربى بعزكم و دلالكم و انشالله بتكمل فرحتكم بأخ للصبية الحلوي
و لخالة الصبية الحلوي مبروك رشا و انشالله منفرح فيكي

Posted by: fm1976

ألف مبروك للجميع المولودة الجديدة

وانشاء الله تتربى بالعز وتشوفوها عروس

الله يحفظها

Posted by: sulieman safar

You all know my motto " a girl is worth a thousand boys in any market" the added bonus here is the fact that the girl will be as beautiful as her dear mother . Our warmest and sincere congratulation to mum and dad and to the Abdulaziz and Awad family.and a special congratulation to our dear Rasha who will now be affectionately known as Aunt Rasha, it certainly has a ring to it

LOve
Sulieman and Family

Posted by: Nada1981

مرحبا جميعا

أول شي الحمدلله على السلامة رنيم

حسام الف مبروك البوتة الصغيرة والله يخليلكم ياها
الملف المرفق 4681

انشاءالله تتربى بعزكم وتشوفوها عروس كبيرة

مبروك رشا وكنان ووسام كمان المنصب الجديد وخاصة انه لرشا اول حفيدة بلعائلة ولكنان ووسام أول ابنت اخ

تحياتي

ندى

Posted by: ziad sattah

فكّرت ُ طويلا ً ماذا سيكون موضوع مشاركتي ذات الرقم: 1000 (( عدد مشاركاتي أصبح ألف مشاركة )) فجاءت المناسبة لوحدها , و هي من أجمل المناسبات .
أهدي مشاركتي الألف لأخي حسام و الأخت رنيم مباركا ً لهما بالمولودة الجديدة . و ألف مبروك :

رَيـتـا ألف مبروك لِزْغيره ... تِرْبى بْـدَلال و عاطفه كـْبيره

تِربى بْدَلال و عِزْ إمّ و بَي ... بَعْدُن على لْسان الهوى سيره

تِكْبَر وُتِلعَبْ معْ بَنات الحَي ... وِ تْصير أحـلـى بِـنـْت بـالدّيره

وِ تْعيش بَعْد الخَتْيَره بِشْوَي ... العُمْر الطَّويل تْـزيدها يـا رَبْ

و لَيْضَل ّ لـَنّـو سِن ّ بالنّيره

Posted by: merellaa

حسام البابا الجديد مبروك مبروك مبروك
صحي صرلي زمان ما دخلت واشتقت لاخباركون الحلوة بس كان فعلا اول خبر بقراه وكتير انبسطت فيو ...

... مبروك الك رشا كمان ولاختك .... اكيد شعور حلو تكوني خالة يمكن انا ما رح اقدر حس فيو لان ما عندي اخوات بنات ....
بوسيلي البوبو كتير ..

سلام الرب

ميمو

Posted by: حكيم عيون

بَوْسِهْ , وألفْ مَبروك يا حُسامْ .....الوردهْ الزغيرهْ , الـْـزَهَّرِتْ أحلامْ

انشاللهْ بحَياتـَكْ عِطرها بيضَلْ.............وبيفيضْ تا يغمر مَدى الأيامْ

وكِل يومْ قِرْنهْ بقلبَكْ بْـتِحْـتـَلْ...........بغنجاتْ عَمْ ترمي عْليكْ سْهَامْ

ومَعْ كل غنجهْ نْ كان هَمّـَكْ تـَلْ ...........بتـْحِسْ تـَلْ الهَمْ زاحْ ونـَامْ

بكرى... نْ زعْـلِتْ جِسْمكْ بينْعَلْ.....و وحدو رِضاها بينفـَعَكْ برشامْ

ولولا حْمَلِتها وثوب فيكْ ابتـَلْ.........أوعَاكْ تـُنكـُر فـَضل اللهْ تعودْ

و قـُول (حَمد اللهْ) مَطـَرنا عَامْ

================================
ألف مبروك الملاك الزغير إزابيل
تربى بدلالكن حسام ورنيم
ومبروك لرشا المنصب الجديد
منى و ماجد

Posted by: tony daboul 21

انشالله ألف مبروك للأخ وحسام الصديقة رنيم والحمد لله على سلامتك
ويربى بعزكم ودلالكم
تحياتي ومباركاتي الحارة

Posted by: silva

ألف ألف مبروك تتربى بعز وجاه والديها الحلوين وبحضن جديها وجدتيها ونتمنى لها حياة سعيدة ملؤها الفرح والابتسام وعقبال فرحت العزابية

Posted by: hosam abdulaziz

رشا بداية شكرا الك هالمبادرة بالمباركة و انشاء الله بنفرح فيكي و بتعمليها لرنيم خالة كمان
اما عن تهديداتك:
الله يطعمك تزعل هالزغنوطة, ترى بتشوف مني العجب, ايواااااااا
ما شفنا العجب من قبل ما نزعل الزغنوطة فكوني اكيدة ما عندي رغبة شوفوا مجددا لهيك رح غنجها و دللها و احميها بعيوني.
--------
مادونا
انت عمة و خالة و شبون كمان , فشكرا الك عمحبتك النا و عمحبتك للصغيرة اللي بقدرها كثير.
--------
وجدي:
شكرا كثير لمباركتك و ردك المهضوم
شو مفكر انا ما بتمنى طعميها حليب و غيرلها الحفوظة , و الا بدك ياني خليها تتعلق بامها اكثر مني ؟؟؟؟؟؟
بيقولوا مفتاح قلب الرجل معدته , اما مفتاح قلب الطفل ثمه و ........
-------
كنان
لازم تتشكرني كثير لأني عملتك عم لبنت لاول مرة
و هي اول انثى بتدخل عالعيلة فلازم يكون الها حصة كبيرة من الدلال
شكرا الك و انشاء الله بنفرح فيك و بنشوفك اب , و وقتها لنشوف مراجلك بجلب الصبيان .
------
سمر
الف شكر الك و شكرا عاتصالك كمان , انت دائما سباقة بالواجبات و ما بيفوتك شيء
بالنسبة للموقع في كثير جنود عميشاركوا بادارته لهيك مو معقول يوقف علمه على شخص
و مع هيك انا ما فيني اهمل اي عمل مشارك فيه و كل يوم عندي طلة سريعة للاطمئنان
بس هلق صرت فكر بتوسيع دائرة المساهمين بادارة الموقع فجهزي حالك .
------
حبيب العمر
عمي ابو هاني شكرا الك على المباركة و انشاء الله ما بتطول و نباركلك بمنصب جديد تحمله بحياتك .
-----
منذر
الله يبارك فيك عم و يخليلك جود بصحته الكاملة ليكون صديق مميز لزيزو
بس بدك تكثف برنامج التغذية عنده لأنه اذا بقيت هيك الحجومات عند ثنيناتهم فاعتبر انه ابنك عنده كل يوم قتلة.
-----
لميا
شكرا و عقبال فرحتك و تصيري ام و تعملي كومة ولاد
لأنه انا مني مفكر بشي كومة يعني انشاء الله يطعمنا اخ الها و بيكفي.
-------
نظام
شكرا كثير لمرورك و مباركتك الله يخليلك اولادك و انشاء الله الرب بيعطيك العمر لتفرح فيهم.
-------
الدكتورة مريم
شكرا كثير الك و هاليومين دوشناكي بزيزو و لسا الخير لقدام
اما عن شعور الأبوة فهو فعلا من اجمل الاحاسيس بالعالم و ما فينا نتخيله مسبقا و نقدر قوته الا لنعيشه و الله لا يحرم هالشعورلحدا
و انشاء الله هالبنت بتطلع عقولة و بتعطينا وقت لننتبه عالموقع و نظل عتواصل مع المحبين.
---------------
عيسى و فاديا
شكرا الكم و عقبالكم بصبي او بنت لتعيشوا هالاحساس الجميل
------------
عبودي
مبروك و عقبالك بعروس كبيرة
بدنا تصير تهتم بمطبخك باكلات تناسب الاطفال لأنه ربما نحتاجها قريبا.
---------
اياد
كمان انت بنقلك عقبال فرحتك و بصراحة ما معقول بعد تمرق سنة ثانية لهيك لازم هالصيف ما يمر مثل سوابقه.
شكرا الك.
--------
fm1976
الف شكر الك و شكرا من القلب لمرورك.
--------
العم سليمان
شكرا كثير لمباركتك و يمكن الواحد ما بيقدر قيمة البنت غير ليصير اب
و ان طلعت حلوة لأمها مثل ما قلت ما رح كون زعلان بكل تأكيد.
--------
ندى
شكرا الك و انشاء الله بنفرح فيكي و نشوفك ام و تعملي من اخواتك خوال و من اهلك جد و ست
لأنه ان ما فرحنا فيكي كل هالمنصب رح تلتغى (ما انسي انك وحيدة)
--------
استاذ زياد
شكرا الك دائما بتعرف كيف ترضي اي شخص بدك تباركله بمناسبة معينة
و طالما المشاركة الـ 1000 كثير بتعنيك و خصيتنا فيها , فهذا كمان فخر الي و الله يديمك النا بالمنتدى.
---------
ميريلا
منيح صار عنا صغيرة و شفناكي بيناتنا
انشاء الله بنفرح فيكي و بتعيشي جمال الاحساس اللي رنيم عايشته بعد ما صارت ام
--------
حكيم عيون
دكتور ماجد شكرا كثير هالكلام الحلو
انا حسيت انك عمتكتبلي هالشعر من احساسك و حبك لبنتك يارا , لهيك طلع مع كلام و لا اجمل
بس هي قصة هالبلل ما عجبتني كثير ,بس يالله يكون مي احسن من شيء ثاني.
---------
طوني
شكرا الك و عقبال فرحتك يا رب , و رنيم بتتشكرك و بتقلك عقبالك بعروس .
--------
سيلفا
شكرا الك و لمباركتك النا و للاهل و الله يديكم النا و يطول بعمركم يا رب.

Posted by: imad_dahi

الف مبررررررررررررروك رنيم وحسامو الطفلي الامورة وتربى بعزكم

ترى انا متلي متل كل العزابية صفيت واخدت دوري بس ما يكون لي سبقوني كتار

مبروك رشا الحفيدي

انا خال وعم لعشر حفداء

عقبال عندك خخخخخخخخخخخخخ

Posted by: فاروق القدومي

الـف الـف مبروك حسام على المولوده، تتربى بعزك ان شاء اللـه**

وعقبال الولـد رقم 4 عشـان نتعادل والا مانـك ناوي على هالرقم**

*قدومي*

Posted by: الملاك الثائر

الفو بريخي حسام ...........................زز..................... .......

موقع زيدل سوريا حمص .. خدمات تشات و دردشة ... أرشيف المنتدى